極尚大喜屋 (銅鑼灣廣場一期)

营业中

休息中

朋友生日請佢食飯，酒店自助餐就太貴，所以日式放題係不二之選。晚市自選時段$238，價錢合理。環境都舒適，唔會坐得太迫。食物款式都好多，除咗QR code落餐，另外仲有自助區，有多款頭盤、熱食、水果、炸物、湯同埋甜品等等。不得不提嘅就係仲有自助嘅清酒同埋梅酒！冇酒精飲品選擇好多，凍嘅同熱嘅都有。Order嘅食物方面，有刺身、壽司、炸物、一品料理。刺身都好新鮮，個人推薦燒香草羊鞍，蒜蓉牛油焗生蠔，西京燒比目魚，炸鮮奶，炸榴槤波波，雞泡魚乾，芝麻雞翼～全部都好美味無伏～下次要再嚟！