珺

营业中

休息中

越來越多新派的素食餐廳，主打精緻新穎的食物。年前就來跟媽媽試一下吧！午餐在中環來說定價不高，$188一位或$428二人套餐，二人套餐主菜選擇比較多又可以共享第三份主菜，我們便決定點份二人套餐了！昆布天使麵配欖油爆珠前菜選了各一，都賣相精美，天使麵軟硬度適中，入口有頗香的欖油味。水晶粉撈素翅配麻辣醬怕辣還可以選擇芝麻柚子醬，但愛辣的絕對要吃這個麻辣醬，有辣味之餘絕對不難以入口，真惹味。上面的食用花添加了不少精緻感，芝麻則令口感更豐富呢！西班牙番茄波椒湯配上一條小吐司，特別精緻。番茄和波椒的味道濃郁，酸酸的帶點微辣，冬天喝特別暖胃。秘制牛肝菌酸辣湯酸辣湯跟不是素食的分別也不大，牛肝菌跟其他的材料都有帶出湯的口感，不過我覺得可以再酸辣一點！玫瑰叉燒原來主菜也會分兩盤。玫瑰叉燒是熟悉的傳統齋的感覺，玫瑰味挺也特別的，上面還放了一點脆脆，增加了口感。金湯鮮竹竹笙浸時蔬上菜的時候嚇了一跳，一人一份的第二道主菜份量也很足！金湯原來是南瓜湯。除了菠菜、竹笙、菌類之外，還有用鮮竹捲起來再炸過，真特別！健康又飽肚呢！特色紅菜頭新豬肉炒雙色飯口感味道超有臘味糯米飯的感覺，確是素食，好吃之餘最主要還是比較健康

今次去咗中環近蘭桂坊嘅一間高級fine dine feel素食，可能係我食過最正嘅素菜👍🏻👍🏻。♦️今次叫嘅係二人午膳套餐，$428再加一，我可以話一定係物超所值，食完不後悔😋先係前菜，羊肚耳秋葵配甜酸醬油同田園沙律，兩款都調味恰到好處，做到開胃嘅功能😊再嚟到湯真係好好好好好好好好好好好好正正正正正正正正正正正正正正正正正正正正！一款中一款西都係滿分之選 - 百合竹笙羮真係啱晒我河車，足料好食加埋胡椒香味，打打下字我已經想再去食😂😂😂而南瓜湯真係原汁原味濃厚南瓜味，做得仲好過好多西餐廳！！。♦️到咗主菜一樣精彩～二人套餐最好嘅地方係可以試到三款主菜🤤先嚟玫瑰叉燒真係比佢外型呃晒，同一般叉燒無分別！食落口都做到九成似，微焦香配上玫瑰味道嘅醬汁，夠打贏大部分真叉燒😍第二款係沙茶醬茄子獅子球，呢道菜比玫瑰叉燒更驚人，因為係連入口都99%似肉，如果無人同我講佢係素，我基本上唔會質疑😅而露荀黑松露意大利飯就可以用嚟填飽個肚，但佢都做到比美出面意大利餐廳嘅質素，無得頂！。♦️加小小錢可以有埋甜品嘅，我今次就試咗雪影酪梨，佢係薑味嘅牛油果醬咁，又好食又健康，連甜品都做得咁有心思，我真係比個服字佢💯

今日來中環呢間素食餐廳食午餐。餐廳啲碟好有特色。連餐具既擺放都好有心思。我地叫咗呢個二人餐。頭盤素芝士蕃茄配黑醋珍珠將個芝士夾埋個蕃茄食個味道又幾夾，同好fresh。頭盤麻辣繡球菌萵筍絲辣辣地又幾醒胃，第一次食繍球菌原來咁爽口，配埋萵筍絲。特濃磨菇湯果然名不虛傳。係好特濃勁creamy 配埋個脆卜卜既麵包好味道。玫瑰叉燒叉燒外脆內軟，配埋個南乳醬good😋藥膳雞頭米薏米百合浸時蔬菠菜浸落啲湯食好入味。雞頭米其實係芡實，平時煲湯就食得多但咁大粒就好小見，食落好有口感。蕃茄獅子頭螺絲粉獅子頭好出色！甜品生磨蓮子露😋

