牛匠石燒 (已結業)

朋友介紹一間喺尖沙咀平靚正既燒肉，見一有時間就去試下！無得去旅行就唯有留港食好西黎填補下心靈。小食— 好特別！加埋燒肉同白飯，一流！鹽燒牛肋骨肉拼豬肋條定食— 牛同豬都好香好好食！再加個和風芥末脆牛舌— 都唔錯既！我都係麻麻地牛舌，但係屋企人好鍾意🤣好豐富既午餐！ 下次會再黎試下其他set!!

今日同siblings 出尖沙咀行街，經過見到咁多人入去食就決定試下一入到黎就聞到好香既燒肉味，坐低就即刻落單店鋪入面仲有提供一次性圍裙 非常貼心我叫左呢個A4和牛西冷定食，定食套餐入面有前菜麵豉湯同白飯。個肉肉既油脂分佈得好靚啊個肉一入口爆油 超香，仲入口即溶好感動啊～～～～～平民價都有高質肉食加埋溫泉蛋既蛋汁 ~~不得了我仲系個定食果度加左小食漬物拼盤，芝士年糕，明太子玉子燒漬物拼盤入面有一樣我講唔出既野食酸酸地但又幾好食，估唔到芝士年糕襯熱食，軟軟糯糯好香芝士味不過會有啲膩明太子玉子燒，本身自己唔太好明太子所以就不作評論最後再飲返杯橘香白桃春不得不說，真系好飲，唔會好甜今餐非常滿意

食肉獸又出動了~黎到尖沙咀比我發現呢間餐廳有得食石燒牛二話不說GOGOGOGO!餐廳寬敞,同媽媽被安排坐SOFA卡位,座得舒適又有私癮度話明比石燒吸引咁就兩個石燒定食套餐啦XD餐廳相當有服務質素, 食石燒有圍裙提供防止油彈到件衫,仲有提供一次性酒精消毒餐具, 令疫情下外食既我更加安心餐廳係用掃QR CODE落單,先上場既係厚切牛舌牛五花定食牛五花油脂均勻,見到呢個色澤我已經食指大動~~~~力讚牛舌!的確厚切,彈牙得黎肉質嫩口, 好想再encore 牛舌...媽媽同我都一致覺得牛舌有驚喜呢個牛五花牛舌定食有質素之餘價錢相當親民,下次會為佢而再來吃~~~嚴選封門柳定食,每隻牛只係得一塊橫隔膜,數學題,呢度係由幾多隻提供出黎既封門柳~~封門柳牛味相對濃郁見到跟餐加十幾蚊就有小食,就追加兩個~嫩雞縱使外表炸到非常脆口,一咬開雞肉食然嫩滑,大推!!!而和風芥末脆牛舌既味道幾新奇,估唔到芥末同牛舌又幾夾燒下燒下成碗白飯就食哂~餐廳連飲品都好認真製作,特飲系列好吸引,不過天氣凍所以我都係選擇熱飲好欣賞佢地既菊花黑枸杞係無糖,岩哂我~~~超級健康又養生!

路經尖沙咀搵食，在這間石燒店門口，見到餐牌都唔係貴，就入去試吓。剛坐下來，店員送上餐牌和QR code牌，話餐廳係自動點餐，唔明可以隨時搵佢，非常有禮貌。石燒定食由$88-$228，另外可以追加小食和飲品。落單後，店員送上一次性圍裙，唔使驚俾油彈污糟。味噌湯內有一大舊玉子豆腐，界到好似八爪魚咁😅店員送餐來就講解，燒肉前先用牛油脂粒燒出油，再放肉，以免痴底，菇就可以燒埋，索吓汁。我叫咗雞胸伴一口牛，牛好香，一路燒都好多肉汁走出嚟，放隻菇係旁邊真係索晒啲汁。飲品叫咗桂紀美顏茶，熱辣辣又足料，好啱冬天和女士飲。

