影片
更多
2021-08-15
1230 浏览
今日放假約咗舊同事，特別鍾意食放題，又為咗方便去SOGO shopping ，一於 Book 極尚大喜屋，新開張不久地方乾淨俐落，位於銅鑼灣廣場一期，午餐時間人山人海，價錢非常便宜，$200 食足三個鐘。自助區一整個雪櫃的飲品任飲、沙律、熱葷、甜品、雪糕任食；放題自助提供免費啤酒、清酒、梅酒更加係少見；春卷、咖喱角香脆惹味，其他沙律好開胃。刺身舊同事係放題達人，一坐低已經落單，刺身係返本之作，第一時間食感覺更加新鮮。厚切三文魚食落充滿魚油脂香、北海道帶子新鮮軟滑、鮮甜的北寄貝、大赤蝦更加係放題極品 、甜蝦軟糯食到蝦本身的鮮甜沒有雪味、象拔蚌彈牙爽口，日式芥末有助提鮮，慢慢品嚐。炸物舊同事大推脆炸貓山王，我自己就唔食榴槤嘅，佢一啖咬落去我就聞到陣味撲埋嚟，流心邪惡狀態，真係好厲害。都係紫心香芋丸比較適合我，熱辣辣咬落香脆，口感帶點軟糯的香芋，芋頭味香濃突出，讚！芝麻雞翼，如果去居酒屋係我必食嘅推介，外層香脆可口，芝麻香。創作壽司我比較喜歡食有特色的壽司；芒果魚籽花之戀、醬燒芝士皇帝蟹棒～大大條蟹棒加上醬燒芝士，好滋味！其他特色的有蟹油蒜帆立貝壽司～油香十足、蒜香青蔥燒牛肉壽司～半熟牛肉，
自助區
一整個雪櫃的飲品任飲、沙律、熱葷、甜品、雪糕任食；放題自助提供免費啤酒、清酒、梅酒更加係少見；春卷、咖喱角香脆惹味，其他沙律好開胃。
刺身
舊同事係放題達人，一坐低已經落單，刺身係返本之作，第一時間食感覺更加新鮮。
厚切三文魚食落充滿魚油脂香、北海道帶子新鮮軟滑、鮮甜的北寄貝、大赤蝦更加係放題極品 、甜蝦軟糯食到蝦本身的鮮甜沒有雪味、象拔蚌彈牙爽口，日式芥末有助提鮮，慢慢品嚐。
炸物
舊同事大推脆炸貓山王，我自己就唔食榴槤嘅，佢一啖咬落去我就聞到陣味撲埋嚟，流心邪惡狀態，真係好厲害。都係紫心香芋丸比較適合我，熱辣辣咬落香脆，口感帶點軟糯的香芋，芋頭味香濃突出，讚！
芝麻雞翼，如果去居酒屋係我必食嘅推介，外層香脆可口，芝麻香。
創作壽司
我比較喜歡食有特色的壽司；芒果魚籽花之戀、醬燒芝士皇帝蟹棒～大大條蟹棒加上醬燒芝士，好滋味！
其他特色的有蟹油蒜帆立貝壽司～油香十足、蒜香青蔥燒牛肉壽司～半熟牛肉，軟滑又焦香，好特別！
一品料理
食放題一般我哋都係食刺身同埋生冷野，其中一位舊同事就要食熟食，這裏竟然有小菜？
薑蔥爆鱔球，薑蔥香味突出，焦香而沒有魚腥味，鱔球肉質彈滑。
一品花膠盛宴，大大塊花膠，焾身入味，滿滿的骨膠原，有益女生健康。
極尚咖喱蟹，充滿咖喱香味又唔會太辣，肉蟹啖啖肉，食到舔舔脷。
甜品
有好特別的雪糕杯、布甸、意大利芝士杯、韓式雪條、雪糕糯米糍，很甜蜜的感覺。
總括而言，食物質素好，員工服務好，性價比高。
张贴
