極尚大喜屋 (銅鑼灣廣場一期)

营业中

休息中

又是日式放題！想必是吃過便會想再吃的東西，應該毒已中🤣 今次揀選極尚大喜屋，看到很多評價都說不錯，就連我最喜歡的海膽都是任點任吃，雖然不是刺身，但他們做那個飯團也沒有太大！很是歡喜。我覺得壽司都是必吃的，質素好像比魚生刺身盤還要好，紫菜都沒有太淋，是現整的。場來還有熟食、甜品、雪糕雪條、飲品自取任取，其中飲品的選擇多到儍眼，我人生第一次吃自助餐有維他奶麥精！最後想讚一讚員工，很有禮，而且很幫手，話說甫進店被安排的第一張枱，後面客人不停咳嗽，當時正值繁忙時間，他都能把我安排到其他枱，而且毫不耐煩！

之前去过其他分店吃过他们的放题，感觉还是很不错。这次去铜锣湾广场分店光顾，本身也有点信心。晚餐是248元，再加百分之十的服务费，可吃两个小时。以日式方题来说，属于市场价格。周一比较清闲，客人不多。除了扫码点的食物，还有一些自助熟食，东西不少，在食物还没到时，先垫一下肚子。下单后不到5分钟已经送上了，魚生超新鲜，尤其是虎虾和甜虾，甜美得很，再加上其他不同的鱼生，持续点了几次。再加上天妇罗和其他食物，算是满足了自己的食欲。

極尚大喜屋在放題界中頗有名氣，我都好鍾意食。 以往多數都是食午市放題，今次決定約埋朋友食晚市放題，選址就係銅鑼灣廣場一期分店，因為地點適中，方便大家。由於已經預先打電話訂座，所以好快就可以入座了。 食物種類實在太多，令我地眼花繚亂。飲品選擇亦多，有清酒梅酒罐裝飲品果汁等等，數之不盡。 經過一輪商討後，決定由刺身開始，一路揀刺身既時候竟然俾我發現有難得一見既鯛魚。鯛魚肉呈淡淡的櫻花粉紅色、魚肉鮮甜嫩滑。虎蝦大隻，肉質爽口彈牙。象拔蚌鮮甜爽脆，而油甘魚肉厚肥嫩，魚肉細緻甘甜、滑嫩多膠質。自家創作壽司細細件超吸睛，個人推介海膽魚籽拖羅及黑松露鮮帶子。火炙壽司有多款選擇，特別喜歡蒜香青蔥燒牛肉及鹽燒左口魚邊。手卷細細, 香蔥拖羅碎手卷及海膽手卷好好味。放題竟然有花膠, 簡直意想不到。花膠超入味，每一口都滿載骨膠原。炸物夠熱又多選擇，吉列牛乳炸鮮奶夠嫩滑;脆炸貓山王外皮鬆脆，夾層煙靭軟糯。鮮蟹粥真係有一隻蟹在內，粥底綿，蟹肉亦鮮甜。個人特別推介燒菠蘿，夠大件又清甜。湯品類有燉雞湯，仲有燉鮮奶，好少放題店竟然有咁好味既出品。今餐我地都覺得非常滿足，下次仍然會繼續encore。

已經許多年沒有吃過日式放題了，今日朋友提議吃放題，不妨一試。餐廳裝潢以暗色為主，面積頗大，多數作座位都是卡未，清一色是舒服的沙發座，讓我們盡情吃的時候，也能坐得舒適。點餐掃QR code，食物已經分門別類，有不少刺身、創作壽司、壽司、火炙壽司、軍艦、天婦羅、卷物、炸物、煮物等。也有自助冷熱飲品甜品、湯、前菜等。連啤酒、清酒、軟糖也有，令我有些意外呢！鰻魚是我的最愛，所以我點了牛油果卷和蒲燒鰻魚壽司，鰻魚入口香軟。壽司的種類包羅萬有，我比較喜歡鮑魚壽司，因為小小一件，入口軟腍。另外西京燒魚也不錯，魚肉香軟。最後還吃了煮蟹，味道幾入味。最後當然是吃甜品和水果，水果有西瓜、哈密瓜、車厘茄等，甜品除了各式各樣的雪條，還有乳酪等，一定可以滿足你。

