漁牧 (已結業)

早在年前已經食過尖沙嘴的漁牧，當時覺得好正，後來結業了感到失落，知道在mega box 重開後，立即帶朋友一齊再次挑戰辣烤魚。店員安排了我們坐入面的卡位，很是有私人空間🙂Menu都係整得認真先來個口水雞作前菜酸辣魷魚🦑是一個很開胃的前菜，有點像沙律🥗，味道又似泰式木瓜沙律，很是好味特別😋終於到我們整晚的主角—酸辣烤魚登場，辣味只有一個🌶，不算很辣，相味唔太吃到辣既朋友都會適合食用菇🍄炒牛柳粒，很夠鑊氣！雖然牛柳粒數量不多，但是味道搭夠🙂☺️漁牧混豬—皮很脆，底下有糯米飯配合，再加上三種醬汁選擇，味道層次豐富😆食辣野又點會少得飲品，因為第二日要上班的關，只點了杯mocktail 就作罷了。吃到最後，當然要點點品作為全既的總結啦😛兩種口味的馬拉糕，除了樣吸引，連味道都很不錯。👍🏻值得一提是店員服務態度親切，而且反應快，食甜品亦會主動為我們換碟雖然價錢上不算太友善，但我們貴精不貴多，下次j子定會再次光顧此店再品嘗其他美食🤤

我地今次揀左2個主菜：1. 拍青瓜伴梅汁雲耳酸酸地唔辣，幾入味👍🏻2.壇子花雕醉雞個汁好正，雞都整得夠滑，岩岩好，份量都多邊爐就揀左：1. 清甜椰青雞鍋，睇住侍應係我地面前足料2個椰青水、椰肉、半隻雞倒晒落去滾，有個沙漏計5分鐘，之後就過黎裝起2碗椰青雞湯比我地飲，清甜鮮味，再煲耐少少可能更入味，但怕雞會老2. 配料美國肥牛肉：油香好正，滑滑的手打墨魚滑：幾足料，有咬口竹笙：好入味田園雜菜盤：岩晒有選擇困難既我，有齊3款菜3. 飲品竹蔗水：清甜滋潤椰青：多汁鮮甜解油膩

今日同太太去九龍灣睇傢俱，順便去mega box搵食。路經漁牧，太太非常喜歡鋪頭的古典優雅的裝飾，決定入去一試。店員安排左我地卡位既座位，我們揀左2個前菜壇子花雕醉雞和。先講下青瓜拌海蜇，醋酸濃度好適合我同太太，帶有少少川味而不辣，好味又開胃，同太太狂爭食。 壇子花雕醉雞，份量十足，啖啖肉，有雞翼又有雞脾加上口感嫩滑而且花雕酒的味道濃郁，滲透入雞肉裏面。雞肉嫩酒味濃！ 主菜點左個清甜椰青雞窩，加左樣4款我地都鐘意食既配料，係美國肥牛、日本岩手縣純情豬，田園雜菜及手打墨魚滑 先講講個椰青雞窩，真材實料兩大隻椰青，湯底超甜而且雞點煮都仲係嫩滑嘅，雞窩有竹笙，竹笙浸左湯吸收晒精華超入味。兩款肉類都不錯，太太平時不太吃豬都高度評價。食左咁多肉，都食番菜中和下，因為個湯底，令菜菜都好入味，墨魚滑好有鮮味值得推介。打邊爐當然要配清涼飲品，我地點左兩杯野飲，雙檬可樂同埋黑糖竹蔗冰， 黑糖竹蔗冰，甜甜地清熱一流！雙檸可樂開胃好味。 糖品太太就話想試呢款蝸牛造型既紫薯驢打滾，皮薄又夠煙韌，紫薯塞滿左係皮入面，配合奇異果及草莓，一路咬都口感都清新。 總括來說漁牧服務質素非常細心，餐廳裝修精美環境闊

