石鍋堂

营业中

休息中

前日又食飯，昨日又食飯，今日我決定去食麵或者烏冬。我和朋友走到去通菜街一間叫做石鍋堂的餐廳食晚餐。門面裝修都幾靚，一入到去見到牆壁都繪畫了花紋特色圖案。打開餐紙見到主打都是石鍋手打烏冬，石頭鍋飯。反轉餐紙，原來後面還有一些其他的菜式。我見到有創意蛋包飯，鐵人料理，三百度熱石魚介昆布綠茶漬飯等等。最後我都是揀選了石鍋手打烏冬。我叫了一個照燒雞扒石鍋手打烏冬，用黑蒜油豚骨湯，$66。見到餐牌寫着「選用特製石鍋呈上，可達攝氏300度，讓湯底保持熱度」，看下去覺得應該會好熱。當職員將石鍋手打烏冬送到我枱面時，石鍋裏面的湯不停沸騰，超級多的氣泡在滾動，好吸睛。豚肉味的湯底。配合有蒜頭片。蒜頭片有蒜頭味，但食下去沒有食生蒜頭的辣味，所以又幾好味。配菜還有一些紅蘿蔔和粟米粒等。重點想講照燒雞扒，本來以為雞扒上面的醬汁是燒汁，怎知吃下去味道覺得有點兒像瑞士汁。鹹鹹甜甜。有點兒像瑞士雞翼，但今次這個是瑞士雞扒。上面還有一些芝麻。整體感覺幾香口。而且雞扒份量都幾厚，肉質都幾嫩，啖啖肉。平時普通食雞扒烏冬通常雞扒都是分碟上的，今次這間餐廳同樣是分碟上的，不過令我覺得意外的是，通常其他餐廳碟上面已經是雞扒 ，

昨天下午叫了個咖哩叉燒蛋包飯。個飯好大份，不過得2片日式叉燒，又唔係好夠咖哩汁，咁我個lunch變咗主要係炒蛋白飯😅其實都好食嘅，如果多2片叉燒，多少少咖哩汁會好好多。午餐完全冇石鍋嘅選擇，以呢度用石鍋做店名，有點失望。希望會在午餐菜單加返一兩個石鍋嘅選擇。呢度服務好，好友善。我會再來，但希望會有改善啦！

通菜街兩旁有唔少食肆 行個圈一定會發現唔少心水美食。經過見到一間新開的主打石鍋系列既烏冬同埋飯, 咁岩經過又正正晚飯時段, 就同朋友入去食個晚餐餐廳面積不大, 座位偏窄 食野既空間還可以啦 不同食物配撘 配上自選湯底, 價錢亦有些少不同, 另外亦可以加錢追加小食介紹一下先石鍋都經100%高溫燒熱, 上檯時熱得滾下滾下, 香噴噴 【日式燒鰻魚石燒手打烏冬】配黑醬油豚骨咖濃湯 陣陣黑醬油味香氣散發著, 初初呷幾啖湯底會有點濃 幾惹味唔錯鰻魚本身燒得剛好 好厚身 啖啖肉烏冬中心為帶少少煙韌, 令口感層次更豐富 【照燒雞扒石燒手打烏冬】配黑松露香菇湯照燒雞扒分開另上, 唔算大塊, 表面很脆而不油膩, 肉質燒得剛好反而湯底最為驚喜, 陣陣黑松露味 好飲得成個湯底都飲清!唔好比佢停 小食小不了繼續叫-黑胡椒煮花甲 味道鮮甜 湯亦夠味 -炸芝士年糕 一咬之下大量芝士湧出 -關西風石燒流煎餃子 -煎得剛好 囗底下肉汁流出 -鹽燒鯖魚 香囗火力控制適中 食到好飽 味道亦出色 野飲要額外散叫, 價錢合理, 冷熱同價加一後平均一個石鍋烏冬都係一百蚊左右, 湯底出色, 味道唔錯, 價錢合理! 一定會再幫襯!

最近見到網上d飲食blog介紹旺角新開餐廳，專門食石鍋飯/烏冬，去到餐廳開口見入面都幾full，而餐廳座位比較迫。男友叫左個安格斯牛肉石燒手打烏冬，湯底選左黑松露香茹湯，湯底濃，熱辣辣既烏冬伴上翡翠苗，黑松露撈勻後好香。牛肉亦會送上生肉，滾鍋熱湯好快煮熟。而我就叫左個帆立貝雞扒石鍋飯，雞扒厚身又嫩滑，帆立貝都夠大隻 。石鍋好夠熱，有少少飯焦又唔會過乾，幾好食 。我地重加左吉列芝士豬扒，外層好脆，脆皮同肉唔會分離，入面夾住濃濃既芝士，好味。最後餐廳會送一人一粒麻糬做甜品。

