班蘭葉印尼餐廳

营业中

休息中

呢日經過銅鑼灣，見到有幾間印尼餐廳，本身其實已經好想試印尼餐廳，因為未食過，就揀咗一間最多人排隊嘅。好好彩，等咗一陣就可以入座。等待入座期間，我和朋友喺餐廳出面係咁望住佢個外賣小食櫃流口水，有斑斕千層糕，香蕉糕，班蘭蛋糕，南瓜千層糕等等，賣相超級吸引！以下係ordered food:新鮮椰青$38非常清甜，椰子肉也非常淋同滑，加埋清甜椰青水，一路飲一路食，真係好滿足印尼花膠湯斑蘭雞配白飯 $78雞飯同花膠湯係分開上，好好彩食到雞髀，加上一粒粒嘅白飯，真係好好食。呢個就係印尼花膠湯入面有一塊好大塊嘅花膠，煮得啱啱好，唔會太硬，都唔會太淋，正！同埋佢個湯底非常濃郁，浸浸花膠雞味，好滿足，肯定係真材實料原條魚花膠湯粉皮$88 (+$10轉燒製) 條魚超級大條，$88黎講超級抵，同埋嗰$10轉燒製係一定要！本身因為驚熱氣，所以先轉燒魚，點知一放入口，就發現呢個$10冇比錯。佢個魚整得超級好，魚肉非常滑，又唔多骨，加上用秘製醬汁去燒，真係無人能及，超級好味本身想試粉皮，點知賣晒，所以轉左貴叼，但都好好食，都係有一大塊花膠，同埋個湯底都超好飲。物有所值！呢度有兩個主食，叫我分邊個好食啲都真係好難分

星期五晚去銅鑼灣行街，諗起有條街有幾間印尼餐廳。呢間好多唔同國籍嘅人食，都要排隊等。門口有好多小食賣。佢外賣價錢仲抵添。嘢飲叫咗椰子水同埋涼粉咖啡冰，個咖啡味道唔錯。呢個印尼黃姜飯勁大份，個雞髀都好大隻，仲有沙嗲同埋黃豆餅。見到呢個花膠粉皮，佢話係自創嘅。佢份量都比我想像中大，舊花膠好大，口感係爽嘅。粉皮個質感好似平時食啲腸粉咁。個湯底都好濃味。佢仲有唔同嘅配菜揀，我哋揀咗牛仔骨，呢個好林好入味。最有驚喜係呢個沙嗲大蘑菇，呢度嘅沙嗲醬真係好好味。我哋兩個人食其實唔係好食得晒，因為分量都好大。銅鑼灣呢個價錢真係好抵食。

呢日去中央圖書館聽talk，聽完talk就諗住同朋友去附近搵下有冇咩好食既野，我地見到有間印尼餐廳望落唔錯，我地又好少食印尼野，就入左去食lunch。餐廳細細間，但環境唔錯。打開餐牌，見到有好多好有特色既印尼菜。我地都幾肚餓，所以點左好多野食。主食方面，我地點畫炸魚三色飯，呢個飯望落好特別，佢有大大條既炸魚，魚炸得好香脆，出面層皮咬落去係索索聲，外脆內軟，好正。呢道菜最特別係佢個三色飯，有白色、黃色同埋綠色既飯，分別係椰汁飯、黃薑飯同埋班蘭飯，可以試到唔同味道既飯。另外，點左個石粟馬拉盞炒通菜，通菜都幾嫩，配埋惹味既馬拉盞，超好食。最後，仲叫左碟烤魷魚，烤魷魚幾香口，肉質彈牙，正！飲品方面，點左牛油果沙冰同埋綠豆椰汁冰。

