滾得囍宮廷火鍋小炒 (已改名) 查看

一行四人去了北角打邊爐，火鍋店走中式宮廷風，裝修得美輪美奐，細緻得連「聖旨」也有（即是Menu)！朋友見到生啤做緊promotion，買二送一，即刻點杯啤酒解渴先！大家想要比較清的湯底，所以點了走辣版順治特色卜卜蜆鍋，火鍋配上精緻鍋具煙霧離漫般上枱，真係好吸睛，卜卜蜆份量都幾多，而且又清甜！大部分食物都幾好，不過不失，特別係鹿兒島黑豚肉幾好食；但大家最喜愛係黃金響鈴，熱辣辣新鮮炸起，配上鹹蛋黃香脆惹味，好邪惡！食物環境優秀，但價格略嫌偏高，若火鍋店不定期提供折扣優惠會更加吸引！

之前係北角無意中發現一間裝修頗有風格的火鍋餐廳，今晚約埋另一半及家人去打邊爐！餐廳很有中國宮廷風，裝修、佈置及餐具全部都風格一致，即使連Menu亦花了心思，可見餐廳的用心！火鍋湯底多達十多款，另火鍋食品亦多得眼花撩亂，有部分湯底及食品更不是一般火鍋店可見😲我們先點了順治特色卜卜蜆鍋，火鍋鍋具好精緻，配有乾冰，造成煙霧離漫效果，大家都好自然拿出相機不停影相！鍋內的卜卜蜆超多，脹卜卜又鮮甜，轉眼間已食晒鍋內所有蜆😆食物陸續上枱，鹿兒島黑豚肉幾好食，爽口彈牙，有豬味，但清酒牛肉就相對失色；此外，還點了流心蝦丸、桂花蚌及珊瑚蚌雙拼、鵝腸、瑤柱乾貝滑、油麥菜、芋絲、萵筍，桂花蚌及珊瑚蚌雙拼新鮮，而且非常爽脆，蝦丸及乾貝滑彈牙，其他就正常，不過不失；最令人心心眼係黃金響鈴及厚切午餐肉，午餐肉煎得香口又厚身，食落啖啖肉，而響鈴新鮮即炸熱辣辣，配上鹹蛋黃真係香脆惹味，好邪惡，無論即食或火鍋都食到唔停口🤤除左食物吸引外，Asahi生啤仲做緊買二送一，好抵飲👍🏻餐廳環境雅緻，食物質素高，但北角對我們而言偏遠，期待餐廳於其他地區開分店！

好耐都冇去過咁靚嘅裝修地方打邊爐簡直係返回古代嘅皇朝坐得好舒服地方好闊落傾計又唔會畀隔離格(閘住)哥哥話唔食得辣， 所以叫咗個卜卜蜆湯底粒粒都好大隻， 好鮮甜夠新鮮內面仲配搭咗一啲蘿蔔 ， 食到最後先食蘿蔔就超級入味啦如果對於鍾意清湯腩嘅人一定中意食最欣賞係佢個 珊瑚蚌,黃金響鈴，豚肉個黃金響鈴真係好邪惡， 一定要親熱食 今晚啤酒仲買二送一，大大杯所有野無論講賣相或者味道都好好新界之友黎到真係遠左小小不過好期待佢會開分店期待下次再黎

聽同事講北角有間打邊爐d野食好得！所以今晚係鰂魚涌做完野就同個朋友去食飯。湯底好多款，我是但選左隻［順治特色卜卜蜆鍋］感覺應該幾好味，一上台，好吸睛呀！淨係個湯底都已經有5、6十隻沙白，但係一水滾就要係咁夾佢哋上嚟食，因為驚煮太熟會老。煮完出黎個湯飲落真係超鮮甜。鹿兒島日本黑豚肉，好有豬肉味，食落仲有爽口既感覺。手打蟹子蝦滑，彈牙好食，完全無腥味。手打珍珠帶子墨魚丸，黎個都好好食，中間仲有粒珍珠帶子係入面，好足料。之後值得一攢就一定係個黃金炸魚皮，魚皮脆卜卜加上咸蛋黃真係好味。另外叫個菜，金菇同生根，真係大滿足呀！最後兩個人食，埋單加埋一要800幾蚊，雖然價錢中等，但食物質素都對得起價錢，而且成晚服務好周到呢。

