滾得囍宮廷火鍋小炒 (已改名) 查看

聽同事講北角有間打邊爐d野食好得！所以今晚係鰂魚涌做完野就同個朋友去食飯。湯底好多款，我是但選左隻［順治特色卜卜蜆鍋］感覺應該幾好味，一上台，好吸睛呀！淨係個湯底都已經有5、6十隻沙白，但係一水滾就要係咁夾佢哋上嚟食，因為驚煮太熟會老。煮完出黎個湯飲落真係超鮮甜。鹿兒島日本黑豚肉，好有豬肉味，食落仲有爽口既感覺。手打蟹子蝦滑，彈牙好食，完全無腥味。手打珍珠帶子墨魚丸，黎個都好好食，中間仲有粒珍珠帶子係入面，好足料。之後值得一攢就一定係個黃金炸魚皮，魚皮脆卜卜加上咸蛋黃真係好味。另外叫個菜，金菇同生根，真係大滿足呀！最後兩個人食，埋單加埋一要800幾蚊，雖然價錢中等，但食物質素都對得起價錢，而且成晚服務好周到呢。