滾得囍宮廷火鍋小炒 (已改名) 查看

香港人很喜歡打邊爐，慶祝的時候經常也會打邊爐，今天選擇了一間位於北角站旁邊的一間店，裝修很中式，古式古香，挺特別。鍋底有雞湯、魚湯，也可是是普通的沙嗲鍋或是我們今次選擇的蜆鍋。蜆鍋內有大量的蜆，大約有四，五十隻，可算是邊爐內其中一料。蜆肉大大隻，挺新鮮。吃完很便可以開始打邊爐，今天就介紹好吃的幾款。松露蝦丸菌味很香濃，應該有黑松露醬及菌粒。蝦味被菌帶出，非常合襯。而且蝦膏打得非常彈牙，是我今天吃到最好味的火鍋料。黃金響鈴是餐廳的熱門食物，咸蛋黃再加上新鮮油炸的響鈴，又邪惡又好吃。在蜆湯中浸上3秒令湯汁走進響鈴中，出來後便是軟硬適中，香味十足的邪惡食品，充滿鹹蛋黃香味。最後介紹一下它的竹蔗芧根水，五十多元有五杯左右，又清熱味道又濃郁，是用心煲出來的。

一班人諗唔到食咩，最方便一定係火鍋啦！今次去到北角食呢間叫滾得囍宮廷火鍋小炒，係一間好重中國風既火鍋店呢。每枱都有份聖旨呢～醬料同小菜都會有店員送上，唔洗出去拎。朋友以為呢個係茶壼，其實係豉油黎的。我地揀左個建寧公主麻辣卜卜脆蜆火鍋，睇落夠哂麻辣呢，煲底啲蜆都幾多，點左2款牛肉：牛白肉同清酒鮮牛肉，清酒鮮牛肉上枱果陣睇落好把炮呢！不過我就比較中意食牛白肉，可能因為少食到呢。除左牛之外，當然唔少得豬肉啦，呢個係半熟五花腩，好搶手呢。鵝腸、魚皮餃、響鈴、菜同鴨血都唔少得呢。跟住我地試左好幾款手打丸、蝦滑果啲，全部都好彈牙香濃呢。我自己就好中意個菜苗帶子餃，超足料！

老公今日早放工話要出街打邊爐，所以我地過左北角食依間邊爐～坐低先黎餐前小食：漬青瓜酸菜咸花生Wasabi木耳, 好特色我地點左個湯底「乾隆十二味雜錦鍋 （雞湯）」十二味係指蔬菜及菇菇，包括生菜、白菜、菜心、鮮東菇、東瓜、窩筍、油麥菜、金菇、雞脾菇等等，好多呀！所有蔬菜同菇菇都吸收左湯底精華，好入味，又甜。而且蔬菜好爽脆新鮮。好健康既鍋呀😁滾得囍宮廷拼盤（10粒）全部都係手打架，大大粒。包括：黑松露蝦丸，咬一口，微微黑松露由口內慢慢滲出。鯪魚肉丸，真材實料，超級重鯪魚味。仲有甘香既陳皮味。菠菜豬肉丸，以為係淨菜，一咬落去超濃豬肉味！有驚喜！墨魚丸，好彈牙，仲有黑魚肉粒同墨魚香。芝士牛肉丸，非常鮮紅。咬落去爆芝士架，超香濃！黃金雙拼黃金炸魚皮+黃金響鈴新鮮即叫即炸，一上枱已經聞到好香既咸蛋味，d炸魚皮仲香濃過新加坡個d r~好鬆化脆口，每一寸都係咸蛋！一放落鍋即刻聽到「炸那、炸那」聲！響鈴由外到內都係咸蛋，加上重量級手掌咁大，好滿足！我地仲叫左個洛神花茶，清清地、微微微酸，幫忙消化又下火呀！

