漁獲浜燒 (已結業)

沖繩風沙律 ($138) 嚟咗幾次，都係第一次試呢款沙律。材料豐富，有牛油果、番茄仔、沙律菜，三文魚、八爪魚、苦瓜、海葡萄及帶子，未食海鮮之前見到呢碟沙律一定已經開心咗先！秋刀魚刺身 ($298)最鍾意食秋刀魚，雖然已經過咗最肥美嘅時候，不過依然好味！魚皮呈銀灰色，魚肉色澤紅潤，加少少混合咗薑茸蘿蔔茸及蔥花嘅醬汁一齊食，鮮味更香濃；店員之後將啲骨攞去炸，鹹鹹哋超級好味！冇諗過魚骨都可以咁正，成條魚食返晒，一啲都冇浪費活貝漁獲浜燒盛合 ($798)西班牙石蠔加咗高湯及清酒一齊燒到半熟，非常肥美質感creamy，海水味香松葉蟹腳一絲絲嘅肉，海水味好勁，店員已經剪開晒方便進食越南虎蝦有成隻手掌咁大隻，肉質爽口彈牙，蝦頭有好多膏南非鮑魚肉質超煙韌，店員建議配柚子胡椒醬，不過就算唔點任何醬汁都已經好好味岩手縣帆立貝清酒煮法始終係我嘅最愛，肉質厚身口感一絲絲又鮮甜，有清酒味不過唔過火北寄貝 ($198)肉非常非常厚，鮮味超級濃郁，啲湯載咗喺殼入面，食完仲可以當佢碗咁飲！夢之卷 ($168)近期餐廳同岩手縣合作，引入當地嘅食材，所以都試一款先！用吞拿魚粒、牛油果粒、三文魚子、三文魚、岩手縣紅肉蘋果一

老友生日，又係食好野時間，今次揀左位於sogo 傍邊既漁獲浜燒!先來前菜~細芝麻鹽醬椰菜，椰菜爽甜，配上芝麻鹽醬，很開胃！剌身盛合$428有五款，三文魚，牡丹蝦，赤身，北海道海膽，油甘魚。剌身光澤，新鮮，三文魚肥美，牡丹蝦鮮甜，赤身爽口，海膽回甘，油甘魚魚油重，入口即溶！高質！活貝漁獲浜燒盛盒$798上枱時嘩左一聲，全部都好生猛，活捉上來！新鮮海鮮不用多加條味，少許鹽、清酒機燒，己可以食到食材既鮮味！西班牙石蠔，蠔味重，重海水味，好肥美，南非鮑魚十分爽口彈牙，巨型帆立貝，鮮甜彈牙，蟹腳肉實飽滿！有燒海鮮緊係要配返杯啤酒，suntory 生啤$58，店長推介，用上100%全麥，廣泉水制既啤酒，好清純！最尾點左個柚子雪芭$58，好清香既柚子味，可以清一清口腔！餐廳原來自己有幾組魚池，每日空運新鮮海鮮，價錢都合理既！

鈴鹿川 $338呢隻純米大吟釀好重米香，而且甜、甘、酸、苦、澀皆備芝麻鹽醬沙律 ($20)椰菜做嘅沙律，鮮甜爽脆，加咗七味粉，所以有小小辣沖繩風沙律 ($138)有牛油果、番茄仔、沙律菜，三文魚、八爪魚、苦瓜、海、帶子等，仲有我好喜歡嘅海葡萄，每種食材都有唔同嘅質怠，再配上黑醋，好開胃秋刀魚刺身 ($298)每年8月至10月嘅秋刀魚係最肥美嘅，雖然依家己經係11 月，但係都要試吓，一見到，已經「嘩」一聲，賣相好靚，好吸引，秋刀魚切成條狀，銀灰色的魚皮下，是紅潤的魚肉，點上加咗薑茸、蘿茸同蔥花嘅醬汁，肉質綿軟，細嚼下魚香慢慢散發出來，超美味，食完肉，骨就拎去鹽燒，送酒一流活貝漁獲浜燒盛合 ($798)到浜燒了，醬汁有三款，包括海鮮鼓油、柚子胡椒、七味麵豉，唔同嘅海鮮店員上碟時都會介紹一吓，仲會話你知點邊款最好，當然，第一口一定要試一試原味先，呢到嘅海鮮好新鮮，好多時唔洗點全何嘢都已經好鮮甜蠔先來一隻西班牙石蠔，加了高湯同清酒煮，只係燒至半熟，入口肥美，不會太乾，仲好鮮甜，帶點海水味，喜歡的仲可以加些檸檬汁，松葉蟹腳來自北海道嘅蟹，細心嘅店員，已經剪開咗個殼，而且燒得夠乾身，好易就離殼，方