前排去了中環跟朋友吃午飯，我食到中段才知道這間是素菜餐廳，叉燒口感非常似真豬肉，質素非常好，每一碟餸菜都非常有心思去設計，而且並非普通食材，例如蓮藕BB、繡球菌、牛肝菌。。。二人套餐$428頭盤朋友選了素芝士蕃茄配黑醋珍珠，黑醋及蕃茄同芝士非常夾。我揀咗麻辣繡球菌蒿筍絲，第一次食繡球菌，味道香濃而蒿筍絲非常爽口，配上麻辣，加強了兩者嘅口感。特濃蘑菇湯，一放低就聞到蘑菇味，好多蘑菇蓉。主菜有三款  1 . 玫瑰叉燒  2.  至尊猴頭菇（食落口感真係好似咕嚕肉，如果唔睇餐牌根本唔知道佢係猴頭菇）  3.  雲耳、蓮藕BB、撈擔擔麵 (蓮藕BB外型好幼，非常爽脆)甜品需要加$30，我叫咗一個生磨蓮子露，好香甜，朋友叫咗脆皮燕麥奶，雖然係油炸，但係一啲都唔油膩！好多時食素菜都會感到好油膩，而這間餐廳真係好與別不同，係一間非常有誠意去營運嘅素菜餐廳。

媽媽鍾意食素，見朋友去過呢間中環新開張既素食fusion餐廳，評價唔錯～就帶左佢去食喇👩🏻‍🦱👧🏽一坐低就見到隻好有特色既瓷碟，就好似表達緊餐廳菜式既定位——中西合璧。我地揀左💁🏽‍♀️ Lunch for two 二人套餐 ($428)➿ 羊肚耳秋葵配甜醋醬油羊肚耳比較少見，比雲耳更爽口，而且營養價值高👍🏽 配甜醋醬油都好襯～ 另外仲有三色椒等等配料，整體甜度同酸度都平衡到，個人幾喜歡呢個前菜😍➿ 田園沙律相比下，田園沙律既dressing酸度比較高～ 我就好欣賞沙律菜🥗上既西柚同橙🍊都去哂衣，好精緻啊👍🏽➿ 南瓜湯質地好厚身～ 南瓜味道超級濃稠，南瓜甜味相當突出😋➿ 百合竹笙羹就咁睇外型，會覺得同平時喺酒樓飲到既羹湯好似🤭 第一眼睇以為有瑤柱，但其實係金菇黎架🤣 羹湯胡椒味偏重，竹笙索哂d湯汁～ ➿ 玫瑰叉燒必吃啊🌟 同平時食到既齋叉燒完全冇得比😌 好想打包返屋企加料俾爸爸試🤣 最欣賞叉燒既外皮處理到微焦，沾滿蜜糖🍯，部分位脆卜卜，真係好有真叉燒既感覺！玫瑰醬好香😍 見媽媽食完我就即刻蘸埋佢個d黎食🤭➿ 百靈菇馬鈴薯丸子百靈菇好好味😋 馬鈴薯丸子份量超多，同媽媽一人五粒🤭 配微酸既番

放假出港島區, 現在疫情下, 中午很多食飯地方都較多人, 我地找到這間地點環境都比較舒適, 可以不限時又不用同人迫, 食返餐素食fine dining.   近來素食越來越普及化, 非茹素者都會開始注重個人健康, 減少吃肉, 對個人身體質素以至氣場都會提升.  於是素食餐廳所出的菜式也越見不平凡, 加上廚師心思令素食都顯出獨特, 別具心裁.    我們選了兩人套餐, 有前菜, 湯, 3款主菜及甜品, 岩哂樣樣都想試既為食一族。前菜：烤菇沙律特大啡菇切成片，輕輕烤香增添香菌味，特別在有爽彈口感，配上青脆沙律菜，加上酸醋醬汁，零舍醒胃。麻辣洪湖蓮藕bb 另外一道特色有驚喜前菜，平時比較少吃到既蓮藕bb 再切成細段，一口一件爽脆無比，麻辣度相當醒神，少吃辣的我覺得惹味而不太搶，一口一口吃不停。純素羅宋湯 用上足料蕃茄，蔬菜等攪拌再煲成，濃郁又帶點creamy. 唔一定用肉先煲出濃湯味。食得出係真材實料，絕無添加。湯配脆多士 一流配搭。泰式冬蔭公純素冬蔭公味道比想像中更似，個人推介！帶酸辣，加左薑黃來煲, 有點點椰奶香增加泰式風味，材料有蕃茄，西芹粒等。三道主菜，細心地將各款一分為二，每人都

