牛摩 (荃灣千色匯I) (已結業)

“牛”字當頭的自助火鍋店不少，試過好多間，而近日我就同朋友去了位於荃灣的“牛摩”，發現這間的自選食物實在多不勝數，除了肉類有很多種之外，可以無限增添的食品更有海鮮類的選擇。而自助火鍋配料則有常見的蔬菜、菇菌、肉丸等。食的選擇亦都很多，例如有壽司、串燒、炸物、雞翼、沙律等。更有乳酪、沙冰、甜品，種類繁多。自選的澳洲特級和牛，肉質鮮嫩，牛肉味道濃厚。無限增添的海鮮，非常鮮味。湯底為鴛鴦鍋，有豬骨濃湯及昆布清湯，把拉麵加入豬骨濃湯內煮熟，更有種到日式拉麵店進食豬骨湯拉麵的感覺，非常好味。而熟食當中，要數柚子雞翼最為吸引，讓我一連吃下好幾隻~~牛摩荃灣分店，店舖不算大，但座位舒服，適合朋友相聚談天。

牛肉可以味道不差有牛味及有飲品任飲少量海鮮供應，價錢ok , 但壽司飯竟然有骨奇硬無比，叫金毛男職員收走，仲同我講：未食完喎。我叫佢自己試吓飯好硬，即黑面態度惡劣大聲講：「多謝你寶貴意見喎」連隔離枱都望過黎，跟著我再試其他壽司，D飯都係＂起骨＂， 最後再反映， 職員自己試過後才收起所有壽司，結果餘下時間再未有壽司供應，最奇怪當初叫職員收走壽司時，同我講：未食完喎，情況就像質問我：仲乜浪費食物，但職員為何不是問我食物質素係咪有問題？難道食物供應前無人試過食物質素或品質檢定？要受氣同如此食物質素，不會再嘗試....

跟家人在荃灣逛完街， 突然想食火鍋， 便來試試這間未食過的牛摩。 由於怕肥，我喜歡早食早消化XD 6時多的餐廳好鬆動。 好開心霸到卡位坐。 2人坐4人卡位，好寬鬆舒服。 本來想食普通牛肉， 但覺得人一世物一世， 既然這裡有分級數的，就試最好的吧！ 反正唔係成日食~Cheap 的周街都有得食～ 點了每人$438位的 日本霜降黑毛和牛 晚市90分鐘放題（5點至9點） 包括：美國特級牛肉、澳洲特級和牛、澳洲極上和牛小排、豬肉、帆立貝、 海蝦、藍青口、廣島蠔 火鍋鍋底我選了蕃茄湯底。 個人覺得用蕃茄湯底 最能帶出靚牛肉和海鮮的鮮味甜味。 醬料Bar 都有不少種類可供選擇。 自助Bar 有好多壽司、火鍋配料可供選擇。壽司有三文魚壽司、蝦壽司、魷魚壽司和卷壽司等。 火鍋配料有粟米、蔬菜、米粉等等， 可以說基本的都齊全。 甜品櫃也有好多款杯裝甜品選擇，看得我流晒口水。 其實侍應捧了好多盤牛肉， 不太識分哪種是日本霜降黑毛和牛 美國特級牛肉、澳洲特級和牛、澳洲極上和牛小排....哈哈 只能說，每一

同朋友行街血拼完畢,係時候醫下個空虛寂寞既肚咁岩火鍋癮起,就決定去試下呢間牛摩。呢到有好多唔同級數既牛,民以食為天,對自己好d,所以我地揀左澳洲極上和牛小排,一試靚牛既味道。湯底方面,我地揀左豬骨濃湯併蕃茄薯仔湯,豬骨濃湯我覺得清清地,可以食真d牛既味道,而蕃茄薯仔湯酸酸甜甜,令到我胃口大開。睇到d相都知道d牛好靚喇,果然係性價比高,味道一流,豬肉都好稔又重豬味,good呀!!仲有碟海鮮:帆立貝,海蝦,藍青口,廣東蠔全部都幾新鮮同幾鮮甜架。另外出面有自助火鍋料同醬料,仲有壽司同d小食拎添。食飽飽就拎左d甜品作結尾,最中意就係泡芙,中意食泡芙個話唔好錯過呀!

