石鍋堂

营业中

休息中

貼錢都吾會食既店鋪由細到大第一次寫食評吾係因為食物質素去寫係因為店鋪手法太低劣咁事發起因 咁我地一家三口兩大一小 知佢都多人食 今次都算早去排隊晚飯時間6:30就去到啦 去到無位我地排第一張枱我地係門口排隊無走開過 咁就同小朋友諗好曬食咩啦去到差吾多7:10分 佢先出黎同我地講 因為繁忙時間 小朋友都要計餐 一個3歲多既小朋友都要計餐 吾係問題你想賺多啲錢吾係問題 點解我等左成半個鐘以上就入座既時候你先同我講呢不如你等我入埋去先講吾好 我無走開過 我排隊果陣小朋友在場 點解吾講呢點解要令個小朋友抱住滿心歡喜去食既時候先話小朋友都要點餐 一個小朋友可以食幾多如果你先小人後君子都無咁嬲 依家係大石壓死蟹 咁既服務 咁既做生意手法 吾會有人接受到點解吾一早講定 要人等咁耐先講呢人地係良心店鋪 你依間擺明係要賺錢賺到盡如果一開始你講到明 一人一個餐 我地同小朋友都吾會白排大半個小時由開心滿心歡喜變成失落 亦都吾會咁憤怒😡要我地等到有枱先去通知我地小朋友都要點餐若然小朋友都要一份餐既時間 該店鋪係咪應該準備一份兒童餐有無諗過食吾曬吾係錢問題 係浪費既問題黑心店鋪

我好鐘意食石鍋野🥘每次見到menu上有石鍋呢個字，都會吸引到我之前上網見到有間餐廳個名係石鍋我又點可以錯過呢今次我食石鍋烏冬 安格斯牛肉(魚介豚骨濃湯)🍲: 一上檯，啲湯仲係滾動著，熱辣辣加上好欣賞呢個湯底，雖然係濃湯，但一啲都唔會太咸，味道岩岩好，豚骨味好香，食完後一啲口渴既感覺都無讚安格斯牛肉肉質好soft，牛味都好出厚切豚肉(黑蒜油豚骨濃湯): 唔會一pat油浮係面，所以唔會有膩既感覺，每次食親黑蒜湯底，都總是好油膩，但呢個完全無豚肉肥瘦適中，適當既肥脂🐽令肉質更soft烏冬方面是手打的，QQ的口感⭐️食完唔會好滯因為之前食過有啲可能用得太多糯米粉整，食完會好滯炒雜菜百香果綠茶其實石鍋飯我都好想食呀下次再黎食過

今日是小弟生日，之前已和另一半說好不用花太多精神在我的生日上, 以免她的腦子百上加斤, 結果她還是要和我慶祝生日，還送了一份大禮物給我餐廳名字叫石鎬堂, 我們來到已有很多人等候，餐廳不設訂位，結果等了三十分鍾在餐廳門外我已選好安格斯牛肉石燒手打烏冬, 我是第一次吃石鍋烏冬, 但我真的很喜歡！很可能愛上了牛肉烏冬已是非常美味，豚肉湯雖然比較清, 但加入少許七味粉調味, 令這個石鍋烏冬變得更完美。另一半點的是鮮蜆肉石燒手打烏冬, 她當然要求吃地獄湯底的，今晚她做東不過，蜆肉真心給個讚, 非常鮮甜!我們還點了小吃, 黑松露帆立貝和蜜蜜芥末籽牛串。牛串我覺得還可以，味道比較扁咸。相反, 帆立貝值得推介, 帆立貝很大很肥滿, 我和另一半都吃得很滋味最後，吃完所有東西才上枱的是牛油炒野菌。這個小吃我專為另一半點的，因為她很愛吃菇類。野菌很香口, 還吃得出很香牛油和黑椒味道最後最後，還有甜品呢！！今個生日我覺得很幸福，下年不用破費買禮物給我了, 有妳在身邊已經足夠，520

可能因為晚晚都有人排隊嘅關係，啊姐對客人嘅態度都總有d氣燄同唔客氣食物方面就唔錯，野食質素符合呢個價錢，但未必會排45分鐘去食。去食過兩次但未必會有第三次，因為呀姐態度已經比我唔少負面印象。

呢排天氣凍，加上我本身好鐘意食烏冬，所以見到網上有人推薦呢間石窩烏冬，就立刻心心眼，即刻去試。星期六晚大約6.30點去到，已經有人等緊位，最後等左30分鐘有位，佢鋪位本身好細，D位亦都有點窄，坐得唔算太舒服。但值得一讚係侍應都好有禮貌！我點左安格斯牛肉石燒手打烏冬，再加一隻低溫慢煮流心蛋一上檯真係好熱，就好似鐵板燒咁，gee gee聲，天氣凍冰冰時真係好正！有個好笑位係，我開始左食然後侍應哥哥端黎流心蛋，然後話不如直接倒落個石窩，所以我無影相XD可惜唔知係咪我等太耐先食，個烏冬太稔無咩口感，而個牛肉都只係普普通通....食完後我感到有點口渴，唔sure 關唔關佢事，但總括黎講個人天氣凍食石窩烏冬係好正既

