班蘭葉印尼餐廳

营业中

休息中

斑蘭雞花膠湯粉皮（$78）🐤🐤🐤花膠湯粉皮絕對係必食Item, 粉皮嘅質地類似腸粉，好滑身，花膠湯係真係食到有花膠。😋😋😋原本以為配餐嘅雞唔會好多，點知都有成10件雞，而且件件都大大件。雞嘅質地就類似海南雞，好嫩滑。雜菜燒魚飯（$88 加$15轉斑蘭飯/黃薑飯）🐟🐟🐟原來個餐係配白飯，但係食印尼菜點可以唔試下佢哋啲有色飯，所以加左$15蚊轉左做斑蘭飯。斑蘭飯食落會甜甜地，有淡淡嘅香味，都幾特別。😆😆😆燒魚睇相都見到好大條，同埋一啲都唔會乾身，幾嫩滑。白鱔沙嗲三串（$98）🍢🍢🍢因為都叫左兩份主食，最後就揀左樣特別啲嘅串燒試下。白鱔皮燒到都幾脆口，魚肉都仲keep到滑身，配埋沙嗲醬食，好岩我地而啲鍾意香口野啲人食😆😆😆整體來講，而間印尼菜餐廳絕對可以一試，份量大份，係銅鑼灣鬧市之中價錢絕對係好抵食，而且可以食到印尼嘅味道。😆😆😆

平時星期日行過呢條街會見到好多外傭姐姐係到買野，呢排食黎食去都係台灣泰國日本菜，朋友話不如試下新野，即刻唸起呢間印尼野。鋪面唔大，不過裝修好有東南亞味道，連waitress私底下傾計都會用自己嘅語言！一打開menu(如果唔睇中文字)好似去左旅行咁，差唔多全部都係未食過嘅嘢😂 安全起見，我同朋友分別叫左巴東牛肉飯($58) 同Nasi Lemak 班蘭飯 ($88)，兩個相對無咁陌生嘅食物。巴東牛肉飯都幾多料，牛肉好淋都幾入味，個汁撈飯一流！不過相對Nasi Lemak就有少少比下去了，因為個班蘭飯賣相好靚呀！！配料有炸雞(外皮係重胡椒粉味，幾新奇！)，炸雞蛋，炸豆腐，炸魚仔花生(好脆，惹味，不過食食下有少少辣….) 同炸豆餅。都幾新奇，但係可能食慣左有汁嘅飯，最尾我撈埋雞肉沙爹($48)嘅汁先食哂成個飯。雞肉沙爹唔似泰國style嘅淨雞肉，反而本身有日本燒汁搽左係上面，再點沙爹汁個味會有少少怪，分開食好啲。飲品叫左珍多冰($28)同柑桔青瓜冰($28)，前者正正常常，後者都幾清新，真係有青瓜絲係入面，下面就有班蘭syrup，都幾得意，飲飲下柑桔味完左之後會有班蘭味係喉嚨到！

印尼餐廳第一次入去食, 呢間餐廳真係令我感到非常驚喜, 首先講下環境小小的一間店坐位不多, 都可以坐到大約16個人, 食物都好大份, 價錢好合理, 值得一試.〔 原條魚花膠湯粉皮 〕 $88 .🌟真係直得推介既主食, 花膠湯好濃味既花膠, 原條魚個size 真係一黎到會好想講曄好大條, 完全係大個頭, 魚炸得好香口魚肉好滑.👍🏻〔 燒雞花膠湯粉皮 〕 $88 .半隻燒雞, 雞燒得好入味, 汁甜甜地. 而花膠湯粉皮, 粉皮整到好似腸粉禁好特別.〔 牛肉沙嗲 〕 $56 .〔 芒果沙冰 〕 $48 .〔 珍多冰 〕 $28 .(好味指數: 9.5/10)

