祥仔辣辣 (雅蘭中心) (已結業)

好抵食既川菜二人餐🌶️😉同鍾意食辣既朋友黎試下先😆其實我都鍾意食辣，只不過太辣太多油好容易肚痛☹️不過今餐完全冇問題呀😎川味口水雞食川菜口水雞一定唔少得！雞肉嫩滑，辣度可以更強喔🙈惹火山木耳涼涼地既木耳，本身就可以中和辣味。作為前菜好開胃🌶️噴火小籠包小籠包等得有d耐，因爲廚房夾埋一堆單先開始蒸。一出爐見到侍應拎住8-9籠出黎，以為即刻有得食啦，點知佢放低左係工作枱面就行開左…等左一陣先開始拎俾客人。好彩上枱時小籠包仲係熱的，唔係我實嬲😂一啖咬落辣味肉汁噴曬出黎😜又辣口味道又辣😂香芹水餃水餃比較普通，當中場休息，味道清淡少少招牌酸菜魚酸菜魚推介🤗魚塊份量頗多，而且魚塊食落又滑又無骨👍👍酸辣味道啱啱好，酸菜的味道入左湯，所以淨食酸菜都唔會太酸呀。乾扁四季豆除左黃金四季豆，我最鍾意就係乾扁呢個煮法😋食落味道濃d，連埋肉碎撈白飯好正黄金南瓜露二人套餐諗得幾周到，ending甜品解辣一流😜南瓜露偏向杰身，淡淡南瓜味。最底有粒類似糯米團的東西？😦少少硬冇乜味唔知咩黎😂希望餐廳增加人手☹️有d侍應好忙，但女侍應企係度唔做野☹️整體食物都唔錯，希望之後服務有改善😉

好耐冇出旺角，一向食得辣嘅朋友話一齊去食新開嘅麻辣餐廳，我當然奉陪到底啦！喺雅蘭商場2樓原來咁多餐廳，間間都要等位好彩朋友一早book 左枱！ 疫情期間，當然要探熱先入座，餐廳座位同枱與枱之間非常濶落，座位舒適，2個人坐4人枱太好了，令人有食得安心嘅感覺！我地想食招牌菜，咁啱朋友有恒生信用卡，可以食🔥辣到噴火精選套餐🔥，啱哂我地！🌱前菜： 惹火山木耳，川味口水雞 ： 兩款前菜都好辣！木耳帶酸辣，開胃菜首選！川味口水雞真係好辣下，醬汁香濃而且份量都多，雞肉啖啖肉，越辣越想食！🌶️招牌菜 ：水煮牛肉 ：紅卜卜嘅湯底浸滿薄切牛肉！賣相已經100分！手切牛肉嫩滑得黎有D 咬口，牛肉味香濃， 配埋芽菜真係好夾！點左中辣我地成碟清哂！ 🥬 特色菜品： 香芹水餃，乾扁四季豆 ： 水餃味道清新！乾扁四季豆炒得好香，味道啱啱好，份量都好多！🍮 甜品： 黃金南瓜露： 好少食南瓜嘅甜品，原來咁好味！整體都好滿意抵食指數👍👍👍👍👍 

同好姊妹好好好耐無見, 點都要聚一聚! 選定一個中間位置 “旺角”! 由香港星級主廚 Ricky 張錦祥打造的川菜餐廳 ~ 祥仔辣辣! 我哋唔係會員, 不過有恒生咭, 套餐優惠價 $288/2人餐, 唔駛煩唔駛諗! 前菜: 惹火山木耳 + 川味口水雞! 主菜 (招牌菜): 水煮牛肉 or 祥仔招牌酸菜魚! (我哋選牛肉) 特色菜品: 噴火小籠包 (我哋去到賣晒, 轉成水餃) + 乾煸四季豆 + 香芹豬肉水餃 (原本2粒, 因為無小籠包變成4粒) 甜品: 黃金南瓜露木耳 ~ 好辣, 酸酸哋, 好爽口開胃! 口水雞 ~ 份量不少, 麻香辣汁唔會嗆喉, 雞肉嫩滑! 水煮牛肉 ~ 牛肉嫩滑無筋, 無鬆肉粉, 份量超多! 有中辣及大辣可選擇, 為免成日扮食得辣嗰個又唔舒服, 我哋要中辣, 辣道剛剛好, 下次可試大辣! 碗底有大量芽菜及蓮藕, 爽脆解辣! 乾煸四季豆 ~ 好好食, 有蒜香味, 豆爽脆, 甜甜哋, 有鑊氣! 香芹豬肉水餃 ~ 由最辣食到完全唔辣…水餃皮煙靭而薄, 香芹味唔重, 好適合我!南瓜露 ~ 香滑有小小碎粒, 配上亞塔子, 清潤而不膩, 唔太甜, 更有濃濃的椰香味! 我哋再加一