同男朋友2個人行完街諗住試下新野啦，見到荃灣千色滙開左間牛摩就入左去，我地揀左宵夜時段個個極上黑豚肉餐，一個豬骨湯底，一個壽喜燒湯底，肉類同海鮮都唔錯都幾新鮮，不過壽喜燒湯底個隻蛋就...竟然連續幾隻都壞嘅，自助bar食物種類都唔算太多，飲品都有好幾款選擇，最重要嘅係，竟然last order左都唔出聲，要人叫野個陣先話比我地知已經last order堆左單，話廚房已經收哂野，態度仲要講到我地知佢截左單咁，一定唔會再黎呢間囉

火鍋任食好多地方都可以食到，但難夠一人一鍋既地方就唔係多啦！今次黎「牛摩」打邊邊，原來係一人一鍋，三個人去，可以食到三種湯底😍睇下環境幾光猛，而坐滿曬，證明都一定唔差啦👏三個人去食，分種叫左三個唔同既湯底，我就叫左「泡菜湯底」，湯味濃郁，帶有少許辣味！睇下啲豚肉幾靚，依落好新鮮😆牛肉都唔差嫁😍而且仲有好多配料，另外有熟食比你選擇！今次叫既套餐仲有「蝦、元貝、蠔」食添！拿！尼杯沙冰唔係度度都有嫁!仲有甜品櫃咁多款甜品比你選擇😘除左有百事、七喜，仲有熱飲、沙冰等等！可惜暫時未提供啤酒尼度仲有乳酪食，配料仲可以DIY添❤️

平時經常係荃灣出沒既我,都會成日搵下D 美食既,成日經過千色匯見到依間野排哂長龍咁樣,今次帶埋2個女神入去一試究竟先~等左幾個字左右就入到去啦,雖然未人齊,但係店員都比我入去坐住等,真係夠哂人情味,入到去坐低左,店員就比左份Menu 我睇,因為牛肉都分幾個級數既。有和牛小排啦,美國牛肉啦,美國特選牛肉啦,豬肉仲有海鮮,直頭應有盡有啦,禁多野食都係3舊水左右每位,抵唔抵食就真係食完先講啦,之後齊人我地就叫埋個湯底,總共叫左2款湯底。一個係番茄湯,另一個係豬骨濃湯,叫完我地就出左去拎其他野食啦,原來依間餐廳唔只得打邊爐野食,仲有其他熟食供應,有壽司、串燒、烏冬等等！我夾左幾舊柚子雞翼同魷魚筒燸米飯,幾特別呀,起碼我未食過。調味料方面真係選擇多多,又係咩都有,我就最中意食芝麻醬啦,夾完野就返埋位開始食野啦,d 和牛一上枱就睇得出係靚野啦,明顯既红、白相間,分佈均勻,口感亦都唔錯,落鍋涮幾野即刻放入口。入口即溶,牛味都幾濃,豬肉有口感,味道都唔錯,依兩款我地係不停翻叫既,海鮮食材，當中包括了蝦、青口、帶子和生蠔,蝦肉唔錯，都有鮮蝦既味道,生蠔都幾大粒,帶子夠嫩口，而且都算幾大粒。美女加美食，完

公司個ISO Audit終於完成，辛苦左咁耐，我話過要獎勵一下自己。對於我呢個牛魔王，梗係刷番餐靚牛啦停車場等𨋢已經見到「牛摩」呢個牌了去到門口已經比啲火鍋香氣吸引住了，好彩平日唔算太多人，好快就有位了。平時就應該揀最平價錢黎食，但今日話明係獎勵自己，梗係對自己好啲，揀左澳洲極上和牛小排，呢款仲會包埋帆立貝、海蝦同藍青口同埋廣島蠔添湯底我爭扎左好耐，應該要蕃茄湯定壽喜燒，最後認為食靚牛，應該揀壽喜燒。揀完湯底，即刻出去睇下有咩可以即食架啦，好肚餓呀。熟食都有幾款，但見到有三文魚壽司，又豈能錯過呢三文魚堅係新鮮，但又唔敢食咁多，因為要留肚食牛呀。壽喜燒湯底，連埋隻蛋牛肉黎了，果然係澳洲極上和牛小排，睇見就即刻想放入口了。我仲特登叫埋另一款廉價一點的澳洲特級和牛比較下。我覺得澳洲特級和牛脂肪較多，油花豐富且分布均勻，而澳洲極上和牛小排肉質細嫩、牛味十足，絕對是上品靚牛肉淥兩下就得啦，淥耐左就老了就唔好食架啦海鮮盤都到了，海蝦好新鮮呀。最後行去甜品櫃見有多款選擇，但可惜我已經比牛肉佔領左整個胃了。呢餐埋單雖然要$340一位，但絕對係值回票價，作為牛魔一定會再黎牛摩。

