武士拉麵 (已結業)

為食同事三人組每逢星期五都會出動睇下公司附近有咩新野好食。今次去左食肆林立的金巴利道搵食。 過馬路時見到有間叫「武士拉麵」門口有個周年感謝祭的易拉架，乜原來開左成年有多架？為何我地從來見佢唔到？三人異口同聲都話「不如試下囉」 入到去一眼睇晒，大約8-9個座位左右，全部係bar 枱可以見到店員的煮麵過程。由於坐滿晒食客，我地都要等左陣先有位。 我叫左碗黑蒜油豬骨湯拉麵，湯底的濃淡同拉麵的軟硬程度都可以自選，啱晒有要求的我。 等食期間，望下個廚房同枱上的調味料，再八掛下原來佢地的湯頭用左10幾種材料熬製而成，枱上呢個好似標本的特製魚油用了沙甸魚加上熟油浸成。只要加少少落湯度就可以提升碗麵的鮮味，好神奇咁喎。 過一陣，我碗熱辣辣香噴噴的拉麵終於上枱，先喝一口湯，果然係好濃的蒜頭香味，啱晒重口味的我，再試一口麵，麵質彈牙爽口， 難得係叉燒唔會太肥之餘又唔會鞋口，入口溶化，好味。加了＄5 叫了粟米粒，足料大大碗。 店舖細細，但製作絕對認真。下次係尖沙咀想食拉麵，可以黎呢間武士拉麵試下，保證滿意。

來到武士拉麵吃拉麵。今天叫了一碗黑蒜油拉麵。這碗拉麵賣相非常吸引，一上枱已經有陣陣的油香。一試湯底，有著濃濃的豬骨味再加上了黑蒜油的鮮香。叉燒有兩塊，厚薄不一樣的，不知道是故意還是不小心。可是提供的口感很不同。薄薄的那塊較淋身，而厚一點的那塊則較爽口。他們都有略煎過，所以就更香口。半熟蛋是有點失望，不算是太入味，可見蛋白還是白白的，而且不夠流心。另外還加了北海道帶子兩隻，原來是分開上枱的。一面煎至微焦，另一面則是非常乾淨。帶子很鮮甜，但肉質較實。也叫了一支波子汽水，是西瓜味的。但餐廳還有很多款不同特別的波子汽水口味。非常特別。

雖然還未吃過東京AGURA,但武士拉麵作為徒弟,水準依然十分高超,不過奇怪的人流並不算十分多,這樣更增添我每次去的動力.晚上6時來到,友人與我都是拉麵達人,超喜歡吃拉麵,看看今次會不會失望吧今天吃了黑蒜油拉麵,湯底依然是賣點,味道濃厚,湯底是精鍊出來,喜歡濃味的朋友必然不容錯過拉麵麵條依舊一流,韌度十足,吃起來有殊殊聲的感覺,而且掛汁力一流,吃麵的同時也沒有掉下了濃湯只是糖心蛋沒有想像中那麼新鮮,而且份量也是偏小,不過香港吃拉麵來說,份量也是差不多,不能期望太多呢上次一蘭的經歷告訴我武士拉麵算是不錯的

去尖沙咀行街，行完美麗華商場之後朋友話好餓要吃東西，沿路行有好多韓國食店但朋友話吾想吃韓food, 最後行到去柯士甸路發現有間不顯眼的日式拉面店……即管入去試試。我們點了兩碗拉面，豊臣將軍拉麵(四國香葱油湯底) 和足利將軍拉麵(黑蒜油豬骨湯)加追了每人一隻温泉蛋。價錢一都成百蚊碗所以都抱有點期望…熱辣辣濃郁湯底已經加晒分，叉燒半肥瘦又林又入味，麵質軟硬適中，如果喜歡食林D或硬身D可在落單紙上寫明……好細心呀！追加的温泉蛋又軟又滑沈埋湯底一齊食非常滋味！！不得不提那兩款秘製醬油，一款有濃郁魚鮮味另一款是黑胡椒味，加入麵中可把美味更升級！！

