漁牧 (已結業)

跟朋友一行4人來試新菜，環境唔錯，是黑暗新派京川設計。 但沒有茶serve, 要好似國内要自己出去斟水，而且4人卡位台很小。原來沒有提前訂鴨，要等1小時多才上菜，鴨肉幾好味，有皮又有肉， 個面皮好薄，底下有個火heat住唔會凍同硬， 鴨肉都好食， 但半隻係好細隻。朋友問服務員有什麼飲料介紹好飲好看的，介紹星空紫羅蘭中伏了。。。 還是叫椰青安全， 然後另一個朋友叫凍檸茶少冰， 來錯了熱檸茶， 再來是很多冰的凍檸茶我們還叫了炒飯，點知沒有叉燒，問可唔可以轉肉絲， 我地為了唔想再等禁耐都係轉叫其他。烤魚好食，似國内探魚， 冇國内的濃和油，魚少骨，配菜都ok, 香港好少這種正宗川菜烤魚。我地有半價，就抵食，原價要3舊。其他菜式： 午市套飯-青瓜炒魷9格涼菜， 都ok甜品糕點：有驚喜，幾好食，呢個水晶是熱的，好香，甜度适中。呢個蝸牛糕點是凍的。紅豆味。因為lunch time去食，等鴨好耐大家赶住食，時間唔係好夠去影相，最後唔記得影張單，所以d 名唔啱，冇價錢reference, 價錢係偏貴，同埋份量好少。

第一次嚟食午餐，無叫套餐，散叫餐牌，因為想試漁牧混豬。等了半小時先上第一碟菜-魚湯菜心，又等十幾分鐘再上片皮鴨...最後漁牧混豬係落單後超過1個鐘先上菜....午餐無時間等應該食套餐算喇~**真係唔明點解要自己出去斟水？熱茶都無......不如放壺水係枱自己斟啦！行來行去真係好麻煩！

Mega box新開左間烤魚店？其實係尖沙咀搬過來的，比舊店環境更舒適，地方較大，唔會覺得迫今次得2個人唔可以試咁多款野，就主力食烤魚，點了一個香辣烤魚，魚分3款，今次試左海爐魚，食落去肉質較實。唔好烤魚一黎到就即刻食，煮耐d更入味。配菜點了薯粉，金針菇，竹笙。吸味一流！飲品通常$29一杯，有幾款可以選一樽$70-90有3杯分量倒啦另外，不要對服務有期望，叫侍應幫忙加水到烤魚，竟然問我洗唔洗熄火仲有半條未食完呀大姐熄左火仲叫烤魚嗎？

同一位朋友食晚餐，主要試下最愛嘅雞煲，味道很好！傳招牌雞煲有原味/微辣/麻辣，仲有其它特色雞煲可揀（花膠/椰子/榴槤/鮑魚），頗多選擇。我哋最後揀咗傳統麻辣，因為聽服務員講類似譚仔小辣程度，我哋都覺得可以接受。雞肉好滑而且幾入味，煮多一陣辣味就出晒黎了，香辣適中。食到差唔多可以加湯打邊爐，我哋叫咗雜菜盤/午餐肉/枝竹，啲菜都幾新鮮，每樣食物份量剛夠兩人食。個人建議：雞煲可以分大中小，適合唔同人數享用，同時麻辣程度可以提供更辣的選項。打邊爐材料可以加多幾款，例如響鈴等受歡迎食物。p.s. 服務員非常友善週到，會為客人提供恰當的建議，第一次嚟漁牧食嘢，非常滿意！

在附近返工，平日同同事一大班七至八人都比較難搵位，呢度即刻就安排到座位，非常方便。點左一個四人餐及兩個午市套餐，四人餐有一條魚加一個雞煲，魚非常好食，味道夠濃，雞煲的味道也可以。因為我太飽，另外的菜只吃了豆沙鍋餅，都很有口感。整體黎講，食物滿意，餐廳經理很有禮貌，而且餐廳座位寬敞，令人滿意。

酸菜清江魚真的很唔錯！少骨之餘不帶腥味而且都幾滑，本人食魚最討厭就係骨！呢個認真唔錯！但係建議成班人食好d！因為真係好大鍋。兩個人胃口細真係好飽！對於唔能夠食得辣架我清江魚不太辣對於我黎講味道岩岩好！

lunch同同事farewell兼慶祝生日，我地一行七人，諗住可能要等位，點知唔洗等仲有房坐有房坐得好舒服。試左招牌烤魚，魚有四種，仲有五種唔同味道可以揀，辣嘅仲分三級。本身叫左清江魚，但冇晒，改左做鱸魚。魚肉有啲老，辣得黎幾香，個人覺得比較咸，要送飯先得。最好食嘅係漁牧混豬，乳豬皮燒得好脆，墊底嘅糯米飯好入味，好食我地買左蛋糕，要收切餅費$70。員工好盡責，攞蛋糕入黎仲熄埋燈點埋火。員工好貼心，仲叫我地幫手like餐廳fb。同事都話野食好食，服務又好，下次會再黎

本人真係真心第一次寫食評，因為唔想大家中伏，本身滿心歡喜諗住試吓新野，入左冇耐，諗住叫侍應比幾杯水，原來係要自己去勘，ok冇問題，另外碗筷都要自己去攞，都冇問題，首先叫咗兩個湯，其中一碗打開成碗都係油，於是叫侍應更換，之後侍應回覆原來是最後一碗，所以全碗都是油，不能更換只能取消，另外點了三個小菜，上菜速度十分緩慢，全部都不夠熱，簡直食到一肚氣，奉勸各位千祈唔好幫襯😡😡😡😡😡