之前經過銅鑼灣見過呢間印尼餐廳經常都有好多人排隊好似幾吸引咁.咁啱今日又經過呢間餐廳見到有位就拉埋同事入去試下.啦斯啦媽班蘭飯綠色既斑蘭葉飯拌上各款印尼特色脆炸小食.脆炸既小食有炸雞蛋,炸雞,炸豆腐,炸花生餅,魚乾仔花生同辣醬拌魚乾等等.班蘭飯充滿清香既班蘭葉香味,飯粒軟綿帶少少黏性,拌上較油膩既配菜比起白飯相對無咁膩.炸雞酥脆得黎唔會好乾.雖然炸雞蛋唔係流心但炸過既外層鹹鹹香香幾特別.魚乾仔香口帶點鹹鮮味配飯都幾夾.印尼炒貴刁以較幼身既金邊粉炒,帶獲氣而且金邊粉入口仲彈牙唔會炒得變糊而且每條麵條分明唔會黏住.味道帶甜醬油及重胡椒香味,加左雞蛋去炒蛋香味更香濃.配料充滿唔同蔬菜令口感更爽脆.印尼既炒貴刁會偏向濕身但入口唔會帶油膩感,都幾惹味.馬拉盞炒通菜通菜翠綠香脆,馬拉盞帶點蝦醬鹹海鮮香得黎同時帶少少辣椒香.椰汁冰帶住濃香既椰香甜味,配上咁熱既天氣消暑解渴.紅樹薑茶對感冒有效既飲品,入口帶點薑辣香同淡淡甜味.杯底下帶點紅樹皮及薑片,入口暖胃舒服.

9 0 的 味 蕾.作為一個專業吃貨，除咗要識品嘗最受歡迎既地道美食之外，都要了解下唔同國家既食物特色，同大家分享.講到印尼大家又有幾多呢？ 9成9既答案都係姐姐😓😂.今日lunch就同同事揀咗間印尼餐廳，親身了解下，舖頭門口細細地，入邊嘅裝修都幾骨緻，仲用左竹製嘅屏風，充滿東南亞特色。.我呢啲土生土長嘅香港人老實講真係對印尼零知識，所以一坐低就搵左員工推介🤣..🐣花膠+雞 +腸粉💥推薦💥雞大件好嫩滑，佢既薑蔥醬係秘製，好好食。佢個湯入面有兩塊大花膠雖然膠質唔重，但係滑身，最得意係原來印尼人會用腸粉做湯麵，一改我對腸粉點甜辣醫既印象🤪，連啲杞子都有醃過，好用心！.👹四大天王超級傳統既印尼飯，中間係班蘭飯，配上四種餸： 沙甸魚、巴東牛肉、雞&香茅炒菜。.菜重香茅味，巴東牛肉煮得淋，沙甸魚辣得惹味.🥭青芒草沙律 推薦芒果偏甜帶少酸，同平時泰國青芒果唔同，佢比較軟身，唔洗咬到牙較痛，最特別係個醬，由花生，蝦醬、其他調味料製成，咸得黎有少少海鮮味，令到口感好豐富.野飲係誇張式大杯😂、好多冰，滿瀉既狀態，夏天解渴一流，不過兩個女仔可以share一杯，太大杯，飲唔哂！.今日一嘗發覺東南亞每個國家嘅

雖然我係土生土長香港人，坦白講由細到大都係食廣東住家菜大，自然對其他國家菜式無乜太大感覺。不過正正因為呢個原因，出親去食飯硬係有種新鮮感，尤其是印尼菜我就更加無乜行入門口既衝動。不過聽講銅鑼灣呢間「班蘭葉印尼美食」來頭不小，咁就要試下啦！👇📌Nasi Rice|飯 類 -▪ Grilled Chicken · pandan rice - $98▫ 第一個必試印尼最高境界「燒雞班蘭·尖塔飯」，先講隻燒雞先呀，表面燒到非常焦脆，食落肉質完全唔乾，加上面頭蜜糖香味，甜甜地幾香口。而旁邊一定要介紹埋佢個斑蘭飯，用左泰國既茉莉香米，食落有種好獨特既椰香味，幾有驚喜。📌Kuah Perut Ikan|花膠湯粉皮 -▪ Grilled Fish maw soup and fish · jelly sheet - $88(+10)▫ 第二道「原條燒魚·花膠湯粉皮」亦係可以一試，我地加左10蚊轉左燒魚，就咁睇賣相份量的確夠哂兩個人食。魚肉燒得非脆身，但同時裡面keep到肉質嫩滑，呢點要讚；而粉皮做得幾細膩，滑身得黎吸收哂花膠湯底，夠哂滋補，好食。 📌S a t e|串燒沙嗲 - ▪ Chicken ·

