漁獲浜燒 (已結業)

今日去左銅鑼灣同男朋友食飯，佢一早book定間日式餐廳同我慶祝情人節。男朋友同我食飯，每次都會去我最愛的餐廳，叫定我最愛的食物。坐低先送上椰菜沙律，椰菜香甜清新，味道不會太濃，伴上薯片和醬汁，別有一番滋味。黑松露平目魚邊牛油果沙律。我最愛的牛油果、平目魚邊和黑松露，全部都係沙律度。牛油果軟腍果味濃，平目魚燒香油脂重，沙律菜爽口醋汁清新。刺身五點分別有牡丹蝦、三文魚、赤身、海膽和油甘魚，刺身好新鮮水準極高，入口魚味濃香，牡丹蝦爽口鮮甜，蝦頭仲有蝦膏。海膽最吸引，鮮甜味濃。龍蝦浜燒，加上師傅用心炒香的龍蝦味噌，鮮甜濃香，龍蝦肉質爽口彈牙，鮮甜至極。我們叫左一枝清酒，果味輕輕，唔會太澀，好容易入口。再來漁獲壽司卷，用上拖羅魚蓉、帶子、海膽和三文魚籽做主角，滿口鮮甜味道。最後有壓軸登場的日本和牛壽喜燒。牛排切片，牛味極重油脂非常高，入口即溶！令人想再三回味。