朋友介紹在北角有間用宮廷作主題火鍋店，於是同佢一齊去試試這裡有聖旨，有龍椅，環境有點古典，整體幾得意有趣康熙花膠雞湯鍋 - 湯，花膠和雞分開上，店員先幫我們把花膠放到湯中，有大量花膠，另外有半隻雞，雞早已煮至七成煮，所以我們只雖放進湯中再煮一會便可食用，雞肉鮮嫩另外，我湯的雞味和藥材味十分濃郁，而且有老火湯感覺南京鴨血 - 吃起來帶點甜味，質地也軟嫩細緻，在煲中煮幾耐都形狀不變，不會散半熟牛肋片 - 味道不濃，好抵食，只是$58就有近十塊半腩片半熟也花腩 - 一層肥肉，一層瘦肉，有層次，有口感瑤柱乾貝滑 - 上菜時底部加了乾冰，霧氣不停湧現，好飄溢，好有排場，此滑用料比較特別和高級，用魚肉加入大量瑤柱和元貝猜成，吃落有元貝的鮮甜味，而且爽口彈牙叧收宮廷醬介及宮廷甜點，每位$28

呢個火鍋店以傳統中國宮廷為裝修特色，不論是火鍋還是豉油壺都有龍形圖案，令人仿如置身古代。食物方面，必食極上手切牛肉宮廷拼盤（$498)牛肉拼盤一共提供左七款唔同部位既牛肉，雖然無仔細標明，但明顯可以食出分別。七款牛肉當中，有兩款係牛肉粒，一款肉味較濃，一款口感較淋。另外五款係牛肉片，其中一款係胸口油，大大片既白色油脂，一經加熱煮過後，就會變得非常爽口，絕不油膩，另外四款牛肉片，紋理絕佳，各有特色，有一款更係入口即溶！而且每款肉都最少有六片，份量絕對比預期中多！菜苗帶子餃（$88)大大隻嘅餃子入面超多菜苗，仲有唔少帶子肉喺入面，一碟八隻，都幾抵食！

來到北角，發現了一間很有中國特色的火鍋店，感覺有點像到了宮廷一樣。一開始店員會給醬汁盤以及小吃，小吃一來已經有四款，而自己也不用走來走去，坐著就可以調配自己想要的醬汁。而有一卷"聖旨"究竟是什麼呢? 其實裡面是餐牌來的。這個火鍋一上到桌上，就覺得很豪華，中間噴煙，蓋上也有龍的圖案，為視覺帶來了衝擊。一打開蓋後，內裡相當驚奇，原因是我點選了卜卜蜆鍋，而卜卜蜆的數量也是相當多。那個鹿兒島黑豚肉份量十足，食材新鮮，性價比不錯。羊肉片一卷卷幾得意，吃起來也不會覺得有"酥"味。而半熟牛肋片也是不錯的選擇，挺入味的。這個看起來像手打丸的，其實是鬼馬油炸鬼，外形鬼馬之餘，裡面是有油炸鬼的，配搭很好，值得推薦。整個枱都是食物，很壯觀，很治癒呢。珍珠帶子墨魚丸很彈牙，打邊爐必叫，真的很好吃。和牛芝士一口餃也是十分高質，和牛跟芝士配搭得很好，在其他火鍋店都未看過有這種。整體上，這間店內環境很有宮廷，中國風的感覺，食物方面夠獨特而且新鮮，很值得過來吃。

在北角新光戲院附近，有一間隱藏在鋪滿補習社/學習中心的火鍋店。裝修中式典雅，猶如在宮廷中。適逢七夕，跟男友去間靚靚餐廳也不失為過。坐下即見聖旨在枱上，打開原來是需要兩天前預訂的鰵肚花膠雞湯底，非常矜貴。待應亦很快遞上四碟餐前小食 - 花生、酸菜、醃青瓜及雲耳。打開餐牌，有十幾款湯底選擇，因男友要戒海鮮和辣，最後選了羅宋牛骨鍋。食物方面，就點了極上手切牛肉宮廷拼盤、宮廷手打丸拼盤、黑松露墨魚滑、菜苗帶子餃和蔬菜拼盤；飲品則點了羅漢果菊花茶。湯底好快就到，看上去雖像蕃茄薯仔湯，不過蕃茄味非常非常非常之濃，我們加了五至六次上湯也還是吃到蕃茄味 (目測加湯的湯不是蕃茄湯)！真要令我說句，「點解既~~~?」湯料中的牛腩非常多又腍，完全沒想過湯料水準也這麼高！極上手切牛肉宮廷拼盤底有一杯乾冰以保持牛肉的鮮度，上枱時好像有種仙氣飄出來，盤上有塊牛骨(?)塾起一些牛肉，駕勢十足拼盤中有七款不同的牛或部位，每款也各有長處。印象中盤中有安格斯牛柳粒及牛肉片，牛味最濃，牛柳粒充滿，肉片則非常腍滑；牛肩胛相對較爽口；本地牛頸脊牛味也濃，與安格斯相比，是另一種風味；牛白肉第一次食，全片白色，只需幾秒燙一燙就能吃

