影片
更多
2021-07-17
149 浏览
有時食得多日本嘢同埋韓國嘢，都會想試吓其他國家嘅菜式，咁啱有日經過銅鑼灣見到呢間印尼餐廳，望吓個Menu覺得幾抵食，仲要係印尼人開，所以就決定試吓當地人煮嘅味道！我哋一行兩個人，叫咗兩個主食同埋一個小食，再加兩杯透心涼嘅飲品。最先上枱嘅係小食拼盤，總共有五款小食，例如係煎豆腐、秋葵、雞翼同埋好似花生糖嘅鹹食，份量好多，再配埋酸酸甜甜嘅醬汁，應該冇人會唔鍾意食。之後就有印尼花膠湯斑蘭雞粉皮，首先個花膠湯真係勁濃，仲有啲杞子鋪喺面，重點梗係一大塊花膠，女仔一定要食。粉皮有啲似腸粉，配埋個湯好match，又唔會太飽。至於雞肉都非常之滑嫩，點埋薑蓉食就最正。最後一個主菜係印尼炒飯，上面有一大塊印尼蝦餅，係童年嘅味道！除咗飯之外，仲有兩串雞肉串燒，因為份量好多所以最尾我哋都要打包拎走。至於嘢飲就叫咗珍多冰同埋椰青，夏天飲呢啲嘢真係好爽！雖然間舖有啲細，只係容納到10幾人，不過就算要排隊等一陣都抵，因為真係好好食！下次可以再試吓其他印尼美食，開發味蕾😋😋
我哋一行兩個人，叫咗兩個主食同埋一個小食，再加兩杯透心涼嘅飲品。
最先上枱嘅係小食拼盤，總共有五款小食，例如係煎豆腐、秋葵、雞翼同埋好似花生糖嘅鹹食，份量好多，再配埋酸酸甜甜嘅醬汁，應該冇人會唔鍾意食。
小食拼盤
68 浏览
0 赞好
0 留言
之後就有印尼花膠湯斑蘭雞粉皮，首先個花膠湯真係勁濃，仲有啲杞子鋪喺面，重點梗係一大塊花膠，女仔一定要食。粉皮有啲似腸粉，配埋個湯好match，又唔會太飽。至於雞肉都非常之滑嫩，點埋薑蓉食就最正。
印尼花膠湯斑蘭雞粉皮
42 浏览
0 赞好
0 留言
最後一個主菜係印尼炒飯，上面有一大塊印尼蝦餅，係童年嘅味道！除咗飯之外，仲有兩串雞肉串燒，因為份量好多所以最尾我哋都要打包拎走。
印尼炒飯
14 浏览
0 赞好
0 留言
至於嘢飲就叫咗珍多冰同埋椰青，夏天飲呢啲嘢真係好爽！
珍多冰
10 浏览
0 赞好
0 留言
椰青
19 浏览
0 赞好
0 留言
雖然間舖有啲細，只係容納到10幾人，不過就算要排隊等一陣都抵，因為真係好好食！下次可以再試吓其他印尼美食，開發味蕾😋😋
张贴
