極尚大喜屋 (銅鑼灣廣場一期)

营业中

休息中

今日又約咗朋友聚會啦 今個月真係太多飯局唯有食午餐啦 嚟到銅鑼灣廣場嘅呢間極尚大喜屋 餐廳都幾大枱櫈超級闊落 我哋兩個人坐咗張六人枱 環境唔錯前菜當然係超級新鮮嘅刺身啦 有甜蝦 三文魚 油甘魚等等 全部都夠曬新鮮出面仲有凍海鮮 沙律 炸物 飲品 甜品等等 全部都係自取叫咗啲串燒 呢個串燒牛舌真係十分推介 食落有咬口 味道非常惹味放題竟然會有咖哩蟹都幾驚喜 咖哩煮得夠惹味濃郁 蟹肉鮮甜有一梳梳嘅感覺仲有叫咗幾款熟食 蠔皇花膠 花膠炆得軟淋又夠入味仲大大塊添 女士必叫燒羊架 非常厚肉燒得夠曬香口 騷味唔太濃 而且一啲鬆肉粉味都冇 高質薑蔥大鱔 肉質彈牙夠鮮甜

11:50am去到已經打蛇餅排隊入，所以提早訂位同無訂位係一啲分別都無，照排。由於餐廳做緊長者優惠，所以你預左一大班長者「大開食界」。出面係有熱食熟食，但係refil 幾慢，好多都比人搶晒，講緊係12:10pm。講你都唔信星期五lunch 食日式放題，唔講以為自己同自由騰搶野食。唔知係咪因為咁，食物質素嚴重下降，唔好講$188，其實$88真係比多左。漏單情況非常嚴重，點多幾次就會出現。總之埋單$206一肚氣，比得呢個價錢大把好野食。重要野講三次，千其千其千其唔好去食。

食過幾次呢度嘅放題，種類多同質素唔錯今日嚟同朋友慶生，朋友食量少，放題唔係佢杯茶。聽講有定食套餐+自助沙律吧，朋友話好定食無得book位，要walk in，十二点開，於是早半粒鐘排隊。排隊嘅人中，發覺唔少長者，原來長者放題有優惠呢度地方寬敞，坐得舒服，服務唔錯，俾你嘆足三個鐘頭，朋友第一次嚟，印象幾好午市定食包沙律吧內嘅前菜，沙律，炸物，湯，熱盤等，但酒精，凍海鮮，甜品就要放題先有得食，不過可揀一款跟餐甜品及一杯飲品，免收加一，性價比甚高，在銅鑼灣區更加超值沙律吧選擇唔多但樣樣都有啲湯有麵鼓湯小食炸物有春卷、薯餅、咖喱角，味道👌前菜沙律有兩盤雜菜、粟米粒、枝豆、車厘茄等水果有西瓜、哈密瓜、火龍果、檸檬、車厘茄同菠蘿等但得西瓜係甜嘅熱盤就有鳳爪、排骨，娃娃菜等，不過一早被人攞哂午市定食👆最平嘅牛肉飯就無咗朋友嘅餐火炙壽司有三文魚、油甘魚、左口魚、牛肉、鰻魚、蟹棒、帆立貝六件加兩件卷物甜品朋友揀咗紐約芝士餅，点知係袖珍版🤭飲品就白咖啡晴魚燒得唔錯，炒雜菜亦👌甜品我揀乳酪，起碼size正常餐飲係美綠咖啡總結呢次定食午餐，食物質素不過不失，屬中上水平，幾十蚊有咁多嘢食，簡直超值，朋友相當满意，

朋友聚會所以想搵間食得飽啲又有水準嘅地方 之前有黎過印象都深刻 於是揀左黎間餐廳 一行三人 訂咗位餐廳當日亦會再確定你個留座 環境尚可 服務態度都好好 食物質素有保證 新鲜 今次冇影相 下次再黎補番啲相俾大家睇

因為疫情, 好耐無食放題, 難得閒日有時間, 就去銅鑼灣食個日式放題喇🤭 但好似啲放題店都唔同晒, 去到銅鑼灣見到有啲姐姐派傳單, 見到極尚大喜屋價值都okay, 又有位, 咁就食番餐喇😎野食款式都okay, 都新鮮, 有自助野食, 有好多甜品, 雪糕雪條, 仲有好多野飲, 驚喜仲有清酒同啤酒飲添🤭野食漏單情況都有, 要吹下問下, 但出菜速度都算快既, 所以問題都不大! 只要問問就可以!好耐都無試過食足3個鐘, 超滿足既一餐呀!!

