牛匠石燒 (已結業)

走過金馬倫道聞到撲鼻而來的燒牛香，原來是開了一間石燒石肉店。.石燒定食大約$100配前菜，白飯及味噌湯，牛肉高質，又有個小燒爐自己動手燒，好玩又好食！.E.厚切牛舌拼牛五花定食牛肉鮮肉色好新鮮，牛吞切成長磚形堆砌成一個井字，牛五花片片油脂均勻帶有雪花紋。牛舌條好爽滑，厚身啖啖肉好正。牛五花較腍身，口感乾淨俐落。.F.鹽燒牛肋骨肉拼豬肋條定食牛肋骨肉較香濃牛肉味，厚身、肉質實在有咬感。豬肋骨切到細條好精緻日本style。有牛有豬，豐富的燒肉餐！.每一個餐可以以優惠價加配小食，$18鹿兒島一ロ牛、雞軟骨棒好食。.加$8-$10有特飲，他的飲品質素可以媲美一般台式飲品店：熱暖心蜂蜜生薑茶 - 見到絲絲生薑，有薑味得來又不會太辣太搶，與蜂蜜是perfect match 。草莓菠蘿 - 清新自然草莓及菠蘿，飲品好refreshing。.餐廳人流絡繹不絕，希望下次坐到卡座，自成一角燒燒燒！

為解無得番家鄉之鬱 豬先生豬小姐今日尼到尖沙咀新開張嘅「牛匠石燒」懷緬一下吉列牛之味環境闊落 暗黑型格味濃 牆身有幅大大嘅牛部位圖用QR code自助落單 方便又先進 餐具同圍裙都係一次性使用嘅 衞生又放心我地叫左吉列草飼牛肉眼定食同厚切牛舌拼牛五花定食 另加左兩款小食同飲品燒牛肉之前 先係石面上用牛脂肪燒一燒 有油份就可以防止痴底 而且燒岀尼嘅牛會更香如脂肪加得太多太油 可用冬菇去吸油以上小知識都係細心店員嘅解說吉列草飼牛肉眼賣相超似吉列豬扒 肉眼厚身紅潤 肉眼包裹住薄脆嘅吉列炸粉漿 但炸漿同肉眼有啲分離 燒嘅時候容易散 可幸味道撘夠 肉質軟腍 啖啖肉因為都算厚肉 燒嘅時間相對耐少少厚切牛舌切成條狀 厚身有口感 燒至表面微焦脆身 非常爽口彈牙 好牛五花兩邊輕輕一燒就食得 快靚正相比牛舌同肉眼 牛味就連淡 豬小姐比較喜歡有質感的沾肉嘅醬汁有兩款 分別係果味燒汁同生薑芝麻汁如果你喜歡沾後肉味變甜就沾前者 如果你係重口味人士 就揀後者啦 會濃啲惹味啲麵豉湯嘅豆腐花好靚 師傅刀工技巧真好 將豆腐𠝹到花球一樣 相比起切粒嘅豆腐 豆腐花真係又靚又有口感溫泉蛋沙律夠哂凍 撈勻蛋汁拌食 好fresh

今日比我搵到間食lunch 一流滿足到食牛既我地❤️地點仲要勁方便係尖沙咀仲有最正既係佢地價錢好抵食 先係人均100蚊左右仲好先進咁用QR code落單咁我自己首先你要咗吉列草飼牛眼肉定食餐本身就會配前菜白飯同味增湯由於我見到佢哋嘅餐牌推介左佢哋餐廳獨有嘅特飲所以我加咗$10要咗草莓乳酸我仲加咗一個小食係牛舌首先佢哋嘅套餐一上嚟嘅時候我都覺得好surprise因為見到份量都幾足夠我我自己嘅套餐份牛肉係已經吉列好顏色色水都好靚 而且成個擺盤都係我自己鍾意嘅個湯好好飲中間嘅豆腐仲有雕花嘅添牛舌好食 😋炸完之後上面仲有放咗日式醬店員幫我哋將石板燒熱左之後我哋就可以將吉列牛扒放上去牛肉嘅油脂分布好好入口即溶 大概燒三到5分鐘就食得而且極度推介佢哋嘅草莓乳酸呀調味調得好好飲仲有生果放喺上面點綴而且酸酸地仲有開胃嘅效果男朋友嗰個係嚴選風門柳定食上餐嘅時候男朋友已經讚佢哋牛肉嘅色水同埋質素都好高覺得$100左右嘅呢個套餐真係好抵食其實睇圖都知道佢哋牛肉嘅級數都應該好高燒完之後果然係不負眾望 牛肉嘅牛香 加埋好滑既感覺就油花味道再連埋一兩啖白飯一齊食果下真係好正加上男朋友叫咗個小食都係要咗和牛粒男朋友個