辛苦揾來自在食，今日出糧，同事們都話一齊去食餐好嘅，有同事提議去銅鑼灣漁獲浜燒，好多人讚佢地嘅食材新鮮，浜燒師傅功夫也了得，任何食材到他手，都會燒得好美味，放工後，大家都往漁獲浜燒去，食餐好的。每賣一枝清酒，就將酒樽上的招紙貼上壁佈板。餐前小食細芝麻鹽醬椰菜，生椰菜加了芝麻醬，爽口惹味。刺身盛合五款：牡丹蝦、吞拿魚、油甘魚、三文魚、馬糞海膽。三文魚、油甘魚魚油豐盛，甘香可口，牡丹蝦爽口味甜，馬糞海膽鮮甜冇腥味。活貝漁獲浜燒盛合二人前：鮑魚、珍寶大蝦、松葉蟹腳、蠔、帆立貝。上枱時，鮑魚還在郁動。師傅立即施展浜燒功夫，把食材燒給我們食，蠔剛剛熟，蠔味鮮甜。珍寶大蝦夠大隻好彈牙，鮑魚燒得夠香味，鮮甜有口感。松葉蟹腳啖啖肉好鮮味！最後還有好特別的甜品，番薯雪糕好好味。

今日放工陪同事去銅鑼灣祟光行下，行到攰想找個地方休息食晚餐，經過澳門逸園中心，我和同事不約而同想起之前去過漁獲浜燒。他們的食材高質，浜燒師傅廚藝精湛。食過都回味無窮，既然來到，今晚我們就再品嚐一下美食吧！一入座後，侍應送上小食：細芝麻鹽醬椰菜和熱茶。秋刀刺身：季節限定秋刀魚，師傅精湛的刀工將魚起骨，切成片片厚薄均勻的刺身，擺設精美後上枱，秋刀魚肉質鮮嫩，味道鮮甜。刺身盛合五款：刺身新鮮又厚切，肥美有口感，吞拿魚、油甘魚、三文魚、油脂鮮味，馬糞海膽、牡丹蝦鮮甜。活貝漁獲浜燒盛合二人前：珍寶大蝦、松葉蟹腳、鮑魚、蠔、帆立貝。海鮮新鮮，由浜燒師傅為我們燒烤，師傅熟練的技巧，把握時間恰到好處，令海鮮燒得鮮嫩多汁又美味！爽口又鮮甜。番薯雪糕：好少地方有得食，成個番薯和雪糕都食得！

同閨蜜約好每個月一定要搵一日食好西，適逢朋友升職，請約咗就去食返餐正嘅慶祝下！每次去食日本嘢最期待同最驚喜就係唔知當日將會推介D咩別出心裁嘅材料同菜式。今次我們揀嘅餐廳位於銅鑼灣《漁獲浜燒 》。一到埗，店員先生已經笑容滿面咁迎接我們，為我們送上熱茶，又好熱情咁為我們講解今晚嘅菜式！ 店內裝潢充滿咗日式風格，播放著輕輕日式嘅純音樂，成個人唔覺唔覺咁成個放鬆哂!首先沙律上菜，特製黑松露炙燒平目魚邊沙律. 份量大碟，燒過嘅平目魚好香好滑, 黑松露吊起成個味道, 平時唔食牛油果嘅我表示好味, 沙律都咁出色, 主菜仲得了!食完沙律當然到剌身出場，秋刀魚剌身＋龍蝦刺食。龍蝦頭就留返一陣做甲羅燒，秋刀魚好鮮味，白色嘅龍蝦肉身入口結實而帶爽口，肉質好彈牙鮮甜，師傅的刀功完美演譯了這個高級食材。店員好細心放哂D海鮮係盆到逐一介紹，但我地睇到都流哂口水。龍蝦 (活貝) 浜燒盛合其實仲包括有長腳蟹腳﹑活帆立貝﹑蠔同扇貝。比我地影完相就開始燒扇貝同飽魚先啦，飽魚一路燒可能怕太乾都有落小小清酒，睇住店員燒都已經好滿足，食落口仲滿足，飽魚其實好怕燒完會好乾但原來我地擔心係多咗，食落外邊好Ｄ帶焦邊，內裡好腍身唔痴牙