尋日同男友係megabox睇完戲, 就順便食埋晚餐先返屋企😀呢D天氣又想打下邊爐又想食下辣暖下個身, 就揀左呢間試一入餐廳, 由reception至樓面侍應再至經理全部都好好服務態度😱😱好到嚇親人!我地叫左2個辣既前菜過下口癮, 另外叫左個醉雞鍋補補佢😁兩個前菜都係爽口既種類, 個辣幾惹味幾開胃, 佢底下係青瓜, 成個紅油青瓜咁, 變左好似有三個前菜😅個鍋上左之後好快就滾, D雞係生既另外上, 店員話水滾後倒D雞落去, 佢有個5分鐘漏斗, 期間唔好開蓋唔好攪拌~5分鐘後D雞又真係幾滑WOR! 😂😂仲有藥膳味, 幾好食😀我地叫左個雜菜盤, 索左D湯底好香👍🏻另外又叫左肥牛同豬, 仲有薯粉肥牛同豬都砌到好靚好整齊😅肥瘦適中~薯粉好快煮左2,3分鐘就熟, 好煙UN, 配埋個湯底, 正! 👍🏻👍🏻我地叫左杯價值$29既橙汁, 估唔到整得咁精緻, 仲有好多蘋果, 火龍果同士多啤梨😮係一間中式餐館叫杯橙汁有酒吧既水準😮仲要只係$29, 抵呀! 👏🏻👏🏻我見呢間餐廳係指定左某個staff負責serve指定既幾檯客, 一舉手好快有人幫你, 又有效率態度又好滿意既一餐! 🙌🏻

同個fd係mega box睇完戲諗住係度食埋飯，又想食中菜，就揀左嚟度，原本只喺想食小菜，所以先叫左個魚湯浸白菜仔同意大利黑醋鮮果咕嚕肉，同兩個前菜-醬油皮蛋，鎮江小排骨，而我地無叫飯，叫左鴛鴦饅頭我本身完全不食辣，而佢個醬油皮蛋完全唔辣，真係好好味；鎮江小排骨雖然細細碟，但份量也不少，不會太甜，愈食愈想食個魚湯鮮甜，有魚味，可以就咁當湯飲咕嚕肉外脆內軟，啖啖肉，個黑醋汁無平時咕嚕肉咁酸，感覺上更易入口，令人更開胃，可能因為咁，我地加餸叫多左個鮑魚雞煲個煲來到先發現原來係可以先食雞，之後再加湯打邊爐嗰款，雞肉鮮嫩，仲有三隻鮑魚，都幾大隻，size係人地去飲嗰d咁大左右雞煲食到咁上下，我哋又加單，叫左d配料滾一滾，日本岩手縣純情豬，原隻鮮魷筒，仲有黑毛肚純情豬比一般豬肉有肉味，而且肥瘦比較均勻而黑毛肚好爽，亦唔韌；最值得一讚，姐姐勁好service，先教我哋成魷筒烚，烚完先剪，當我哋烚完佢仲主動問我哋洗唔洗幫手剪最後order埋個甜品-紫薯驢打滾，味道清清甜甜，不太膩，外表似和菓子，幾得意，值得一試

好耐冇食烤魚，見間野喺公司附近開咗就約埋啲朋友去試吓。一去到明顯同尖沙咀分店裝潢唔同咗，好似upgrade咗咁😚 餐牌都好有心思，仲有好多種類😍而且服務態度都好好。.回味酸辣燒清江魚 $318有好多款配料可以加配 😍 啖啖肉都算好嫩滑，有少少燶邊食起黎更加香口，而且用佐蕎頭做底帶出佐酸味，不過搞到啲配料都好酸😖 可能簡麻辣風味更佳，因為都係唔夠辣。.漁牧混豬 1/4 $168有三種醬料配搭：千島，芥末，乳豬汁！而且個底仲有蔥油糯米飯配搭幾特別，乳豬燒得好香脆，皮身好光滑。.酸辣原隻魷魚筒 $68本來以為係原隻上，但原來係好似涼拌沙律一個個圈圈咁，整到色彩好繽紛，同埋一食完就會上癮😍 魷魚圈好有鮮味，而且配搭酸辣汁特別開胃，鍾意食涼拌嘅朋友應該幾鍾意👍🏻.川香口水雞 $58件件都有肉而且好嫩滑，份量好足夠，不過略嫌唔夠辣。.杏鮑菇燒汁牛柳粒 $188個汁調得幾好甜鹹適中，杏鮑菇同翠玉瓜都好入味，牛柳粒都好林充滿牛味😍 都好有小炒嘅風味，不過略嫌份量有啲少.雙色馬拉盞 $58一上菜就覺得好特別，整得好精緻😍 爭相相機食先👅 有綠茶味同黑糖味 上面用咗童年回憶嘅肚臍餅做搭配😍 甜度做得啱啱好

