琥酌 (已結業)

最近吉列牛好似好Hit, 呢日經過太子終於試到喇!果然新奇又好味我地午市時間黎食, 入面都有唔少食客店員安排左我同朋友坐卡位日式風格既裝潢黎到就緊係要試下佢地既吉列牛,我地揀左頂級安格斯御膳, 再任選兩款迷你丼, 好興奮!頂級安格斯御膳叫完野食, 店員就遞上呢個石燒爐仲有醬料: 燒汁、海鹽、芥末重頭戲吉列牛、赤味噌汁、三色野菜、溫泉蛋、飯自己燒黎食好過癮! 燒10幾秒就食得~牛肉厚薄適中, 唔算好大塊, 但好夠牛肉味旁邊既吉列令到口感好特別! 點埋醬汁一齊食好夾海陸丼(燒牛肉、三文魚子)雖然係迷你丼, 但都好足料!牛肉有咬口得黎唔會韌極尚大滿丼(三文魚、三文魚子)三文魚子好新鮮, 超級好送飯套餐跟埋味噌湯同沙律~食物性價比高, 店員服務態度好好下次可以再試~

喺網上見過好多次吉列和牛燒，今日終於第一次去試一試。 地點喺太子港鐵附近，非常方便。前菜係梅漬日本番茄，甜到似糖🍬 ，開一開胃。跟住叫左明太子焗雜菜，明太子唔算好濃，但係有一種鹹鮮，都幾特別。安格斯牛肉玉子鍋，湯底清甜、正！ 😍 主角出場，🔥吉列和牛，和牛先吉烈半熟，然後自己係鐵板上面燒10秒就食得啦！ 👏🏻 和牛燒🔥至八成熟就啱啱好，外脆內裏入口即溶，好味又有趣，唔怪得知咁多人都要去食啦！🤤🤤🤤

四牛🐮御膳 一燒入魂？ 價格略高 味道尚可。隨意走就走入這家主打日式牛肉燒烤。點了一份特選A5黑毛和牛御膳。特選A5黑毛和牛御膳($568)此餐除了A5黑毛和牛之外，亦有三份不同產地或部位的牛各四件及少量蔬菜。調味方面有柚子檸醋，和風芥末，海鹽三款。前菜-牛舌炆蘿蔔($20/2碟)店員在沒告知前菜需另收費的情況下送上兩小碟前菜。蘿蔔炆得入味軟腍，而由於牛舌整個呈現在我眼前，當下有點影響我想一試的心，所以未有進食。建議切片或改切其他形狀，會增加食慾。A5黑毛和牛日式和牛中，以為主，佔和牛的95%。吉列的粉漿緊黏着牛肉，經小鐵板上燒後，外邊鬆脆。唯一敗點是此和牛的油脂過多，牛花分佈不均及不細緻，經燒熟後略有少量肉筋，和牛香及牛味有點不足，與我期望有點出入。和牛三角厚切和牛，燒熟後肉質鮮嫩，但牛味偏淡，牛香不足。建議點一下海鹽及芥末醬，令味道提升。牛舌芯薄切牛舌芯，燒熟後有咬口，但同樣牛味較淡。安格斯肩胛總括，四款不同部位的牛，肉質感鮮嫩，但唯獨牛味略淡，和牛香味不足，尤其對A5黑毛和牛有點失望。食物價格略高，店員未有提及前菜另需收費。-特選A5黑毛和牛 $568-前菜2碟 $20-白飯1碗

自從喺日本食完吉列牛之後，都一直念念不忘🤤今次的起心肝喺香港再食一次😆今次去到太子琥酌，由於去到時間尚早，所以可以直接walk in入👍🏻見到有三個套餐食吉列牛$198😏 ，$398😣 同$498😖。今次第一次食就平平試過$198😋，同埋呢度有幾多醬汁俾你配食吉列牛，我就最鐘意點岩鹽，首先辣熱牛肉兩面，再點岩鹽，然後再同飯一齊食🤤簡直人生一大樂事，而且份量不少，呢個套餐絕對食到人大快朵頤😆P.s 呢度啲小食都好好食，特別係味噌松葉蟹蓋，大家可以嗌黎一食🤓