疫情期間 難得過去銅鑼灣，突然想食放題，即 WALK IN。叫左好多刺身，壽司，串燒。刺身； 有三文魚 赤蝦 甜蝦 鮑魚 海螺 希靈魚。壽司方面； 三文魚 大蝦芒果壽司 芝士忌廉蠔熱食～叫左1人份量 咖哩蟹 但唔係新鮮蟹 而且食得好狼背。事關無工具可整碎個殼，事前亦無整碎個殼。食架時候，啲汁彈到周圍串燒；牛舌，菠蘿 ，漫魚～ 個菠蘿好得。特別食飽時，幫助消化。芝麻雞翼好味道，但2隻已經夠數。飲品方面 ；不停飲解茶 幫助解脂。最後時間 叫左個水蟹粥 當清腸胃 夠甜。臨走時食左 杯裝藍色椰子雪糕。好味！疫情期間 完全無諗過 點解今日咁多人食放題，所以座位方面唔係坐得特別舒服。有點兒覺得收碟職員辛苦，事關位職員 行左3，4轉 都無清我地枱面。價錢208加1埋單228 一位。正常放題 但 已經無新鮮感 了 食過2次以上 基本上完全無動力 食多次。

好耐冇食過大喜屋啦平日夜晚7點幾入場仍然係人山人海之前食過都唔錯希望今次都唔會令我失望啦落單同其他放題店都係用qr code 電話落單部分熟食飲品甜品就係出面拎餐廳人手都好足夠落單後食物好快到講返食物先出面拎既滷水雞翼滷得好入味係感覺滷得耐左雞肉有少少鞋口但整體都係好味既炸餃子腸仔春卷咖喱角樣樣拎左d味道都唔錯，唔會好油膩腸仔更加係脆口既可惜食物都唔夠熱如果熱番多d應該好食好多刺身方面有點伏未哂融雪所以好冰食唔到刺身既鮮味另外三文魚切得太厚切食兩舊都有點漏所以刺身叫左一轉就冇再叫壽司唔錯，細細粒一口一舊唔會好飽濟又可以order多幾款試試壽司飯上面既刺身反而唔會有雪味壽司飯微暖，食落都唔錯熟食方面，芝麻雞翼一向就係我既至愛熱辣辣，雞肉嫩滑香口又入味一口氣食左幾隻炸蠔中規中矩啦好味既但粉漿稍為厚左少少天婦羅粉衣夠薄非常脆口不油膩蝦肉鮮甜軟嫩蟹柳夠粗身味道鮮甜好好味另一樣比較推薦係燒魚乾暖暖地煙煙韌韌加埋沙律醬真係好夾至於甜品因為太飽所以冇試飲品都係大路野紙包飲品罐裝茶等等所以唔特別評價了

一個價錢就可以食盡唔同類型嘅日式美食，真係應有盡有～食物款式好多，有刺身、壽司、炸物、鍋物、一品料理等等。飲品就可以去自助區度攞，大概都有二十幾款，凍飲熱飲都有，無糖飲品都仲有不少選擇～最勁嘅係清酒梅酒都可以任飲！食物分為自助區或QR code落單，自助區我拎左炸饅頭、滷水雞翼、中華沙律、螺肉、沙律等等，都相當唔錯。QR code落單推薦：各款刺身-三文魚、甜蝦、赤蝦、赤貝、榮螺、帆立貝，新鮮必食之選～蒲燒鰻魚-雖然細細件，但冇骨又唔會腥火炙左口魚裙邊壽司-入口魚油好肥美蒜蓉牛油焗生蠔🦪西京燒比目魚⭐️-配上少少沙律醬，強烈推薦燒雞泡魚乾⭐️食到停唔到口芝麻雞翼-又香又脆香芋波⭐️地瓜球入面係香芋夾心，煙韌美味D24榴連波⭐️好邪惡嘅榴連夾心！一咬落去就爆漿炸鮮奶⭐️外脆內軟燒菠蘿⭐️🍍好juicy又有燒過嘅香味燒羊鞍⭐️焦香又唔膻整體來講，CP值高，食足兩個鐘好飽好滿足呀！

朋友生日請佢食飯，酒店自助餐就太貴，所以日式放題係不二之選。晚市自選時段$238，價錢合理。環境都舒適，唔會坐得太迫。食物款式都好多，除咗QR code落餐，另外仲有自助區，有多款頭盤、熱食、水果、炸物、湯同埋甜品等等。不得不提嘅就係仲有自助嘅清酒同埋梅酒！冇酒精飲品選擇好多，凍嘅同熱嘅都有。Order嘅食物方面，有刺身、壽司、炸物、一品料理。刺身都好新鮮，個人推薦燒香草羊鞍，蒜蓉牛油焗生蠔，西京燒比目魚，炸鮮奶，炸榴槤波波，雞泡魚乾，芝麻雞翼～全部都好美味無伏～下次要再嚟！