去海港城買包包之前去食個午餐先☺️一人叫咗個石燒牛肉餐😍 尖沙咀黎講價錢都幾抵！-石燒A3和牛西冷定食 ($198+$10特飲)厚切牛舌拼牛五花定食 ($98+$10特飲)鹽燒特選牛肉 ($98)-介紹下呢個A3和牛西冷，牛扒脂肪比例好均勻~ 唔使用牛油，淨係將塊肉放係石上面都唔會黐底，而且燒完仲保留到肉汁，好正牛味好濃☺️之後呢個厚燒牛舌都好正，如果再多幾條牛舌就好🤣 牛舌好彈牙好正，而且牛五花品質都唔錯，呢個價錢出邊唔會食到🤣呢度嘅特飲只係加$10，揀左荔枝鮮檸同雪芝茉莉蜂蜜，大大杯夠晒解渴～

我地此行點左A3和牛西冷定食和鰻魚飯，再加兩款小食餃子和溫泉蛋。 首先個A3和牛非常新鮮，所以食落口感很不錯。而鰻魚飯味道適中不會太鹹。小食也蠻不錯。唯一一點欠缺就是醬油味道很淡。整體來說整家店無論食物或環境很不錯及價錢亦合理，最值得一讚係店員及店長服務態度非常有禮，總括此店值得再次幫襯。

由於最近想去旅行嘅癮太大！所以不斷做research 睇下可以去邊間食日本燒肉～ 結果搵到依間🥳🥳果然無後悔同朋友入到去一人揀左一個lunch set, 朋友食和牛餐先百幾蚊抵到爆我就揀左牛舌同牛五花雙拼我最鐘意食牛舌，仲要石燒可以自己控制熟度～不得了我身為一個‘飯桶‘，依個飯量就非常滿足到我牛肉同牛舌都好新鮮！另外仲揀左漬物拼盤因為同朋友一齊食，仲可以試埋明太子玉子燒！係海量嘅明太子好食到震，暫時係無得去旅行之前，我一定會再黎依間試埋其他嘢食十分滿足

位於尖沙咀的牛匠西燒，是一間主打日式燒肉的專門店。餐廳開業不久，午市期間人客甚多，每枱客人都正在燒燒肉，傳來濃香撲鼻的肉香呀! 廳裝潢走日式居酒屋設計，牆上掛滿菜單木牌，播放著動漫歌曲，形造出地道氣氛。服務員親切有禮，每位吃燒肉的客人都會呈上圍巾和鐵夾，非常貼心。 作為燒肉店，肉類的選擇繁多，有不同等級和不同種類的牛肉、雞肉、豬肉和海鮮，令人目不暇給。客人只需自行掃瞄Qr Code即可下單，方便快捷。每道菜式圖文並茂，非常貼心。 石燒A4和牛肉眼定食 $228 每份定食包含和牛肉眼、米飯、前菜和味噌湯。賣相吸引的A4和牛肉眼，脂肪分布均勻，油油含量極高，令整片牛都變成粉紅色啦! 品牌採用灰石岩明火爐和天然石板做燒烤工具，能把牛肉均勻受熱，不但不易烤焦，更能保持水份，味道不錯! 一塊油份高的和牛，配一口甘香的珍珠米，很滿足呢。 蒲燒原條鰻魚 $88 向來愛吃鰻魚的我，又怎會放過吃鰻魚的機會呢。原條鰻魚裏滿醬汁，魚肉脂肪豐盈，肉質肥嫩軟腍，可惜呈上時不夠熱，熱一點更好呀。 菠蘿柑桔 +$10日式餃子 +$15 特色香草腸 +$10 每份套餐可用優惠價加配飲品和小食，雖然沒太大驚喜，但質素都