琥酌呢個名之前已經聽過，係食吉列牛為主，尖沙咀都有另一間分店，甘岩朋友未食過吉列牛，就帶左佢來太子呢間分店試下餐牌有3個吉列牛sets可以揀前菜有胡麻醬豆腐沙律，酸酸地好開胃，而且沙律菜都好新鮮的叫左河豚乾小食望落好似好硬身，其實是厚身仲好濕潤，入口味道帶甜，鐘意飲酒既朋友，用來送酒就一流吉列和牛薄餅呢個係薄身的，吉列和牛做薄餅餡，加上沙律醬，味道都幾特別明太子燒厚揚燒厚揚就係豆腐，咸咸的明太子，配上炸到脆口既豆腐，剛剛可以互補不足安格斯盛合職員會附上3款醬料，包括芥末，岩鹽，海鹽燒汁我個人就鐘意加小小岩鹽來食就最適合放上熱爐，每邊大約燒10秒便可以吉列牛本身已經沾上麵包糠，再用滾油炸熟外層入口外脆內軟，咬落去仲有無窮肉汁，千萬唔好燒過龍丫

朋友帶我去旺角警署附近，近太子一帶搵好野食，佢揀左食呢間。原隻瑩光魷魚仔濃烈的天然風味舜間滿口，甘甜與海水鮮味再混和了墨瓤爆發的鹹香，實在一試難忘。這鍋地獄番茄安格斯牛肉， 蕃茄味濃郁，加上辛辣味，想不到是如此合拍。剛送上枱時，鍋面的安格斯牛肉還是生的，靠著熱湯酌到剛剛熟，所以是很多嫩滑的。燒魷魚看似尋常，卻真的視乎廚司的功架，魷魚尾與鬚都燒得香脆惹味兼咬口，但魷魚筒卻感覺軟糯而汁多飽滿！香港地鰻魚飯就食得多，但鰻魚配茶漬飯就較少吃。所謂茶漬飯，其實是泡飯，用清水、煎茶或高湯也可。無論用那款，都一樣是 "清淡"，想豐富味道，加點配料混吃也可。

老同學無故話請我食飯，我知佢其實是想派喜帖。既然有人做老細，梗係搵間好d餐館啦！雖然舖面雖不算太大，但用上簡潔的裝潢，加上枱與枱之間的空間濶落，四人卡位的枱也較一般食肆大，第一個感覺是舒服。先來個芝麻豆腐醒醒胃， 豆腐很滑，芝麻醬很香，絕配間中會聽到人提及秋葵，但從未見過真身。呢碟芥末山藥秋葵是我第一次食，感覺很滑很爽拿茄子去燒，外層少不免會有點乾。這裏的燒茄子，上枱前已經去皮及切塊是很好的安排。全晚最期待的是吉列安格斯盛盒，先經高溫炸極短時間，再將其厚切至每一塊都是半吋厚。這樣做法，可緊緊鎖住肉汁之餘，也使內裡仍然keep住十成生。作為食客的我們，只需放在小烤盆裡輕輕烤十多秒，便可進食; 點上少量岩鹽的話，更能帶出安格斯的魅力。

琥酌星期六要搵d好野食下獎勵下自己辛苦左一個星期🤭🤭咁啱FB提我對上一次食吉列牛已經係上年既今日.. 咁今日都不如食下懷舊下啦…上網睇左一輪揀左間近近地係太子既 - 🍴琥酌 Menu上有3款牛比你揀…而我地就揀左最平既一款...<<頂級安格斯牛吉列御饍  $188>> 其實佢係一個Set黎既.. 入面包含左:一碗麵豉湯 & 一碗飯(但係我地唔要個飯lu) & 小量蔬菜 & 一隻蛋 & 一份吉列牛🥩賣相係唔係好正呢~ 可以有得食之外仲可以按個人喜好煎到自己想要嘅熟度!! 好貼心..❤️❤️牛肉味幾香,而且係有咬口既~~我地除左就咁煎塊牛之外,仲間唔中沾上蛋漿再煎過, 我覺得加埋蛋漿之後仲好味左喎…又食到蛋味又食到牛肉味… 正正!👍🏻👍🏻👍🏻 另外我地仲叫左 <<自選迷丼 $108>>你可以係左右兩邊揀你想食既2個mini 丼..我地就揀左一碗《北海魚生丼》 & 《柳川鰻魚丼》呢個set就包左一份沙律 & 一碗麵豉湯<<北海魚生丼>>呢碗飯既份量雖然小,但佢比既魚生份量一D都唔小呀!!!刺身好新鮮!