朋友難得一年一次係外國返黎香港，當然要帶佢食好野，正當諗緊帶佢食咩，就諗起之前食過一間係銅鑼灣唔錯嘅日本野，所以決定帶埋佢去試試，價錢合理而又用新鮮高質食材嘅浜燒，要令朋友估唔到返黎香港都可以食到日本的味道！餐廳位置都好方便，地鐵站D2出口，正正就係SOGO隔離，行一陣就搵到喇。 一坐底，台面已經放好哂整齊嘅餐具. 首先就黎左個前菜先，芝麻鹽醬椰菜新鮮椰菜撈埋濃濃嘅芝麻醬，椰菜食到”索索”聲，啖啖都有芝麻香味, 特別開胃。 同朋友都想飲返兩杯，店員就推介呢隻甜甜地比較易入口嘅鈴鹿川 (300ML)，清酒其實平時都麻麻地，比較偏好啤酒，但呢支確實有令我對清酒有改觀，好易入口，好醇香。 前菜坐低無耐就已經準備好比我地, 感到窩心,新鮮椰菜配埋芝麻鹽醬, 未叫嘢食已經大讚加分。 呢個時候店員將活生生成隻龍蝦問我地影唔影相，証明咗呢到食材真係十足新鮮。 第一道：頭盤當然要來個沙律喇! 特製黑松露炙燒平目魚邊沙律 – 廚師用輕燒方法將魚肉迫出油份, 魚肉好嫩滑, 配埋入口即溶嘅牛油果同黑松露油, 清新得黎一D都唔會覺得寡。 第二道：龍蝦剌身 拼 秋刀魚剌身。原隻龍蝦分兩食：龍蝦身做刺食，味道唔係

上星期，被朋友邀請我去吃日本菜。第一次去漁獲，不知味道如何呢！環境方面，餐廳不算太大。可以有座位看師傅整料理啊！刺身盛盒(5款)：牡丹蝦好大隻，味道鮮味又爽口，當中絕不帶任何腥臭味！吞拿魚和油甘魚味道帶甘香。馬糞海膽入口即溶。三文魚很厚身，當中帶鮮魚油味。活帆立貝：帆立貝味道帶鮮，因加了清酒，所以食落更為香口。白鱔：口感偏林，白鱔經已去骨，大大放便食客食用。在白鱔上加上鰻魚汁，令味道不單調而帶甜咸味道。車海老：隻身非常大隻，燒後肉質為實，可知不是死蝦，味道帶鮮甜味道！椰子雪糕：甜度足夠，口感滑口，而且椰子味濃郁！

以前中國人思想作祟，一直覺得新鮮的海鮮就應該蒸來食，因為這樣才能最大程度保持鮮度和肉質口感。如果燒來食，分分鐘肉質會變柴，浪費了新鮮的食材。但這次朋友約我去銅鑼灣食濱燒的經驗，都幾打破了我這個固有的思想。漁獲濱燒位於銅鑼灣Sogo隔離成棟都是食日本料理的商廈，老實說要在這裡生存不易，一定要有超常的特質才有機會突圍而出。推開厚重的木門，前方就是一個大魚缸，除了普通海產，還有這隻超巨型鱈場蟹。餐廳分為卡式座位，亦有居酒屋吧檯，坐在吧檯上，就可以目睹師傅把食材從0變1的過程。整間小店都和風十足，清雅而舒適。居酒屋，沒有酒怎算完美。我點了一杯柚子梅酒（$65），比起單純梅酒，柚子口味的酒加了天然柚子汁釀成，香氣、甜味與酸味十分協調。看著食材從0變1是我作為食客的享受，我和朋友點了一客味噌蟹甲羅燒（$78），甲羅燒裡加了鵪鶉蛋、味噌、蟹膏、蟹肉和麵包糠。燒製好配上多士食同單食是完全不同的口感來，單食蟹膏味濃、質感幼滑；配上多士有種鵝肝醬的作用，令到麵包昇華。不過，蟹的甲羅燒未算驚艷，一會兒我要說說令我驚為天人的另一燒。香煎蒜片厚切牛舌（$98）亦是讚嘆物，原本不敢食牛舌的我，經不起朋友「強逼」，