是許久前就訂好要來試一下的餐廳，因為裝修實在是很特別。在北角緊臨地鐵口就可以有一個坐的好舒服的舖頭實在難得。雖然沒有試吃招牌秦始皇花膠，但康熙花膠雞湯鍋也真的是太惹眼了；湯頭本身已經很正，花膠下鍋後幾分鐘後，更加濃郁順滑，雞湯根本是熬了很久的美味👍！龍頭超酷的！兩個人點了 牛、豬頸肉、餃子（非常好吃的菜色），有被和牛芝士一口餃子驚喜到，皮薄料足口感特別；另一樣驚艷的是牛頸，新鮮有嚼頭，老闆娘還親切的提醒要煮再久一點可以更鮮。吃到最後才發現真的量足點太多了，雜菜拼盤誠意滿滿還有我很新鮮的小白菜。因為趕時間的關係，老闆很貼心的為我們打包，但雞湯的香甜在嘴裡停留了很久，下次一定會再去試其他湯料。超級好吃的啦！對了 茅根飲料一定要喝的

聖旨到~ 呢間火煱店裝修，餐牌，用具特別。兩人行，叫左順治卜卜蜆湯底。湯底我地走左辣(自己鐘意可以自己再加辣)，想試下啲蜆新唔新鮮。食落去又幾好味，又唔太細粒，無沙，仲幾多蜆，令到湯底幾鮮。牛肉色澤靚，薄切既牛，好快熟，少少淡淡清酒味。花雕雞件，酒味比清酒牛肉濃啲。仲叫左帶子墨魚丸，啲丸好大粒，入面真係有粒帶子bb入面，算係有驚喜。(原本以後佢係帶子絲。)日本黑豚肉，比較肥，本人覺得okay la ~ 鐘意既你可以試。野飲一罐可樂都要HKD 19所以試左佢地秘製野飲: 足料竹蔗茅根水。野食overall 都唔錯，如果多人食既抵啲，又試到多啲野。我見鬲黎枱order 左啲餃子，好大隻，好足料咁。由於今次兩個人食，試唔哂想食既野，呢間可以黎多次，試下其他餸，湯底

#滾得囍宮廷火鍋小炒 (北角)雖然唔係冬天🤪但又好想食滋補養生嘅花膠雞。一直都想搵人陪我再食滾得囍👀佢個花膠雞湯真係濃而不膩。但同朋友一直夾唔到時間，👫唯有同男朋友兩個人都要去食。一坐底就有既小菜。一嚟梗係要叫返個花膠雞鍋🐥。先會上一鍋雞湯，另外會💁🏻‍♀️配上一碟花膠同半隻雞(右上角)。肥厚嘅花膠係掩蓋着半隻雞，🙆🏻‍♀️店員會過嚟幫你剪開花膠，剪完目測都有十幾塊，😼塊塊都有返咁上下size，滾起左就可以食啊。成個鍋底都係花膠。湯一如既往咁好飲，🤤一黎就忍唔住飲咗三細碗。花膠滑而綿密帶膠質，🙋🏼‍♀️女人滋補真係要飲多啲食多啲。跟住再放埋啲雞，🐣本身啲雞已經有七成熟，所以再次滾起又可以再食啦。🐥雞肉滑身唔老。雖然呢個鍋底$298 真係唔平💸，但真才實料份量多絕對對得住個價錢。記得係加湯之前再多兩啖湯，🥣因為之後加清湯就會冇咗個原味。兩個人真係食唔到好多嘢，配料方面叫咗：#滾得囍宮廷手打丸拼盤 $128 丸大大粒，👍最出色係芝士牛丸同黑松露野菌鮮蝦丸。如果散叫嘅話可以考慮食呢兩款。🤔不過整體以手打丸來講彈牙方面差啲，比較腍身。#滾得囍餃子拼盤 $128又係king size 🤣每粒都好飽滿，

We visited the restaurant after hearing raving reviews. The food portion was good and dumplings were succulent. As mentioned in other reviews, the food is also very pricey, on average HKD450 per head, which was what we paid. After dinner, we were all very thirsty. It could be MSG or excessive salt used in the soup base.