怡和街附近（近糖街位置）有間正宗印尼食店。有時見佢門口賣嗰啲印尼小食都幾吸引，價錢合宜，今日就入去試下食佢嘅dinner。小店地方唔大，啲位比較狹窄，不過環境都ok，將就下冇問題。今日叫咗四款都係店家推介：燒春雞尖葉斑蘭飯班蘭飯 $98班蘭飯有好香班蘭同椰汁味，好開胃。燒春雞有驚喜，睇落好似唔大隻，食落啖啖肉。隻雞做到有燒烤嘅脆、烤、焦香同埋惹味於一身。外層嘅醬汁好濃郁，但內層亦唔會好乾爭爭。附送嘅醬汁都幾辣下，應該係由豉油、魚露、辣椒同青檸混合而成，個人覺得唔使醮都好夠味。原條燒魚配花膠雞粉皮 $98呢款一上碟有驚喜！條魚嘅醬汁同燒春雞應該一樣，不過食落係第二個風味。魚夠大條多肉，表層醬汁濃郁，BBQ質地，索曬落啲魚肉度。魚肉唔會太鞋或者太散，同個醬汁好夾。加埋碗清湯粉皮，一清一濃，冇咁大罪惡感。粉皮都好滑嫩，不過我唔太鍾意佢個罐頭螺肉片太粉。花膠都ok，唔係好高質素，但98蚊成條燒魚食到已經好抵啦😋。印尼小食拼盤 $88有炸秋葵、炸雞、炸雞翼、炸豆腐同埋黃豆餅。佢每份炸物嘅炸粉都落咗椒鹽，食落分愛鹹香。炸皮雖然厚，但係keep到好脆，好入味。特別鍾意秋葵清新。炸雞都夠juicy，冇

前幾日約左朋友食晚飯，誤打誤撞走入呢間食印尼菜既餐廳，後來先發現原來就係indome帶coco黎食既個間印尼餐廳!首先,餐廳裝潢都好用心，好有印尼風情令人有種relax感覺。破乳鴿雜菜飯：乳鴿好大隻，夠香脆，而且好有肉地。雜菜有秋葵，臭豆同印尼圓碌碌茄子。臭豆一啲都唔臭，味道好特別，好甘香。印尼茄子同平時食開既茄子唔同，有鮮味，比較似食緊水果。總統古法燒飯：飯用葉包住，一打開見到落左好多料，除左辣椒同香料之外，仲有臭豆同魷魚，令成個飯好惹味！雞脾好大隻，好多肉，肉質嫩口。飲品就推介珍多冰同班蘭沙冰！味道濃郁無溝水！

無得旅行嘅呢一年幾，時不時都會諗起旅行個陣去過嘅地方，食過嘅美食，齋諗都已經流曬口水。有次同男友講起，我地一致覺得最掛住喺印尼一個叫Yogyakarta島仔，喺酒店食過嘅印尼餐。喺香港要好食又價錢實惠嘅印尼餐，我會推薦銅鑼灣班蘭葉印尼美食。餐廳細細間，但食物款式選擇超級多。印尼餐離不開炸野。我記得在Bali當地人的餐廳食過，幾乎所有菜式都是炸的。當地盛產椰子，剝開拿出椰肉之後，椰子殼會用來生火煮食。用椰子殼作燃料炸出來的食物好像特別好食。香港當然唔會用椰子殼生火，但可以邊食住個炸雞髀椰子飯，邊想像個畫面，想像力補救。店員會提供即棄膠手套，當然你也可要求提供刀叉。對我來講，食炸髀當然要用手食才特別有風味！雞髀炸得香脆不在話下，肉質依然嫩口。最喜歡呢個飯搭配的辣汁，有濃濃印尼香料芳香。蛋也是油炸過，油香十足。我地加了個小食炸魚仔。飯與炸魚仔一併食，魚仔脆口、鹹香帶微辣提升飯的味道和口感。男友說如果飯配埋花生粒，就與我地喺印尼食過的無異了。每一口的味道都彷彿勾起了旅行的回憶。男友食嘅花膠湯粉皮。粉皮煙韌，花膠爽口，不是食炸的話，這一是個不錯的選擇。