終於有糧出當然要去食餐好嘅慶祝下，選擇困難症諗完又諗，最後朋友定左係澳門逸園中心搵一間食，咁決定食邊間就由我話事俾浜燒海鮮吸引左黎呢間，一入門口就見到大大個魚缸同游緊水嘅海產，裝修令人諗起日本家庭式小店，感覺溫馨。被安排坐係吧位，可以望到師傅處理海鮮，旁邊又有店員幫手燒，呢個位我鐘意！沙律有牛油果好驚喜，平目魚邊嘅油脂好香，拌住清新嘅沙津菜好夾。店員極力推薦龍蝦刺身，可以試到龍蝦活刺身同蝦頭甲羅燒兩食。睇到師傅處理龍蝦手法極純熟，而且擺盤非常靚。刺身咬落爽口清甜，個人覺得唔加醬油已經非常鮮味。牛舌同樣係店員推薦，表層好有彈性，中心保持到濕潤柔軟，醬汁味道岩岩好，應該係香港食過最好味嘅牛舌！黎呢度當然要試浜燒，加錢可以食活帆立貝，講明慶祝梗係食豪D。鮑魚放上爐個陣仲識郁，夠新鮮所以肉質好彈牙；蟹腳同期待一樣非常鮮甜。蠔放入清酒一齊燒，鮮味濃郁，我地要求唔好燒的太熟，所以口感好creamy。帆立貝可以揀清酒煮或加香草牛油，牛油同香草將帆立貝嘅鮮味帶哂出黎，好惹味，同埋加錢轉活帆立貝好值，無論肉質同甜味都冇得頂。比較濃味嘅蝦頭甲羅燒做壓軸，將龍蝦尾上淨餘嘅肉燒熟，剪碎再放入預先炒過嘅味噌蝦膏

夜上再約朋友食浜燒海鮮。這次到‘’漁獲浜燒‘’作新嚐試。預早訂位，可是到達時，基本上已經滿座，我們被安排坐bar枱，反而可以看到師傅製作刺身、手卷和店員燒烤食物。店員送上前菜，細芝麻鹽醬椰菜，爽脆清新。點了沖繩沙律，有沖繩海葡萄、苦瓜、各色蔬菜、魚生。第一次食海葡萄，脆卜卜帶有海水咸味。生食苦瓜，只有一點點甘味，不苦又清新。很多客人點的刺身盛合五款，有牡丹蝦、海膽、三文魚、油甘魚、拖羅。貼心提供紫菜包海膽，方便食用又增加口感。浜燒海鮮點了響螺、蟹姏、帆立貝和甲羅燒。響螺特別加清酒和葡萄汁，味道更新清鮮，螺肉彈牙有嚼勁。不少餐廳的甲羅燒偏鹹。今夜卻令我改觀！一點也不會過鹹，蟹膏甘香味道濃郁，加有面包糠，配有香脆多士，更加豐富有層次。

兒時玩伴生日了！為慶祝他的生日，我精心挑選了我很喜歡的日式燒烤作為當日的晚餐。我們品嚐的是2人份特上漁獲浜燒盛合。豐盛的海鮮包括龍蝦、松葉蟹、鮑魚、蠔及帆立貝。其實基本套餐並沒有龍蝦，但是+240 珍寶大蝦便可升級為波士頓龍蝦。波士頓龍蝦擁有兩隻肉質豐厚的蟹鉗。一口把鮮甜可口的蟹鉗吃光，這種滿足的感覺是非筆墨能形容的！以比例來說，波士頓龍蝦蝦身較細，但吃起來份量其實不算少。龍蝦十分新鮮、肉質鮮甜，值得品嚐！這裏的海鮮全部都非常美味，蟹腳、鮑魚非常新鮮，但味道相對平凡；燒蠔非常多汁；帆立貝更是鮮甜無比。品嚐燒蠔時感受到的是海水帶鹹的味道，而帆立貝的鮮美則新鮮海產甜甜的滋味。 最後甜品-椰子雪糕。這個椰子雪糕是我很喜歡的甜點。椰子味道突出，質感細滑，是出色的飯後甜點！