近排潮流興食石燒 (其實都興了好一段日子) , 適逄氣溫下降 , 正正就是食石燒料理的合適時間 ~我們就去到 尖沙咀-金馬倫道 的 "牛匠石燒" 食 lunch ~餐廳是要用手機掃 QR code 來點菜 , 科技白痴的我就要靠老婆代勞囉 ~兩杯飲品 清新薄荷 & 橘子乳酸 , 味道各有特色 , 夠清新解渴 , 且不太甜 , 很不錯喝 ~我們點了 厚切牛舌拼牛五花定食 (配前菜、白飯、味噌湯) & 嚴選風門柳定食 (配前菜、白飯、味噌湯) plus 兩款小食 鹿兒島一口牛 & 和風芥末脆牛舌 ~鹿兒島一口牛 : 四件一口牛 , 熱辣辣香噴噴 , 肉質軟嫩 , 香口惹味 ~和風芥末脆牛舌 : 外皮 (炸漿) 炸得酥脆 , 牛舌夠厚亦夠味 , 配上和風芥末醬 , 頗特別的 ~厚切牛舌拼牛五花定食 & 嚴選風門柳定食 (配前菜、白飯、味噌湯) : 先用牛脂放在石板上作油 , 然後就燒肉食 , 不同的牛肉當然各具特色又各具其味 ; 牛舌的肉質軟嫩 , 舌味濃郁 , 不用沾醬汁 , 食其原味最好 ; 牛五花的肉質滑嫩肥美 , 肉味一般 , 沾醬來吃倍感滋味 ; 風門柳即 Hanger Steak

今日行經尖沙咀，見到門口嘅餐牌都幾吸引，人流都幾多，就俾個機會小店啦！入到去基本上得兩個餐牌俾你選擇（不過種類其實好多），最後我喺黑色餐牌上揀咗風門柳同厚切牛舌拼牛五花套餐。其他石版燒嘅餐廳大部份係俾顧客自助式拎湯丶白飯丶沙律，不過呢一間就已經配好哂一次過上枱，而且包左一個夾生肉嘅夾，喺疫情下就相對覺得衛生啦。風門柳就咁睇相已經覺得雪花好平均，油脂剛剛好，燒10秒左右唔使好熟，配上日本珍珠米， 食落口個味道充滿幸福感。厚切牛舌係我私人推介，牛舌切成一條條長方形，好符合「厚切」，平時牛舌燒熟左會縮，但呢款就完全唔會，超爽口！牛五花牛味重，而且油脂部份絕對不肥膩，好最後忍唔住想試多啲呢間餐廳嘅嘢食，所以要多咗兩份小食，一份餃子，一份溫泉蛋沙律。沙律好清新，溫泉蛋做嘅漏心效果都相當好，裏面配埋麵包糠同火腿脆脆，食咁多肉之時食少少生菜又可以解油膩。餃子即叫即煎，入口趣卜卜，餡肉都幾多，裏面仲有少少椰菜絲，令口感嘅層次豐富左！飲品選擇好多，又想飲乳酸又想飲茶，仲有得揀養生飲品飲添！最後喺一番糾結之下揀咗菠蘿乳酸，男朋友就揀咗芝士奶蓋四季春，本身驚好甜，但味道完全可以媲美台式飲品店，酸甜拿捏得幾好

📌厚切牛舌拼牛五花定食樣樣都咁吸引！揀雙拼就吾洗煩😹牛舌係厚切！極富彈性的口感😋 自己更可以令熟度控制得恰到好處，切面內部仲係少女粉紅色，鮮嫩和嚼勁完全展現出來！搭上配菜漬物，清爽解油膩😌牛五花較薄切，熟成速度超快，瘦肉中帶少少油脂~📌風門柳定食紋路幾靚🥰牛味幾重。比起牛五花會厚身點。不會好肥~ 質感較腍😚果味醬汁和生薑芝麻醬都各有特色，由師傅親自調味，獨一無二！📌溏心蛋流心效果可以再做好啲。加左少少芝麻香，而且個蛋甜甜地，百吃不膩🤪📌雞軟骨棒外層微焦香脆，豬肉嫩滑，混入刴碎的雞軟骨，啖啖肉兼有咬口💕📌橘香白桃淡淡的桃汁加入橘子🍊又甜又酸💛🧡📌芝士奶蓋四季春奶蓋都有2cm~茶不會好濃，綠茶的清香，香氣清逸🧡