就快新年，朋友約出黎傾下偈，佢揀左黎中環一間新開的素食餐廳，位置在M88十分易搵。餐廳用具精緻，店員友善有禮，感覺良好。枱上有搓手液，店員亦送上濕紙巾，餐牌擺設等都很乾淨。看了看餐牌，朋友決定點二人餐，$428可選三道主菜，但甜品同飲品則要額外加錢，不過以中環黎計呢個價錢也很合理，先試一試食物水準才定奪啦。頭盤的烤菇沙律，賣相十分精緻，燒香的大啡菇水嫩多汁，下層的沙律菜很新鮮，不錯不錯。另一款頭盤是麻辣洪湖蓮藕bb，賣相沒上面吸睛，但蓮藕bb很少見同樣吸引人，咬落很爽口，麻辣汁辣度啱啱好，開胃但不搶喉，推薦喲！餐湯方面朋友揀了純素羅宋湯，附上一塊西班牙水晶麵包。即使沒有肉的羅宋湯味道一點都不寡，蔬菜味很濃郁清甜，好好飲。自己選了泰式冬蔭功，此款沒有麵包但容量較多，哈哈。冬蔭功湯很濃郁，酸酸辣辣很對胃，蔬菜的甜味在口內停留，慢慢淡出陣陣的香料味，有驚喜呢。主菜未到前店員送上小食，是烘腰果，甜甜的很好味，而且器皿很可愛～先選了玫瑰叉燒，聽說係得獎作品黎㗎。外觀真的幾似叉燒，食落口感不俗，醬汁緊緊鎖在麵筋上，甜度剛好仲有玫瑰露香，幾何亂真，比真叉燒更好食。第二道係宮保醬炒羽衣甘藍，一上枱已聞

上菜有次序有安排，食完一道再上另一道。不過每一道之間等既時間太長，想同朋友慢慢傾計幾啱，quick lunch唔好了。服務樓面店員主要得3個，侍應太忙。裝修優雅，有心思，連鏡頭外殼都襯埋木色。✨味道79分，💰偏高價。.💰二人套餐($428).🔷頭盆🔸田園沙律沙律菜同橙好新鮮，落沙律醋，幾開胃。.🔸羊肚耳秋葵配甜醋醬油羊肚耳好爽口，似雲耳，木耳，秋葵好夠稔，撈酸酸地既醬汁，夠入味。.🔷湯🔸南瓜湯南瓜味好濃，好多南瓜蓉，湯煮得好甜。.🔸百合竹笙羹有竹笙，金菇，筍，百合，味道同濃稠度剛好。 .🔷主菜🔸黑椒炒雙色西葫蘆(意大利瓜)西蘭花苗西蘭花苗夠嫩，西葫蘆炒得夠稔夠入味，幾有鑊氣，用黑椒炒得香，微辣。.🔸新豬肉天使麵配宮保醬好夠色水，宮保醬甜甜地，幾惹味，天使麵入口順滑，素肉碎多，好香，好吸味。.🔸露筍黑松露意大利飯熱辣辣，唔會太濕，可惜黑松露味較淡。

週末想食好啲，但又怕接近農曆新年會食好多肥膩野同埋賀年糕點身體有負擔，想食好啲又想keep fit，選擇了朋友介紹這家吃新派素食fine dinning 的餐廳。我地二人選擇了二人套餐。呢度仲有一人套餐同埋單點美食，好多選擇。未食頭盆之前店員為我哋送上餐廳自家製嘅小食，有蘿蔔糕芋頭糕同埋反沙芋做法的花生。糕點非常好食，反沙芋做法的花生還是第一次吃，好特別。頭盤羊肚耳秋葵配甜酸醬油羊肚菌好爽口，秋葵好嫩，醬汁調味好好。田園沙律鮮橙及西柚清甜配上爽口沙律菜，很開胃。湯南瓜湯南瓜湯是以南瓜打成茸，非常濃稠，南瓜清甜，法包非常脆口，沾上南瓜湯吃，一流。百合竹笙羹這款是中式湯，味道有驚喜，雖然是素食，但無論味道及口感都不會單調而且湯有好香的胡椒，有提味效果。主菜套餐可以揀三款主菜。玫瑰叉燒無論賣相及味道都似真的叉燒，幾可亂真，做到了叉燒外層燒得焦香的效果。而且麵筋做到了叉燒的肉質纖維，一口咬下去還真是以為自己食緊叉燒，哈哈，配上清香的玫瑰果醬，很好吃。燒汁芥末姬松茸擺盆非常美麗，彎彎的脆米片，就像是一隻小船上放着一朵朵姬松茸。姬松茸炸得香脆，而且不會吸滿油，配上日式燒汁加上微微刺鼻的日式芥末醬，

