漁獲浜燒 (已結業)

漁獲浜燒係朋友之中係獲得一致好評嘅餐廳，今年情人節就揀咗係呢到食。位於SOGO旁邊嘅澳門逸園中心，食肆林立好易搵！裝修環境有日式居酒屋感覺，一入門有好大個魚缸養海鮮！一望就知鮮味十足😂沖繩風沙律$138用上海葡萄、鮮帶子、三文魚、鮮八爪魚、仲有。。。拖羅！性價比極高！沙律🥗菜亦非常爽口！池魚刺身$298師傅精湛刀工，池魚放到枱上有如藝術品，薄切池魚，肉質緊實，配上生薑，葱和酸汁，油香滿腔，亦可配上即磨芥辣。魚骨最尾會炸到爽脆，佐酒一流！燒明太子$98居酒屋的吃法，外面香脆，裡面香軟，鹹鮮惹味，佐酒一流！鈴鹿川300ml $338高級浜燒，豈能缺少一支清酒!純米大吟釀,有如果實般的香氣，很容易入口，晚上9:30後還有買一送一,抵飲！活帆立貝$138，如手掌般大的活帆立貝，店員會於你面前即開即燒，係日本都未必有咁新鮮！帆立貝非常厚肉，肉質爽甜彈牙！活鮑魚$98磯燒活鮑魚，爽口彈牙！柚子雪芭$58好香濃既柚子味，甜度適中😋人均七百多元，不用大費周章，能夠吃到生猛磯燒，店員服務亦非常好，細心講解煮法和食法👍算不錯吧！

這次和家人共5個人一起進餐，味道質量仍然保持水準，但明顯海鮮的重量大不如前，例如：以前一隻鮑魚可細分為4大件，現時變為4小塊。所以份量少得像是來試食。 但龍蝦刺身值得一試，有了兩種煮法，食材很新鮮而且性價比高。整體而言，味道和以前一樣很不錯，但量比之前少很多。如果是男生則未必夠飽。服務不錯，有專人為我們燒烤和分食物環境坐得舒服，位置寛。店鋪坐位不多，需要提前預約才有位。

最近思鄉症頻頻發作 但係哪有假呢日本無得話去就去 惟有留港消費食日本野止渴一下今次黎到銅鑼灣食浜燒 預早book好位 準時8點半入座 被安排坐bar枱位 一邊食一邊欣賞師傅刀功柚子梅酒 $490/支一坐低就order左一支柚子梅酒同朋友share先 味道香甜 陣陣柚子香氣易入口 好岩女仔飲芝麻鹽醬椰菜 $20簡簡單單既前菜日本椰菜配搭芝麻鹽醬味道夠哂清新刺身盛合(5款) $428每款刺身有三件新鮮肥美 全部厚切 甜蝦大隻 味道鮮甜 有膏三文魚油脂豐富 味鮮海膽付上紫菜 可以包裹住海膽食 不過海膽鮮甜甘香 唔用紫菜包住 就咁食更滿足波士頓浜燒盛合(二人前) $938師傅先捉起一隻活波士頓龍蝦同一盤活海鮮比我地過目一下然後就拎入廚房清洗處理再即場在旁邊為我地燒煮我地只需坐定定等食首先係蟹腳肉質非常嫩 無過多調味食到既係蟹本身既鮮味同海水既咸味跟住係生蠔 美味肉厚 鮮味十足鮑魚燒好後切好一片片熟度剛好 肉質腍身 味鮮扇貝一隻清酒煮 一隻牛油燒我喜歡清酒果隻鮮味更突出裙邊位亦唔會un最後就係龍蝦爽口彈牙 而且啖啖用非常新鮮真係好滿足最後當然不忙人一點一份雪皅作為飯後甜品柚子雪皅 $58味道酸酸

朋友要常常見，好野要常常食，但貴野就唔可以成日食la~上一次同友人h食漁獲浜燒已經係一年前，食完一直回味，說好會再一齊去，估唔到下一次已經係一年後既今日~平日日子預早訂左8點鐘，去到依舊爆場，今次被安排座bar枱，無咁舒服，但就可以睇到師傅整壽司同刺身~特製黑松露炙燒平目魚邊沙律 $138上次食過覺得好好味，今次就encore，微微燒過既平目魚充滿魚脂香同微微焦香，同黑松露味道好夾，配搭牛油果，車里茄，沙律菜，味道清新~刺身盛盒 $428一共有五款時令刺身，每款都鮮味十足，最愛不用說一定係海膽，極為鮮甜，入口即溶，超滿足~跟住就係我倆最期待既浜燒盛盒啦~波士頓龍蝦浜燒盛盒 $938包含龍蝦，鮑魚，蟹腳，生蠔，扇貝未燒之前先睇睇海產們既蘆山真面目先~龍蝦本人超生猛的說..其他海產都係新鮮生猛貨~感覺鮑魚姊快要跳出來師傅站一旁幫我地燒，首先上枱既係蟹腳，口感嫩滑，味道鮮甜！飽滿既蠔肉鮮味十足，好juicy~鮑魚軟腍，味鮮，帶點甘香~扇貝用牛油煮，剛剛熟既口感好嫩，裙邊位有嚼口~龍蝦，膏多，亦厚肉，爽口彈牙~最後食埋雪皅，每個$58，蕃薯味奶味較重亦較滑，蕃薯味香甜，一個女仔食都幾飽~柚子味

