石鍋堂

营业中

休息中

通菜街兩旁有唔少食肆小店, 行個圈一定會發現唔少心水美食。經過見到一間新開小店, 主打石鍋系列既烏冬同埋飯, 咁岩經過又正正晚飯時段, 就同朋友入去食餐dinner~餐廳內面積不大, 座位亦唔算寬落, 椅下有一個籃可以放袋, 食野既空間還可以啦...不同食材配搭, 可自選湯底, 價錢亦有些少不同, 另外亦可以加錢追加小食每款石鍋都經100%高溫燒熱, 上檯時熱得滾下滾下, 香噴噴~【安格斯牛肉石燒手打烏冬】配和風咖哩濃湯 HK$76陣陣咖哩香散發著, 初初呷幾啖湯底會有點微辣, 幾惹味。牛肉本身未熟, 以湯底熱力滾熟牛肉, 牛肉唔會過熟, 肉質鮮嫩而不帶根, 夠林烏冬中心為帶少少煙韌, 另外再加$8配栗米粒,令口感層次更豐富。【吉列豬扒石燒手打烏冬】配魚介豚骨濃湯 HK$64吉列豬扒分開另上, 唔算大塊, 表面很脆而不油膩, 但冇咩肉汁, 有d鞋口...反而湯底最為驚喜, 魚介豚骨湯味道鮮甜, 唔會有腥味, 好飲得成個湯底都飲清!配上櫻花蝦, 更為香口~ 額外加配了赤板魚蛋口感近乎魚片, 甜甜地...野飲要額外散叫, 價錢合理, 冷熱同價水蜜桃綠茶 HK$13水蜜桃味很淡, 飲到一半,

當遇上不懂煮食的老婆，自然令我更有原動力四出搜羅不同食肆，今日又比我發現一間新開小店喇！下雨天，天氣又開始轉涼，看到這門面幾吸引，而且石鍋熱騰騰準不會出錯的。內裡裝修日本風，牆身圖案好像是自己繪畫，我很喜歡這類型，雖然地方不大，但坐位舒適，店員很親和。看到餐牌豬牛海鮮樣樣齊，連湯底都有不同選擇，味道都很特別。今晚我點了一個海鮮烏冬，海鮮非常新鮮，材料豐富，蝦、帶子、蠔同樣很鮮甜；愛好辣味的我當然要山地獄辛辣湯底啦，韓式泡菜味道有驚喜，原打算是辛辣味粉已不錯，現在加分不少，太好味，下次一定再會來光顧的。另外，老婆點了石鍋厚切豚肉烏冬，豚肉烤得很香，入口有種BBQ感覺，手打烏冬吸了魚介豚骨濃湯，同樣滋味，不會太鹹，沒有口喝的感覺，整體來說很不錯。

天氣漸涼，下班之後想食點暖和的食物，走著走著便看到石鍋烏冬，石鍋飯食得多，烏冬都是第一次！石鍋烏冬選擇很多，更可配對不同湯底，今日點了照燒雞扒 及海鮮烏冬，約十分鐘左右，石鍋熱騰騰送上，湯底還在沸騰中呢！海鮮烏冬有蝦 蠔 蜆 元貝等材料，鮮味溶入湯中，海鮮保持爽口，新鮮的！照燒雞扒淋上了照燒汁，味道甜甜的，湯底較清甜，嚐到了魚介湯的原味當然飲品種類都不次 今次叫左咸檸七 爽爽的注意！石鍋烏冬只供堂食 大家一定要黎試試仲有芝士豬扒 拉絲的呀食完仲有甜品和菓子得知家庭式經營的小店，感覺更添溫暖！

因為一些人和事，從前經常來旺角，女人街除了有很多特色檔頭，成為世界各地旅客必訪的購物熱點，其實整條女人街有不少美食餐廳，質素和價格非常好，性價比極高。就像這家以石鍋烏冬為主打的餐廳，就屬於其中之一。裝潢設計走日本格調，以木椅木檯為主，簡潔舒服。吉列蠔3件$32，香脆蠔味香濃，熱騰騰入口，味道滿分。牛油炒野菌$38，香口撲鼻，三款不同的野菌既香口又健康。石鍋堂照燒雞扒$32，很震撼，色香味具備，分量大得驚人，超讚！芝麻鋪滿香脆的雞扒上，增強了美味程度。重頭戲是這個招牌主食，安格斯牛肉石鍋手打烏冬$78，超級火熱石鍋完個奉上，食物溫度長久保持火熱，高質素牛肉份量十足，牛肉入口香濃。手打烏冬絕對出色，可口彈牙，真的是高水準表現。另外不忘點飲品解渴，沒想過可以這樣平，凍水蜜桃綠茶$13，熱柚子蜜$9，超感動！最後還窩心到送上餐後點品-和菓子，心也甜了。小小的店鋪，坐滿了食客，席上還有不少來自世界各地的旅客，很不錯的晚餐！

