影片
更多
2018-10-23
267 浏览
友人剛由潮汕搭高鐵返港，非常興奮，大讚這次短途遊，不但行程豐富，而且美食靚景俱備，想同我分享一下。為了方便友人下班後可以快點到來，所以特意約了喺九龍灣一聚。其實自從公司搬咗之後，我都已經有好耐無嚟九龍灣搵食。早前從友人口中得知，主打新派京川粵菜嘅「漁牧」，最近由加拿芬廣場搬咗去 Megabox，據說該食肆總廚曾於米芝蓮星級餐廳掌舵，而當中嘅招牌菜就包括有以傳統果木烤製的老北京烤鴨、即點即燒的川式燒魚、配料獨特的雞煲、西式醃漬的漁牧混豬等。友人同我一樣都好鍾意食燒魚，所以趁今次約會就順便嚟試下。餐廳門面非常搶眼，以火紅色為主調，店內地方頗大，佈置得很優雅，帶點亭台樓閣嘅感覺，加上以通花屏風作間隔，令裝潢既悅目又舒服。趁時間尚早，店內食客還未算太多，先在場內四周看看，原來店內除了有大量卡座外，還設有六間貴賓包廂，非常適合一家大細嚟食飯，又者同一大班朋友嚟聚會或慶祝生日。翻開餐牌，食物選項包括有前菜、老北京烤鴨、燒魚、漁牧沸騰魚、濃湯酸菜魚、漁牧混豬、雞煲、湯鍋、火鍋配料、川式風味、香辣干鍋、主食、粵式美味、滋潤老火湯及甜品。至於另一份飲品餐牌就有紅酒、白酒、威士忌、Cocktail、Moc
其實自從公司搬咗之後，我都已經有好耐無嚟九龍灣搵食。早前從友人口中得知，主打新派京川粵菜嘅「漁牧」，最近由加拿芬廣場搬咗去 Megabox，據說該食肆總廚曾於米芝蓮星級餐廳掌舵，而當中嘅招牌菜就包括有以傳統果木烤製的老北京烤鴨、即點即燒的川式燒魚、配料獨特的雞煲、西式醃漬的漁牧混豬等。友人同我一樣都好鍾意食燒魚，所以趁今次約會就順便嚟試下。
餐廳門面非常搶眼，以火紅色為主調，店內地方頗大，佈置得很優雅，帶點亭台樓閣嘅感覺，加上以通花屏風作間隔，令裝潢既悅目又舒服。趁時間尚早，店內食客還未算太多，先在場內四周看看，原來店內除了有大量卡座外，還設有六間貴賓包廂，非常適合一家大細嚟食飯，又者同一大班朋友嚟聚會或慶祝生日。
翻開餐牌，食物選項包括有前菜、老北京烤鴨、燒魚、漁牧沸騰魚、濃湯酸菜魚、漁牧混豬、雞煲、湯鍋、火鍋配料、川式風味、香辣干鍋、主食、粵式美味、滋潤老火湯及甜品。至於另一份飲品餐牌就有紅酒、白酒、威士忌、Cocktail、Mocktail 及一系列非酒精飲品等。
先嚟兩款小食，分別有鎮江小排骨 ($48) 同黃金雞翼 ($78)，排骨分量頗多，肉質雖然唔算好鬆化，但肥瘦適中，入口帶撲鼻醋香。至於黃金雞翼，初頭還以為只是近排大熱的鹹蛋黃雞翼，但原來這裡嘅做法有點不同，雞翼裡面混入了辣醬，所以食落脆口得嚟仲多咗份辣勁，既有層次感又夠惹味，令人一食上癮！
主菜方面，其實幾款招牌菜都好吸引，不過既然一心嚟食燒魚，就先以烤魚作出發點。魚類共有四款選擇，包括有海鱸魚、龍脷魚、清江魚同沙巴龍躉，而口味方面就有香飄蒜香味、鮮檸檬蕃茄味、回味酸辣味、火熱香辣味同誘人麻辣味。由於我倆都不大吃得辣，所以決定揀香飄蒜香味燒清江魚，另外再加三款伴魚熟配料。
香飄蒜香味燒清江魚 ($318)，烤魚用金屬盤盛載，並且以火爐烘著上桌。先撥開面頭的芫荽細看，原來魚身上面仲鋪咗好多蔥花同蒜頭。待湯滾後，搶先呷一口，熱燙燙，有點油膩，但帶濃郁蒜香味。將魚肉分開，挾起一嘗，質素果然不俗，外皮燒得非常焦香，能鎖住魚油和香氣。而魚身亦烤至僅熟，肉質雪白嫩滑，既入味又鮮甜，食得出是新鮮魚，而且滑溜得來更帶一份油潤和甘香，很好吃！
至於剛才點的三款伴魚配料，原來一早就已經放咗餘喺魚身下面，包括有金菇菜、蓮藕片同炸支竹，每款都只係 $20，非常抵食。蓮藕片夠爽脆、而炸支竹就越煮越入味，用來配烤魚吃，味道一流。
意猶未盡，一於再加多客杏鮑菇燒汁牛柳粒 ($188)，牛柳切成丁方狀，肉質非常甘香、軟腍細嫩，而且油脂豐盈，肉味亦夠突出。伴菜有翠玉瓜，碧綠爽脆；而杏鮑菇亦同樣精彩，吸收曬醬油香味，非常好吃。
換碟食甜品，呢款係雙色水晶球 ($48/6隻)，有紅豆同奶皇兩款口味，兩款外皮都晶瑩剔透，賣相討好。紅豆餡分量足，質地綿滑，食落帶少許紅豆衣及顆粒，有咬感，甜度適中；而奶皇餡亦酥香柔軟、入口即化，配上煙韌軟糯的外皮，口感豐富。
飲品點了鮮榨西瓜汁 ($38) 同菠蘿粒特飲 ($29)，西瓜汁入口冰涼，清甜解渴；至於友人點的特飲，原來入面還有粒粒菠蘿，真材實料。其實仲未埋單，就已經諗定下次嘅目標，睇中咗風乾機入面嘅肥鴨，唔知兩個人食唔食得曬半隻老北京烤鴨呢？
张贴