朋友是食素食的,所以相約我到中環新開店~珺食素午飯。 餐廳裝潢不錯,佈置雅緻,地方寬敞舒適。***我們選擇二人午餐 $428  , 甜品另加$30** 前菜* 【羊肚耳秋葵配甜醋醬油】這羊肚耳秋葵,入口爽脆清甜,配上甜醋醬油十分開胃。*【田園沙律】    這田園沙律顏色鮮艷,橙及西底有脆口鮮沙律菜,以黑醋調味,整體味道十分清新 。**湯*【南瓜湯】這南瓜湯有濃郁口感,南瓜味特重,多士法同食一流。*【百合竹笙羹】這羹散發着陣陣香氣,甘香清甜,美味得很!料有竹笙、百合、爽口的金菇,配搭一流。**主菜【黑椒炒雙色西葫蘆(意大利瓜)西蘭花苗】雙色西葫蘆口感清甜嫩,配上黑椒甜料汁完美的融合,味道鮮美可口,而西蘭花苗味道溫和清甜美。*【燒汁芥末姬松茸】姬松茸入口香脆,令菇的鮮嫩爆汁留香在口中,還掛滿惹味芥末燒汁,美味可口,伴上爽鮮甜三色西蘭花。*【露筍黑松露意大利飯】 意大利飯爽口,軟硬適中,每掛上黑松露湯汁,飯中夾雜了野菌及黑松露,好香滋味。**Dessert 甜品【脆皮燕麥奶】這甜品好特別炬我好外脆內軟,內餡是燕麥奶想不到口感軟軟綿綿,不會過甜及油膩,吃進嘴裡整個嘴充滿了香濃的燕麥奶味,是非常

M88開左間素食西餐廳，Emerald「珺」。黎觀摩下素食中西fusion fine dining試下個Lunch for Two ($428)。前菜：麻辣繡球菌萵筍絲，第一道菜就由麻辣加上爽口嘅萵筍絲提起味覺😋。牛油果配青瓜蘋果啫喱，呢個啫喱味道未夠自然，頓時分辨唔到係咩味道😅餐湯：特濃蘑菇湯🥣，一陣蘑菇香～雞油菌竹笙素翅🫕，素翅有粉絲嘅口感。主菜：玫瑰叉燒，玫瑰調味🌹甜甜地，口感又幾有肉感。千絲虎蝦配日式芥末泡沫，脆身包住隻素蝦🦐，望落真係似模似樣。黑松露新豬肉炒雙色飯，黑松露味重。甜品：生磨蓮子露，口感結身，蓮子味道都幾濃郁。餐廳仲係新開，所以上菜安排上稍微有啲混亂，不過整體食物擺盤同質素都邁向fine dining水準。

