極尚大喜屋 (銅鑼灣廣場一期)

营业中

休息中

屋企人突然話好想食放題，近近地我們就搭車出去銅鑼灣，我覺得大喜屋地方夠大，食物款式又多，好適合一家大細去食！餐廳超級大，一如既往，有自助區，亦都可以自己用qr code點菜！出去行一個圈看看有什麼好飲好食！單單飲品種類都超多，有各種大牌子茶、汽水、啤酒，咖啡機，最吸引到我目光是冷熱清酒和梅酒都是任飲的，而且質素ok，完全值回票價！見到有個位置有幾個小朋友圍住，原來有得夾糖，相信小朋友見到都會好興奮！自助食物方面，冷盤有青口、蜆和蝦，幾新鮮！如果不吃生冷野的朋友仔都不怕，都有不少熟食和炸物，我就留肚食刺身同燒物！坐定定之後，用手機點了幾round食物，壽司、刺身、天婦羅同燒物。刺身種類都好多，新鮮夠凍，虎蝦和赤蝦都大大隻，爽口！天婦羅炸得夠脆！燒菠蘿超甜！必試鰻魚，肉質嫩，無細骨，高質素！連放題少見的雞泡魚干都有！熱食有花膠，養顏！雪糕櫃有各種口味雪條和雪糕！另外甜品櫃都有好多甜品，還有乳酪！屋企人都食得好滿足！

朋友生日請她吃飯 她想吃日料但又不想我太破費所以選了經濟實惠的放題非常感謝她人均260左右連加一服務費食物及服務都不錯之前去過其他分店 比較起來銅鑼灣店更大自助區有前菜 湯 甜品 飲品也有冷盤海鮮 質素都可以生日當然要喝杯慶祝一下 這裡有清酒也有幾款啤酒 跟一般放題比起來選擇更多 當中竟然有Asahi刺身好新鮮 我們吃了好幾盤光吃刺身跟喝酒都已經回本了也點了幾款壽司熟食的串燒不錯 牛舌軟滑炸蠔剛剛炸起 新鮮熱辣再吃個韓國雪條 非常滿足壽星也非常滿意

應該有幾年無食放題, 朋友話喺銅鑼灣搵間食下,上網搜尋見到銅鑼灣一期嘅極尚大喜屋價錢都okay就book枱啦。 一坐低 梗係即刻掃QR code落單 真係夠晒環保👍平時食放題 成日都要加單浪費好多紙張。叫哂menu所有剌身😋三文魚, 甜蝦, 帶子,另外仲有希靈魚, 蠑螺, 油甘, 鯛魚, 鮑片, 大赤蝦, 赤貝同象拔蚌, 送餐速度幾快,刺身好新鮮👍而且仲叫左各類壽司🍣 花膠有兩大嚿好厚肉👍🏻 Encore比目魚西京燒出邊食好貴, Encore薑蔥大鱔 肉質彈牙好肥美 Encore燒羊架厚肉, 燒得夠曬香口冇騷味👍海膽壽司細細件啱晒, 可以試多啲唔同種類🤭燒菠蘿 點解可以咁甜㗎😋一咬就流哂d汁出黎 Encore再encore👍出面仲有好多甜品, 雪糕雪條, 而且有清酒同啤酒飲添整體而言 好滿意今次嘅放題食咗兩三個鐘 冇漏單

同好友逛完銅鑼灣sogo, 想食放題放縱一晚, 就去去咗 極尚大喜屋！好肚餓即刻去攞啲餐前小食先, 有中華沙律螺肉, 春捲、咖哩角、炸雞塊！刺身、壽司呢度嘅刺身同壽司質素唔錯, 好新鮮性價比幾高下！甜蝦鮮甜爽滑彈牙。螺肉煙韌有趙口仲帶有淡淡海水味。油甘魚口感爽脆。左口魚壽司肉質超級嫩滑係我嘅至愛！食 sashimi梗係要飲sake, 呢度冷熱任飲！仲有各色啤酒汽水, 好多款式揀！雞泡魚乾香口煙韌, 送酒一流。炒鱔片香辣惹味。點咗一個蟹粥, 味道清甜好有蟹味, 粥底軟綿綿好順口。甜品種類好多, 木糠布丁、mousse啫喱、色彩繽紛嘅macaroon, 真係見到都想食！唔少得嘅梗係各款雪糕, 估唔到仲有豆腐花同 yogurt！