從前去吃烤肉即是不是要一大班人，也最少要兩人起跳，不然一大個煎鍋放在面前，但又只有一個人吃感覺會很奇怪。這家餐廳卻提供一人烤鍋，可以盡情地一個人吃烤肉😆餐廳貼心地準備了用完即棄的圍裙，服務員也很用心講解怎麼燒，包括燒牛肉前要先用油去潤滑煎鍋表面、小心不要用太多油以免搶火、如果油太多可以用冬菇來吸油，這些溫馨提示也令人覺得服務很用心。我們兩人共點了：🐮安格斯牛小排($158)+湯烏冬($28)🐮鹽燒特選牛肉($98)+湯烏冬($28)🐮鹽蔥薄切牛舌 ($98)🥚明太子玉子燒 ($48)🐥日式芝麻雞翼 ($38)🐡味醂雞泡魚乾 ($48)烤牛肉是水準之內，三款之中，我較喜歡牛小排和牛舌。玉子燒和雞泡魚乾我也超級推介。玉子燒包着明太子，味道和口感很不錯。雞泡魚乾，肉厚，醬汁很香，將吃牛肉乾，也很好吃🤤我對這家餐廳印象最深刻的是貼心的服務，可以一人吃的烤肉和這裏的惹味小吃。如果有一天，一個人逛街以後很想吃烤肉，這裏會是我的首選。...#FoodieS #燒肉 #一人燒肉 #安格斯牛小排 #牛舌 #玉子燒 #雞泡魚乾 #尖沙咀美食

新店試下，傳統日式裝修，唔錯，QRcode自助落單，叫咗個燒豬寸骨配飯團定食，同事要個牛肋條定食。檯面餐具都係即棄嘅，好唔環保，不過高質嘅，除咗筷子同羹仲有消毒濕紙巾，好似幾高標準咁💪。野食好快到，跟餐有湯有野飲，飲品都係即棄杯，抗疫同環保永遠都係對立😭，真無奈，豬寸骨有三件肉質幾好不過唔熱嘅😞，汁都一般，飯團有兩件，已調味，幾好唔錯。同事order嗰個係自己燒嘅，個爐好靚😍，不過細咗啲。走時送咗張coupon 好震撼，食60蚊送88蚊，仲抵過買一送一。整體服務好好，侍應好夠，好有效率👍, 食物就一般，有coupon可encore😅

性價比高嘅石燒牛🔥.餐廳定價唔高，但係牛肉嘅質素就相當有水準，都有少少驚喜，我哋叫咗安格斯牛小排同A4和牛肉眼🥩，兩款牛肉肉質都相當唔錯，淋滑冇根，特別係A4和牛，油脂豐富平均🤤，肉質十分嫩滑，油脂豐富到成日搶火🤣🤣好刺激.餐廳仲有台式飲品🧋，我哋叫咗荔枝鮮檸🍋同桂花果樣四季春，四季春有芝士奶蓋🧀，雖然奶蓋嘅份量唔多，但係作為一個平時唔鍾意飲奶蓋嘅人，都覺得佢個奶蓋幾好飲😋，鹹鹹地幾好味，未開始食飯我就已經飲晒啲奶蓋喇😝

我幾鍾意食石燒牛，價錢唔貴得嚟又有質素，一般嚟講，百零蚊就有交易，性價比奇高！另外，石燒牛仲會每人派一舊熱石，自己的肉自己燒，唔會好似一般燒肉店咁， 成棚人逼用一個爐，啱晒疫情非常時期，用嚟自私食～😝👍🏻最近我去金馬倫道行街，比一間新開嘅石燒牛店「牛匠石燒」嘅香味吸引咗，然後就同朋友狗衝入去試下！😍🤤打開Menu，石燒牛定食有平有貴，視乎揀選嘅部位，價錢由HK$98至HK$228左右，豐儉由人。唔想下下食石燒牛咁熱氣，店家亦有較平宜嘅日式定食，最平HK$48有交易，價錢上真心唔貴。✦ 石燒A4和牛肉眼定食我係牛魔王，要食就食最貴嘅A4和牛肉眼定食！🤤我勁鍾意和牛肉眼細緻豐腴嘅雪花紋，輕輕一燒即食得，肉味濃厚且超Juicy，真係好鬼正！✦ 鹽蔥薄切牛舌 (單品)除咗和牛肉眼，其次我嘅至愛就係牛舌！店家有賣厚切及薄切，我今次揀薄切，快啲熟，早食早享受！❤️🤤牛舌品質唔錯，肉質煙韌又彈牙，夾埋燒京蔥及粗鹽一齊食，真係好惹味！✦ 鹽燒有頭大虎蝦勁鍾意食虎蝦！牛匠石燒嘅虎蝦勁大隻，中間切開攤平，都有一隻手掌咁大呢！肉質唔會燒得乾柴，爽口又鮮甜，最正係要吸埋個蝦頭！啲蝦膏勁香甜，撈飯食勁正！✦ 溫泉