每個人生日都想有人記得自己生日，有人幫自己慶祝！我家印傭姐姐就係今個星期生日，諗緊點幫佢慶祝生日既時候，就係網上面見到黎間印尼餐廳既生日塔尖飯，就即刻訂左。 Tumpeng Nasi Kuning在印尼當地錐形黃米飯象征著由黃金堆砌而成, 象徵財富和道德的置高點, 因此它是當地人作為慶祝生日、升職、新生兒誕生, 婚禮時的一道獨特美食。 我地訂既黎個塔尖飯主要以黃薑飯為主，如果想無甘單調仲可以配搭班蘭既綠色飯。另外就好似盤菜甘，可以自行配搭唔同既小食 包袋同裝飾都做到好好，就算由銅鑼灣送到黎九龍都無散晒，上面仲有用紅蘿蔔既雕花刻上左姐姐既名 生日飯應該要有魚有肉，所以我揀左炸魚，班蘭雞(其實姐姐比較中意食炸雞，但如果全部都係炸會太熱氣)，串燒，豆餅。黎個係4人分量，但多到都完全食唔晒🤣 黃薑飯黃薑飯份量十足，4個人完全食唔晒，薑味好重好足料，食完成日都暖晒好養身 炸魚原條炸魚，表面炸到好香脆，但魚肉一d都唔乾，仲仍然keep到嫩滑鮮甜，好新鮮 班蘭雞雞皮好薄好滑，肉質鮮嫩，另外配有甜醬油同薑蓉，上面仲有杞子做點綴 串燒有牛肉串燒同白鱔串燒，牛肉串燒正常水準，白鱔係我既最愛，肥美魚油十足

星期六，下著微雨，帶着兩老去食印尼菜。爸爸想食黃姜飯，所以選擇了三食煎魚飯。另外叫了三串羊肉沙嗲、黑蘑菇串燒、珍多冰和涼粉咖啡冰。門口很細，座位不多，但坐得也算舒服。有很多食客是印尼姐姐，侍應也是印尼人。 這裡只收現金或支付寶！正好我登記的消費卷是支付寶！總括來說，食物可以，坐位也算Ok. 可以一試！

店鋪門口有賣不同印尼小食，如印尼千層糕、炸魚片、印尼香料等🤩餐廳其實唔大得7-10張枱 餐廳會播放印尼歌幾特別真係好似去左印尼🇮🇩🤣🤣✨小食拼盤總共有5款小食，分別係雞翼，炸豆腐，炸雞，秋葵，黃豆餅，加類似泰式辣醬既醬汁，種類豐富🥳 大件夾抵食，其中炸豆腐同雞翼特別出色😎👍🏻入味之餘仲唔油膩，炸雞同秋葵個粉漿多左dd，但都好食仲好大件🤪黃豆餅第一次食，口感偏乾味道偏淡得豆味，個人麻麻地中意食咗🤣✨燒雞班蘭尖塔飯班蘭飯好香班蘭味，但係飯份量好多，💁🏻‍♀️如果細食既人建議嗌少飯。燒雞皮薄啖啖肉，肉質口感唔算鞋口，燒雞醬汁惹味餸班蘭飯食一流。圖中左上角有一個醬汁係偏辣的，因為我唔食得辣，試少少已經好辣唔敢再試😂✨三重芝士碎雞撈麵第一次係街食indo麵，係幾不錯既體驗，因為佢加左三種芝士係上面仲用火槍燒😎 些微燒焦既感覺好正🤤 餸方面我以為係碎雞，上碟果陣係炸雞🤣 味道同小食拼盤果個有少少重覆左，雖然味道有d 唔同🤨 個芝士我係鐘意的🤪但大家記得嗌左拼盤就唔好嗌依個喇！✨牛油果沙冰牛油果🥑加朱古力醬牛油果味唔算太突出，隱約中先飲到牛油果嘅味🤭朱古力醬同牛油果攪拌後飲 牛油果味竟然仲突出左🙀🙀✨