近年喜歡吃烤魚，不過多在深圳吃。這次試了Megabox 的漁牧，因為有烤魚半價的coupon ，絕對是深圳價錢，香港水準！因為第一次來吃，幸得店員熱心介紹、講解（而且風趣幽默！那店員叫金仔，他真的很好笑！要表揚一下！），烤魚半價才$155已經夠便宜，配料一般$2X一款，有萵荀、鴨血等不少選擇！在店員介紹下，我們選了火熱香辣味清江魚，有點辣夠惹味！魚也很滑！又有我喜歡的配料！我和朋友們都很讚不絕口，大家都覺得是在香港吃烤魚的好選擇！此外我們也吃了涼菜、魚湯浸菜和甜品，大家都覺得很好吃，很滿意！還有，這裡環境的很舒服，地方夠大，我們三人坐4人的卡座，就算4人坐也很寬闊，枱下還有手機叉電的插頭。雖然是星期五晚來吃，訂座時說限時一個半小時，可能因為我們8時多才入座（我們有預約，提前到達也讓我們即時入座），最後我聊到接近11時才離開！（或者因為地方夠大，枱數又不算多，不會覺得吵！）（原來也有火鍋的，下次會試試！）

餐廳名叫漁牧，當然第一時間就會諗到魚，但點知一打開個menu先發現，佢地既種類係非常之多元化，有燒魚，熱炒，雞煲，火鍋，咩種類都有d 當然環境亦裝修亦都無得頂啦入正題講下，本小姐今次叫左咩黎食先青瓜拌海蜇醋酸唔會濃度太高，酸醋味中仲食到青瓜味，食落感覺清爽又開胃香油拌雞絲 呢個其實食落好奇妙唔知點形容好似有好多配菜溝埋一齊，實質上食落係酸酸地非常開胃呢味餸對我黎講最主要係啲雞肉，其實夠鮮味，唔會好老， 砌咗絲都仲可以咁嫩滑燒魚-清江魚，火熱香辣味 非常鍾意呢條魚啖啖肉大大條唔會有魚腥味食落去個肉質有少少似日本嘅秋刀魚肉 紅薯粉，海帶，鴨血 加咗呢三樣配菜食埋就肯定都飽啦紅薯粉唔知係咪喺湯浸太耐，太過軟淋淋如果可以爽口返少少就更perfect。潮州沙茶牛肉炒芥蘭絕對係正，正在牛肉唔係簿切切一片，而係扒型，啖啖肉，好咬口菜夠嫩唔老雙色水晶球人人都話甜品係女人第二個胃，真係一啲都無講錯 賣相靚不再話下啦，最重要係個涵唔會太甜，但個水晶皮對我黎講就厚左少少，如果再簿返d就very good紅豆奶黃以上開飯食評，只係本小姐個人食後感

友人剛由潮汕搭高鐵返港，非常興奮，大讚這次短途遊，不但行程豐富，而且美食靚景俱備，想同我分享一下。為了方便友人下班後可以快點到來，所以特意約了喺九龍灣一聚。其實自從公司搬咗之後，我都已經有好耐無嚟九龍灣搵食。早前從友人口中得知，主打新派京川粵菜嘅「漁牧」，最近由加拿芬廣場搬咗去 Megabox，據說該食肆總廚曾於米芝蓮星級餐廳掌舵，而當中嘅招牌菜就包括有以傳統果木烤製的老北京烤鴨、即點即燒的川式燒魚、配料獨特的雞煲、西式醃漬的漁牧混豬等。友人同我一樣都好鍾意食燒魚，所以趁今次約會就順便嚟試下。餐廳門面非常搶眼，以火紅色為主調，店內地方頗大，佈置得很優雅，帶點亭台樓閣嘅感覺，加上以通花屏風作間隔，令裝潢既悅目又舒服。趁時間尚早，店內食客還未算太多，先在場內四周看看，原來店內除了有大量卡座外，還設有六間貴賓包廂，非常適合一家大細嚟食飯，又者同一大班朋友嚟聚會或慶祝生日。翻開餐牌，食物選項包括有前菜、老北京烤鴨、燒魚、漁牧沸騰魚、濃湯酸菜魚、漁牧混豬、雞煲、湯鍋、火鍋配料、川式風味、香辣干鍋、主食、粵式美味、滋潤老火湯及甜品。至於另一份飲品餐牌就有紅酒、白酒、威士忌、Cocktail、Moc