知道有餐廳新開就同友人來試試, 當日來到時間還早, 所以不用等候, 下午12點左右開始多人環境系乾淨闊落既, 播住少少日本音樂, 好chill..值得一提系個廁所好貼心, 洗手盤位有個夾比人夾住電話, 洗手果陣就唔驚跌我地叫左兩個定食, extra 2個小食, 再單點一個大虎蝦, 整體都好ok, 值得一試

今日下午比較得閒，朋友帶左我黎呢間石燒牛肉店食下午茶。我地叫左兩份定食share。定食可以以優惠價加配小食，所以我哋都加左兩份一口牛肉粒作為小食。嚴選風門柳定食 $98有配味增湯、前菜同埋白飯，仲配一杯飲品。風門柳有六大片，擺喺石上面可以自己揀要燒幾耐。我燒咗一陣就拎咗嚟食啦。風門柳好有牛肉味，好食。吉列草飼牛肉眼定食 $108有好大塊吉列牛，炸得好靚嘅外皮包住生嘅肉眼，又係可以自己放喺石上面燒，決定生熟度。我覺得吉列外皮好索汁，點埋燒肉汁撈飯都幾好食。呢個餐都係有配味增湯、前菜、飲品同埋白飯嘅。鹿兒島一口牛 $18呢個一口牛只需要加$18就有得食，咁抵梗係架啦。一口牛都煮得幾入味，同埋都有牛味，幾好食。芝士奶蓋四季春 +$10套餐飲品加$10轉飲呢個特飲。奶蓋味濃，茶我就叫咗走甜，幾有茶味幾好飲。草莓乳酸 +$10呢個係朋友叫嘅，賣相好靚，佢話幾好飲。呢個可能係我食過最平嘅吉列牛，下次想食吉列牛嘅時候都可能會再食。

近年來大家都鍾意食石板燒，唔似以前咁 一係食鐵板燒一係就係BBQ，石板燒有自己一座石燒板，輕輕鬆鬆就可以將想食嘅肉燒熟！今日我去咗尖沙咀呢間牛匠石燒，呢間石燒肉專門店有齊雞肉、豬肉、牛肉、羊肉等等唔同肉類，唔同部位供選擇，滿足左唔同人嘅需要。除咗定食，有壽喜燒我想食牛肋肉同豬肋肉，選擇呢個餐就冇錯，有齊豬肉同牛肉。首先將牛脂肪放上石板上開板，避免稍後燒嘅肉類癡底。豬肉要燒耐啲，燒到金黃色帶焦，肉質爽口彈牙，簡單配上有子汁已經很好吃？牛肋肉脂肪同牛肉平均，而且雪花好靚，有一定嘅厚度，簡單燒到七成熟，沾上醬汁就好吃了！最後燒埋鮮姑飲埋碗湯就飽了！有滿足的感覺。沒想到燒肉店也會有美顏養生的紅棗桂圓茶，味道不錯

尖沙咀咧間新開嘅石燒好抵食😍😍定食套餐有唔同價位，最平嘅都只係$88。我今次就揀左佢地嘅厚切牛舌拼牛五花定食定食。定食套餐入面除左主角牛舌同牛五花之外亦有搭配有解膩嘅菇、湯、小食同埋燒肉必備嘅白飯，份量方面絕對滿足到一般人嘅食量。雖然咧個套餐嘅價錢只需$98，但係味道方面絕對唔差。首先，牛舌本身嘅大小適中份量亦唔少，燒完之後唔加醬汁都唔會乾，但加埋醬汁一齊食會更加帶出到個牛舌嘅香味同埋食落口相對冇咁膩。用餐環境方面，店內嘅冷氣同抽風系統都唔錯唔洗太擔心食完會成身燒肉味。而且店員嘅服務都唔錯，會喺上餐嘅時候介紹唔同嘅醬汁。