見到介紹有四川菜就滿心歡喜同老公黎試下, 叫左個$288 二人餐, 坐低有俾壺水, 我重以為係壺茶都好丫, 唔係落單同上菜侍應都唔會過黎收碟, 雲耳ok, 份量細左少少要就住食, 口水雞唔入味又鞋口, 酸菜魚唔熱, 上得檯唔駛吹就擺得入口, 唔酸唔辣唔熱, 唔知佢係想就返港式口味定點好奇怪！餃子直頭冇個熱字可言 亦都唔㷫咀...我心諗:我唔係叫室溫餃喎! 之後個南瓜露似溝粉既糊水咁...我地坐有梳化位既檯, 店員上菜只會放係檯邊(即係我地伸手都夾唔到送既位置)就走左去, 唔問唔講唔理,好幾碟菜我都要自己起身,再自己移開d吉既碟換位, 客人似侍應多d囉 當日係唔滿坐得半滿都咁, 咁你個加一即係我要你壺滾水？完全唔見服務質素同服務態度可言

前晚去食二人餐 小菜算正常 不過不失 口水雞比較好食期待咗好耐個酸菜魚 祥仔自己又講到不可不食咁 賣相都不錯 ～～然後重點來了！！～～飲咗幾啖湯 dls清雞湯黎既？？？！再試咗幾嚿魚 。。。真係用盡生命力量試出酸菜味 但都係得普通清雞湯味 辣味都冇乜 。。。食到我好迷惘 所以建議大家為咗酸菜魚黎食的話 真的可以免了 完全不合格 魚又得幾嚿。。。

餐廳室內裝修以新、舊中國風設計，幾靚，冷氣足夠(對於專門食辣嘅餐廳係十分重要😂) 座位亦都舒適👍🏻店員推薦我地登記做The Food Story會員，因為登記完之後就可以用$288優惠價叫辣到噴火精選套餐，我地兩個人食份量啱啱好，整體味道都算唔錯。套裝包括:『前菜』1️⃣惹火山木耳味道比相像中辣，不過十分惹味，山木耳咬落清爽，好開胃。2️⃣川味口水雞對我黎講唔辣，麻味多少少會更好，不過雞肉肉質都嫩口，幾好食。.『招牌菜 』水煮牛肉、祥仔招牌酸菜魚 （二選一）我揀左酸菜魚，辣度可自選，我揀左小辣，食落唔算辣，食得辣既你可以揀中辣以上🤣魚肉肉質嫩滑而且去左骨，方便食用👍🏻其他配料例如酸菜、芽菜都唔錯。.『特色菜品』1️⃣噴火小籠包小籠包皮夠薄，饀都算多，記住趁熱食。2️⃣乾煸四季豆呢個我10分推薦，四季豆炒得好香口，整體調味鹹甜度適中😋3️⃣香芹豬肉水餃鍾意食芹菜嘅我覺得芹味可以濃啲。.『甜品』黃金南瓜露南瓜露質地滑身，味道微甜， 正好中和之前食物嘅辣味。入面有兩粒亞塔子，口感煙韌，幾特別。