冬天食肥咗，想減肥食素食，朋友就帶咗我嚟呢間新開不久嘅中法fusion素食餐廳，估唔到又幾有fine dining感覺。我哋叫咗個二人套餐（$428），包括頭盤、湯、三個主菜。點餐後不久就上花生小食，係用反沙芋頭嘅做法，甜甜的幾特別。頭盤試咗烤菇沙律同埋麻辣洪湘蓮藕BB。前者比較西式的，烤菇厚厚的，菇味濃洧。後者是四川麻辣口味，蓮藕BB第一次食，口感非常爽脆，配搭雲耳，好清爽的前菜。跟住就到湯，我哋試咗純素羅宋湯同埋泰式冬陰功湯。羅宋湯就是一般西餐的濃郁蕃茄湯，不得不提配搭的麵包很香脆，用來沾湯食一流。泰式冬陰功非常香濃，酸辣加上一些香料，味道非常惹味。玫瑰叉燒這很有驚喜，係麵筋造成的叉燒，配上自家製的玫瑰露叉燒醬很香，最驚喜的是做到叉燒外層邊邊那種糖膠燒得焦香的感覺，真的很有食叉燒的味道😍。宮保醬炒羽衣甘藍羽衣甘藍沙律就食得多，中式炒菜食法我就第一次食，又幾好食，唔會有草青味，配上宮保醬非常惹味，配料有一些菇菌，驟眼看很像炒肉片呢！食完呢個覺得自己很健康😂🙈咖喱羊腩螺絲粉素羊肉是肉丸造型的，咬落去有真肉一絲絲的質感，味道有啲似新豬肉果種，唔覺得自己食緊素菜。螺絲粉每一粒都掛滿咖喱汁，

平日放假悠閒的節奏，選擇了過海去吃一間朋友推介的素食lunch，洗滌身心靈。餐廳位於中環威靈頓廣場，位置蠻便利的，最近素食大熱，也越來越多人發現，我們根本不需要這麼多肉，少吃肉對自己和地球也好。來這裡我們吃lunch for two 二人套餐＄428，有每人會有頭盤和湯，然後三個主菜，甜品或咖啡要另加錢。烤菇沙律 很大很新鮮的烤菇切成小片方便食用，底下還有不少新鮮沙律菜。麻辣洪湖蓮藕BB 麻辣度比我想像的強，達到很刺激的程度，蓮藕BB很有趣平常少見，爽脆可口。純素羅宋湯 看到了只想到一句詞，貴精不貴多，啖啖皆珍貴，羅宋湯是蕃茄味較重的雜菜湯，的確濃郁出色，沒有肉後湯很清徹不油膩。泰式冬蔭功 - 濃稠的質感，是另外一種感覺，有椰奶香，有點辣，有著泰式異國風情。開始踩入主菜，雖然是二人餐分享三個主菜，這裡有fine dining的配備，細心的將菜一分為二，每人有自己的一碟，而且擺盤認真又有佈置，看著都開心。玫塊叉燒我想應該是餐廳的Signature 美食，看得出來的用心，叉燒形態、味道、口感都很有感覺，絕不是坊間隨便以麵筋加色就糊混過去。這叉燒甚至有點脂香脂口感，也有少許烤香味，認真製作。

星期日我同朋友去咗中環威靈頓廣場M88食素食午餐，餐廳係位於六樓嘅「珺」。朋友最近食過話唔錯，我上網睇食評評價亦然，令我有啲期待😁。餐廳環境好舒服，裝修簡約但不失氣派，其中有一排座位靠窗🪟，可以望到藝穗會。呢度嘅氛圍能夠提升整個用餐體驗。坐低冇耐，店員就為我哋送上餐牌，簡單介紹菜式，而且佢仲提及餐單係會每星期更新😮。呢度有提供套餐，同時亦可以單點。我哋揀咗價值$428嘅二人套餐👫，套餐內容好豐富。素芝士蕃茄配黑醋珍珠，呢個係西式頭盤。頭盤賣相吸引，蕃茄同芝士梅花間竹咁疊住，但如果想切開食就有啲難度，因為芝士易碎。素芝士質感似水牛芝士，估唔到都幾香。蕃茄好新鮮，但配埋黑醋食真係有點兒太酸，但開胃嘅。麻辣繡球菌萵筍絲，呢個係中式頭盤。本身以為萵筍絲係主角，但原來繡球菌更令人難忘。繡球菌個樣有啲似雪耳，但食落發現口感超爽，配以萵筍絲，可算係脆上加脆。我自己幾鍾意麻辣浸味，辣度幾勁，但麻味更出，同時亦有芝麻香。特濃蘑菇湯，呢個係西湯。餐牌冇寫錯，蘑菇湯確係比平日飲開嘅濃郁。每啖都充滿蘑菇蓉，所以好香，口感亦比較稠糊。另外，蘑菇湯會配一片法包。雞油菌竹笙素翅，呢個係中湯。佢比我嘅感覺有啲似碗仔翅