食得多西餐中餐點心，又會想食下特別啲嘅菜色😋平時印尼撈麵就食得多啦，唔知印尼菜係點嘅呢🧐所以！今日收工就決定同男朋友一齊去食印尼菜💪係銅鑼灣嘅「班蘭葉印尼美食」🇮🇩🌿星期五晚6.30pm去到，餐廳差唔多滿曬人💪黃薑破雞雜錦飯：雞皮些少酥脆，雞髀肉幾嫩滑，食落有少少🤏黃薑粉嘅味道👍雞嘅調味唔重，可以試下點佢嗰辣椒醬食，但係對於米線食開清湯嘅我黎講，佢嗰辣椒醬真係好辣🌶🥵但男朋友話好好食😋 飯嘅配菜有芽菜、秋葵、炸豆卜、青瓜、蕃茄同一件豆組成嘅炸餅🧐份量都幾大份👍炸魚三色飯：第一次食印尼炸魚😋成條魚炸起，條魚有一把間尺咁長，每一部分嘅魚皮都炸到好脆，但入面嘅魚肉一啲都唔會乾👍魚肉鮮甜嫩滑😋外脆內軟😋好好食👍三色飯有椰汁飯、班蘭飯同黃薑飯😋椰汁飯甜甜地但食落唔膩😋班蘭飯就係綠色嗰個三角形尖尖😂黃薑飯食落對比椰汁飯就比較乾身😋但三種飯配炸魚都好好食😋牛肉沙嗲三串：好好食😋牛肉燒到好多汁😋就咁單食已經好好食👍沙嗲醬食落似係自家製嘅，好濃郁😋十分推薦呢嗰小食😋柑桔青瓜冰：柑桔味較淡，滿滿嘅青瓜味😂好特別但飲落幾清爽👍

今晚與朋友吃飯，在銅鑼灣發現隱世印尼小店-班蘭葉印尼美食。門外已經充滿地道風味，掛滿各式各樣的印尼地道小食，有炸蝦片、炸香蕉、糯米糍、斑斕蛋糕、千層糕等鹹食和甜食。店內員工服務良好，十分有禮，又為我們推介了幾款美食。食物方面，我們點了燒雞班蘭尖塔飯，份量十足，有半隻燒雞，非常香口，班蘭飯有淡淡的椰汁清香，很清甜，味道匹配，另外，印尼炒貴刁份量也很多，加入雞肉、雞蛋、紅蘿蔔絲，足料製作。這道菜的辣椒醬略為偏辣，但十分開胃。小食拼盤有雞翼、炸雞、炸秋葵、豆腐和天貝，配泰式辣醬。天貝是用煮過的大豆及發酵而製，想不到這裏也有賣這麼特色的小食，其中炸雞味道出色，不會炸得過老，保持了它的嫩滑。飲品則點了珍多冰，採用正宗印尼風味綠色配料，飲品底部加入黑糖漿，清甜可口，員工亦十分貼心，詢問我們需不需要調整甜度，值得加分。朋友亦點了黑糯米特飲，椰奶底配合自家製黑糯米，配搭合宜，別具風味。食物有質素，價錢也很抵食，是很豐富的正宗印尼餐。

話說局長細細個成日食印尼撈麵食到賣撈麵果間印尼鋪個職員都以為我係印尼人一個印尼撈麵 兩條腸仔 咁就一餐細個就係咁易滿足到大個左 就好少食印尼撈麵了突然醒起 對於印尼菜我既認知就只有撈麵結果令我的起心肝搵下有咩印尼餐廳主力都係搵啲係旺區 價錢又比較親民同埋正評數多啲既餐廳打算試一試印尼菜係點結果就搵到今日既主角門口仲有counter賣啲特色印尼小食局長臨走都買左啲返屋企慢慢食地方唔算大 不過佢booking都幾full我7點入坐 7點3左右就full house出面仲有好多人排隊 留意到仲有好多疑似係印尼人添睇黎應該非常正宗 如果唔係唔會咁多印尼人肯排隊食由於餐牌太多 局長今次無影哂比住個最吸引同抵食既menu比大家j下先局長決定叫左野飲先 再慢慢揀食咩椰青is a must啦清甜既椰青 消暑一流呀同行fd子就叫左珍多冰見到就知足料 好味 飲得過然後就叫左三樣野首先上既係小食拼盤有6樣野 無諗過份量係咁多我同fd子兩個食完機乎飽左特別要讚佢個炸雞 不得了juicy到爆 個炸漿又開得唔錯 夠薄又夠脆豆腐就炸得外脆內軟仲keep到有豆腐既嫩雞翼秋葵同埋類似煎堆既炸物都合格之上水準之作然後黎左