日本朋友來香港玩，說夏天也要吃火煱，又記得早前朋友介紹過北角有間好有特色的宮廷火煱，就跟她去這裡吃吃。中式古典宮廷裝潢環境的確冇得輸，仲有聖旨俾你，好有心思。宮廷醬介($28)，小菜四小碟，有酸菜、雲耳、花生、青瓜。慈禧藥膳麻油雞鍋($238)龍鍋已經好有氣勢，放了半隻雞，店員會加酒起火，相當有效果。火起後再加湯和黨槮、杞子、紅棗等多種藥材，煲一陣，先食雞和喝湯。湯頭藥材味濃，好喝，雞肉也十分嫩滑，很有質素！清酒鮮牛肉($148)仙氣出哂黎，想酒味濃牛些，可以將牛肉片拖一拖碟上的清酒，再放入鍋，真係幾sake，不錯！滾得囍宮廷拼盤 十粒 ($128)啱哂貪心嘅我，可以一次試齊五款，有黑松露野菌鮮蝦丸、菠菜豬肉丸、鯪魚丸、珍珠帶子墨魚丸、芝心牛肉丸，全部都係手打的，組合都非常有特色，當中最愛芝心牛肉丸，牛味濃，又彈牙，夾芝士食更美味。黃金雙拼($88)的出場令人驚艷，就係黃金炸魚皮+黃金響鈴，每一塊魚皮和響鈴都好大塊，脆卜卜，而且舖滿鹹蛋黃，味道相當濃郁，一試難忘。清熱椰皇水($19)

位於北角馬寶學林的「滾得囍宮廷火鍋小炒」，係一間以中國傳統宮廷風裝修為主的火鍋小菜店。主打生猛海鮮、花膠雞湯、多款特色手打丸同手工餃子等等。大半年前已經惠顧過一次，覺得質素不錯，決定再黎encore!今次湯底就揀左：崇德皮蛋芫荽豆腐馬蹄鍋。湯底用料十足，芫荽、豆腐、皮蛋等等配料都份量充足，皮蛋仲靚到有松花紋添架！湯底清甜而不膩，芫荽有助清熱氣，夏天消暑就啱晒滾得囍餃子拼盤餐廳嘅手工餃子非常出色，呢一個餃子拼盤就可以一次過滿足晒多個願望，試到五款唔同口味嘅高質餃子，每隻都好似BB拳頭咁大架～韭菜豬肉餃豬肉同韭菜餡料比例均一，品嚐到濃郁韭菜香之餘仲有豬肉鮮香黑松露野菌餃野菌份量十足，充滿口感同菌香，加左黑松露之後菇菌香味更加突出且香濃黃金沙葛餃黃金即係雞蛋，沙葛同雞蛋呢個配搭又幾新奇有趣，味道頗特別，口感爽脆得來有蛋香和牛芝士一口餃牛肉味濃香四溢，仲帶有陣陣芝士香添新鮮菜苗帶子餃菜苗好翠綠，加上新鮮彈牙嘅帶子，清新美味嘅配搭～每款餃子都皮薄餡靚極品魚肚（棉花肚）打邊爐我就鍾意叫魚肚食，可以索哂啲湯，而且養顏又滋補！魚肚好新鮮唔腥，好高質，果然係極品魚肚鮮腐竹嫩滑有豆香的鮮腐竹同樣都係我最愛

這間主打花膠雞湯、本地手切牛、生猛海鮮的滾得囍宮廷火鍋小炒餐廳，餐廳是我少數的食完再食的餐廳，皆因材料新鮮又美味是我再次光臨的主因。我不但喜愛餐廳的食材夠新鮮，也喜愛餐廳裝修的優雅舒適。康熙花膠雞湯鍋半隻$ 298今日要了個康熙花膠雞湯鍋半隻，花膠是完整的大大隻的2隻，放上枱後由侍㒣親自剪好一件件放到鍋內，滾上約5分鐘，就可以飲湯及連花膠一齊食，湯底非常清甜。雞整整半隻 ，熟度自己控制，雞肉清甜嫩滑。手切韓牛（牛肩胛）$398手切韓牛顔色透著誘人的嫩紅，花紋分佈均勻，看得出的新鮮，不是很肥，最適合現代要健康的人士，牛味頗濃。清酒鮮牛肉$148清酒鮮牛肉，乾冰效果令牛肉像在繚繞的雲霧中一樣，雖然在湯鍋裏灼過，但依然食到酒味的香，相比起其它牛肉又是另一番的美味。日本廣島蠔$98我都比較喜愛日本廣島蠔，覺得蠔味較濃一些，所以要了廣島蠔，廣島蠔不是很大隻，有一些還可見到面上有薄簿的結冰，濃濃的湯底，令廣島蠔更鮮味。火鍋還要了一些鮮淮山及萵筍等，濃郁的湯底，令每款本已新鮮高質的火鍋配料，都覺得非常鮮味。