在香港的人口中，外傭姐姐絕對佔一席位！當中，菲律賓籍外傭姐姐佔大比數，其次是印尼籍外傭姐姐；後者比前者的語言能力更叻！連廣東話都識講！週末的銅鑼灣，到處可見外傭姐姐的縱影！由銅鑼灣怡和街轉入糖街，這裡也有不少印尼籍姐姐聚集，原來有印尼食店！糖街的 <班蘭葉印尼美食> 老闆是香港人，戴上綠色口罩！跟店子相當襯色！另有印尼籍女店員，識講廣東話，就算落單亦不需要轉 channel！分隔板，正是限聚令下的香港餐廳特色！Menu虎蝦花膠湯粉皮 $98虎蝦有 3隻，肉質結實又鮮味！粉皮外型似腸粉般卷狀，質地薄而滑溜，夾起卻容易斷開！花膠夠大塊又夠霸氣！薄薄而雪白的花膠，柔軟帶彈性！鮮美的花膠湯底，令我最不捨得，所以飲了9成，最終連飲品都無叫！班蘭雪芳蛋糕 $15翠綠色的班蘭雪芳蛋糕頗大件，蛋糕質感尚算綿密，芳香鬆軟，甜度恰到好處！班蘭千層糕 $7色澤層次分明！帶點煙韌軟糯，散發些少椰子清香，甜度剛好！紫色千層糕 $7層次不及前者班蘭千層糕分明！而且，甜度相對甜過班蘭千層糕！蝦片 $12店方另有一款炸魚片 $20，比蝦片大包，不要拿錯！店方的蝦片算幾大塊，口感香脆不太鹹，用手拿來食後

因為家族關係，一向也喜歡印尼美食，已經2年多沒機會去印尼，老公提意今晚食印尼餐解解相思之苦牛油果沙冰老公點了這個，一向喜愛牛油果的我今晚就飲熱飲，沙冰清甜鮮解渴，老公話正香茅椰糖薑蜜香茅清新配椰糖薑蜜，這甜度個人十分喜愛巴東牛肉花膠湯粉皮巴東牛肉是印尼十分出名的菜色，這次點了配花膠粉皮是從食評看到有花膠湯，特此點來食不喜粉皮可轉米粉，粉皮入口滑溜，而花膠更是大大塊的，可滋陰養顏燒雞三色飯燒雞惹味，肉質嫩口，而還有三色飯，白飯帶有椰香，綠色的是班蘭飯很清香，黃飯是黃薑飯燒黃豆餅這黃豆餅很好吃，醬汁燒更惹味，令人一口接一口，必點本想再點沙嗲串，但食量有限，留待下次吧另還買了雞絲糯米卷帶走，這是個人的最愛小食，可作的明天的早點

響銅鑼灣糖街有唔少印尼商店，之前路過看見這店門前掛著很多零食之類的，也不為意這是間印尼餐廳。今次Openrice覓食先搵到，午市時段進內剛好有位，看見餐廳食客不乏香港人及印尼人，看來食物質素也有保證。餐牌上選擇蠻多的，我最後點了斑蘭雞尖塔飯 $68，午市時段送熱飲，或凍飲加$5。碟飯上枱時賣相幾好，雞夠大件又夠多，肉質嫩滑，配醬油或蔥蓉都好夾。綠色的尖塔飯份量大得誇張，根本是二人份量。這個飯不是綿綿的，反而有點點似糯米飯般煙韌，而且味道帶點斑蘭味？（還是椰香味～）幾好食。