凍凍地，去食石鍋飯或烏冬就最好不過，呷一口石鍋湯，身子頓時暖起來🔥聽朋友說旺角開了一間專食石鍋烏冬的餐廳，常常坐無虛席，雖然多人排隊，但還是要一試。石鍋堂海鮮石燒手打烏冬 黑蒜油豚骨湯 $84石鍋300度高溫，上枱時，湯底還在沸騰，香氣撲鼻，令人食指大動。很足料，爽甜粟米配鮮甜彈牙大蝦🍤兩隻，帆立貝一大隻，有蟹棒，赤板魚蛋，大蜆和質感creamy 的蠔我就選了比較重味的黑蒜湯底，煙韌的烏冬吸收了湯汁，正👍🏼燒鰻魚石燒手打烏冬 魚介豚骨濃湯 $84這個湯適合不太喜歡重口味的朋友，配上櫻花蝦，味道鮮甜，健康不油膩。鰻魚尚算大份，燒得剛剛好，不會太乾身，肉質嫩滑，😋岩鹽燒牛舌 $48我們還點了這一小品，岩鹽配牛舌或牛肉均是絶配。牛舌厚切，燒得剛好，咬開還有肉汁，食下來軟腍不帶韌。是次消費大概二百四十元。

多年前也曾品嚐過石鍋鳥冬 回想當時的味道也是模模糊糊的 只記得食到出汗襯天氣轉涼 便相約同為鳥冬控的友人一同品嚐旺角呢間新開的石燒手打鳥冬安格斯牛肉石燒手打鳥冬湯底方面有5款選擇 我的選擇始終如一其實一入到鋪頭 聞到撲鼻的松露味 當時我就已經決定了湯底要選黑松露香菇湯 (笑)當鳥冬上枱時 試左一小口熱騰騰的湯 果然沒有令人失望湯底用上唔同品種的菇經12小時熬製而成菌味濃郁清甜 鳥冬口感煙韌且吸收哂湯底的精華另外 目測只有三成熟的安格斯牛肉厚薄適中經過石鍋的熱力考驗瞬間變熟 hmmm...肉質鮮嫩  食到最後發現鳥冬份量比想像中多石鍋堂海鮮石燒手打鳥冬黑松露香菇湯底配帶子 蟹柳 蝦 帶子 蜆為香濃的湯底注入一道鮮甜的味道友人更追加這質低溫慢煮流心蛋點綴海鮮風味的鳥冬岩鹽燒牛舌香口牛舌厚切有口感  就算唔沾鹽食都表示無問題 如果能加一點點檸檬汁 相信會是另一種滋味石鍋鳥冬同煲仔飯一樣都係冬季之選順帶一提經過時間的洗禮 石鍋仍然保持熱度店面雖小 裝潢仲有服務都是不錯的說

女人街近年越開越多特式小店，呢間烏冬店成日行過都見倒好多人排隊，今晚行過見有位就入去試下先餐廳喺近廣華醫院女人街口行入大概十間鋪左右，見倒多人排隊個間就岩架喇除左出名既石鍋烏冬，仲有石頭鍋飯！另有有好少見既茶漬飯估唔倒鋪頭細細都有咁多選擇！店鋪呈L字型，櫈係好似梳化既材質，所以都好舒服牆上仲有好多特色既塗鴉！飲品揀左鹹檸七，冰同飲品分開上，咁就唔怕啲冰溶得太快溝稀左飲品。鹹檸夠哂鹹，甜中帶鹹又帶酸，多重風味。我揀左安格斯牛肉石燒手打烏冬，要左黑松露香菇湯，西餐食黑松露既產品就食得多，黑松露湯底都係第一次見！一黎到，好香黑松露味啊，睇相都見倒個湯仲滾緊！飲一啖湯，淡淡黑松露味同菇既味道，第一次食烏冬配啲咁名貴既湯底手打烏冬好彈牙，而且煮得岩岩好保留韌度。牛肉好濃牛味，油脂分佈平均鮮活蜆石燒手打烏冬配魚介豚骨濃湯，因為有豬骨成份所以湯底唔係奶白色。魚同豬骨既比例岩岩好，兩種味道都飲倒亦完全唔會有魚腥味，湯底又唔會太油膩！估唔倒店鋪仲附送甜品！係每人一粒紅豆和菓子，好有心思煙煙韌韌配埋粒粒紅豆，好好味最後要提‘我估係’老闆娘（一位長頭髮年輕女仔）服務好周到！食完即刻幫手收碟，仲唔該前唔該後好