位於銅鑼灣嘅正宗印尼餐廳係地鐵站E出口行2分鐘就到，呢間店舖前賣好多印尼特色小食，炸物、甜品、飯盒都有，都唔知原來後面係間餐廳，有得堂食，而且選擇非常多，炒粉麵飯通通都有得揀！印尼黃金飯 ($88)本身以為個飯得個尖搭少少地，原來個底度仲有哈哈，份量十足！黃薑飯嘅香料味好濃烈，仲有好多唔同嘅配菜，有加多加多沙律同天貝餅，炸雞好大隻，個皮亦炸得好脆，非常飽肚！印尼特色炒飯 ($78)炒飯入邊有好多豐富嘅材料，雞肉絲、蝦、蛋等等，面頭仲有隻煎蛋，個飯配咗兩條串燒同大大塊印尼蝦片，好有誠意，兩碟餸都超級豐富呀！雞肉沙爹三串 ($48)因為真係好鍾意食沙嗲串，另外再叫多個小食，佢嘅自家製醬汁同串燒真係超級夾，好食！夏日特飲-柑桔冰 ($28) 雜錦冰 ($38)非常清涼爽嘅柑桔冰，見到青檸即刻好有夏天嘅感覺雜錦冰面頭有牛油果同埋唔同顏色嘅珍多冰，好特別成餐飯都好飽肚，好抵食，估唔到係銅鑼灣都可以食到咁豐富嘅印尼餐😋

一個喺銅鑼灣會蕩失路嘅我，下一個落雨天輾轉就入咗糖街，見到有一間舖頭前面勁多印尼小食嘅餐廳，突然間食指大動，捉個朋友入去試吓新野先！😎入面裝修非常東南亞風格，老闆好有心思😘兩個人食唔到太多野，見到餐牌咁多選擇，真係眼花撩亂😝😝😝唔知點揀好，叫咗個印尼姐姐介紹一下佢哋嘅招牌菜，強烈建議我哋食人氣最旺嘅花膠粉皮👆🏻花膠喎，骨膠原，一於試吓🥳🥳超大塊花膠，炆得好琳，我同朋友搶着食😜😜配埋幾隻香煎大蝦，好惹味呀😋😋😋我哋再叫咗一個「四大天王」招牌飯，乜都有啲，我最鍾意就係個巴東牛肉，又唔會太辣，好香，配埋個飯真係停唔到口🙈🙈🙈印尼餐，少不免馬拉盞炒通菜，火候足夠，食啲菜健康啲呀嘛😍😍😍最後我哋叫咗一杯檸檬蜜糖，又有青靈又有檸檬，好醒神，估唔到熱飲都咁大杯，好抵玩😙😙😙

地道印尼美食@銅鑼灣 銅鑼灣有好幾間印尼餐廳㗎，糖街依間成日經過，今次係第一次食，見佢 menu都好多嘢揀！既然未食過就叫咗個應有盡有嘅小食拼盤，有炸雞、烤雞翼、炸黃豆餅、炸秋葵同炸豆腐。黃豆餅係經過發酵，質感紮實，係素食嚟㗎～ 炸豆腐就似唔臭嘅臭豆腐，哈哈，香口但入面好軟。平時秋葵都係做涼菜多，依度炸到佢脆卜卜，好食 花膠湯粉皮好滋補咁，而且可以配嘅主食有好多款，我最後揀咗燒牛仔骨花膠湯粉皮。花膠湯有勁大塊花膠，香醇兼有膠骨原嗰種少少漿口，真係足料湯嘅味道濃郁美味，粉皮好嫩滑𠻹㗎，食下食下就飲哂啲湯 lu。燒牛仔骨因為用咗秘製醬汁去燒，顏色深啲寧舍惹味。啲牛仔骨大塊多肉嘅，份量多又入味，食到舔舔脷啊  印尼嘅四大天王原來係班蘭雞、巴東牛肉、沙甸魚同加多加多沙律，咩都想試下就啱哂。班蘭雞嘅肉質好嫩滑，沙甸魚撈咗辣椒不過唔會太辣。巴東牛肉其實係牛腩嚟，用椰漿加好多香料去燉煮，要燉好耐所以十分香滑。最後一樣係加多加多沙律，Gado-gado 係雜錦咁解，依個沙律有胡蘿蔔條、豆角同椰菜等等材料，最特別就係落咗沙嗲醬，有別於西式嘅沙律呢  個飯轉咗做班蘭尖塔飯，另外有椰汁飯同黃姜飯，一場嚟到食