在銅鑼灣行街時，久唔久會見到呢一間印尼餐廳，在星期六日非常之多家傭姐姐嚟到聚集🤣趁這日平日放假，我們嚟到呢度一試，感受下印尼餐😊雖然係平日，但午餐時間亦都座無虛席。感覺有好多印尼人都會嚟到呢度食嘢，還有在附近上班一族也會幫襯。餐牌嘅選擇有非常之多在OpenRice見到好多人都會點花膠湯粉皮，我哋都嗌左一客原條魚花膠湯粉皮試試。另外都嗌咗一個飯、一個小食。小食雞肉黃金餅嘅份量原來勁大😅 感覺似係春卷，裏邊有好多肉碎、蔬菜絲、蘿蔔等等餡料。外皮炸得好脆，口感豐富😊佢哋嘅印尼式辣醬都好香幾好味，但怕辣嘅點少少少少就足夠。估唔到花膠嘅份量好多，都好大塊；粉皮有啲似河粉及豬腸粉；配合埋湯底都幾好味。炸原條魚都好大條，魚皮好香口，魚肉感覺新鮮😊燒鴨嘅外皮好香口，甜甜地，有啲似我哋廣東燒味味道。飯旁配合埋有印尼特色嘅小食，感覺都幾得意😊飲品好大杯！牛油果沙冰我哋都係第一次飲，粉綠色好靚，飲落去感覺到佢落足料，牛油果香滑清新，呢個沙冰好健康，夏天飲非常清爽😊椰汁味道香濃，甜甜地好清涼，感覺滋潤，食東南亞菜配合椰汁係好夾😊餐牌裏面嘅菜式仲有好多都好吸引，但係今次我哋兩個人點唔到太多嘢食，下次約埋朋友再試

之前係openrice搵緊外父鍾意食既印尼菜，因為外父係印尼華僑，諗住同佢慶祝75生日，機緣巧合之下搵到呢間班蘭葉餐廳，仲發現到呢間餐廳有個特色生日拼盤飯，所以就去試下，鋪頭門面唔算大，但幾有特色！之後入到去見兩邊牆都掛住特色公仔同美食既相，好特別！雖然鋪入面唔算大，但都算坐得舒服，之後就order咗啲餸，並由老細安排放落去我一早order既擺設拼盤上面！當個大拼盤嚟到之後，我哋都“嘩”一聲！好澎湃，而家仲好靚添！食物味道質素真係富印尼風格！Remak：老闆係香港人，佢老婆係印尼華僑，個服務態度真係好好，唔該前唔該後，多謝前多謝後。仲好好傾添

超乎我想像既好味👍👍點呀？炸雞好味過韓式炸雞；醬汁好味過印度香料；燒蝦仲爆，好味過日式居酒屋！ 撞手神入呢間舖頭一試，舖仔唔大但坐滿咗，後黎留意到原來好多都係印尼人。因為正中？anyway, 我只知因為"好味"😋見menu好多選擇，真係唔識揀，於是就揀啲貼住“必食推介”既……嘩，堅得👍😋😆印尼四大天王飯：雞件、牛腩、花生醬汁雜菜、蝦米雜椒，呢四種食物圍住個飯，有齊印尼人喜歡既机本食材。件雞明明似係雞胸㗎痳，但點解可以做到咁滑既😋？超奇蹟🤣牛腩好腍，味唔係好似我哋燜牛腩咁濃，但係又好夠味㗎喎😉。跟住有個超香花生味既醬放係菜到，我哋最後用黎撈哂飯，佢真係會令你食唔停，香到爆😍😋另外啲蝦米雜椒好香辣好野味，又係停唔到口果隻。👍👍三重芝士炸碎雞飯：咩都唔識就叫嘢食，以為一個飯正就已經好好彩，好開心啦，點知呢個更正。炸雞鬆脆到不得了，裏面唔洗講梗係juicy啦, 我而家先知咩叫真juicy,真係不得了。再加埋三重芝士，更添香濃美味👍虎蝦沙爹：最後加個小食（其實已几飽，佢份量都唔小嘢）因為之前果兩款嘢食比到好大信心我哋繼續叫🤣🤣又真真真surprise, 邊到揾咁好食既燒蝦㗎？個殼好脆，有好特別