約親朋友放題都會揀大喜屋, 因為抵食又高質, 試過尖沙咀同觀塘分店, 今次就同朋友試下港島銅鑼灣影QR Code用電話叫, 一黎梗係叫剌身啦, 幾分鐘就到三文魚, 無限甜蝦, 帶子基本野必食另外仲有希靈魚, 蠑螺, 油甘, 鯛魚, 鮑片但竟然有大赤蝦, 赤貝同象拔蚌, 而且好新鮮炸物食左天婦羅蝦, 同帝皇蟹棒天婦羅炸粉好薄, 上枱都夠熱燒香草羊鞍, 有羊味但唔騷鹽燒牛舌係厚得黎有咬口果隻鹽燒雞軟骨正常發揮吉列蠔好食唔濟南瓜天婦羅同茄子天婦羅外脆內軟蒲燒鰻魚, 個汁比較甜番薯仔天婦羅, 一口一個, 驚飽冇食咁多, 但其實好好食比目魚西京燒, 平時好貴, 最抵食呢個, 叫左兩次芝麻雞翼, 個皮超脆, 如果嫌普通唔叫呢個會後悔食得濟叫個燒菠蘿解膩, 點知超多汁一咬就流哂出黎, 而家諗起都好想食極品花膠雞鍋, 鍋唔大但有一大塊花膠吉列牛乳炸鮮奶, 細細粒, 易食又好味, 追加兩次紫心香芋丸, 岩岩炸起, 雖然好飽但追加兩次有好多款特別雪糕, 食左玄米茶雪糕, 綠茶紅豆麻糬雪糕, 士多啤梨麻糬雪糕幾個大雪櫃既野飲任揀, 飲左椰子味荳奶仲有咖啡機沖既錄茶柑橘蜜味綠茶, 唔會死甜, 係滿意既一餐

之前食開尖沙咀大喜屋，今次因為要去銅鑼灣做嘢嘅關，揀咗去銅鑼灣分店食。早咗成個禮拜book位，點知一去到俾咗個近吧枱，又污糟又嘈嘅位置我。喺再三要求下，終於肯換返一個正常嘅位置比我。食物質素方面，第一盤上嘅刺身已經冇乜擺盤，毫無美感可言。刺身質素一般般，性價比低。我點15粒帶子佢就比8粒我，唔知想點。其他食物亦冇驚喜，令我完全冇影相嘅慾望。上菜速度慢，食物種類少，仲要比唔足，以後都係食返尖沙咀嗰間。🥲

難得今日放假，約左朋友食午市放題，埋單人頭200到唔洗夠哂抵食，我地11點9黎到已經好多人排緊隊，餐廳環境好大，我地就被安排到一張卡位到好闊落，用手機咁就掃二維碼就可以睇哂有咩食同自己落埋單，好方便行過飲品區望下有咩先，有無限量供應凍果汁及汽水，鐘意飲酒既到有啤酒同清酒，相當豐富刺身款，有三文魚、吞拿魚、劍魚腩、甜蝦、八爪魚、帶子等，厚切肥美壽司有好多款選擇，最吸引當然是炙燒三文魚，油香滿溢。熱盤種類相當豐盛，酥脆的天婦羅，黎到到仲夠熱，炸衣做得薄身，另外仲有多款串燒任點不夠飽也有炒粉麵填肚，有拉麵、烏冬及炒飯，單看餐單已叫人口水直流！

朋友生日，由於疫情又又好耐無食放題，都想食間好d既。香港呢邊放題店唔多，成餐飯，刺身赤蝦係最正，又大隻又唔腥，食完6隻仲無肚痛，其他野食，飲品都ok，收野快，服務態度ok。值得一讚。

估吾到平日的11：50黎到，餐廳場外已經打左幾日蛇餅要排隊入場。原本宜家有個長者優惠$148。真心平，下次帶屋企人黎食夠優惠。自助區都幾多飲品選擇有清酒，韓國燒酒，咖啡，美祿，多款汽水，提子汁。炸物亦有咖哩角丶春卷丶麥樂雞有麵豉湯甜品區亦有吾少泡芙丶芝士杯丶乳酪丶雪條。經手機qr code, 等左大概10分鐘，啲壽司就到左。三文魚腩壽司油香味豐富油甘魚厚切又新鮮，好食！海膽手卷俾多d海膽就正啦！炸物必食當然係芝麻雞翼同天婦羅，脆口又不油！燒波羅夠多汁！