喺尖沙咀行街經過見到呢間舖頭，見到好多人幫襯，主打係食石燒牛，見天氣凍凍地，就試吓佢啦。呢度嘅裝修好舒適，有日式嘅風格。牆身寫咗牛嘅不同部位，不過係日文所以睇唔明😂😂估唔到佢呢度都幾多嘢食，除咗有食燒烤嘅套餐之外，仲有其他定食套餐，最後我哋決定點兩個石燒牛套餐。我哋分別點左封門柳定食同厚燒牛舌拼牛五花定食，套餐另外配前菜，白飯同麵豉湯，相當豐富。 另外仲可以追加小食，飲品嘅款式都相當之多。我哋另外點左炸雞同埋溫泉蛋沙律，炸雞外脆內滑，配上沙律醬，完全冇油膩感。溫泉蛋配羅馬生菜到十分夾。呢度嘅牛肉水準十分高，完全冇騷味，牛味好濃郁，牛舌都好爽口，套餐份量牛雖然唔算多，但係食完都好飽，性價比相當高。而且佢啲飲品都幾出色，下次會再嚟幫襯👍🏻👍🏻👍🏻

之前喺東京食過一間好出名嘅吉列石燒牛之後，一直都念念不忘，所以喺香港都有搵過類似嘅舖頭，之前食過旺角同埋銅鑼灣嘅石燒牛店，但係都普普通通。今次見到尖沙咀新開左呢一間都係食石燒牛嘅餐廳，而且午市套餐幾抵食，於是就決定過嚟試吓😋餐廳位置都幾就腳，喺尖沙咀地鐵站B2出口過對面馬路直行就到。而且裏面嘅環境非常日式，環境都算寬敞，座位與座位之間有一定嘅距離，仲有一啲有日式布簾嘅卡位，幾得意，可惜我哋去到嘅時候卡位已經滿晒。佢嘅午市餐牌有兩款，一款係熱賣午餐餐牌，另一款就係石燒定食餐牌，而我就梗係揀石燒定食啦！佢呢一度係scan QR code點餐嘅，非常方便👍🏻🎈厚切牛舌拼牛五花定食（配前菜、白飯、味噌湯）呢個餐真係超抵食！！！佢有四舊厚切牛舌同埋五片牛五花，牛舌肉質有彈性，咬落去有肉汁，好香油脂味，佢嘅牛舌可以稱之為抵食版牛角嘅牛舌！而個牛五花都幾嫩滑，同樣充滿油脂，拎嚟送飯真係好正😆🎈吉列草飼牛肉眼定食（配前菜、白飯、味噌湯）外層嘅吉列酥脆，裏面嘅肉眼扒幾有咬口同肉汁，連埋一齊食嘅味道都幾特別。但係夾嗰陣要小心，唔係嗰吉列皮會甩出嚟，而我自己反而鍾意將個吉列皮同埋個肉眼扒分開黎食😝純粹個人喜

今日約左中學同學食飯，又話減肥又話咩咁，行完一輪街佢自己最後都係揀左食日本啲石牛燒siu4 hahahaha好似係新開既餐廳，乾淨企理。疫情期間而定第四波又咁勁，最有信心都係要食返呢啲環境整潔既餐廳！咁今日我地兩個女仔就叫左唔係太多野食, 一人要咗一個餐加個小食同埋一杯嘢飲每人就大概$130-$140左右一入嚟就好好咁樣安排咗我哋坐卡位，覺得好舒服六個人坐都仲得。然後因為我上唔到網，呢度原來仲有得5g上網，成為咗我哋嘅第一次5g experience, 食飯唔記得帶橡筋紮頭髮，啲服務員即刻就拎咗條橡筋俾我哋！食物方面我覺得最好食係個牛脷，不過得四粒，然後仲要我點左吉列牛，所以淨係食咗我朋友一條🤣 然後吉列牛我都覺得好好食！佢有炭燒味，啲皮又好脆100 marksss佢個菠蘿特飲有好多菠蘿，啲菠蘿多到我寫完個食評佢都未食得晒啲菠蘿🍍小食我覺得正正常常好食不過冇乜特別！咁平真係好抵食呀！仲要喺金馬倫道勁方便然後啲飯嘅份量又多一定食得飽你！帶埋個圍裙一齊玩勁開心，佢話我帶咗個圍裙好似肚兜