今日與太太到企業廣場Megabox行商埸，見到一間非常有中國特色的京川粵菜館，我和太太都被餐廳門口外面的大大隻及滿是誘人的辣椒吸引住了。餐廳裝修非常優雅，紅色𤔡主題，格調美麗，充滿中國古典風格及特色，有亭台位的座位，我坐的座位旁剛好有一條小小的溪流，水聲潺潺，太太非常喜歡這裏的古典優雅的裝飾，不停打卡。我們要了2個前菜鎮江小排骨$48及川香口水雞$58。雖然說是前菜，但是份量很多。鎮江小排骨軟腍入味。川香口水雞鮮嫩滑帶麻辣，非常正。我們要了個魚牧混豬半隻$298。醬汁有魚牧混醬，芥辣醬，海鮮醬，面上乳豬底下一層糯米飯，乳豬表皮非常脆及香，肉質嫩滑，底下的糯米飯軟糯香口。欖角肉碎乾扁四季豆$88不得不贊欖角肉碎乾扁四季豆，十分香欖角肉碎，四季豆軟腍帶㸃爽非常入味，非常正的鑊氣小炒。濃湯酸菜魚(清江魚)$298。裏面非常多酸菜，配有海帶，扭扭薯粉，芽菜，川菜自然少不了的花椒及乾辣椒，酸菜魚上枱侍應叫我們可以先喝湯，我先試小半碗湯，尤其是魚皮入口感覺充滿膠質軟滑的口感，魚肉鮮嫩帶滑，連酸菜及魚一齊食，味道酸酸辣辣，川味濃厚，口感鮮香麻辣滑酸，多重口味，非常推薦。要了個甜品豆沙鍋餅$28。軟糯

昨晚同朋友係megabox睇完戲，覺得有d肚餓就一路搭電梯一路搵食，見到呢間《漁牧》門口幾特別，都有唔少客人食緊，我同朋友就揀左呢間食番個豐富晚餐先！店員安排左我地卡位既座位，個裝修顏色就用紅色為主，真係好match京川菜😊! 我地點完菜冇耐，首先個廣島蠔雞煲（少辣）就登場啦！店員叫我地耐心d 等多陣，驚個蠔未夠熟，我地就番左幾次個雞煲，終於食得啦！個雞煲唔太辣，超惹味，雞肉都幾嫩滑，廣島蠔個口感都唔錯，幾fresh! 食完個雞煲就要轉番打邊爐！首先落個美國肥牛，唯一係多左少少肥肉，不過個牛質地都唔太Un! 食完邊爐有d 口喝，所以叫左2杯凍野飲解一解先！之後再上埋半隻北京填鴨，配埋青瓜京蔥同秘製醬汁，個味道都幾好！不過食1-2舊都有d 飽😅😅。臘肉炒菜反而有d 驚喜，唔太咸仲好爽口添！真係估佢唔到！最後朋友想食d 甜野就叫左個雙色水晶球🔮，個賣相好靚呀！有紅豆同奶黃做餡，食完甜野再食粒士多啤梨中和一下！粒🍓都幾酸下🤪！ ########################如果你地喜歡💕我寫既食評，麻煩比個❤️我，我會繼續努力寫更多好既食評比大家💪

今日去Mega box 行下街順便搵野下野食，平時無咩事都唔上到咁高樓層，但今日無無聊聊又搭左電梯上到咁高行下，發現左間新野，唔理啦試下先，18:00去到無咩人等位啱晒我依個唔鍾意等位嘅人入到去我同朋友兩個人叫左兩杯野飲梅子冰同檸檬柚子，見天氣涼涼地叫埋蠔雞煲小辣，另外兩個前菜。上菜上得好快，細細嘅檯面一下子就滿晒喂又幾好味喎（雖然價錢唔係話好平，但咁嘅環境，服務同唔洗等位已經值番晒）。最後嗌埋甜品—-水晶飽，上檯時熱辣辣好似好好食，但食落有d失望，皮有d厚（其間朋友濁親，待應好親切咁拎左杯暖水比我地，加晒分）

