牛摩 (荃灣千色匯I) (已結業)

同朋友行街血拼完畢,係時候醫下個空虛寂寞既肚咁岩火鍋癮起,就決定去試下呢間牛摩。呢到有好多唔同級數既牛,民以食為天,對自己好d,所以我地揀左澳洲極上和牛小排,一試靚牛既味道。湯底方面,我地揀左豬骨濃湯併蕃茄薯仔湯,豬骨濃湯我覺得清清地,可以食真d牛既味道,而蕃茄薯仔湯酸酸甜甜,令到我胃口大開。睇到d相都知道d牛好靚喇,果然係性價比高,味道一流,豬肉都好稔又重豬味,good呀!!仲有碟海鮮:帆立貝,海蝦,藍青口,廣東蠔全部都幾新鮮同幾鮮甜架。另外出面有自助火鍋料同醬料,仲有壽司同d小食拎添。食飽飽就拎左d甜品作結尾,最中意就係泡芙,中意食泡芙個話唔好錯過呀!