人少少但係想食好多好多款野放題就係一個好選擇大喜屋喺日本放題界都夠晒出名今次我就去咗銅鑼灣嘅極尚大喜屋位置都好方便 地鐵站出口隔離就係約朋友食飯啱晒平日晚市218 但就有限時段俾多20蚊就彈性好多喇出面自助區有各式飲品前菜甜品小食其他就係掃QR code落單 非常方便值得一提呢度有sake任飲酒鬼朋友嚟就啱晒刺身都有好多款朋友最鍾意甜蝦嗌左四五轉 高質嘅仲有多款創意壽司熟食都有好多款芝麻雞翼正呀 炸到皮脆肉嫩連花膠都有得食D24榴槤炸彈仲有好多款都想試但係個位胃放唔落咁多下次要由午餐開始留肚先得

今晚去左銅鑼灣廣場既極尚大喜屋✨食晚市放題，之前都好多朋友同網上有youtuber話好食， 終於約左朋友嚟試下😁😁 🍴食物款式好多，普遍水準之上。有自助區 ，提供小食，沙律，凍海鮮及水果。🥤飲品選擇超豐富，除咗凍飲，仲有唔少熱飲同埋健康嘅選擇，連清酒都有熱嘅😁 Qr code落單,menu超豐富，有刺身, 火炙壽司, 創作壽司,一品料理, 燒物，串燒，煮物，炸物等。刺身推介極品大赤蝦，超大隻，回本之選。另外我鍾意比目魚西京燒，平時去居酒屋食好貴😁😋😋一品花膠盛宴我點咗兩次，花膠又霖又厚肉 💯🍨🍧甜品都好多選擇，雪糕雪條仲有自助甜品櫃，食到超飽啊。

最近想請家人食飯聚聚見到日本放題都係唔錯既選擇所以我地成家人去左上到去門口見到好多人排晒隊好彩我地一早預訂左座位有好多 夠寬闊坐低後即去自助區睇睇冷盤八爪魚 螺肉 都好吸引水果沙律自由配搭拎完之後開始點餐掃掃QR code家人最愛既魚生刺身應有盡有三文魚 吞拿魚都好新鮮熟食仲有芝士大蝦，花膠，牛肉鍋天婦羅炸物都好受歡迎一口牛柳粒夠晒惹味可以話啱晒每個人嘅口味食飽之後仲可以去拎雪糕雪條飲品甜品種類繁多大人細路都一定鍾意第一次去食覺得食物質素好高 上菜速度快而且佢嘅環境夠晒大最適合三五知己同埋家人享受一個美好嘅晚餐

好耐都無食放題就訂左位同班朋友去食，唔知係咪疫情關係可以出去夾嘢食既種類小左好多。無左以前既燉湯、片皮鴨等等的確有啲失望。電話落單既食物就正常味道，但令我失望既係態度問題，去到未夠8點職員話執緊枱要等一等，然後到8點咁岩我地又齊晒人就再問一問，職員就話岩岩咪話執緊枱🥲可能係我太心急啦。入座後食到一半，可能職員太忙無人黎收吉碟，但又不停有野食送到所以就自己出手將啲碟放入架下欄車度，點知比個職員話：小姐，等我地執得啦，啲碟同垃圾要分開，唔係我地會比清潔阿姐鬧。個一刻我呆一呆，或者我好心做壞事但真係唔好受，如果有職員幫手收野我哋都唔洗自己出手執碟啦。

今日慶祝同事farewell 🤞🏽個個都係日式放題愛好者，一於相約位於銅鑼灣廣場一期9樓的「極尚大喜屋」大快朵頤，而重點是價錢非常相宜，只需HKD 188 / 一位，食足三個鐘（12:00-15:00），今次仲吾食到夠本。😍餐廳佔地非常大，容納多人，捲入眼簾有個飲品大雪櫃，係門口附近有非常寬敞雅致的沙律🥗、熱葷、甜品、雪糕任食放題自助區。隨便攞咗香脆菜餡春卷、惹味咖喱角、支豆等做開胃菜。重點係提供啤酒🍻、汽水🥤清酒🍶、燒酒、梅酒任飲，慢慢品嘗。其他食物以QR CODE 落單，十分方便環保♻️。炸物方面：大推紫心香芋丸，熱辣辣炸起，熱氣都已經拋諸腦後，咬落香脆外表帶點軟糯的內餡，香濃芋頭味突出，不會過甜，大贊。另外，必食邪惡炸貓山王，吾食榴槤朋友最好吾好坐對面，避免口氣😂因為榴槤呈流心狀態，榴槤控必食幾粒，好重口味❤️鹽燒芝麻雞翼，外層香脆無比，脆到連骨都想食埋，芝麻軍艦方面：鮑魚軍艦好特別，點知真係呈上一口鮑魚壽司🍣，估佢吾到，鮑魚有做醃製，似漬物，一啖鮑魚有咬口彈性，既咸又帶甜，配埋紫菜出奇地夾。刺身方面：三文魚厚切不在話下，落咬實在帶點魚油脂，新鮮🍣北海道帶子焾身，鮮甜，北極貝極品大赤