金馬倫道新開張既 牛匠石燒主打日式燒肉 石燒定食價錢$88起 配有前菜、白飯、味噌湯 除左石燒 亦有售丼飯、麵食 價錢仲要相當吸引 低至$48！⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣▪️石燒A4和牛肉眼定食 $228和牛肉眼呈嫩紅色 油花豐富燒好後 肉質軟嫩 牛味濃郁 肉汁滿溢完全唔需要依靠醬汁調味肥膏位帶點入口即溶嘅感覺▪️厚切牛舌拼牛五花定食 $98厚切牛舌爽口 質地有啲似杏鮑菇牛五花薄薄一片 唔柴唔韌帶肉汁 當然無厚身啲嘅和牛肉眼咁juicy味噌湯入口清甜 海帶爽口 消膩唔錯特別欣賞廚師既心思同刀功玉子豆腐被切成條狀除左外觀 口感上亦得以昇華 ▪️炸嫩雞 +$15炸雞外皮脆身 肉質嫩滑 配上順滑既芥未沙律醬 香得嚟又完全唔攻鼻可一減炸雞既油膩感▪️明太子玉子燒 $42玉子生熟程度剛好 唔會過老面層佈滿明太子醬粒粒明太子增加了口感之餘鹹香帶微辣既味道 亦跟帶甜既玉子挺搭▪️粉紅比堅尼(白桃西柚) +$10入口酸酸甜甜 甜度適中特別鍾意入面加有粒粒西柚果肉

係龍門冰室隔離有間石燒牛肉🥰 留意左佢一排 天氣凍就有藉口燒肉啦😌順口一提 店員既服務態度超級好🧐 而且防疫措施都唔錯 餐具都係一次性 可以安心食用😗 見到好多人推薦柳門柳 都有啲心郁郁 後尾見到有和牛😍 就揀佢嚕🥕石燒A4和牛肉眼定食 $238係霜降雪花😍 脂肪既紋理非常細致 而且勁有光澤油脂分佈既密集度好高🥰 就咁普通燒一燒 咩醬料都唔洗落 （其實店員有介紹一下啲醬汁 但我轉個頭已經唔記得左😂）都食到佢有濃濃既牛香 入口即溶 肉質細嫩 幼滑💕🥕石燒A3和牛西冷定食 $198A3 同 A4 和牛 其實都好靚😍但呢個係西冷🥰 係牛既前腰脊所以運動量比較少 口感比較彈牙 無A4咁滑 但分別唔大🥰🥕菠蘿柑桔苿莉花茶&藍莓乳酸 各+$10 苿莉花茶入面有菠蘿既果肉 飲落好清新🤤🤤🤤 有少少咬口可以中和返食完石燒牛既膩 甜度適中 唔會話非常甜😆藍莓乳酸入邊都有好多藍莓粒😇 特登撈出黎食 仲要好新鮮 皮脆😂飲落口都唔會太甜 🥕温泉蛋沙律 +$18跟餐可以+18蚊可以加個沙律食 和牛油脂好豐富 所以就叫個沙律中和一下 沙律上面有芝士粉同個醬汁😆🤤好濃既芝士香味 上面有隻岩岩好既溫泉蛋🐣我食個陣篤