朋友介紹漁獲浜燒的海鮮新鮮又抵食！所以今晚就同埋佢一起黎銅鑼灣試下，我地預早已經book好位所以好快就可以安排入座。餐廳燈光柔和裝修有日本的風格。店員首先奉上前菜和熱茶。我和朋友商量後就點了一個特製黑松露灸燒平目魚邊沙律及一個龍蝦（活貝）浜燒盛合。特製黑松露灸燒平目魚邊沙律，沙律有很濃郁的黑松露味，平目魚經過火灸更細嫩幼滑，配上牛油果味道出其的夾，是一道頗有驚喜的沙律。龍蝦（活貝）浜燒盛合，海鮮包括：活貝、松葉蟹蟹脚、龍蝦、生蠔及鮑魚。海鮮非常新鮮，上枱的時候仲係度不斷地郁！由於係店員負責燒，我和朋友就一邊聊天，一邊等食。鮑魚燒得彈牙鮮甜，可以沾海鮮豉油 / 辣麵豉醬一起食。牛油燒活貝惹味彈牙，活貝鮮甜厚肉！松葉蟹蟹脚和生蠔都鮮味十足基本都不用沾醬！龍蝦是配上面豉醬一起燒，龍蝦很大隻，肉質夠厚實而且鮮甜有咬口。鋪在龍蝦面的豉醬更能提出龍蝦鮮味。其實我們食完浜燒盛合感覺都差不多，因為覺得餐廳的美食質量和味道都很不錯，於是我們再點了一個蒜片燒牛舌。牛舌爽脆而且肉汁豐富，蒜香的牛舌和油香令人難以抗拒。最後的最後食埋餐廳自製的番薯雪糕，感覺很滿足！番薯雪糕很creamy，而且造型可愛。朋友推薦

今日同朋友黎到銅鑼灣的澳門逸園中心揾食，呢度出名多好野食！相信大家都知道，我係地下望左一陣好快就揀好食咩。原因好簡單，因爲得漁獲浜燒這間餐廳貼著得獎食點必食！所以就好快上左18樓。上到去已經有不少的食客，下次去都係book訂位比較好。我們座下不久，店員已經很快為我們遞上熱茶和小食！並很有耐性地為我地介紹預備好的醬料。根據店員的介紹醬料分別有海鮮豉油，柚子胡椒和辣麵豉醬！主要用來點浜燒食。特製黑松露灸燒平目魚邊沙律：沙律材料豐富，而且黑松露醬好重手！加上炙燒過的比平目魚和牛油果令沙律口感更為豐富。我們點了一個龍蝦（活貝）浜燒盛合，其中海鮮包括：龍蝦、活貝、松葉蟹蟹脚、鮑魚及生蠔。海鮮新鮮生猛，未燒前仲識得郁！影完相之後店員就幫我們燒海鮮，服務周到。味噌蟹甲羅燒：蟹蓋上放了蟹膏、蟹肉，燒時店員加人鵪鶉蛋攪勻，蟹甲羅燒蟹膏甘香幼滑，鮮味濃郁。更可配上多士食用。松葉蟹蟹脚：蟹脚鮮甜無比，不用沾任何醬料！而且店員很細心，燒的時候已經幫我們拆好蟹脚，讓我們在食用時更為方便。鮑魚：鮑魚柔韌有咬口，沾上海鮮醬油更能吊出其鮮味。活貝可以選擇清酒燒 / 牛油燒，而我們就選擇了清酒燒活貝。活貝厚肉彈牙配以清

結婚週年喎，緊係要食番餐賀一賀啦！今次試下浜燒😋睇咗set dinner menu 都幾啱心水，order 咗個2人套餐，再upgrade 食日本嘢又點可以冇牛呢！蒜片牛舌：牛舌夠哂味，蒜片炸得不錯，冇油益味。特上漁獲浜燒盛合二人前珍寶大蝦🍤x2鮑魚x2松葉蟹腳生蠔x2帆立貝upgrade版x2海鮮全部都好新鮮，好好味！ 帆立貝加錢要咗大隻啲嘅。仲加多份味噌蟹甲羅燒配多士，認真好正！如果有埋紫菜配住食，就真係冇得頂，人係貪心嘅😝😝配埋個柚子雪芭，成餐飯簡直完美❤️❤️