四個人一齊去試下呢間充滿古風嘅宮廷式火鍋餐廳 入面嘅裝㶇古色古香 一坐低仲要見到份聖旨 真係鬼馬🤣🤣叫咗個順治特色卜卜蜆鍋🍲 湯底只係少少辣平時唔太食得辣嘅朋友都冇問題 入面仲有好多鮮美嘅蜆絕對足料 非常鮮甜惹味 職員亦會時不時主動過黎加湯 服務唔錯叫咗好多碟火鍋配料🥘：✨黑松露墨魚滑的確好重松露味 ✨豬頸肉充滿油香但唔覺肥膩✨滾得囍餃子拼盤 五款獨特口味充滿驚喜 ✨鹿兒島日本黑豚肉有嚼勁✨手切頂級安格斯牛肉油脂分佈平均 充滿牛香味✨竹蔗茅根亦係自家製 冰冰涼涼飲落好解渴 最岩打邊爐嘅時候叫黎下火整體食物質素同賣相佳 份量亦合理 值得一試😋😋

朋友最愛打邊邊，所以佢帶左我黎北角食番個火鍋晚餐，一黎到好似返去古代咁，宮廷式既裝潢都幾特別，門口仲有張龍椅比客人打卡拍照！宮廷醬介$28/位，睇完聖旨既menu就叫左：康熙花膠雞湯鍋 （半隻雞）$298: 花膠超足份量，店員會幫手剪開，之後逐塊花膠放落雞湯內，灼3分鐘左右就食得，要連埋雞湯一齊進食，花膠索晒d 雞湯味超甜，飲左幾碗，花膠都好厚身，食完可補充骨膠原，食完花膠就可放雞，雞肉都好嫩滑鮮甜！萵筍 $38: 切得有點簿身，食落都好爽甜！最岩要黎打邊爐食！桂花蚌、珊瑚蚌雙拼 $148 ： 灼一陣見到佢彎曲就可食，好鮮味爽脆！手打芝士牛肉丸 半份4 粒 $68: 手打丸果然特別彈牙，大大粒，要好小心食因裡面係有流心芝士，牛肉味都好濃厚😋😋😋水魷 $58: 灼一陣見到佢蜷曲就可點一下醬料調下味，好爽脆！黃金雙拼 （黃金炸魚皮、黃金響鈴）$88:超邪惡既黃金雙併組合，即叫即整，熱辣辣脆口，超香濃既咸蛋黃味道，好鬆化，但可是比較油膩左DD! 鹿兒島日本黑豚肉 $98: 賣相超靚，逐片黑豚肉掛在架上，口感好Q彈，而且唔會太un,日本🇯🇵來的材料👍足料竹蔗茅根一渣 $58: 味道剛好，飲完可

今日同行朋友在北角番工，佢介紹左滾得囍比我地，一入到餐廳，裝修好特別啊，連餐牌都一樣，聖旨到！我地一行4 人叫左個康熙花膠雞湯鍋 （半隻雞）$298，份量超多，好彩我地人多，花膠同半隻雞係分碟上，店員細心幫我地切細件放在雞湯，更溫馨提示花膠連湯一起吃更滋味，湯超濃，不會很味精！雞超滑，不用淥好耐就可以吃。另外叫左個清酒鮮牛肉 $148，來到的時候冒著煙，視覺效果吸引，味道都不錯，吃到有酒味。朋友建議叫鹿兒島日本黑豚肉 $98，賣相好好，口感都好好，不會太硬，推介。叫左個滾得囍餃子拼盤有十粒 $128，有五款餃，黃金沙葛餃、黑松露野菌餃、韭菜豬肉餃、新鮮菜苗帶子餃同和牛芝士一口餃。我最喜歡新鮮菜苗帶子餃，菜苗好新鮮，吃落好清新。手打黃金流心鮮蝦丸(半份4粒) $68，蝦丸好大粒，好彈牙，裡面仲有流心，好味，黃金雙拼 $88，黃金炸魚皮、黃金響鈴，聞到陣陣咸蛋香味已經覺得好邪惡，吃落炸魚皮好脆，就咁食仲好食過浸落湯食，而黃金響鈴就感覺油膩一點。唐生菜 $34，食左咁多肉，點都要食番個菜中和下，好欣賞切成一株株，不是一塊塊，口感更無佳。仲叫左一渣足料竹蔗茅根$58，好清甜，清一清熱氣。