天氣熱，諗住食d辣野刺激下食慾。網上見到呢間餐廳地段幾方便，又是新，所以去試下。由於假日關係，排左15分鐘。有個辣辣套餐揀，吾洗諗，幾方便，而且網上見酸菜魚張圖好吸引，店員話個套餐係中辣度，為免辣親，叫定左罐可樂。等左10分鐘，最早到是滿心期待既酸菜魚，不過一見到實物即刻無晒歡喜，同平時出面食果d好大分別。所謂中辣是幾粒辣椒甘大把，酸菜魚既精粹酸菜都係幾條仔。即是有d魚,有d d辣椒,有d d酸菜撈埋一碟既酸菜 /魚。湯底無乜味，辣味無乜，酸味無，魚吾多，就係面果d，成碟芽菜墊底最多。唯一ok是魚塊吾係腥，無乜骨食完碟魚好耐，都吾見有其他野食黎，忍不住追店員，追完無耐，套餐其他野一次過到晒，好明顯是溜左單。見識完酸菜魚後，小食比想中好-木耳，係真係有中辣程度，入味-口水雞，入味，不過就老左小小-水餃，正常，真係有芹菜味-四季豆，最出色，好入味。如果想食呢個優惠套餐，必需同時是會員，埋單用恒生卡。吾係會員需要即場申請，先享有優惠。

其實向來我都唔特別鍾意食辣，今日男朋友話試下新餐廳，食下平時少食嘅野，就帶左我去旺角雅蘭呢間祥仔辣辣~餐廳6點岀面已經排左一堆人， 大家都係呢想食辣野…餐廳入面環境都幾舒服，座位唔會太迫原來信用卡仲有精選套餐優惠，於是我地就索性要個套餐，唔使自己諗食乜惹火山木耳木耳好爽口，辣得嚟帶少少酸，幾開胃！辣味在口水揮之不去，加速口水分泌！川味口水雞口水雞感覺冇木耳咁辣，辣之外仍然食到雞嘅味道！主菜係祥仔招牌酸菜魚酸菜係自家醃製的， 上菜嘅時候已經聞到酸菜嘅香味， 食得岀有好多種唔同嘅層次嘅酸同辣味！ 而且個湯都好好飲，非常刺激味蕾，食得好過癮！魚肉肉質非常細嫩而且爽口彈牙， 酸香鮮美，令味覺享受加倍昇華！ 辣辣地酸酸地，令人食唔停口！乾煸四季豆四季豆炒得好香，而且啲肉粒都好香口，鹹鹹哋！呢度菜唔辣的，仍然炒得好有鑊氣好惹味！香芹豬肉水餃水餃上面灑咗啲辣汁，但係又唔算好辣…水餃皮好薄，味道不錯原本仲有噴火小籠包但係唔記得影相， 噴火小籠包真係有令人食到噴火嘅感覺！應該係咁多款餸入面最辣嘅一款！ 而且嗰種辣會令到你條脷麻痺，辣味揮之不去， 我最後飲咗兩杯酸梅湯先搞得掂但係係幾有趣的， 夾嘅時候要小

朋友和我都是嗜辣之人 相約在旺角飯聚雅蘭有間最近很紅的川菜 正好可以試試餐牌選擇多 但以二人餐最受歡迎最豐富每人百五蚊 連前菜和甜品竟然有七道菜差點不相信是鬧市商場的價錢 相當抵玩-▫辣到噴火精選套餐▫$288-▗惹火山木耳▘木耳香辣爽口很開胃 何止惹火直頭噴火-▗川味口水雞▘雞肉結實惹味不太辣 前菜來說份量頗多-▗祥仔招牌酸菜魚▘吃起來很特別 跟平常的酸菜魚略有不同愛煮幾味的朋友吃得出來加了Rosemary有種奇異香氣 鱸魚片份量不算多但嫩滑墊底配菜頗多萵筍芽菜吸滿湯 味道不錯-▗噴火小籠包▘是我較為欣賞的一道菜 皮薄會爆出辣汁-▗乾煸四季豆▘蔥蒜肉碎辣椒用油爆過 香口惹味份量多 -▗香芹豬肉水餃▘相對普通的一款 就是一般水餃印象不深-▗黃金南瓜露▘甜甜的滋潤的味道 有種漱口解辣的感覺-▗檸檬薏米▘ $58/ Jar很辣所以另叫了飲品 足料看到有好多渣-整體來說 這份量價錢在旺角稱得上抵食