香港人特別喜歡吃火鍋，不分男女及年紀，記得小時候冬天媽媽說在家吃火鍋，我們幾兄弟姊妹便十分興𡚒，一家人圍著鍋子滾著自己喜歡的食物，的確是份外滋味，現在吃火鍋已經變成平常事了，不用等冬天，只要有冷氣的地方，就可以三五知己一起來個火鍋午餐或晚餐，而火鍋放題雖然在香港流行了好幾年，但仍然有不少火鍋店門外是大排長龍的，可見火鍋似乎已經變了港人的"常餐"了﹗不用說，來到千色匯就想起牛摩，然後火鍋引起，於是Nosir又拉了我進店以往火鍋放題都是點最便易那款，偏偏今晚想豪一次看看平會和貴價的牛肉有多大的分別，於是我們就決定試試第二貴的澳洲牛小排放題，每位$308第一次來荃灣店吃晚巿放題，自助區跟午巿大概差不多吧﹗有多款丸類和蔬菜～也有壽司和沙律⋯粉麵也很齊全，款式算多⋯熟食都好吸引啊﹗有雞翼、和牛炒飯、釀蟹蓋、雞翼、串燒等等⋯湯底很重要啊﹗我們選了壽喜燒和豬骨濃湯，湯底一送來⋯嘩﹗豬骨湯底非常濃郁啊﹗我們點的澳洲牛小排放題還包了任食海鮮、雞肉和豚肉，海鮮包括帆立貝、海蝦、藍青口和廣島蠔，說實在的，湯底加入海鮮的確能將牛肉味道提鮮呢﹗第一次送來的牛小排(左)，牛肉跟脂肪比例適中，而且大大片，煮熟也不怕

約了老死食飯，兩個男仔食咩好？我會選擇火鍋肥牛放題，又可以任點任食，又可以恰下恰下滿足兩個食肉獸，又可以吹水傾計講一晚就最好不過啦！小弟說過城市中心翻身後多了不少食肆呢，今晚打邊爐就試下牛摩吧！記得之前在市區吃過質素不錯，難得在荃灣有新分店也去捧場一下！😁😁六款湯底、有六款不同級數的牛肉豚肉！我們要了蕃茄湯底，貪其鮮甜的蕃茄味呢，也豪氣地點了算是第二級數的澳洲極上和牛小排，我們七點半入座，每人要三百零八大元啊！坐下不久，店員就送上食物了，牛肉很新鮮呢，雪花紋靚不會充滿肥膏脂肪，不像那些屋村酒樓的劣質肥牛，而且我們是較高級的套餐，其他海鮮如青口，海蝦，帆立貝，廣島蠔也可以任點任叫沒有限制呢！叫貴一點也是質素的保證！👍👍等候牛肉海鮮變熟的時候，可以出去拿熟食，有壽司、串燒、烏冬等等！不過小弟覺得麻麻，還是主力火鍋類食物較好！除了肉類，當然還可以吃菜消化一下和其他丸類，款式甚多，小弟推薦最下方那個有牛摩logo的芝士燒，又得意又好香芝士味，好食！火鍋放題，飲品解渴也很重要呢！沙冰汽水不在話下，連熱茶、咖啡等等也有供應，還可以加錢啤酒任飲，實在太多選擇呢！😆😆女孩子的話可以甜品放題，不過不合我

荃灣食店愈嚟愈多，要試晒所有餐廳應該要一段時間。但最近有朋友推介牛摩，所以就一於試下啦先說一說環境，這裡樓底很高。而且環境都好寬闊，所以都坐得好舒服。雖然打邊爐會多煙多氣味，但可能環境都寬闊，所以唔會好大陣味自助吧的種類都有好多款，除左有正常汽水之外，都有沙冰選擇，呢個唔係平時放題常見嘅。而自助吧仲有乳酪任食，食完食返杯可以消一消制。今次就揀左澳洲肥牛果個set, 分別會有肥牛同埋豚肉啦！先講講豚肉，豚肉紋理清晰，而且每片大少一致，食落都好有口感。而澳洲肥牛更加係頂級的選擇啦！每片嘅肥膏同肉都好平均，而且都好新鮮。加上每片肥牛的大少都一致，而每塊的厚薄都差不多。最正係真係好嫩口、肉質都唔會好難咀嚼。除了肉之外，自助吧都有好多配料可以選擇的。最特別的莫過於是咖哩丸，又大粒而且味道都好正嫁！