去開銅鑼灣諗唔到食咩，醒起朋友推介過一間印尼餐廳～餐廳細細間，但食品選擇非常多，裝修都好有印尼特色。🔸燒雞班蘭尖塔飯（$98）試左最出名嘅燒雞，燒雞皮好香脆，個汁甜甜地，幾特別！尖塔班蘭飯擺盤精緻，賣相吸引。🔸印尼花膠湯班蘭雞粉皮（$78）試埋另一款好多人介紹的花膠湯雞粉皮，班蘭雞好嫩滑，個湯好清甜，仲有大大嚿花膠。粉皮就似平時食開嘅腸粉，都幾滑。🔸羊肉沙爹三串（$58）推介羊肉串燒，羊肉一啲都唔乾，食落軟腍，配原粒沙嗲醬超惹味！🔸珍多冰、印尼咖啡涼粉（$28、$38）特飲杯造型特別，珍多冰偏向重黑糖味，比較甜。而咖啡涼粉就細細條飲落舒服解渴～🔸班蘭千層糕（$7）外賣咗班蘭糕同芝麻糕做飯後甜點，煙韌好味，唔算太甜。整體份量都大份，價錢合理，值得一試！

有時食得多日本嘢同埋韓國嘢，都會想試吓其他國家嘅菜式，咁啱有日經過銅鑼灣見到呢間印尼餐廳，望吓個Menu覺得幾抵食，仲要係印尼人開，所以就決定試吓當地人煮嘅味道！我哋一行兩個人，叫咗兩個主食同埋一個小食，再加兩杯透心涼嘅飲品。最先上枱嘅係小食拼盤，總共有五款小食，例如係煎豆腐、秋葵、雞翼同埋好似花生糖嘅鹹食，份量好多，再配埋酸酸甜甜嘅醬汁，應該冇人會唔鍾意食。之後就有印尼花膠湯斑蘭雞粉皮，首先個花膠湯真係勁濃，仲有啲杞子鋪喺面，重點梗係一大塊花膠，女仔一定要食。粉皮有啲似腸粉，配埋個湯好match，又唔會太飽。至於雞肉都非常之滑嫩，點埋薑蓉食就最正。最後一個主菜係印尼炒飯，上面有一大塊印尼蝦餅，係童年嘅味道！除咗飯之外，仲有兩串雞肉串燒，因為份量好多所以最尾我哋都要打包拎走。至於嘢飲就叫咗珍多冰同埋椰青，夏天飲呢啲嘢真係好爽！雖然間舖有啲細，只係容納到10幾人，不過就算要排隊等一陣都抵，因為真係好好食！下次可以再試吓其他印尼美食，開發味蕾😋😋

香港比較少有印尼嘅餐廳，銅鑼灣居然有一間好好食。成日經過，以為賣小食，睇真啲原來係入面都有得坐係一間餐廳。當然，除咗買印尼嘅小食之外，佢都有好多唔同嘅嘢食，主食。入面，比想像中好坐，四人枱都幾闊落。裝飾都別具特色。（1）馬拉盞炒秋葵，$68。秋葵多汁，汁黏口，識落質感係爽口嘅，小辣，幾惹味。（2）印尼秘製汁燒魷魚，$128。呢個一定要比5*星星。好好食，魷魚好有趙頭，最重要係嗰個醬，深色嗰個醬鹹甜辣交融，右邊嗰個醬呀酸甜辣交融。無論係點魷魚，定係點蔬菜，都係令人開懷大食，垂涎三尺。（3）燒雞花膠湯粉皮，$88 ，呢個又似中菜，又唔似中菜嘅，好特別。花膠粉皮真係第一次見，湯底係藥材未，感覺好補，花膠好多，質感當然滑，粉皮同樣滑，又真係幾夾。食完個湯，可以食個燒雞，呢個燒雞應該有啲類似孜然粉、香料，好香，而且肉同皮之間嘅脂肪好似冇乜，皮脆肉嫩。（4）斑蘭箭葉果蜜，$28。我覺得呢杯嘢飲好特別，似檸檬蜜，但又有啲檸檬蜜以外嘅味道，我諗呢一種就係斑蘭味。（5）新鮮椰青，$38。新鮮好味，食完心情大增，超級清新。此外呢一個店，超級多印尼小食，香港真係好罕見。總括嚟講，性價比極高，富有特色嘅一間小