又係時候，無野做去搵食啦喂！澳門逸園就去過好幾次食過好幾間，但呢間就真係未試過！所以一定要一試啦！一入到餐廳，餐廳裝修已充滿日味，當中其中一面牆身更被燒酒品牌貼紙貼滿！都幾有味道！睇呢個已知今晚一定要飲返杯！立即叫返個燒酒黎飲飲啦野食方面，先試一試個沖繩前菜，以不同刺身加上海葡萄及沖繩苦瓜製作的沙律！之後就食返個刺身赤目，當中師傅即叫即切，魚皮被燒過，魚香洋溢，流於魚肉上，份外鮮甜！再之後就緊係燒燒佢，睇下下面！都唔洗介紹啦下嘩😂最後同個朋友都係未夠喉，再叫多個和牛壽喜燒！正呀！呢個柚子雪巴，都好得意！正呀！！！！

上次食漁獲浜燒留低咗好好嘅形象，鮮甜海鮮同舒適嘅環境，所以今次我又同家姐去食龍蝦。前菜係高麗茶沙律配上芝麻醬同味粉，少少辣香提味。我哋今次開咗支大吟釀，係鈴鹿川清酒，果味香、甜度高，適合配燒海鮮，非常易入口。之後係時令魚生，金目鯛厚切，魚肉帶有果香，肉質細密，入口甘甜。剩低嘅就做咗炸魚骨，香酥脆口，下酒一流。我哋再點咗個炙燒平目魚邊沙律，配上意大利香醋汁，魚油漏哂出嚟，同沙律菜平衡得啱啱好。浜燒方面我哋嗌咗波士頓龍蝦同北寄貝，龍蝦鮮嫩，甜度高，連埋啲滑身嘅蝦膏，非常滿足。北寄貝配上清酒、高湯、乾海草燒製，清甜，肉身彈牙。之後仲有南瓜、蕃薯天婦羅同芝士年糕，食材相當新鮮，面衣又薄薄一層。南瓜香甜，蕃薯綿密。最後一份豚骨腸，外脆內軟，肉汁豐沛。甜品係柚子雪芭，輕盈而酸瞇瞇，解膩一流。

我同朋友都好鍾意食日本野，朋友放工之後就一齊去到銅鑼灣澳門逸園中心食晚飯。點解會揀呢個大廈係因為呢度好多間食店，間間羔落都幾吸引，之前食過幾間今次就食埋呢間漁獲浜燒先。餐廳位於大廈既十八樓。入到店內見到唔少sake 招紙。問店方有咩推介既sake，店方推介左呢支，易入口而有果香味。餐廳　menu沖繩風沙律 ($138) ，有刺身喺入面。赤鯥魚刺身 ，食落肉質爽口，帶點油脂甘香。呢間餐廳主打既係浜燒海鮮，當中我同朋友叫左特上漁獲浜燒盛合(二人前: $698) ，食物包括有珍寶大蝦，松葉蟹腳，兩隻鮑魚，兩隻蠔同兩隻帆立貝。我同朋友加錢轉左帆立貝做活帆立貝。活帆立貝，可以揀清酒燒或牛油燒，個人喜歡牛油燒多啲。鮑魚算幾爽彈。蝦既肉質結實。同朋友之後叫左A5和牛壽喜鍋($268)，個鍋仲有雜菜食，和牛肉質柔軟，配番生雞蛋食，唔錯。最後以柚子sorbet作結。今次呢一餐個人認為都唔錯，餐廳內有刺身，海鮮，和牛等選擇，算係幾滿足。

平時返工好辛苦所以間唔中都會約d朋友出來食下好西呢間係之前已經講咗想食好耐最近終於約到個朋友出來食順便吹下水飲下酒雖然我同朋友都鍾意飲梅酒不過大家都未試過柚子梅酒所以決定試下新嘢！酒精濃度都有7-8%但係飲落好順口、柚子同梅嘅酸味好夾好清新、酸酸甜甜咁好適合女士飲叫咗個沖繩沙律全部食材都好新鮮剌身分量好多而且仲係厚切海葡葡口感爽脆好特別另外再叫多個刺身拼盤全部都好新鮮肥美特別是個海膽好鮮甜一d腥味都冇炸軟殼蟹炸粉剛剛好唔會太厚太油膩嚟得呢度一定要試下佢地嘅浜燒叫咗白貝、榮螺同北寄貝全部都好鮮甜！店員幫我地燒好起埋分好先上枱服務非常細心仲加咗d昆布高湯一齊燒、就咁食唔洗沾任何醬汁已經好好味比目魚邊手卷同鰻魚手卷個比目魚卷d魚油好豐富好食最後以雪糕作總結蕃薯味好香我同朋友都覺得好好食好滿足嘅一餐飯