今日開心星期一 兩個人黎食下下午放題 盛為$188一入到門口幾排雪櫃有啤酒汽水 右手面有茶同咖啡仲有一啲果汁 🍹任君選擇再黎有炸物區 今日有春卷咖喱角同埋炸雞粒 味道香口 地辣辣食唔錯仲有熱飲櫃同埋雪條櫃 入邊有韓國牌子嘅雪條 仲有一啲雪米糍 雪櫃旁邊仲有糖果櫃 棉花糖可樂糖熊仔軟糖咩都有 想食沙律嘅朋友仔都有粟米 車厘茄 生菜中華沙律 支豆等等可以選擇 另外仲有青口同埋蜆 咖喱魚蛋 娃娃菜 腸仔 未食主菜都已經大把小食任你揀刺身上枱啦 三文魚帶子榮螺片今日特別新鮮 食咗兩輪都覺得質素唔錯 另外叫左海膽同三文魚親子手卷 細細件無錦多飯同埋紫菜唔會腍好難得👏🏼 炸物方面都叫左 天婦羅🍤天婦羅茄子南瓜蟹棒 全部都熱辣辣吹卜卜 粉漿唔會過厚唔錯 其次吉列蠔 香芋丸 同埋榴槤波波 芝麻雞翼係必食 調味同埋熱度係啱啱好 最後好欣賞佢嘅甜品 甜品係超級多選擇有雪糕雪條仲有自家製嘅木糠布丁 藍妹芝士杯 同埋芝士蛋糕等等百幾蚊食到咁多嘢真係唔錯 非常之滿足

食物遲遲唔到，跟尖沙咀及觀塘無得比。食物數量任由厨房喜歡，多小隨他提供。這些服務，枱面放滿碟又唔理，只有好多年前才出現。不會再次光顅銅鑼灣這一間。我進食期間已聽到多人投訴。

話說已經有一段時間冇食放題，主要係因為覺得胃容量食唔到咁多嘢😂 不過一大班人總要有個聚腳點，所以就揀咗唔使就朋友胃口嘅放題呢間放題有好似自助餐嘅自取bar，有啲冷盤小食雪糕嘢飲都可以自己出去攞，有啲驚喜嘅係竟然有青口、凍蝦可以自己夾😆😆 飲品方面都有好多選擇，啤酒茶類都好齊全講到嘢食方面，放題字不然唔會期望佢樣樣都做到好出色，至少刺身上嚟嘅時候解凍啱啱好，食到刺身係新鮮嘅，其他熱葷就正正常常，其中有個花膠可以encore，因為都有兩大嚿好厚肉👍🏻 一路食到咁上下到下一輪入場嘅時候見到出邊排晒長龍，貨如輪轉嘅放題店就可以確保到食物質素😉

雖然好多人話大喜屋差咗，但試過多間放題後仍然覺得大喜屋性價比最高。我同朋友約咗中午12點，11點50分到達發現門口大排長龍，好多人等入座，長者有折！三文魚算厚切，幾好味！咖哩炒蟹都蟹粥都好正！下次會再嚟！

成日出街都要諗食咩好唔係好想只係食一款菜式今次我去咗放題，要預早預訂唔係嘅話就要排好耐隊啦入面裝修精美 環境空間大 可以容納好多人點餐方法係掃描QR code鍾意食咩就盡情叫啦新鮮嘅刺身我就好推薦啦三文魚味道鮮甜配上甜蝦，帶子啱晒唔同人嘅口味所以我哋都落咗好幾次單仲有養生花膠味道好濃 口感一流日本必食嘅天婦羅 炸蝦都好吸引呀熟食都好高質素！行去自助區飲品適合唔同年齡連小朋友最愛嘅都有水果新鮮又夠甜雪糕雪條豆腐花任你食以後唔洗諗食咩咁頭痛～

想食新鮮嘅刺身唔一定要去到日本嘅今日我就同家人一齊去食日本放題第一時間見到自助區有螺，凍蝦，八爪魚，水果等等只要掃描QR code就可以點餐 十分方便先叫一個刺身拼盤入面有甜蝦，北寄貝三文魚，帶子等等刺身都好新鮮所以我哋都叫左幾轉熟食選擇包羅萬有牛肉鍋，花膠，牛柳粒我都十分推薦炸物有：天婦羅 炸蝦 軟殼蟹又係另一種感覺當然唔少得雪糕，水果啦種類繁多 試都試唔晒啊呢一間日本放題性價比高最適合一班朋友去聚聚享受一個美好嘅時刻