今日同女朋友嚟到銅鑼灣食放題，一上到大喜屋就俾佢嘅人流嚇一嚇，因為之前都試過平日去食午市放題，但大喜屋真係好多人，咁佢嘅落單方式係要掃QR code嘅，其實咁樣都幾好因為夠晒環保，你知平時食放題成日都要加單會浪費好多紙張，甘叫完嘢食之後，就行咗出去佢嘅自助區睇吓有咩食，出到去睇都覺得好神奇，因為佢出邊有生蠔同埋青口，依啲係平時出邊都冇嘅，而且佢嘅自助區都好多唔同嘅小食仲有甜品，真係睇到人眼花撩亂。咁拎完嘢食之後返到埋位其他order嘅食物都已經到，所以佢嘅上菜速度都好快，而且佢第一樣上嘅係一啲熟食唔係刺身，而佢嘅刺身真係好好食夠厚夠嫩，而佢嘅小食最印象深刻嘅就係佢嘅黑椒牛柳，因為黑椒味好重真係好惹味，整體而言都好滿意今次嘅放題，而且員工好好同佢講冷氣有啲凍佢都即刻幫我哋較細

娘親嬲我去食放題唔帶埋佢😂所以唯有同佢去多次😋見上次尖沙咀分店都咁正，出開銅鑼灣就去銅鑼灣廣場分店再戰！！💪🏻一開波決定叫哂menu上面所有剌身🤤🐟🐠三文魚、赤蝦、赤貝、蠑螺、油甘魚、甜蝦、象拔蚌、帶子、希靈魚、鯛魚、鮑片👍🏻☺️本身諗住唔食咁多留肚作戰，但都忍唔住即刻追加三文魚🍣熱愛三文魚的母女👩‍👧🥰🥰帶子雖然唔係原隻上，但都非常鮮甜🥰串燒叫左燒牛舌、燒雞軟骨、燒鰻魚、燒羊鞍🤤每樣都好正👍🏻最鍾意牛舌夠厚有咬口又唔會靭🥩今次天婦羅又係試哂🤤海老、蟹棒、吉列蠔🦪全部炸粉好薄唔會好濟👍🏻茄子🍆南瓜🎃外脆內軟👍🏻一口番薯仔好甜🍠燒菠蘿超甜超多汁🍍仲有紫心香芋丸真係超好食😋！！我一個人食左四粒🤤脆炸貓山王🤤上次食完真係念念不忘😍一咬落去勁香榴槤味🤤🤤🤤鍾意食榴槤就明我講咩😍追加兩次每次兩粒🥰🥰🥰牛油脆肉瓜🥒食咁多炸野覺得脆肉瓜好清新☺️芝麻雞翼🐓真係必食！！🤤炸物黎講我最鍾意佢🤤料理叫左比目魚西京燒🐟上次尖沙咀冇試到，今日終於食到！！！🥰薑蔥爆鱔球有4塊🤤好惹味😋甜品好多款🧊揀左大腳板同士多啤梨麻糬雪糕🍦野飲試咗馬啼爽，有個自助區可以拎生果🍊🍎好多人拎西瓜食😂見佢係咁refill😂😂食足三個鐘