人氣。勁高既一間 吉列牛店 一開始認識呢間舖系同朋友 食飽飯散步行翻屋企時經開 被佢嘅門口所吸引到 隔離有個大大嘅螢幕💻 睇到原來有好多明星及周刊都有介紹過 ！！ 門口及入邊 都極具日本風格 🇯🇵🇯🇵前菜 $10燜牛肉🐂 ，大大塊既牛肉配埋蘿蔔一齊燜得好勁入味 😋 牛肉夠淋 冇筋 ！安格斯盛合 🐂 $368吉列牛外層炸到金黃酥脆 不過內裏仍然保持到肉質鮮紅半生熟狀態 ，可以按照自己喜歡既生熟程度 放上小鐵板上加熱再食架 ！！ 蘸上自家製 •芥末醬 •岩鹽 • 柚子醬 味道即時更豐富 ！！芝士和牛吉列球 $88 滿滿既芝士香 一口咬開 裏面包含左薯仔蓉及和牛粒 口感軟滑得黎又有咬口 味道意外地夾！！琥酌炒飯 $148 高級日式炒飯 有鮑魚同帶子配埋 ！！飯用鰻魚魷魚🦑等 海鮮炒到粒粒分明有一碗半飯嘅份量 ！！ 鮑魚 - 以日本方法炮製，用慢火炆煮令肉質更加柔嫩細滑，食落鮮嫩多汁而唔韌！宮崎冷蕃茄 $38 強力推薦必點 作為飯後甜品呢個一流 ，一啲蕃茄嘅酸味都唔會有 每一粒都好飽滿充滿水份 ，一口一粒咬開水份爆哂出黎仲有輕微梅味 ，1分四粒完全唔夠食

想食日本菜，但又唔想食壽司魚生，朋友就推介左我黎呢間，以吉列牛做招牌。餐廳裝潢都好有日本風，因為我坐左bar檯，望住前面成列日本酒，都幾有feel。講番野食，前菜係炆牛舌，牛舌好入味同煮得好淋，平時嘅我唔太鍾意食蘿蔔，今次我難得都食曬。名古屋雞翼。個醬汁好正，燒得其實都唔錯，外皮脆，但同時肉汁都保存得好好，不過食到最後一隻，雞翼有少少血絲出，有啲失色。芝士和牛吉列球。將和牛攪碎，整成球狀，再加上芝士，其實呢個組合冇得輸。挑剔位會係整體過乾。安格斯盛盒。黎到呢度就真係冇理由唔試下佢嘅吉列牛，紋理勁靚！呢度仲可以diy自己燒，想要幾成熟都得。另外都有提供3種醬料，正！最後嗌埋個野菜牛肉泡飯。隔離會提供埋蛋、紫菜同埋蔥，又係可以自己決定加唔加。牛肉份量都唔少，差唔多啖啖都mix到菜同牛肉，如果偏好清淡嘅，應該會鍾意。

以前食吉列牛都係去吉列牛專門店，但係朋友話琥酌仲好食🤪 所以想試下嚟到呢度叫番個吉列牛先~ 頂級安格斯牛吉列御饍 ($188) 最平係呢個😆 成個餐送上黎係幾靚幾特別。牛肉唔算好大塊，但勝在都夠嫩滑夠牛肉味，咬口都係有既。$108 自選mini井 x2 會跟埋湯及沙律。揀咗炙燒安格斯牛丼同柳川鰻魚丼 (滑蛋鰻魚飯) 呢個安格斯牛同吉列牛口感差好遠🙈 佢係一粒粒嘅牛柳粒，食落比較韌。滑蛋鰻魚飯味道都唔錯，鰻魚大約有三至四塊~ 日本米都好有咬口

The restaurant is named 琥酌 because it wants to provide a warm atmosphere like the yellow amber.Mitazaki tomato $38Iced sweet and specially favored tomato. Very nice and appetizing!Deep fried wagyu potatoe-meatball with cheese $88Braised beef and vegetables in hotbot $138The rice is mildly flavored and the beef stands out.Angus beef katsu-gyu set $368This delicious dish consists of chuck flap meat coated in crunchy breading to seal in the great flavor. The meat is cooked rare to bring out the bes

