影片
更多
2015-12-14
946 浏览
星期一，開會日。開左一個朝早，下晏仲要繼續，今日要搵間速戰速決既餐廳先得啦。行行下，見到一間細細地既日本拉麵店，無試過，今日就食你啦。餐廳真係好細，大概只可以容納十個人，我地一行三人，大客仔！雖然餐廳唔大，不過入面都有少量日式武士擺設，好切合餐廳既主題。拎張餐紙黎睇，哈，估唔到就連麵食都係以日本將軍名字黎命名。我係重口味人，當然揀「足利將軍拉麵」($98)，即黑蒜油豬骨湯底，另外再加左溏心蛋($10)、長崎蟹棒($12)同北海道帶子($18)。湯底濃淡、麵條粗幼、麵質軟硬都可以自己挑選，保證合口味。由於餐廳細細，食客除左可以同店主吹番兩嘴，仲可以好清楚睇到廚房既煮食過程。我呢D八卦人士，就睇到佢地會根據每張單既要求，用計時器好精準咁控制煮麵時間，絕對唔係斷估無辛苦。我既拉麵上枱啦，先呷一口湯，好香濃既蒜頭味，問下老闆點煮，佢都唔吝啬分享，原來呢個湯頭係用雞腳、豬骨、蒜頭、鰹魚、鯖魚等等材料，熬足八個鐘，唔怪得咁厚身咁濃味，正。再食麵，我揀既係唔腍唔硬既幼麵，師傅計好時間，做到晒我既要求，硬度好適中，每條麵都沾上湯汁，夠晒入味。麵內有叉燒，肥瘦適中；我另外加既長崎蟹棒，蟹肉絲絲分明，有質
餐廳真係好細，大概只可以容納十個人，我地一行三人，大客仔！雖然餐廳唔大，不過入面都有少量日式武士擺設，好切合餐廳既主題。
拎張餐紙黎睇，哈，估唔到就連麵食都係以日本將軍名字黎命名。我係重口味人，當然揀「足利將軍拉麵」($98)，即黑蒜油豬骨湯底，另外再加左溏心蛋($10)、長崎蟹棒($12)同北海道帶子($18)。湯底濃淡、麵條粗幼、麵質軟硬都可以自己挑選，保證合口味。
由於餐廳細細，食客除左可以同店主吹番兩嘴，仲可以好清楚睇到廚房既煮食過程。我呢D八卦人士，就睇到佢地會根據每張單既要求，用計時器好精準咁控制煮麵時間，絕對唔係斷估無辛苦。
我既拉麵上枱啦，先呷一口湯，好香濃既蒜頭味，問下老闆點煮，佢都唔吝啬分享，原來呢個湯頭係用雞腳、豬骨、蒜頭、鰹魚、鯖魚等等材料，熬足八個鐘，唔怪得咁厚身咁濃味，正。再食麵，我揀既係唔腍唔硬既幼麵，師傅計好時間，做到晒我既要求，硬度好適中，每條麵都沾上湯汁，夠晒入味。麵內有叉燒，肥瘦適中；我另外加既長崎蟹棒，蟹肉絲絲分明，有質感，好味；溏心蛋亦控制好火候，黏秥既蛋黃，簡直係拉麵必備；至於帶子亦肥美鮮甜，物有所值。
除左麵食，我仲想介紹下呢度既醬汁，全部都係由店主自製。例如上圖既魚油，真材實料見到有條魚仔響入面，原來呢條係日本沙甸魚，製成魚油後，有種淡淡既焦魚香，可以提升麵食既香味；另外仲有自製胡椒碎同辣椒油，店主將材料磨成碎，再加熱油去撞，聞落去好香，我唔太食得辣，都試左胡椒碎，唔算好辣，我接受到，而且仲有好原始既胡椒香，送麵食又係一流。所以大家下次黎食麵，除左要欣賞個濃湯之外，都唔好錯過呢D自製醬料，只此一家架。
张贴