極尚大喜屋 一講起放題就好自然諗起大喜屋諗落都好耐冇食過放題今次揀咗喺銅鑼灣區食 貪佢夠方便晚市平日2小時任食$248 加一食物種類繁多 有刺身、壽司、凍海鮮、炸物、熱食 以依個價錢CP值算幾高食完之後比較推介以下食物：1.三文魚、大赤蝦、油甘魚刺身三文魚好厚切 新鮮 食完好大浸魚油香味赤蝦好大隻 而且超級鮮甜 encore左兩次油甘魚都幾新鮮 無論刺身定壽司都唔錯2.牛舌、炸雞軟骨串燒串燒新鮮滾熱辣 食得出係即叫即燒平時喺串燒店單點一串都幾十蚊 食放題覺得好抵食 而且質素唔錯👍🏼3.凍蝦、紐西蘭半殼青口好少見放題會有成個凍海鮮bar半殼青口比藍青口好食 融雪融得幾好冇急凍味而且幾清甜😋😋凍蝦就中規中矩 唔食生野嘅可以試吓依款4.南瓜天婦羅天婦羅應該又係即叫即炸 一咬啲汁噴晒出嚟 好juicy另外餐廳提供好多款式既飲品 除咗凍飲仲有暖飲櫃 有熱嘅維他奶😂

今日放假約咗舊同事，特別鍾意食放題，又為咗方便去SOGO shopping ，一於 Book 極尚大喜屋，新開張不久地方乾淨俐落，位於銅鑼灣廣場一期，午餐時間人山人海，價錢非常便宜，$200 食足三個鐘。自助區一整個雪櫃的飲品任飲、沙律、熱葷、甜品、雪糕任食；放題自助提供免費啤酒、清酒、梅酒更加係少見；春卷、咖喱角香脆惹味，其他沙律好開胃。刺身舊同事係放題達人，一坐低已經落單，刺身係返本之作，第一時間食感覺更加新鮮。厚切三文魚食落充滿魚油脂香、北海道帶子新鮮軟滑、鮮甜的北寄貝、大赤蝦更加係放題極品 、甜蝦軟糯食到蝦本身的鮮甜沒有雪味、象拔蚌彈牙爽口，日式芥末有助提鮮，慢慢品嚐。炸物舊同事大推脆炸貓山王，我自己就唔食榴槤嘅，佢一啖咬落去我就聞到陣味撲埋嚟，流心邪惡狀態，真係好厲害。都係紫心香芋丸比較適合我，熱辣辣咬落香脆，口感帶點軟糯的香芋，芋頭味香濃突出，讚！芝麻雞翼，如果去居酒屋係我必食嘅推介，外層香脆可口，芝麻香。創作壽司我比較喜歡食有特色的壽司；芒果魚籽花之戀、醬燒芝士皇帝蟹棒～大大條蟹棒加上醬燒芝士，好滋味！其他特色的有蟹油蒜帆立貝壽司～油香十足、蒜香青蔥燒牛肉壽司～半熟牛肉，

有個朋友好耐冇見約我食飯, 大家都係超鐘意食日本野, 所以食放題真係最岩咁一講放題, 大家都異口同聲話不如大喜屋啦, 我地一拍即合!D間極尚大喜屋係CWB, 我地兩個都好方便價錢同我地以前食開差不多, 都係二百幾蚊, 都算幾抵食放題一開波既指定動作當然係要食一大堆刺身, 新鮮當然不在話下, D蝦仲要有咁大隻比咁大隻, 唔通真係不計成本?食完刺身, 就梗係食佢既好朋友壽司啦, 質素都幾好, 同埋加少少蟹膏等等既精華, 有畫龍點精既感覺食完壽司就到佢既BEST FD軍艦同手卷, 手卷竟然有海膽, 仲要係幾鮮甜冇腥苦味, 真係食多兩舊已經回本D個咁得意就係大喜屋著名既榴槤球同埋芝麻雞翼, 榴槤球超香榴槤味, 果晚食完返屋企感到仲有榴槤味, 個雞翼又香脆又多汁咖哩炒蟹原來都有得食, 都幾多肉, 咖哩汁都滲入到蟹肉到炒鱔球我好鐘意食, 估唔到大喜屋日式放題都有, 仲要整得幾好味, 炒得幾有鑊氣, 啖啖肉好滿足成塊花膠扒上比我咁正, 而且口感好好, 骨膠原重, 感覺好補甜品有好多款, 但我最愛係D隻榴槤雪條, 榴槤控比食!總結, 大喜屋既放題真係冇得輸, 我同朋友都食得好開心傾得好暢快!