今日舊同學聚會，友人係北角放工，等佢地收工果陣，經過新光戲院附近有間商場，地下有好多夾公仔機，玩左陣就肚餓，見樓上商場有間麻辣火鍋，就決定試下啦！一坐底，店員已經傳上小菜和醬料。店內裝潢充滿著中國古代風味，連餐牌都咁有特式叫左麻辣卜卜硯湯，湯底叫左bb辣，辣味唔算突出表現，不過麻味就比較重。而硯肉亦冇沙，可以放心食用清酒鮮牛肉，牛肉脂肪分佈平均，牛肉味濃，而且食落有陣淡淡酒香味牛白肉係接近牛肋骨上的一塊筋膜類肌肉，有油份又有骨膠原，質骨爽脆，好少地方有得食架！脆炸響鈴，打邊爐點少得響鈴，新鮮炸起，淥幾秒即食，半脆半淋，仲吸收左少許麻辣湯的味，無得頂黑豚肉片(上)，肉味濃，而且好juicy 鴨血(下)，質地厚實，唔易碎，吸收晒麻辣湯精華芝士牛丸，墨魚乾貝丸，鳳尾蝦丸，本來諗住叫每樣半份，但朋友話全份都係差30蚊，叫全份抵d! 點知原來咁大粒，又真係抵食wo丸類全部都係手打，爽口彈牙！窩荀，亦都係打邊爐必點既餐廳食物質素唔錯，用料新鮮，不過牛肉類定價太貴。

來到馬寶道的馬寶學院，那今天學什麼好呢？今天就學吃火鍋吧！在這家馬寶學院1樓走到盡頭，有一家以宮廷式設計的火鍋店，玩味十足。店內用上中式花燈及木椅，配上中式音樂。宮廷醬芥及甜點（即是小食）每人$28，可惜配料的選擇相對地少，如有炸蒜那些會更好。餐具很精美，以白色調為主。桌上的「聖旨」是介紹店名的由來。鍋具的設計也很有心思，色彩繽紛並有龍的圖案，上方設有排氣口。我們選了順治卜卜蜆鍋（$188）。蜆的份量很多，味道鮮甜沒有沙。湯底也吸收了蜆湯的精華，味道清甜，配上酸蘿蔔製成，絕對放心喝啊！手切頂級安格斯牛肉 （$348）脂肪均勻，油香和牛味也不錯。擺盤亦十分精美。黃金雙拼 （$88）包括黃金魚皮及黃金響鈴。兩者都是即點即炸，上枱時還是熱呼呼的。試了一小塊沒有浸入湯汁的魚皮，咸蛋黃味濃又很脆，一口咬下去有清脆響亮的卜卜聲。響鈴也很脆囗，咸蛋黃味及豆香能取得平衡。

今日去左呢間以宮廷做主題既餐廳，呢度係食火鍋既。一黎就見到有道聖旨，都真係幾過癮！佢話自己係北角最令人回味既火鍋湯底，我覺得都無錯丫一黎先有前菜四小碟，有雲耳、青瓜、花生同酸菜。我地點左康熙花膠雞湯鍋（半隻）（$298)另外又點左啲配料。花膠雞湯真材實料，喺我地面前落花膠！湯底夠濃郁，超正，淨係飲湯都不得了！半隻雞，預先已經煮到七八成熟，再煮一陣就食得鬼馬油炸鬼（$58)一份有六粒，都唔算貴，口感幾特別。炸響鈴手打丸拼盤，必食（$128)菜苗餃（$88)