2020年6月27日 星期六呢排見疫症稍有緩和既跡象，大眾市民都似乎安心左出街食飯，我同女朋友都終於可以喺週末出旺角搵野食，試下新餐廳今晚去既餐廳應該係新開無幾耐，不過門口已經好多人排隊，好彩我地預先book左枱，如果唔係相信有排等入到去發現裝修得好有中式風格，以紅色為主調，同呢間餐廳既主題不謀而合餐牌上面主要當然係麻辣既菜式，每一款睇落都好似好吸引咁，由於實在係唔知點揀好，最後決定要個精選套餐，貪佢乜都有等咗一陣就有前菜到，首先係川味口水雞，就咁睇落去全部都係紅色，諗住一定係好辣，點知食落去麻味比較重，喺口腔裏面揮之不去，夠晒過癮之後有惹火山木耳，反而呢一個冇咁辣，咬落木耳到脆脆地，幾有口感跟住有主菜招牌酸菜魚，份量好大，而裏面魚肉嘅份量都唔少，至少都有10片以上，魚肉食落去唔腥之餘，仲好嫩滑，同酸菜嘅味道好配合。另外不得不提呢道菜裏面嘅芽菜，因為佢吸收晒湯底嘅精華，食上嚟會辣得好起勁呢個係乾煸四季豆，相比起其他菜式之下會冇咁辣，可以中和返味蕾。四季豆喺其他配料一齊炒之下，感覺更加惹味然後有噴火小籠包，顧名思義呢個小籠包裏面既餡料應該有辣既元素，果然一咬落去見到餡料係紅色嘅，食完之後

最近由香港名廚Ricky係旺角開左間川菜餐廳，由法國菜打響名堂嘅佢轉去玩中菜，聽落都幾夠噱頭😎 就係前日🍔就係openrice比埋錢預訂左個二人餐。餐廳環境舒適，佈置都好有中國風。食物質素整體高於預期，但用餐體驗就係成餐飯嘅敗筆位🤦🏽‍♀️-1.餐牌價錢設計可以再係改良Openrice嘅二人餐需要預先比錢($198/1位) *最近睇返已經取消左* 餸菜款式同當日餐廳嘅二人menu($288/2位)係一樣。貴左嘅$108就係多左兩舊小籠包同兩件水餃🤣 咁計返仲貴過單點價。有種比人呃左嘅感覺*2.上枱餸菜已放涼由於大部分人都係叫set，所以待應係等埋同一款式一次過上。係我哋點嘅菜入面，炒四季豆雖然夠鑊氣，但只係微熱，都幾影響成個味道😥 酸菜魚都算夠熱嘅，但睇到面層已經有層薄薄嘅油膜。*3.經常有催單嘅情況前後枱都要催單😂 我個枱嘅糖水就等左10分鐘，要問個待應佢先係廚房攞返比我哋*4.服務態度有待改善食到咁上下有一樽薏米水係後面遞上嚟。🍔以為係跟餐又或者新開張送，見到隔離幾枱都有，就不為意飲左。點知埋單個陣見到薏米水要收錢，但根本就冇order過🤷🏽‍♀️問返個待應佢第一句就話”你有冇飲到先？

呢排成日去旺角見到雅蘭呢度成層都好多人排隊而呢間祥仔辣辣都幾旺ig都多人打卡就一卡試下佢新開張個優惠好平$288/2位 有個套餐我揀左以下前菜2碟木耳好辣 好開胃但口水雞完全對下去 變左無味酸菜魚叫左小辣 見到有辣椒 但一樣唔酸唔辣懷疑佢想就香港人口味但想食酸菜魚嘅人擺明就係鍾意食好酸同好辣要讚既係落魚肉好滑 少少骨小菜3碟乾煸四季豆好快凍當晚噴火小籠包賣哂轉左黎2份水餃等餃子等左好好好耐 黎左4粒糖水南瓜露都賣哂轉左紅豆沙哈哈哈 好似食極八寶粥 笑左嗯...總括來說都幾失望過咗9點就無人食 早知唔排隊