平時都有食開沙田嘅大喜屋，今日特登嚟到講到銅鑼灣食放題，食5:00嗰輪，當日朝早已經訂咗位。呢間大喜屋面積幾大，入到去大概三份一位置坐咗人，帶位個侍應帶我哋坐咗係一張有兩個人坐緊、枱面用阻隔格住左嘅四人枱，張枱極細，同隔離嗰位基本上係勁近。 因為唔想同其他人坐得咁迫，我哋就掉咗去後面一張四人枱坐。落單嗰張紙個男侍應冇幫我哋拎去新枱，留低坐喺舊枱。我哋之後叫侍應佢哋先肯比落單紙我哋，我知道可以用張單落單，所以就問返嗰位男侍應，佢完全無視我哋，繼續幫我哋用紙入單。之後我再同另一個女侍應講可否比張落單qr code紙我，佢就極差嘅語氣話我地究竟有冇係入嚟嘅時候俾人帶位，係咪自己走入嚟，我回覆說有人帶我哋入嚟，佢之後就搵咗經理，經理居然當面叫我哋要出返去等人帶位。明明我哋有人帶位，佢唔俾我哋坐另一張枱，逼我哋坐係好逼夾嘅位置。作為客人唔通連選擇座位的權利都冇？驚你仲要大聲答我叫我哋出返去入，呢個時候朋友拎完嘢返嚟都比佢哋沒收，非常嬲！咁大間餐廳得三份一位置有人，點解唔俾我哋坐！而且態度仲要咁差，咁樣趕我哋走，永不光顧！

近排多了四圍走，今日中午行過銅鑼灣廣場，居然又見到佢，上次在沙田嘅分店已經好低食，今日咁啱時間就到佢嘅午餐，當然唔使諗即刻上去搵食啦，這裡地方都算闊落，出面一樣有自助小食沙律吧，真係最緊要食到，今次醒目取少少小吃先，因主打掃瞄落單嘅美物，而今次主打就係新鮮嘅刺身拼盤，點了三文魚、甜蝦、鮑片、帶子等都非常新鮮，這裡人流多返貨快，所以唔怕天氣熱吃到唔新鮮刺身嘅問題！而這裡嘅即製特色壽司款式亦十分精緻美味，另外壽司選擇亦十分多同美味味，而壽司飯嘅量唔會太多有令人食飽嘅感覺，咁就可以多吃幾件，熟食方面有軟滑嘅花膠、同香濃咖喱煮蟹，蟹肉吸收了咖喱汁味道更香濃，都值得一試，如有法包加埋個咖喱汁就一流！而燒物嘅一夜魚干熱盪盪嘅感覺入口香軟煙韌，送酒一流！中午都係整罐Somersby就算了！炸物必吃嘅榴槤炸彈質素一樣都咁滿意，流心香濃榴槤味道在口中嘅感覺十分滿足！芝麻雞翼亦十分香脆可口！而個人喜歡牛油粟米，牛油味道香濃加埋爽甜嘅粟米又係一個自己喜好嘅選擇！還有燒得剛好嘅燒菠蘿，入口軟熟多汁！甜品就係出面甜品櫃自取，有香濃嘅3.6牛乳杯、藍梅奶凍等！不知不覺咁慢慢食，都唔覺就食了好多😜！如果平時再行過這

用消費券獎勵一下自己，約埋朋友食日式放題的確係好選擇，一次過試晒多款新鮮刺身、創作壽司、串燒、炸物、燒物、鍋物同一品料理加埋暢飲啤酒🍻清酒同梅酒真係好爽啊呢度係用手機掃QR code落單，方便又環保，大部份食物都會用件數入單，唔會出現嚟多咗又食唔晒嘅情況就不會浪費食物。🐟刺身一定是我的首選，極品大赤蝦、虎蝦、甜蝦、北海道帶子都是我的至愛😋三文魚、油甘魚、鯛魚、希靈魚、鮑片、北寄貝、赤貝及象拔蚌同樣好鮮甜我特別喜歡蟹膏玻璃蝦壽司、黑松露帶子壽司及蒜香青蔥燒牛肉壽司比目魚西京燒同香草羊鞍都烤得好香，溫室甜菠蘿香甜又多汁一品花膠盛宴焗廣島蠔芝士味好香濃黑椒蜜汁一口牛食埋雪花牛肉鍋已經超級飽，真係食得好滿足

呢間放題餐廳位於銅鑼灣核心地段 樓面面積好多 平日一至四晚市自選2小時任食做緊$248 食物種類繁多 由刺身壽司到炸物熱食 CP值不錯 好啱一班朋友聚餐 我比較推介以下幾款食物😬😬厚切大大件既三文魚刺身🍣；鮮甜既極品大赤蝦🍤；bb辣既極尚咖喱蟹🦀；脆卜卜既南瓜天婦羅🎃；另外餐廳提供好款式既飲品 最特別係好細心咁有暖飲櫃😍 同自家煲既羅漢果茶或菊花蜜最後點少得甜品 除左一啲品牌雪糕同豆腐花 佢哋仲提供細細件既tiramisu同糕點仔