聽聞通菜街有間長龍店叫石鍋堂，今日正值有空而且見到下午茶時段不用排隊，就入咗去試吓。叫了一個牛肉餃子烏冬。牛肉應該是肥牛因為看似半肥瘦，味道OK。餃子有兩隻是普通日式煎餃子，味道不過不失。主角烏冬也是比較普通不是太彈牙。比較失望的是此烏冬因為是下午茶的關係是用碗上的不是石鍋上的。湯底自稱是自家製豚味湯底，渴不出有豬骨味，感覺上是豬骨精開出來的。整個感覺就像食緊一個很普通的烏冬面。比較失望。餐茶叫了熱咖啡，味道也是不過不失。很不幸地，因為我坐喺走廊位，有個男侍應不停在我頭頂不停不停咳，係狂咳，但係佢冇戴口罩，咳到我有啲驚忍唔住要求轉位。 有見及此，食完我那那林走人！

旺角出名掃街小店多，但一到左冬天，令人掃街意慾下降，比較想坐係店內食熱辣辣既野，特別係Shabushabu🤤。不過趕住睇戲，唔能慢慢嘆，所以就揀左呢間石鍋烏冬。齋望d烏冬相，未食都覺得暖入心!!🤗小店除左提供石鍋烏冬外，亦有石鍋飯，唔中意石鍋既朋友，更可以揀冷烏冬或者蛋包飯、漬飯。我同友人都係衝著石鍋而來，所以二話不說就點左兩個烏冬，外加一個芝士怪最愛既炸芝士年糕，暫緩一下我對芝士既思念😅。照燒雞扒石燒手打烏冬 $64想試真D個湯底，所以我揀左魚介豚骨濃湯。湯烏冬在如其他食評所講，滾住上枱，濃濃既魚介味一湧而上。雖然個湯飲落無聞落去咁濃郁，但味道都唔差；手打烏冬口感似讚岐烏冬，但又未算好彈牙。照燒雞扒份量都算多，雞扒肉質中規中矩，唔會太乾太鞋，但又未到好嫩滑；吉列豬扒石燒手打烏冬 $64友人中意食辣，揀左地獄辛辣湯，可惜個湯底似稀釋版既農心辛辣面個湯包，味道偏淡，辣而不香😣。吉列豬扒炸衣夠乾脆，不過隻豬唔知係米做好多運動🤔，肉質好實，亦唔Juicy、唔鬆化，呢款烏冬完全唔推介😐。炸芝士年糕 $22我地兩個都覺小食比烏冬做得更好。雖然係現成買番黎再炸既野，但質素比放題店既好，外層脆口，糯

平民烏冬飯堂🤑~~~~~~~~~~~~~~~~~~~~~~~~~~~~~~石鍋堂出名係佢啲石鍋夠好味，但可惜午餐嘅時候係冇得選擇石鍋系列，只有晚餐才可以。🐷九州叉燒手打烏冬（$47）叉燒每塊都燒過，好淋同好香，湯底比較重胡椒味，手打烏冬都算滑嘅。🍜照燒雞扒撈烏冬（$47）今次揀咗冷撈，用咗胡麻醬嘅，烏瑪將同烏冬嘅比例剛剛好，每一條烏冬都有胡麻醬，照燒雞扒雪味唔重，但就唔夠滑。~~~~~~~~~~~~~~~~~~~~~~~~~~~~~~

食在旺角真係無錯架，因為今日又黎介紹旺角既好西，呢間新開業既餐廳可以瞬間成為排隊熱店一定有佢既魔力。餐廳位於通菜街，主打食石燒手打烏冬，亦有石頭鍋飯、蛋包飯、茶漬飯、冷手打烏冬......今次就叫左厚切豚肉石燒手打烏冬（黑蒜油豚骨湯）、燒牛仔骨牛舌石鍋飯、芝麻雞翼、日式炒雜菜。首先黎到既日式炒雜菜鋪上大量木魚碎，上菜既時候效果好靚，味道都幾好，唔會過鹹；而接住落黎既芝麻雞翼每碟都有三隻，炸得金黃酥脆，沾埋蛋黃沙律醬就可以去咁啲油膩。跟住就係重點所在，首先既係黑蒜油豚骨湯既厚切豚肉石燒手打烏冬，一上枱既時間因爲用左300度高溫燒個隻石頭碗，真係會見到佢啲湯不停沸騰，食既時候一定要小心啲，唔係好易會辣到條脷，個烏冬都幾足料，除左有大量溫室荳苗、日式魚蛋，仲有5-6舊厚切豚肉，咬落好淋身，唔會痴牙亦唔會有渣，而湯底好濃蒜味，加埋伴碟既生蒜頭，提升左湯既蒜香，加埋無論口感同質感都煙韌既手打烏冬，真係好滿足；最後黎到既燒牛仔骨牛舌石鍋飯亦係一大亮點，成碗飯都係用300度高溫石燒，上面鋪左一樣大量既溫室荳苗、半粒車厘茄、以及牛肋骨、牛舌各4塊，每塊牛肉都好軟身，配埋個飯一齊食都好夾，另外👦🏻👧🏻通