喜愛打邊爐的朋友在6月左右，看到飲食男女的廣告介紹位於北角以中國傳統宮廷式裝修的火鍋店。 我和朋一直都心思思想來吃過便飯。暑假過後時間比較空閒，特此來到吃過宮廷火鍋。一如廣告介紹 ，這裏的環裝橫氣派十足，完全是宮廷式和現代化裝橫互相交流。門口更設有金碧輝煌的龍座，讓客人影相打卡留念。更別出心裁的是心，點送的餐紙是用上金黃色的，氣勢澎湃。極具名貴的秦始皇鰲肚花膠湯底藏在聖旨內。我們這些草民當然沒有半份狗膽高攀龍椅，也沒有福份可吃到秦王嬴政的湯底，只是點了御宴般出品滿足一下虛榮感。康熙花膠雞湯鍋上枱的時候經已是氣勢磅礡，鍋底兩邊龍頭做型的手挽聲勢奪人。花膠雞湯底是黃色的，雪白色的花膠更令人垂涎欲滴。店員更細心把花膠剪成碎塊，吩咐我們待雞湯滾熱之後，可細味品嚐。花膠雞湯細滑可口，花膠味豐富，雞味濃厚，非常滋補養顏。手切澳洲極級和牛澳洲和牛和乾冰一齊上枱。乾冰的白煙隆隆地湧出來，氣勢相當攝人。澳洲極級和牛切得薄薄的，只淥幾秒便可入口。和牛味道香濃，油脂十足，簡直是入口即溶。滾得囍宮廷拼盤打邊爐的丸類出品是不可缺少的。這裏的丸類拼盤包括黑松露野菌鮮蝦丸、珍珠帶子墨魚丸、菠菜豬肉丸、芝心牛肉丸和鯪

難食都已經形容五到海鮮一啲都五新鮮 d海鮮食落好梅蟹食落口 感覺隻蟹已經死左一排蝦更加五洗講 苦到不得了叫左個牛幾百蚊 但吉野家啲肥牛仲好食叫左個花膠雞湯底 全部味精 得個死咸🤦🏼‍♀️d花膠又腥又冇味 個雞好似食擦子膠甘叫竹蔗茅根 每渣都吾同味 最慘飲落口可以係苦😅😅最基本火鍋調味醬料都不及一般的火鍋店見全部都好多好評 點知食落質素係甘基本雞子 粉腸都冇食物質素反應吾到甘既價錢 好食就稱不上 任食火鍋仲好食 一定五會再有下一次服務差 質素低

朋友揀左呢度食飯, 接聖旨點菜.MENU D 名都有畀過心機, 揀左呢個順治特色卜卜蜆湯底. $188一上黎好有氣派, 打開好多卜卜蜆, 係超多!!!同埋D 蘿蔔都勁甜, 入哂味.打邊邊梗係要叫牛肉啦, 牛肉有好多款, 呢度有日本和牛, 韓牛同埋澳洲A5和牛, 而我地最後揀左本地手切牛頸脊椎骨$398.呢度所有野上台既PRESENT 都好精緻, 有哂乾冰, IG打卡一流...半份菠菜豬肉丸. $68.呢粒野一上黎我就話係史力加丸, 青BB. 好大粒..食落又唔錯,但你唔同我講係豬肉丸我唔會知佢係豬肉丸咯.和牛芝士一口餃$98.痴線GA, 勁大粒, 大到都唔係一口餃黎既..睇到個名就好想叫, 食落呢... 佢有孖芝味. 但睇唔到有芝士家..半份菜苗帶子餃. $62呢個睇到名覺得好特別所以就叫左, 食落都OK, 因為呢2樣都係冇味既野, 全靠個湯底帶起個味.但都值得一試.半份手打鳳尾鮮蝦丸.$88呢個正呀, 成個蝦丸呀... 最中意蝦丸!!!大大粒.正呀.五色疏菜拼盤 $68明明餐紙冇寫有蒿筍, 黎到竟然係6款家...賺左XD 有山藥食..正呀..整體D 丸同餃都好突出, 雖然有時覺得去打