#石鍋堂 #手打烏冬🤤呢間鋪雖然細，但識善用空間，椅子下面會有個籃俾客人放袋，令人坐得舒服👍👍菜單選擇好多，手打烏冬湯底都有五款選擇咁多，好吸引！😍。#鮮活蜆石燒手打烏冬 （#魚介豚骨濃湯）💰78（小心燙口！）石鍋烏冬一上枱仲滾緊😳非常熱。眼見好多櫻花蝦乾同蜆🧡，蜆份量非常多！隻隻都好鮮甜，沒有沙👍👍👍烏冬比較淋身，但都好好食，湯底好香濃！。#安格斯牛肉石燒手打烏冬 （#黑松露香菇湯）💰78🍄🍄控必叫！好濃味既湯，牛肉份量多，如果淋身啲會更好食👍。#炸芝士年糕 💰22 /2件非常香脆！年糕炸到內脆內軟，芝士味夠突出👍。#焦糖朱古力 💰15 （凍）朱古力甜度適中，但焦糖味不太出。。食完店員仲送左兩舊晶瑩剔透既紅豆糕比我地食😍😋後記：好欣賞店員服務好好👍👍👍👍👍📍旺角通菜街2A-2P號鴻光大廈地下D號舖📍前往方法：旺角MTR Exit E2 出口直行過馬路再直行直至見到「龍豐mall」➡️再直行直至見到中國銀行➡️繼續向前行直至見到譚仔入口➡️再行多約三十步就到🙆🏻‍♀️📣大家記得早啲黎就唔洗排咁耐隊！（7:15門口已經有好多人等緊）

之前聽朋友介紹話呢間石鍋堂好食，於是一早book了位，七點去到已經好多人排緊隊，如果想食最好book定，否則有排等。點了鮮活蜆石燒手打烏冬配上地獄辛辣湯，辛辣湯即是泡菜湯，辣味剛剛好。烏冬送到上來仲好熱辣辣，個湯仲係滾，蜆也十分鮮甜，冬天吃這個十分溫暖呀。朋友就點了照燒雞扒石燒手打烏冬配地獄辛辣湯，雞扒燒得好香，好入味👍另外也點了日式炒雜菜，炒得好有鑊氣，菜也新鮮。價錢也好抵食，大約一百元一個。

名稱：抵食之選石鍋堂最近同班朋友去咗旺角發現有好嘢食，地方都算容易搵，叫做＂石鍋堂＂！裡面環境雖然不大，但人流非常多，未到七點，門囗已經企滿人客，所以黎之前最好先訂位！食物方面，呢碟係炸雞翼，一碟有四隻，配上沙律菜，入口非常新鮮爽脆，而且雞異的味道仲好特別添！另外，呢碟係特式豬手，味道一啲都唔油膩，而且肉質非常細軟，唔煙韌！份量都好大碟，可以幾個人一齊分享！呢碟係軟殼蟹，價錢唔貴，都好受食客歡迎架，大大隻，可以連殼一齊食用。仲有照燒雞扒湯烏冬，雞肉嫩滑，烏冬爽口彈牙，份量豐富，非常美味！

最近同班朋友去咗旺角發現有好嘢食，地方都算容易搵，叫做＂石鍋堂＂！裡面環境雖然不大，但人流非常多，未到七點，門囗已經企滿人客，所以黎之前最好先訂位！食物方面，呢碟係炸雞翼，一碟有四隻，配上沙律菜，入口非常新鮮爽脆，而且雞異的味道仲好特別添！另外，呢碟係特式豬手，味道一啲都唔油膩，而且肉質非常細軟，唔煙韌！份量都好大碟，可以幾個人一齊分享！呢碟係軟殼蟹，價錢唔貴，都好受食客歡迎架，大大隻，可以連殼一齊食用。仲有照燒雞扒湯烏冬，雞肉嫩滑，烏冬爽口彈牙，份量豐富，非常美味！

入座30分鐘以上野就冇得食後面個枱遲過我4個人都有得食我2個人都未食得咁算咩態度？催佢仲要話下張單啲野幾好食都冇x用等待野食既時間每枱都吾一樣咁樣真心覺得吾掂囉

平安夜唔想同人逼食聖誕大餐，唯有旺角搵食，見fb介紹，一於去試下。等幾分鐘就有位，一坐低發覺之前黎過但應該未有石窩系列。我點咗海鮮烏冬配黑松露湯底，友人叫300度鰻魚石燒茶漬飯，炒效菜首先炒雜菜好新鮮，味道好日式燒汁味，但份量好少得幾啖，兩個人好快食晒。海鮮烏冬不得不讚黑松露湯底，超正而且好濃黑松露味，同烏冬好夾。友人茶漬飯又係好正，但鰻魚塊魚皮太厚太肥但魚肉太薄，魚皮好似啫喱咁煙韌其實燒得幾好汁都好食，但塊魚皮好令人失望茶漬就好似泡飯咁自己落湯配飯食，友人第一次食感覺好特別。整體來說都幾好，出餐都算快，如果當晚再凍d食咁熱石鍋烏冬仲正。當晚平安夜原來要收加二俾錢嗰下有d驚訝，可能事前無同我哋講，門口，餐牌又無寫。