旺角警署附近食肆林立，來到這兒覓食總不會失望而回，這次就被琥酌的吉列牛誘惑到了。店內裝潢以木為主，牆上的掛畫、大字和高掛的紙傘等擺設均令餐廳洋溢著濃濃的日本風情。前菜炆牛脷好有水準，味噌汁煮至稠身，味道很濃郁，牛脷軟稔得來帶嚼勁，十分入味，還有吸滿汁的超稔紅蘿蔔和白蘿蔔增添甜味。宮崎冷蕃茄超有驚喜，令本身不吃蕃茄的我都吃得津津有味。冰涼的去皮蕃茄相當飽滿，鮮紅有光澤，一咬過便瞬間爆汁，更有豐富的梅汁在內，與蕃茄汁完美融合，味道非常清甜，清新的感覺令人胃口全開。頂級安格斯牛吉列御膳好出色，嚴選美國安格斯肩胛肉的上乘部位，色澤鮮紅，油花分佈均稱，賣相一流。配上燒爐讓人客自行燒，有得玩又有得食。牛扒外層的吉列粉厚度剛剛好，沒有粉漿的感覺，反而是較粗身的麵包糠，粒粒分明，食落十分香脆惹味。牛扒輕輕燒一燒便隨即鎖住肉汁，肉質鮮嫩無比，牛味好重，每一口都很美味，令人欲罷不能。還可沾一沾鹽燒汁、岩鹽或芥末醬，令肉味提昇高一個層次。名古屋雞翼絕不是普通貨色，雞翼肥厚啖啖肉，外皮微脆，肉質嫩滑，完全不乾，面層的醬汁甜甜的又有芝麻香，滋味得很。野菜牛肉泡飯以熱鍋盛上保持溫熱，湯料很多，有大量牛肉粒和露筍等

太子和旺角一街之隔，但因為地租平好多，所以可以容納有潛質的特色小店。呢排男朋友工作好忙，連出去食餐好既時間都不多，今晚刻意在太子區尋找特色餐廳，方便大家放工即去大食減壓！餐廳裝潢簡潔利落，用最少的佔用空間但呈現到現代和風感。欣賞枱與枱之間不會過於狹窄，亦有兩張大型梳化枱，適合三五知己聚會。前菜正常胡麻醬沙律味道，份量和醬汁剛好。主菜黎喇~~~頂級安格斯牛吉列御膳安格斯牛、鹿兒島A5和牛肩胛肉、牛舌芯份量十足，擺盤精美震撼，每款4件以上好適合2人分享再另點其他食物。配上3款調味：芥末、鹽燒汁、粉紅岩鹽，個人最喜歡礦物岩鹽，既不會掩蓋牛的本味之外，更能有出牛的鮮味。鹿兒島A5和牛燒10秒，非常嫰滑安格斯牛肩胛肉，肉味更濃，紋理分明，肉質適合板燒，我喜歡！牛舌嫩滑，厚度適中。鰻魚三品茶漬飯同樣擺盤精美，配上四小碟可自行調配合味道的料理。值得一讚其中一個醬汁-柚子胡椒，很重的柚子味，好適合加一點點在茶漬飯裡面，另一番風味！如果2人食，建議點一個大滿足的特選牛餐加一個小食一個飯，開心share ~~~

最近跟朋友係太子時經過琥酌門口的介紹被吸引了！ 平時都最愛生牛肉，即使越南生牛肉也想分開上。 是有點變態的！ 😁餐廳有bar 檯及多人座位，即使1個也不會感到尷尬，職員還提示1hr 30 用餐時間！上菜很快，不用呆著等！前菜 HKD 10切成粒狀的一口牛脷，朋友至愛！安格斯盛合 HKD 368盛行了一段時間，今天終食到了！還可以自己燒，過手隱！ 按職員提示，只須要十多秒便夠。肉質仍帶點點紅，最愛半生熟又有咬口！明太子焗野菜 HKD 58 用錫紙包著的野菜以保持其熱度，也把菜焗得棯一點，不會生生地口感！芝士和牛吉列牛 HKD 88 用極邪惡！熱乎乎的放進口裡，芝士口感很軟綿綿加上仍然保持其鬆化的吉列牛。職員還提示，只須要十多秒的時間便足夠。芥末山藥秋葵 HKD 58涼拌之一！ 本身山藥是沒有很重味道但遇上芥末後，味道很夾，而且跟滑嘟嘟秋葵口感相同。 最緊要食多多也不會胖！