一入門口就一張龍椅迎接，仲有photo booth印相～座位寬敞，枱上放咗聖旨一卷😆入面唔係菜單，係有啲介紹，囍字的由來都有，食飯又知多啲得意嘢～店內裝潢都好中式，好別緻～湯底已經多到唔知點揀，天麻川弓魚頭、東風螺、花膠雞、卜卜蜆⋯⋯各有特色！最後由最識食嘅揀咗個卜卜蜆👍🏻👍🏻👍🏻個鍋已經好精緻好吸睛，加埋乾冰營造效果～讚！打開見到好多蜆超足料！我地四個人，每人分咗兩碗滿滿！又甜又肥！滿足！好彩叫咗半份，實在大粒！原隻鮮蝦加厚厚蝦膠～鮮味彈牙！個個都讚～牛頸脊係我而家出去邊爐必點之一，果然無失望，嫩！牛味濃又係大大粒，一口食唔晒喎爆餡，入口好似食緊手工漢堡咁，油脂較重，好香濃牛味～但芝士就略嫌唔夠。脾位～啖啖肉，肉質嫩滑食食下先發現五色拼盤有六款菜，送多咗個萵筍多謝有薯仔、冬瓜、南瓜、淮山及蓮藕。睇樣都知新鮮靚仔！特濃洛神花，味道似酸梅湯都係酸酸味味～但飲飲下又覺得好解膩，好飲～兩個字，足料！物有所值！食物質素高，服務好！朕，好滿意！

今天朋友同我慶祝生日去到北角滾得起打邊爐，因為又想食卜卜蜆鍋，又想食花膠雞煲，所以最後決定兩個叫晒。首先卜卜蜆鍋係我每次都會食，顯非常大隻亦非常多，用了十足。佢唔似其他火鍋一樣油膩，卜卜蜆鍋湯底非常清甜帶有少許辣味，湯底亦沒有什麼油。另一個花膠雞煲，之前試過一次一試難忘記。花膠和雞聆賞，店員會在你面前剪開花膠放在湯來。湯底味道濃郁，除了雞味很重外，亦充滿着骨膠原。因為生日會員會送上一份牛肉拼盤或海鮮拼盤，今次我們選擇了牛肉拼盤，原價$398 ，超值。不過牛肉太薄，質素一般。配料方面特別推介菜苗帶子水餃，自家製又大粒又足料，可吃到原粒帶子，配搭上菜苗味道清新，超好味，強烈推介。另外這裏最有名的黃金響鈴也是必點的，即炸黃金響鈴脆卜卜，鹹蛋黃味亦10分出色。不過吃過幾次後，會覺得有點油膩消化不濟。但如果從未食過，也是會一試難忘的。最後埋單1100左右，平均每人大約$300 ，非常抵食。加入會員亦有積分制，可作現金使用。

朋友約去滾，當然奉陪。火鍋店以宮廷作主題，大門口就已經有張金龍椅讓大家拍個照。接過聖旨才可點餐，看過聖旨上的介紹，湯底都是以清朝名人封號命名，十分特別。在坐朋友都喜歡麻辣，就點了建寧公主卜卜蜆鍋。龍頭湯鍋是用銅製，能快速受熱滾得而且保溫。加上仿龍身的醬汁瓶，醬汁從龍口倒出，都甚有宮廷氣派。吃火鍋喝生啤就是絕配，尤其炎炎夏日，喝杯充滿花香，酒身細緻的1664生啤，爽快醒神。湯底麻辣香味濃郁，最驚喜的是蜆數量十足，而且大隻肥滿，沒有交行貨。建議湯鍋滾起的一刻就可吃蜆，吃到最肉嫩的狀態。極上手切牛肉宮廷拼盤是必點火鍋配料。來自不同品種及不同部位，包括牛𦟌，牛胸油，一口牛，安格牛，牛頸脊及和牛。當中牛胸油不是罕有的部位，是胸前肋骨上筋摸肌肉，牛味濃香而且爽彈脆口，口感特別。手打黑松露野菌鮮蝦丸及手打珍珠帶子墨魚丸都好值得推介。手打丸的軟彈，黑松露野菌蝦味香濃，帶子墨魚鮮甜，不能錯過！