收工正喺度諗緊食咩好，朋友忽然一句：食辣野！於是就醒起mega box有間新新地嘅川菜，決定去果度試下啦呢間漁牧位於13樓，門口好大，好似平時去開嘅大酒樓咁首先叫咗兩款前菜，比起出面餐廳都相當大碟青瓜雲耳酸酸地嘅味道原來係來自梅汁，食落好清新！牛腱麻辣得過癮但唔會太咸，青瓜好爽脆，食唔停口，兩款前菜都不錯指青瓜拌梅汁雲耳香辣牛腱跟住叫咗幾款主菜，份量都幾多，真係食餸都飽呀首先黎隻乳豬，兩個人食有點多呀！佢配咗三隻醬，分別係抹茶芥末、傳統乳豬醬以及秘製醬，相當豐富個人偏好抹茶醬多啲，因爲帶微辣的秘製醬感覺遮蓋咗乳豬的味道。而乳豬每一塊都相當之厚肉，底下仲有糯米飯一齊食，食落有層次感，但如果乳豬再熱啲會更好1/4 漁牧混豬跟住係傳統菜式蟹肉炒鮮奶，呢一度菜令友人食到停唔到口原因係牛奶好嫩滑而且配上鮮甜的蟹肉，加上呢味菜本來就唔太濃味，所以就算齋食都唔怕膩！大良松子仁鮮蟹肉炒牛奶黎到最傳統的川菜，水煮牛肉。一上臺見到頗紅的一道菜以為好辣，但食落又未至於好辣的程度，但對於唔食得辣嘅人應該都未必接受到。水煮牛十分足料，除咗佈滿辣椒、香料等調味料之外，仲有大量芽菜，青瓜以及薯粉。而牛肉份量亦不少，

想當年拍拖時代很喜歡行九龍灣Megabox，一來人流不算太多，二來商場夠大夠寬敞，吃飯行街睇戲，足以樂透半片天。現實生活上，我雖然是高層，卻未曾在九龍灣Megabox過高層的生活，於是今次何不衝上雲霄，一嘗Megabox高層生活圈的滋味。13樓漁牧的大環境設計格局較為私隱，因為你只會看到Reception，在外面基本上難以參透內籠秘密，這種情況令我想起星爺的表面上係一個風筒，實際上係一把鬚髱的電影情節，想到這，我又自己諗自己笑，Reception看到我莫名的笑容，只好安排我去到一個奇妙的位置。餐牌設計十分有心思，用上了食字及特別揭頁設計，於是乎我點了以下菜式：來吧，先上2碟前菜吧：1. 壇子花雕醉雞($58)：少少嚡口，雖然就沒有女人皮膚般滑不溜手，但已經酒不醉人人自醉，我吃過第二間同樣菜式，如果能加重酒味會更香濃，層次更高。2. 大漠風沙雞翼($68)：餐廳改名字真的引死人，尤其我這種最具想像力的人，光看名字，我腦海已一發不可收拾。想像自己瞬間轉移至大漠上，迎面吹著潺潺清風，品嘗這風沙雞翼，悠哉游哉。這雞味別具避風塘式，充滿紅綠椒及炸蒜，脆香可口，鬆化，唔算太辣，單骨易入口(讚)。我

今晚試新菜，其實都唔係新野因為之前都食過嘉拿芬道舊店，搬左黎mega box一於試下其他菜式。我諗我地真係好鐘意雞🐔，點下點下，前菜又係雞，主菜又係雞，百吃不厭。前菜點左壇子花雕醉雞，最喜歡啖啖肉，有雞翼又有雞脾，份量足，雞肉嫩酒味濃，多人食值得推介。黃金雞翼係咸蛋黃炸雞翼，熱辣辣剛剛炸起，香口鬆脆，而且店家整單骨雞翼，照顧大家可以斯文咁食雞翼。主菜好豪氣點鮑魚雞煲，坊間好多主打雞煲鋪頭，漁牧係雞煲基礎上加變化，例如有魚唇雞煲，榴連雞煲（重口味之選），我地柯打左少麻少辣，如果喜歡食辣可以揀辣度高嘅，因為食完雞煲都仲要加湯打邊爐架。個雞煲點煮都仲係嫩滑嘅，而且足足有四隻鮑魚，多人些牙都可以呀。👨‍👩‍👧‍👦火窩料都好多選擇，我地點左美國肥牛，日本岩手縣純情豬（抱有好多寄望架），竹笙等等，兩款肉類都不錯，竹笙浸左湯吸收晒精華正正正。另外我地仲點左個香辣炒蟹，一大盤乾辣椒上枱真係大吃一驚，佢係干窩燒咁做法，辣蟹超大隻，好新鮮，配搭適宜嘅煮法非常惹味。令個餸更錦上天花嘅係佢嘅配菜 - 薯仔片，蓮藕，木耳同埋窩筍，每樣都爆炒過，好入味，怕太辣可以放入雞煲邊爐沖淡下，一樣美味。食左咁多重口味，要叫