最近去左呢間好hit嘅祥仔辣辣🌶🌶食川菜，真係好多人，好多人排隊，排到食完都仲有人排緊👨‍👩‍👦‍👦👨‍👩‍👧‍👦.佢地而家有個二人set做緊promote，只要登記做member，就用$288已經食到二人set，好抵食🤑，二人set有....惹火山木耳🌋 - 呢個酸酸辣辣，幾開胃.川味口水雞🐔 - 呢個口水雞唔係太辣，食唔到太辣嘅朋友都handle到.祥仔招牌酸菜魚 🐟- 酸菜魚可以揀唔同嘅辣度，我哋就揀咗小辣，魚嘅肉質夠滑冇泥味，酸菜魚湯唔太油，可以飲，如果有多啲酸菜會更開心.噴火小籠包🔥 - 叫得噴火小籠包，係因為佢入邊嘅湯汁係辣嘅，幾特別.乾煸四季豆 - 咁多樣嘢最好食係呢個，夠晒鑊氣，肉碎都好香口😋.香芹豬肉水餃 🥟- 呢隻水餃冇太多嘅調味，淨係配以蒜蓉，都唔錯.黃金南瓜露 🎃- 驚喜之作，南瓜露又甜又滑，仲有好有咬口嘅海底椰

旺角新開了一間由香港星級主廚張錦祥全力打造的川菜餐廳，今晚就和朋友一起來到祥仔辣辣，試試辣到噴火精選套餐😻原價$388，現有會員及恒生卡尊享價$288就吃得到👍🏻★★★惹火山木耳酸辣涼拌汁木耳十分好咬口，爽脆開胃★★★★川味口水雞麻辣香油口水汁配上嫩滑的雞肉，份量也不少★★★祥仔招牌酸菜魚大大片的無骨深海鱸魚片，嫩滑又鮮甜，伴著酸菜更加芳香惹味。 用上豬骨和雞骨去熬製的魚湯，微微酸辣更突出鮮味不會油膩還有吸滿湯汁的蓮藕片及萵筍片★★★★噴火小籠包小籠包有驚喜，薄薄一層皮鎖住了鹹鹹香香的肉汁，一咬下竟真有辣勁😻★★★★乾煸四季豆四季豆蒜香十足有鑊氣，比起主菜反而更出色加上惹味香辣的肉碎，更添豐富層次★★★香芹豬肉水餃原味不辣的香芹豬肉水餃味道尚可，中規中矩★★★黃金南瓜露南瓜露幼滑無渣，還有亞塔子作配料，淡淡椰香味，甜度適中，飯後吃不會太膩又解辣祥仔辣辣整體評分★★★★地理環境★★★★地方就腳，環境舒適座位寬敞，帶有中國風的擺設服務★★★招呼快，態度友善食物★★★★味道比較迎合香港人口味，不算太辣容易入口價位＄＄＄

食到一肚氣既一晚 完全唔明點解點解仲有人覺得好食好辣 成晚得個等字 做咁多宣傳 搞好啲餐廳管理同食物質素先啦首先 一開始係上網見到呢間野做宣傳話好辣好正宗 所以有興趣試下 今日7點半就同女朋友去到門口見到有三個人等位 諗住好快點知等左等左45分鐘都無得入 見到不斷好多人走入面有四分一空枱都唔俾人入 足足等左一個鐘先入到 入到去諗住好快有得食啦 散叫左幾樣野 有酸菜魚 口水雞、水晶薯粉、小籠包同酸辣湯 酸辣湯好快黎左之後等左成半個鐘無上過任何一道菜 之後叫職員跟單又話黎緊 再等左一段時間都未上 佢終於肯幫我地check單 仲要黑面叫我地自己對下 點知發現落錯晒單 搞左個幾鐘啲野先上得晒 啲野食黎晒 其實我啲野食全部叫晒大辣 酸菜魚一啲辣味都無 二百幾蚊得個9塊魚 噴火小籠包完全係普通小籠包味 口水雞88蚊碟 但切到好似雞絲咁幼 樣樣都份量極小 得個碟大 成餐食完食左500蚊完全唔飽 最後埋單 明明已經得番幾枱客 都要等足半個鐘先走到 啲職員好似對餐廳唔了解 問佢既野又答唔到 又黑面一個前所未有咁差既晚餐 永不再幫襯