新年過咗鬥到啲利是應該要好好食返餐，所以揀咗呢一間日本浜燒料理食野。環境就同日本嘅居酒屋一樣好多人喺度飲酒傾計，入到去亦都聞到好大陣嘅燒烤味。喺未食燒烤之前佢已經擺咗啲將俾你陣間燒烤用嘅，左邊嗰隻係海鮮醬，中間嗰啲係有子芥末，最右手面嘅就係辣嘅味增。首先叫咗個沖繩風沙律$138，裏面嘅材料非常之豐富，有海葡萄，日本苦瓜，吞拿魚，三文魚，魷魚，油甘魚，八爪魚。最特別嘅係佢用咗拖羅嘅吞拿魚。成個沙律用咗有子汁， 酸酸地幾開胃呀，人生第一次食海葡萄，原來海葡萄係咁喊嘅。跟住叫咗個刺身盛，裏面有秋刀魚，菠蘿，牡丹蝦，油甘魚，三文魚，海膽。刺身都非常之新鮮，食材都好靚。之後仲叫咗個炸軟殼蟹食$98。食日本野就梗係要叫返支酒飲下，我哋叫咗支柚子梅子酒$490枝。都主角出場了。我同朋友之後叫咗幾款嘅浜燒，有北寄貝$98 ，榮螺$88 ，白貝四只$88。白貝鮮甜，榮螺肉質好有口感本人第一次食，北寄貝肉質好爽滑亦都好鮮甜。之後再叫多個手卷，叫咗比目魚同埋鰻魚手卷每個各$58。兩款都好好食，壽司飯好新鮮，紫菜係日本紫菜，鰻魚同比目魚都好好味。最後叫咗個柚子雪巴作為終結，好龍柚子味酸酸地但係唔會太甜。

今日去左銅鑼灣同男朋友食飯，佢一早book定間日式餐廳同我慶祝情人節。男朋友同我食飯，每次都會去我最愛的餐廳，叫定我最愛的食物。坐低先送上椰菜沙律，椰菜香甜清新，味道不會太濃，伴上薯片和醬汁，別有一番滋味。黑松露平目魚邊牛油果沙律。我最愛的牛油果、平目魚邊和黑松露，全部都係沙律度。牛油果軟腍果味濃，平目魚燒香油脂重，沙律菜爽口醋汁清新。刺身五點分別有牡丹蝦、三文魚、赤身、海膽和油甘魚，刺身好新鮮水準極高，入口魚味濃香，牡丹蝦爽口鮮甜，蝦頭仲有蝦膏。海膽最吸引，鮮甜味濃。龍蝦浜燒，加上師傅用心炒香的龍蝦味噌，鮮甜濃香，龍蝦肉質爽口彈牙，鮮甜至極。我們叫左一枝清酒，果味輕輕，唔會太澀，好容易入口。再來漁獲壽司卷，用上拖羅魚蓉、帶子、海膽和三文魚籽做主角，滿口鮮甜味道。最後有壓軸登場的日本和牛壽喜燒。牛排切片，牛味極重油脂非常高，入口即溶！令人想再三回味。

今日同女朋友去左食飯預祝情人節，一早book定枱去食佢最愛的餐廳「漁獲浜燒」。女朋友未食先興奮，我就叫左幾款佢最愛既食物。黑松露平目魚邊牛油果沙律，濃濃黑松露香，加上入口即溶平目魚邊，牛油果熟透軟腍，醋汁和沙律菜，清訓不失油脂香，最滿意既沙律。刺身五點，有牡丹蝦、三文魚、赤身、油甘魚、海膽。刺身水準高好新鮮，女朋友超喜歡海膽，香甜味濃。龍蝦浜燒，原隻龍蝦加上師傅炒香的龍蝦味噌，龍蝦肉質爽嫩鮮甜，非常出色。燒牛舌可算是最出色小食，牛舌入口好爽嫩，燒到微微炭香，入口香嫩不失油香。最後有重頭戲，日本和牛壽喜燒。和牛原塊香嫩油脂非常高，入口即溶牛味極香濃，加上蛋漿食入口更滑溜。我地叫左枝清酒，酒精15%，果香清新，好滿足的晚上。

星期日晚朋友生日飯，由於訂位時唔記得問有無生日蛋糕的安排，所以一入座就即問。餐廳師傅原來會安排北海丼加塊板上寫字，店員安貼心會問有無串錯字。侍應拎出黎時會熄燈唱生日歌，朋友有D受寵若驚😆整體食物質素加服務質素都很好，值得一試！