武士拉麵 (已結業)

放工行行下街係尖沙咀經過呢間拉麵店，都幾有日本特色就決定入去試下。店舖雖然細只有一張長枱，但係食日本拉麵就係呢種環境最好最有果種日本既味道。前面擺放左好調味料同埋餐具餐牌，完善利用細小既空間。豐臣將軍拉麵($98)呢個拉麵湯底係四國香蔥油，湯既鹽味唔算太重，但加上左香蔥，每到成個湯底香味四散。食麵前飲左一啖湯，蔥味好重，喜歡蔥既朋友一定會愛上呢個拉麵。加上半個溏心蛋同埋兩塊十分軟身既日式叉燒。真係好完美既配搭。足利將軍拉麵($98)配料同豐臣將軍拉麵，但係湯底有黑蒜，十分濃郁既湯底，比香蔥湯底更濃，飲落去好似感受到好似炭燒一樣既濃厚味道，加上拉麵十分有嚼勁唔會太淋，整體十分美味既拉麵。