星期一，開會日。開左一個朝早，下晏仲要繼續，今日要搵間速戰速決既餐廳先得啦。行行下，見到一間細細地既日本拉麵店，無試過，今日就食你啦。餐廳真係好細，大概只可以容納十個人，我地一行三人，大客仔！雖然餐廳唔大，不過入面都有少量日式武士擺設，好切合餐廳既主題。拎張餐紙黎睇，哈，估唔到就連麵食都係以日本將軍名字黎命名。我係重口味人，當然揀「足利將軍拉麵」($98)，即黑蒜油豬骨湯底，另外再加左溏心蛋($10)、長崎蟹棒($12)同北海道帶子($18)。湯底濃淡、麵條粗幼、麵質軟硬都可以自己挑選，保證合口味。由於餐廳細細，食客除左可以同店主吹番兩嘴，仲可以好清楚睇到廚房既煮食過程。我呢D八卦人士，就睇到佢地會根據每張單既要求，用計時器好精準咁控制煮麵時間，絕對唔係斷估無辛苦。我既拉麵上枱啦，先呷一口湯，好香濃既蒜頭味，問下老闆點煮，佢都唔吝啬分享，原來呢個湯頭係用雞腳、豬骨、蒜頭、鰹魚、鯖魚等等材料，熬足八個鐘，唔怪得咁厚身咁濃味，正。再食麵，我揀既係唔腍唔硬既幼麵，師傅計好時間，做到晒我既要求，硬度好適中，每條麵都沾上湯汁，夠晒入味。麵內有叉燒，肥瘦適中；我另外加既長崎蟹棒，蟹肉絲絲分明，有質

記得早前到尖沙咀吃韓國炸雞時留意到附近有間店面不太起眼的拉麵店，已經下定決心要找天來試試。早幾天突然泛起好想吃拉麵這念頭時，就想起了它－武士拉麵。餐廳內約有十個位，那天我正值晚飯時間8時多到，所以需等一會兒。等候時留意到門外那台電視機，介紹了拉麵的製作過程。原來煮麵過程十分講究，製作嚴謹及一絲不苟。可能因為自己一個人，最後只是等了約4分鐘，就已經有位子了！拉麵中香蔥油香氣撲鼻，按捺不住吃了一隻蛋之後才記得要拍照。店員果然沒有推介錯，湯底味道清新，濃而不鹹，一碗滿滿的香蔥。溏心蛋的熟度剛好，浸於湯底中令其十分香濃。總括而言，湯底濃而不鹹，事後亦沒有口渴的感覺，所以下次一定會叫身邊朋友陪伴我去再吃一遍。

很喜歡以前同一舖位的東京AGURA, 得知openrice食家們寫到武士拉麵是師承自她, 當然要試試.小店仍然是一直行吧咍形式對著長形的煮麵年輕師傅平日晚上8時, 全店約10座位剛剛坐滿, 也不用等位店外貼滿拉麵的介紹豐臣將軍拉麵四國香蔥油湯底, 有來自日本的黑蔥淆制拉麵上還有京蔥, 玉蔥, 水蔥蔥味香濃.特制魚油由於湯底本身濃味, 加上魚油後感覺不大分別.德川將軍拉麵醬油豬骨湯底叉燒肥瘦適中, 麵身略淋身十分欣賞溏心蛋, 質地滑溜滿分, 蛋香滿溢, 襯上少少醬油香味 

人氣拉麵店,來到的時間店裡空空如也,因為是6時剛開店的關係,跟朋友立刻入座點了一個黑蒜油拉麵,湯底極濃,十分合我心水,有一口而盡的衝動麵條堅韌,入口一流,有殊殊聲的感覺,而且爆心蛋也是相當不錯嫌不夠味的朋友可以加上魚露,但我不會加,因為會影響湯的味道不過份量只是剛剛好,大食的朋友可能吃不飽

在尖沙咀的柯士甸路多的是韓國餐廳，還有不少是韓國食物的零售店。當天我同肥膏要去尋找製作新隊鍋的湯底，途經這裡，發現原來也有不少非韓式的店。而這家「武士拉麵」，就是在柯士甸路上的一間了。其實之前都已經有在openrice 看過這家拉麵。但想不到，竟在這麼意外的情況下找尋到。當然要立馬去試一試！平日的晚上六點多到達，已經有五，六個食客了，原來全都是遊客。店員說是開六點半的，但有客人六點就到了。餐廳內地方十分的窄小，正如一般的拉麵店都是如此。整間店，可容納的食客只有十名。地方明亮整潔，擺放的用具亦都好整齊。店內有三種個人覺得要推介一下的醬料。左手邊的是自家製的辣椒油，我見到底部的渣是有黑椒成份的。辣椒油都算辣，但香味就欠奉。另一樽，中間的黑色油，是由黑椒浸成，老闆說要先畢一小羹到自己的匙羹上，再嘴嚼，再吃一口麵。(之後試了，挺過癮的。)最右手邊的是魚油，很香魚味。在等麵的期間，發現，原來這家提供的不是冷開水，而是熱的綠茶！這個綠茶肥膏很喜歡，他說因為綠茶味不重，沒有了茶的那種苦澀味，易入口。一目了然的order 紙，價錢，拉麵名，材料，個人口味選擇等等，簡單易明。織田將軍拉麵（鹽味豬骨湯底）