旺角通菜街呢間石鍋烏冬真係做得唔錯！用靚嘅手打烏冬，價錢又唔貴👍🏻配原條蒲燒鰻魚都係$88！烏冬煙韌彈牙，用石鍋燒住，我食得咁慢到尾都仲keep到暖笠笠，重點烏冬口感依然咁煙韌，完全無變到淋pat pat，索晒啲湯底仲正😍我今次揀呢個係黑松露香菇湯底，感覺比較特別！好濃嘅菇菌味🍄仲有一大匙黑松露🤩其他湯底都好似唔錯，下次先試吓魚介豚骨湯😋配菜方面都有好多選擇！醬油豬手同蒲燒鰻魚都係$88！隻豬手估唔到原隻上咁大隻😳肉質好軟淋，輕輕一切就肉骨分離🤓都好多軟滑嘅筋位！但我就覺得醃很咸咗啲，連肉都係好重醬汁味，媽媽就覺得唔會，難道佢重口味啲🤭無理由啊🤪話說佢嗰晚係病咗😿蒲燒鰻魚就燒得比較乾身而且唔夠肥美，無軟滑嘅口感😗點多咗個炒雜菜，炒得好惹味又唔會過鹹！整體感覺佢哋嘅烏冬唔差過日本餐廳嘅質素，呢個價錢可以食到高質烏冬，仲係石鍋版冬天食啱晒💕不過下次我就會揀其他配菜，睇落雞扒同牛肉都好唔錯咁😆

落街食個飯，本身冇乜期待，見呢間價錢合理就入左去。嘩唔喺講笑，好高質！拍得住muji cafe!以為食落都喺啲40幾蚊大家樂飯！但我必須承認錯誤，呢間喺良心小店！ 從來都喺無飯家庭既我，呢度將成為我新飯堂😘我叫左三文魚飯48蚊， 朋友叫左照燒雞扒飯46蚊，加送熱野飲，凍既加3蚊！我叫左紅枣桂圖茶，真材實料！而唔喺糖漿，好感動 呢個價錢！ 夫復何求！三文魚醃過再煎！照燒雞好大舊！ 我食完飽到夜晚都唔使食飯！皆因佢個飯喺用珍珠米整！好好食

本人不時會支持小店，一來價錢比較平民化，二來食物通常來得比較有誠意這間店主打石鍋烏冬，石鍋飯平日常見，但烏冬感覺頗特別，加上最近天氣再降溫，經常想食暖笠笠的野食，於是便立馬拉烏冬迷友人M前來一試甫踏入店黑松露香味已撲鼻而來，雖然店面小小但頗有特色店家有花心思於擺設上，有高掛的日式紙燈籠和可愛特色牆紙，凳下還會有可放手袋的籃子，很貼心石鍋堂海鮮石燒手打烏冬（黑松露香菇湯）$85追加低溫慢煮流心蛋　$10石鍋烏冬上枱時仍在沸騰，令本人的食慾也開始沸騰湯底有很濃郁的菇味，原來是用了不同種類的日本菇菌乾熬製12小時而成，難怪湯底如此深啡色海鮮也是足料，有帶子、大蝦、蜆和蟹柳，再與面的黑松露混和，湯底可謂又香又鮮甜手打烏冬口感煙韌，份量不少，本人最後是食不完，感覺男生食完也會飽追加的低溫慢煮流心蛋也是很高質，半熟流心蛋黃和烏冬一起吃完全是味覺享受安格斯牛肉石燒手打烏冬（黑松露香菇湯）$78湯底味道是一樣的，本人是不食牛肉的，沒有試食但據友人說，三成熟的牛肉片放在沸騰的湯裡，等一陣就變剛好全熟厚薄度適中，口感亦很嫩滑，不錯岩鹽燒牛舌　$48/2PCS據友人說，牛舌是厚切，口感外軟外煙韌如果平日口味

Ishinabe Cafe is newly opened on Tung Choi Street, specializing in handcraft udon served with homemade soup base in a hot bowl. We were lucky to beat the crowd at around 6pm. Once we were settled, we saw the restaurant filled up quickly and a queue appeared outside the restaurant.We were determined to get udon instead of rice. However, we took quite some time to decide what toppings and soup base to get, as all the pork chop, chicken fillet, beef and eel on the menu look so good! The variety of