影片
更多
2018-11-13
114 浏览
同閨蜜約好每個月一定要搵一日食好西，適逢朋友升職，請約咗就去食返餐正嘅慶祝下！每次去食日本嘢最期待同最驚喜就係唔知當日將會推介D咩別出心裁嘅材料同菜式。今次我們揀嘅餐廳位於銅鑼灣《漁獲浜燒 》。一到埗，店員先生已經笑容滿面咁迎接我們，為我們送上熱茶，又好熱情咁為我們講解今晚嘅菜式！ 店內裝潢充滿咗日式風格，播放著輕輕日式嘅純音樂，成個人唔覺唔覺咁成個放鬆哂!首先沙律上菜，特製黑松露炙燒平目魚邊沙律. 份量大碟，燒過嘅平目魚好香好滑, 黑松露吊起成個味道, 平時唔食牛油果嘅我表示好味, 沙律都咁出色, 主菜仲得了!食完沙律當然到剌身出場，秋刀魚剌身＋龍蝦刺食。龍蝦頭就留返一陣做甲羅燒，秋刀魚好鮮味，白色嘅龍蝦肉身入口結實而帶爽口，肉質好彈牙鮮甜，師傅的刀功完美演譯了這個高級食材。店員好細心放哂D海鮮係盆到逐一介紹，但我地睇到都流哂口水。龍蝦 (活貝) 浜燒盛合其實仲包括有長腳蟹腳﹑活帆立貝﹑蠔同扇貝。比我地影完相就開始燒扇貝同飽魚先啦，飽魚一路燒可能怕太乾都有落小小清酒，睇住店員燒都已經好滿足，食落口仲滿足，飽魚其實好怕燒完會好乾但原來我地擔心係多咗，食落外邊好Ｄ帶焦邊，內裡好腍身唔痴牙
每次去食日本嘢最期待同最驚喜就係唔知當日將會推介D咩別出心裁嘅材料同菜式。
今次我們揀嘅餐廳位於銅鑼灣《漁獲浜燒 》。
一到埗，店員先生已經笑容滿面咁迎接我們，為我們送上熱茶，又好熱情咁為我們講解今晚嘅菜式！
店內裝潢充滿咗日式風格，播放著輕輕日式嘅純音樂，成個人唔覺唔覺咁成個放鬆哂!
首先沙律上菜，特製黑松露炙燒平目魚邊沙律. 份量大碟，燒過嘅平目魚好香好滑, 黑松露吊起成個味道, 平時唔食牛油果嘅我表示好味, 沙律都咁出色, 主菜仲得了!
食完沙律當然到剌身出場，秋刀魚剌身＋龍蝦刺食。
龍蝦頭就留返一陣做甲羅燒，秋刀魚好鮮味，白色嘅龍蝦肉身入口結實而帶爽口，肉質好彈牙鮮甜，師傅的刀功完美演譯了這個高級食材。
店員好細心放哂D海鮮係盆到逐一介紹，但我地睇到都流哂口水。龍蝦 (活貝) 浜燒盛合其實仲包括有長腳蟹腳﹑活帆立貝﹑蠔同扇貝。
比我地影完相就開始燒扇貝同飽魚先啦，飽魚一路燒可能怕太乾都有落小小清酒，睇住店員燒都已經好滿足，食落口仲滿足，飽魚其實好怕燒完會好乾但原來我地擔心係多咗，食落外邊好Ｄ帶焦邊，內裡好腍身唔痴牙，鮑魚完全唔會韌，店員燒到剛剛好配埋新鮮食材＝滿分。
活帆立貝 - 經過一兩分鐘後就自動彈開貝殼，成隻足足有半隻手掌咁大，肉身好厚，一隻會用清酒燒，一隻會用香草牛油。兩款味道各有好處，清酒可以提升鮮味，而香草牛油就係比較濃同惹味。
另外仲有燒長腳蟹﹑龍蝦甲羅燒同燒蠔，燒蠔入口又鮮又爽又多汁，好肥美，一人一隻唔夠喉。
燒長腳蟹一拉蟹肉已經離殼而且一絲一絲，肉質鮮甜，絕對令人回味的味道。
龍蝦甲羅燒，店員用頭先嘅龍蝦身再用火槍燒，燒燒下竟然燒到有龍蝦肉好神奇，見住龍蝦殼變色睇到我地嘩嘩聲，加埋味噌同麵包碎釀返入龍蝦頭，意想唔到嘅口感同鮮味。
大家意猶未盡仲想食埋呢到嘅北海丼，馬糞海膽﹑三文魚籽仲配埋大大牡丹蝦，真係一人一啖不知不覺就KO咗，海膽牡丹蝦無異味一口滿瀉嘅鮮甜喺口入面溶化，真係好食無嘢好講。三文魚籽大大粒一咬爆汁，如果無食埋朋友話一定會後悔，推介。
柚子雪芭 師傅自家炮製的柚子雪笆，清新濃郁嘅柚子味，唔係太甜，恰到好處咁為今晚呢一餐令人目不暇給的晚餐劃上完美句點！
FINAL成餐飯感覺好似識咗個朋友咁，侍應好nice 又健談，一路幫我地燒之際仲一路分享下美食，介紹黎緊11月12日 - 25日岩手縣【美食祭】，一路食飯一路長知識，美滿嘅一餐。
张贴