放工行行下街係尖沙咀經過呢間拉麵店，都幾有日本特色就決定入去試下。店舖雖然細只有一張長枱，但係食日本拉麵就係呢種環境最好最有果種日本既味道。前面擺放左好調味料同埋餐具餐牌，完善利用細小既空間。豐臣將軍拉麵($98)呢個拉麵湯底係四國香蔥油，湯既鹽味唔算太重，但加上左香蔥，每到成個湯底香味四散。食麵前飲左一啖湯，蔥味好重，喜歡蔥既朋友一定會愛上呢個拉麵。加上半個溏心蛋同埋兩塊十分軟身既日式叉燒。真係好完美既配搭。足利將軍拉麵($98)配料同豐臣將軍拉麵，但係湯底有黑蒜，十分濃郁既湯底，比香蔥湯底更濃，飲落去好似感受到好似炭燒一樣既濃厚味道，加上拉麵十分有嚼勁唔會太淋，整體十分美味既拉麵。

德川將軍拉麵 ($88）韓國街再行前少少，有唔少小店，好多都質素好高架，今次同大家介紹下尼間拉麵店，舖面好細，唔留意既話行過左都唔知。湯底濃度同麵質都可以自己選擇，夠曬地道日本風味。司令諗唔到食邊款好，所以叫左老闆發板，最後拎到碗醬油豬骨湯底拉麵，先飲一啖湯，非常濃郁，醬油味同豬骨味結合得好好，仲帶左少少木魚片既味道，兩塊大大塊既叉燒鋪面，上面充滿左黑胡椒，比起一般既叉燒淫賤不少，而蛋如果再生少少，會更好。老闆教路，食到一半可以加少少魚油，湯既層次會再加提升。枱面上仲有黑胡椒、辣油等等，食到膩既話可以加少少，不過司令就冇加到，因為本身已經非常唔錯啦。仲有茶隨便飲。

聽聞依間「武士拉麵」相當受歡迎，難得黎尖沙咀，當然去試試啦～～～其實這裡選擇不多，但每款都好吸引，有豬骨湯底、四國香蔥湯底、黑蒜湯底等等～於是點左一個必食豬骨湯底既「武士拉麵」，Wow！好濃既豬骨湯底，再加上魚既清甜味，真係超配～～至於依款黑蒜拉麵，可能黑蒜味太重，蓋過左本身湯底，但溫泉蛋既溫度和半生熟度做得非常好～食完咁濃味既拉麵，完全沒有口渴，所以呢，值得一試！

In everyone's mind, lines of Korean restaurants will come to their minds when one's mention Austin Ave. Surprisingly, there is a popular ramen shop in between of them. With friend's recommendation, we decided to walk in for lunch during work. Shop's signboard was in bright red colour, easy to recognize from afar. Shop's interior was quite small, typical of many ramen stalls in Japan. Shop can only accomodate 9 person and the layout was of ramen bar - high table and chairs facing kitchen style. F

行過尖沙咀柯士甸路見到有一間小小的拉麵店就入咗去食咗碗拉麵有8款口味的拉麵湯底, 我就選了豐臣將軍拉麵, 湯底、麵條、麵質都選了普通一整碗滿滿的香蔥, 用料好足湯底味道濃郁但一點都不膩, 飲落好新冇負擔之後可以加一點魚油增加湯底的鮮甜味麵質軟硬適中, 而且很彈牙, 很有麵香叉燒好大一塊, 邊邊有微焦, 帶出叉燒的煙燻味道最出色的是這個糖心蛋, 蛋黃香濃, 流出滿滿的蛋黃汁, 令人回味

Me and my boyfriend were surprised to find a ramen place in this street becuase most of the restaurants are Korean cuisine. Anyway, we went inside to try because we were so hungry. I got the onion oil ramen because I love onion very much. It didn't take long for it to arrive. The soup smell so nice and had a strong pork flavour. The pork was soft and tender. The noodles were cooked perfectly, they were not too soft and not too hard. There were lots of onion and the egg was soft and creamy. My bo