難得平日晏晝食放題，本身以為會無乜人點知原來都好多人食😂野食用qr code落單，仲要可以幾個人一齊同時落單夠晒方便，呢度另外特別之處係仲有得自己出去拿其他野食🙈一嚟梗係要食返啲刺身先，差唔多款款刺身都叫咗啲黎試，上面係第一轉叫嘅刺身，下面係encore嘅刺身款式。必嗌嘅一定係三文魚，每片三文魚都勁厚身超有肉地，一食落去feel到三文魚嘅油脂香，魚肉勁甜質素好似出面食自助餐佢切比你個種感覺，feel到好新鮮😋勁大隻刺身蝦！等緊其他嘢食嘅同時出咗去攞左啲自助區嘢食嚟試吓，自助區主要有沙律，海鮮，甜品，湯，炸嘢，同埋一啲小熟食。鍾意食生蠔同埋青口嘅朋友可以無限任攞黎食，平時出面食台灣腸都唔平，今次見佢有就攞咗好多條嚟食，好香口一條接一條停唔到🤤壽司盛宴🤣佢嘅壽司款式都好多樣化，個人比較鍾意牛油果軟殼蟹卷，成舊擺落口口感勁豐富，另外白松露芝士卷個味道都幾特別，仲有就係黑松露系列雖然睇落好似好少但一入口就好濃嘅黑松露味，encore左幾次✌️幾香口既鰻魚🤤芝士焗開邊蝦。鍾意上面鋪滿晒芝士嘅感覺，蝦肉都幾先甜，芝士配蝦果然係Perfect match😻呢個唔記得咗叫咩名，係魚嚟嘅。本身諗住叫黎試吓

平時食親放題都係晚市，一直都想試埋午市🙈前幾日係IG見到「極尚大喜屋」嘅午市放題竟然做緊每人$188咁抵食緊係嗱嗱聲打電話過去Book左位先啦！.【攻略一：炸物】炸物分佈係自助區同Order落單自助區有炸咖哩角，春卷同麥樂雞任拎而手機點餐單款式更多，有數款天婦羅，榴槤炸彈，紫心香芋丸等等小編推薦天婦羅同榴槤炸彈，即叫即炸熱辣辣架😍特別係榴槤炸物，流哂心，榴槤控不可錯過😎.【攻略二：卷物。炙燒】除左普通卷物，如蟹籽軍艦，加州卷等仲有D特色卷物添😋香芒吉列蝦卷：香甜芒果加上脆口炸蝦飯卷，正呀😈另外，炙燒系列都做得吾錯👍特別係醬燒芝士皇帝蟹棒壽司，encore左幾次😂.【攻略三：串燒。一品料理】燒菠蘿：勁甜又Juicy!燒羊架：Keep到肉質嘅嫩滑，食落香口帶微脆鹽燒雞翼：外層脆口，吾會好乾身咖哩蟹：一份約有半隻蟹，咖哩汁勁香濃，如果有埋米飯，超好送飯🙈.【攻略四：飲品。甜品】有自家製嘅意大利芝士杯，迷你蛋糕仔不過小編專攻雪糕糯米糍🤣有草莓味同mocha 都正👍至於飲品，啤酒汽水，茶樣樣齊小編比較推薦飲烏龍茶，可以慳返D 卡路里quota🤣

- 𝗢𝘃𝗲𝗿𝗮𝗹𝗹 𝗖𝗼𝗺𝗺𝗲𝗻𝘁 -環境 : 8/10服務： 8/10味道： 8.1/10影相： 8.3/10性價比 : 8/10回頭率 : 8/10➖➖➖➖➖➖➖➖➖➖➖➖➖➖一早就聽過「極尚大喜屋」嘅大名最近留意到，原來佢嘅午市放題每位只需$188(未計加一）可以任食3個鐘，真係好抵食wo🙆‍♀️.©自助區自助區分為熟食，甜品，沙律，凍食，炸物，雪糕同飲品♥︎ 熟食：魚蛋，迷你台灣腸等♥︎ 甜品：除左有各款布甸，意大利芝士杯，仲有糖水添💕♥︎ 沙律：7款新鮮沙律任你DIY♥︎ 凍食：青口同海蜆♥︎ 炸物：有小編至愛嘅麥樂雞，炸咖哩角同炸春卷♥︎ 雪糕：以韓式雪條為主，仲有雪糕糯米糍同cocoberry♥︎ 飲品：四個大櫃裝滿啤酒，汽水仲有熱飲櫃架🥰.©QR code 落單主要以刺身，壽司，一品料理，炸物為主小編推薦：♥︎ 燒香草羊鞍：香草味突出，焦香而冇羊膻味♥︎ 蒜蓉牛油芝士燒開邊蝦：軟腍蝦肉加上芝士♥︎ 醬燒芝士皇帝蟹棒壽司：大大條蟹棒拌上醬燒芝士，好滋味♥︎ 醬燒三文魚腩壽司：半熟三文魚，軟滑帶點焦香♥︎ 三文魚腩壽司：三文魚魚油香十足呢🥳♥︎ 大赤蝦：size夠大隻，食落甘甜