在女人街搵食之際，行過這間新開的石鍋堂，幾吸引，便入去試試。雖然地方細細，裝修簡單，繁忙時間有需要跟人撘枱，但餐廳的服務態度很有禮，這點很重要啊! 雖然地方少，但他們的餐牌都提供很多選擇。石鍋堂古名思義主打石鍋系列，有石鍋手打烏冬及 石鍋飯，單是石鍋手打烏冬款式都有8 款，更有5款不同湯底可選擇。而石鍋飯則有5款。除了石鍋系列，更有蛋包飯及一些料理小食。今晚當然要試一下他們的主打，我選了鮮活硯石燒手打烏冬配魚介豚骨濃湯，牆上有介紹這個湯底是用了鏗魚乾，小魚乾，柴魚乾，昆布及乾魚粉煲成，所以飲落有一陣好香的鏗魚味。石鍋有300度高溫，上枱時仲滾緊，滾得活硯都張開晒口，活硯鮮甜而又大大隻，手打烏冬幼身順滑彈牙，滾得耐都未有出現過淋的情況。而老公則點了一個吉列豬扒蛋包飯配咖哩汁，上枱很夠份量，很吸睛，蛋很滑，不會太老，包著不只是白飯，是用汁已調製過的米飯，再配上咖哩汁，更加惹味。吉列豬扒亦炸得香脆。今晚2 個人食得飽飽都不用200蚊，抵呀!走的時候，門口已有人排隊等候，所以早食早享受吧!

今晚自己一個去旺角行街，都要食飽先行到既，行入女人街睇下有咩好野食，行行下見到有間食鍋物的新小店，於是就入去試下！餐廳座位不多，牆上畫滿得意的壁畫！老闆娘超熱情，向我介紹了店內較特色的食物。由於只有一個人，所以就點了一個烏冬、一款串燒及一杯飲品！揀好食物後，只要於點餐紙上點餐然後給予店員便可以了！蜜蜜芥末籽牛，這款牛肉串燒上有芥末籽醬，牛肉燒得外脆內軟，再加上芥末籽醬，味道更突出！石鍋堂海鮮石燒手打烏冬，這裡的烏冬湯底可自由選擇，共有五款可揀，而我就選擇了黑松露香菇湯底。上菜時熱辣辣，超滾燙的，必須要放一陣先可以食到！海鮮包括了花甲、蠔、鮮蝦、帶子、蟹柳，非常足料！花甲同蝦都好新鮮，蠔同帶子亦好厚肉。湯底香菇味非常濃郁，還有淡淡的黑松露味，非常好飲。到最後我係飲哂個湯的！烏冬好彈牙而且好吸味，能夠吸哂湯的精華！凍柚子蜜，不會太甜，唔錯！總括黎講，餐廳服務非常的好，老闆娘會主動介紹菜式及會詢問客人食物味道如何，聽老闆娘說他們是屋企開的，一定要多啲幫襯一下小店！

因為前日睇左嵐にしやがれ介紹烏冬後老公就好想食烏冬見到openrice有呢間新食店就黎試下去到門口已經聞到好香既黑松露味店員服務態度好友善我地叫左一個海鮮黑松露烏冬同黑蒜牛肉烏冬老公一飲個黑蒜湯已經讚口不絕！最後仲飲曬湯而我既黑松露湯都好濃厚！好正我地未試過食一間咁好食既烏冬而且店員仲問我地好唔好食當然好食啦！仲有紅豆甜品送...可惜我唔食但老公話個甜品都好好味而飲品係飲柚子同紅棗桂圓茶紅棗桂圓茶好飲！甜度剛好價錢中等...一定會再黎！太有驚喜！

今日同朋友去女人街覓食，已經有兩年無幫襯過呢頭既餐廳，以前食過既大部分都執晒，禁岩經過見到呢間新開既石鍋烏冬，未到7點已經有幾個人係出面排隊，好似好有料，所以決定等位入去食，最後等左十五分鐘左右就有位。.首先嗌左個燒鰻魚石鍋烏冬，湯底係自選的，我地揀左黑松露香菌湯，第一次見呢個湯底，好特別。烏冬黎到既時候仲滾緊，一開始會擔心d烏冬會滾到好林，但係由一開始食到尾，烏冬一樣禁彈牙👍🏻而湯底真係好真材實料，有菇碎係入面，菇味好出，撈埋黑松露之後，好香好好味，而且佢黑松露都比得好大方，有一大匙😍！鰻魚雖然唔算好厚，但夠林，唔韌，味道幾好，同出面百幾蚊既質素差唔多，所以好抵食👍🏻👍🏻食完個烏冬未係幾飽，老闆娘就推薦呢個醬油豬手。黎到既時候嚇親，勁大份，原本覺得$88有d貴，但係見到佢份量就覺得價錢完全合理。呢個豬手做得好出色，好入味之餘肉質好林，食落又唔乾，又唔孩，底底既醬汁甜甜地，黎到一定要試👍🏻👍🏻👍🏻估唔到烏冬店會有串燒食🤤。牛舌好爽，一啲都唔韌，燒得剛好，仲好有肉汁，一定要試👍🏻價錢只係$48/2串，好親民呢個餃子，我比佢個名吸引左，食落又OK喎，柴魚絲同沙津醬份量比得好足，餃子有肉汁但