影片
更多
2021-01-13
560 浏览
2021年1月11日 星期一呢幾日真係凍左勁多，就連返工嘅時候都不停打冷震，好唔容易先捱到放工，好彩今日早左放，所以就叫埋老婆係尖沙咀行下街，因為想買個暖風機係屋企暖下雖然最後都冇乜收穫，不過就經過呢一間餐廳，好似係新開張，而且又見凍凍地，想食下熱野，於是就入左去由於我哋唔係繁忙時間入去，所以餐廳裏面冇乜顧客，見到餐牌有好多款式，當中淨係石燒定食都有13款，價錢有平有貴，適合唔同需要嘅人，不過就算最貴都係$200左右，但係就已經食到A4和牛而且因應而家咁冬嘅季節，餐廳仲推出左四款暖入心既特飲，咁當然我同老婆每人一杯啦我哋叫咗菊花黑枸杞茶，黎到嘅時候已經熱辣辣，打開杯蓋，有好濃烈嘅菊花味，而且飲落去仲有枸杞嘅香味添，夠晒清熱明目之後等咗冇耐就有食物送到，先黎既係老婆叫嘅嚴選封門柳定食，牛肉大片得嚟切得好薄，而且脂肪嘅分布好平均，放到熱石上面燒既時候，油脂分泌晒出嚟，大約1分鐘左右就已經熟曬，入口即融，充滿牛肉味至於我就要左吉列草飼牛肉眼定食，冇諗過會有咁多件吉列牛，仲要每一舊都好厚，裏面係未熟嘅狀態，需要放上去熱石燒，而且餐廳仲每個套餐準備咗牛脂肪，可以預先放上去熱石，等放吉列牛嘅時候唔
呢幾日真係凍左勁多，就連返工嘅時候都不停打冷震，好唔容易先捱到放工，好彩今日早左放，所以就叫埋老婆係尖沙咀行下街，因為想買個暖風機係屋企暖下
雖然最後都冇乜收穫，不過就經過呢一間餐廳，好似係新開張，而且又見凍凍地，想食下熱野，於是就入左去
由於我哋唔係繁忙時間入去，所以餐廳裏面冇乜顧客，見到餐牌有好多款式，當中淨係石燒定食都有13款，價錢有平有貴，適合唔同需要嘅人，不過就算最貴都係$200左右，但係就已經食到A4和牛
而且因應而家咁冬嘅季節，餐廳仲推出左四款暖入心既特飲，咁當然我同老婆每人一杯啦
我哋叫咗菊花黑枸杞茶，黎到嘅時候已經熱辣辣，打開杯蓋，有好濃烈嘅菊花味，而且飲落去仲有枸杞嘅香味添，夠晒清熱明目
之後等咗冇耐就有食物送到，先黎既係老婆叫嘅嚴選封門柳定食，牛肉大片得嚟切得好薄，而且脂肪嘅分布好平均，放到熱石上面燒既時候，油脂分泌晒出嚟，大約1分鐘左右就已經熟曬，入口即融，充滿牛肉味
至於我就要左吉列草飼牛肉眼定食，冇諗過會有咁多件吉列牛，仲要每一舊都好厚，裏面係未熟嘅狀態，需要放上去熱石燒，而且餐廳仲每個套餐準備咗牛脂肪，可以預先放上去熱石，等放吉列牛嘅時候唔會黐底
果然放上去嘅時候牛肉已經好快熟，可以因應個人喜好選擇生熟程度，我就鍾意大約三至五成，所以燒一兩分鐘就已經食得
咬落去外皮好鬆化，炸漿唔會太厚，食得到裏面濃烈嘅牛肉味，肉質好腍，唔會燒得過靭，完全食到停唔到口
除此之外我哋有加$30要左兩份小食，其中有炸雞，份量大約有三件，每一件都好大舊，咬落去充滿肉汁，雞肉好嫩滑
另一份小食係鹿兒島一口牛，一口牛經過醬汁調味，所以味道好豐富，好可惜只有四舊，下次一定會再要多一份
食完之後成個人真係暖晒，就算天氣再凍都唔怕啦
张贴