天氣仍有小小涼意，急不及待要試下呢間火鍋店，店內坐位好寬敞喎，最鐘意一人一鍋，夠晒衛生，又可以選擇自己喜歡既湯底，我喜愛辣，當然擇地獄湯底啦再擇左2款主力既肉，豚肉同埋牛肉，亦非常新鮮，肥瘦亦好適中，所以食落不會太韌，而又有口感，而餐廳亦送每位一份海鮮，有青口，帶子同鮮蝦添，正而最估唔到竟然有壽司食，都有不小種類，而且亦都係見到係即制架，新鮮係最緊要而任食火鍋配料亦相當多選擇，而且d丸唔會係雪到硬晒咁，都算彈口，要推介下呢隻咖哩包心丸，咬開裡面係咖哩汁同埋有舊豬肉丸係裡面，好好味架，我食多好多粒而店內亦有幾款熟食，亦相當不錯，薑蔥炒蚧都竟然有，亦相當夠晒味，一間火鍋店竟然可以有咁多野食，超值。

最鍾意一人一鍋！因為湯底可以自己揀自己鍾意嘅！所以帶左家中女人黎呢度食火鍋放題！因為有我地最鍾意食嘅牛！我哋揀咗餐牌上中等價錢嘅澳洲特級和牛，我揀咗蕃茄湯底，而女人揀咗豬骨濃湯底！本身蕃茄味足夠，清清地，夠健康。一開波就俾咗兩盤和牛，湯滾左後唔夠10分鐘我哋就食晒，不斷叫侍應拎，大大話話應該都有十盤以上！海鮮類除咗蝦係彈牙鮮甜外，其他海鮮一般！食肉食到咁上下，就去拎菜！蔬菜類有好多選擇，拎左好多娃娃菜同油麥菜，因為好鮮甜！熟食區都有好幾款，其中有柚子雞翼，賣相吸引，所以食咗兩隻！酸酸甜甜咁，都幾頂癮！而壽司種類不多，味道還好。仲有其他野食，都無肚去食啦，留返俾女人，佢主攻甜品，話泡芙好好味，又話一啖食好過癮！最後以乳酪雪糕作結，解一解油膩！

自從呢間商場裝修後就好少黎呢一度食嘢。有日約咗人喺荃灣，所以係呢間商場行下消磨時間，比我見到呢一間食牛肉嘅火鍋店，就放入口袋名單中，等下次食！而今晚就同男朋友來呢度，我哋叫咗澳洲特級和牛放題，呢個仲可以食埋美國牛肉、美國特級牛肉、豬肉、雞肉、帆立貝、青口和蝦，仲有好多配菜同小食！又長又大既澳洲和牛，油脂分布均勻，牛味濃郁，碌10秒即刻食，真係唔錯，一共叫咗差不多10盤，實回本啦！蔬菜區好多種類，特別係菇都有好幾隻！最愛佢既杏鮑菇！粟米好甜，仲有白蘿蔔，煮到最後，索左啲湯，晶瑩剔透，好淋好正！丸類繁多，其中最鐘意食係芝心魚豆腐！好滑！另外，佢既醬汁區有好多選擇，其中有一隻叫做有柚子醋，好適合減肥人士，和牛碌完淨係點佢已經好好味，仲好開胃添！呢度樓底幾高，又唔迫，都坐得幾舒服，下次同屋企人黎食都幾好！

同事拎左張leaflet，發現黑夜時段好抵食，於是叫埋我一齊去慶祝復活假期的來臨~ 門口的牛摩公仔好cute，忍唔住影張相~我們點了澳洲極上和牛小排餐 ， 包含美國牛肉、澳洲和牛豬肉、雞肉、帆立貝、 海蝦藍青口及廣島蠔，款式多多，令人目不暇給~ 自選湯底款式也多，有昆布清湯/九州地獄湯/蕃茄湯/壽喜燒湯等等，我選了豬骨濃湯～澳洲和牛，牛肉大大塊，脂肪分佈平均，肉質嫩滑，牛肉盡收豬骨濃湯香味，再蘸上醬油及胡麻醬更濃郁味!其他海鮮，用料新鮮，尤其帆立貝、藍青口及廣島蠔鮮味滿瀉 ，不沾醬油也嚐到鮮味，回味無窮!各式丸子，是我們的最愛，有龍蝦丸/芝士丸/芋頭丸等等， 粒粒彈牙，而我最愛芝士丸，內餡芝士香濃流心，入口即化~  除了丸子，還有雞肉串/多款壽司/多款蔬菜供選擇，可惜我們已經眼闊肚窄…梳打水，清涼消滯。眼見還有芒果及荔枝沙冰揀，出面少見。最後，我們開動另一個甜品胃，忌廉泡芙香甜， 朱古力泡芙可可味香濃， 一口一啖，吃到很撐仍然吃得下，還要encore再encore，真是滋味的飯後甜品 !整體款式選擇配搭豐富， 鮮味+滋味十足，價錢又公道， 是我們最喜歡的火鍋放題～