天氣好凍呀真係會好想食啲熱辣辣嘅嘢早兩日晌最凍嘅日子我哋揀左去尖沙咀嘅牛匠石燒食肉取暖一入到去就聞到陣陣肉香內裏裝修係日式食堂風🔸安格斯牛小排($168)雪花紋超靚 入口即溶牛味又夠濃 肉質鬆軟燒到半熟就最正 入口嫩滑而且份量幾足牛魔王超鍾意！🔸豚肋肉條($198)哩個豬肉嘅肉好香濃質地比較有咬口 咬落中間幾彈牙邊邊有少少油脂 燒完之後變得好香.🔸炸墨魚咀（$32）炸起熱辣辣真係超正個炸皮夠脆又唔厚墨魚咀好大粒 好爽彈好食👍🏻🔸炸雞軟骨($38)脆卜卜 放酒一流🔸牛匠彩虹水果茶（$42）好大杯！ 好多鮮生果🍎茶底好香 又唔太甜水果中 熱情果味較為較就出然後就係橙嘅味道哩杯可同出面嘅台式飲品媲美.🔸Sapporo生啤500ml ($58)食燒肉要飲啤酒至夠爽呀再配埋炸物食 滿足

2021年1月11日 星期一呢幾日真係凍左勁多，就連返工嘅時候都不停打冷震，好唔容易先捱到放工，好彩今日早左放，所以就叫埋老婆係尖沙咀行下街，因為想買個暖風機係屋企暖下雖然最後都冇乜收穫，不過就經過呢一間餐廳，好似係新開張，而且又見凍凍地，想食下熱野，於是就入左去由於我哋唔係繁忙時間入去，所以餐廳裏面冇乜顧客，見到餐牌有好多款式，當中淨係石燒定食都有13款，價錢有平有貴，適合唔同需要嘅人，不過就算最貴都係$200左右，但係就已經食到A4和牛而且因應而家咁冬嘅季節，餐廳仲推出左四款暖入心既特飲，咁當然我同老婆每人一杯啦我哋叫咗菊花黑枸杞茶，黎到嘅時候已經熱辣辣，打開杯蓋，有好濃烈嘅菊花味，而且飲落去仲有枸杞嘅香味添，夠晒清熱明目之後等咗冇耐就有食物送到，先黎既係老婆叫嘅嚴選封門柳定食，牛肉大片得嚟切得好薄，而且脂肪嘅分布好平均，放到熱石上面燒既時候，油脂分泌晒出嚟，大約1分鐘左右就已經熟曬，入口即融，充滿牛肉味至於我就要左吉列草飼牛肉眼定食，冇諗過會有咁多件吉列牛，仲要每一舊都好厚，裏面係未熟嘅狀態，需要放上去熱石燒，而且餐廳仲每個套餐準備咗牛脂肪，可以預先放上去熱石，等放吉列牛嘅時候唔

工作難得有幾日要過海，當然要揾下有咩好野食。眼見大大個牛logo 既牛匠石燒，價錢又唔算貴，係咁凍既天氣下，馬上又心動了，哈哈!餐廳裝修真係令人有種去左日本既感覺，卡位亦夠晒私人空間!嚴選封門柳定食($98)，即牛橫隔膜肌肉，每隻牛只有一條，比較罕有嫁。燒起來好快熟，肉味較濃亦都好腍，油花適中，所以唔洗點用豬油膏揸塊熱石板都夠油份。吉列草飼牛肉眼定食($108)，燒落慢熟D，但較厚較有嚼勁，肉味亦係特別濃，而且份量十足，配埋珍珠米既大大碗白飯，好味!我地各人都加左小食，餃子(+$15)既餡超飽滿，而且包既花紋好靚~ 鹿兒島一口牛($18)，非常纖維幼細!定食既味增湯好飲之餘，豆腐仲切到開花既樣，好靚又夠滑。燒完牛再點配送既生薑芝麻汁或甜燒汁，非常滋味!飲品菠蘿乳酸(+$10)同藍莓乳酸(+$10)都香甜好飲，兩杯都有真正新鮮既生果嫁!大大杯同燒牛幾襯! 令我大大加分既有幾樣野: 1) 防疫衛生做得好，餐具包仲有埋酒精紙2) 先進 QR Code 點餐，每款食物都有晒圖，唔係好認識牛既部位但睇到相就知道點選擇!3) 服務素質高，上餐時會教我地用油脂肪搽石板3-4下，開爐，如太多油搶火既話