同媽媽係旺角行完街，想食d湯麵...經過見到呢到幾特別，石鍋燒？未試過，所以就試下...雖然款式唔算特別多，不過好岩我口味媽媽叫左呢到個招牌菜，揀左黑松香菇湯，個湯底好正，我不停偷飲真係好多黑松露，真材實料蜆好大隻，又無沙又點少得其他海鮮呢...好新鮮，估唔到竟然有蠔食，正！叫左一隻流心蛋，好滑，蛋黃好正我就試左魚介豚骨濃湯，一樣咁好飲安格斯牛肉份量都算多，好新鮮，最鍾意半生熟烏冬都好彈牙架，吸晒d湯，好入味最後同媽媽叫左個鵝肝試試，因為佢好鍾意食鵝肝，鵝肝好香口，蛋糕味道清新

今日同朋友係女人街附近買嘢，見到呢間鋪頭嘅門面上嘅食物好似幾吸引，就入去試下，估唔到有驚喜。餐牌上嘅食物睇上去好似都好吸引😚最後我叫左鮮活蜆石燒手打烏冬😋侍應送上嚟嘅時候，成鍋烏冬都係度滾，好「壯觀」😂烏冬上面有菜苗同埋櫻花蝦，顏色配搭上好靚。烏冬嘅湯底我選了魚介豚骨濃湯，有好濃嘅豬骨味，都幾鮮甜，但略嫌有少少偏鹹。蜆都幾大隻，而且好新鮮，所以蜆肉好鮮甜，唔錯。👍🏻烏冬都彈牙同埋湯底滲入了烏冬，所以好味。我哋仲叫左煎餃子，肉餡好juicy，味道不錯。最後送左甜品，有D似台灣嘅水晶麻糬，入面係紅豆蓉，唔會好甜，幾好食。總結嚟講，食物質素幾好👍🏻👍🏻會再嚟

和朋友行街行到攰……7點幾又係時候諗下要食咩🙆原來朋友一早就諗好食咩了~石鍋堂🍜🍜(一定係近排ig好多人po相😂)黎到門口，真係超級超級多人!!!要排成20幾張飛先輪到我地，等咗成個鐘😥8點幾終於到我地，一坐低，店員就話魚介豚骨濃湯沒有了……再過一陣黑松露香菇湯也沒有了(一心黎試呢個湯底😌)落單後，又被告知海鮮都沒有了(好無奈……😞)安格斯牛肉石燒手打烏冬(黑蒜油豚骨湯)牛肉係普通打邊爐的質素，既然主角係手打烏冬，自然對牛肉的要求也不高……但烏冬竟然一d都唔煙韌&彈牙，好諗身！好失望😔唯一慶幸係湯底補救~湯底稠身而又香濃(但較淡黑蒜油的香味😌)鮮活蜆石燒手打烏冬(黑蒜油豚骨湯)鮮活蜆新鮮大只，而且沒有沙👍烏冬都係諗……朋友都話湯底好淡黑蒜油味，似豚骨湯多d朋友之後話佢比咗流心蛋嘅錢，但佢冇食到~我以為佢食咗😯)，我地嘅炸芝士年糕都漏咗單……水蜜桃綠茶好甜！好甜！好甜！不予置評……蜂蜜蘋果茶又係好甜……而且d蘋果有陣膠味，飲咗一啖就冇飲了(建議大家可以揀罐裝飲品，就唔使驚中伏了……)甜品反而最後送嘅甜品有d驚喜，都幾好食😋總結: 店員服務態度好，如果不需要等位，可以入去試下……若要等好耐

經過呢間好多人排隊，看來都挺人氣吧，到食完都係keep住有人排隊！鮮活蜆石燒手打烏冬，再揀湯底，$$小小不同 ，黑松露香菇湯同黑蒜油豚骨湯都想揀，諗左好耐😂最後揀左黑蒜！烏冬軟韌適中，黑蒜油好香溶合左響湯底，特別濃厚，再就咁食左兩片生蒜，味蕾開啟曬！活蜆爽無沙，數落都有7，8隻架👍🏻石鍋有個好處，食到尾都係暖暖的！雪國冷手打烏冬有一款配餸$55，兩款就$75，冷麵汁 / 胡麻沙律汁，喜歡胡麻香味，照燒雞扒皮脆肉厚，仲有配上少許芝麻+燒汁！鋪面唔算大，人手唔算多，都好快送上水，態度都好好，拎住一個個熱石鍋，小心翼翼放響食客檯上！