影片
营业时间
今日营业
12:00 - 15:00
17:00 - 23:00
星期一至四
12:00 - 15:00
17:30 - 23:00
星期五至日
12:00 - 15:00
17:00 - 23:00
以上资料只供参考，请与餐厅确认详情
相关文章
每隔几个月总会食放题一次，唔系自己想食，就系朋友想食，今次特别拣左嚟铜锣湾嘅分店食，因为每年今日去铜锣湾已成为习惯。极尚大喜屋嘅食物选择多已经唔洗多讲，今次介绍几款之前未食过嘅，同埋个人嘅必食选择。新品有 --焦糖牛奶鹅肝寿司: 朋友话最近每次去某连锁寿司店都必食呢个，竟然见到呢度都有，一定要叫。我食完一啖都即刻同朋友讲要嚟多round，真系好好食，件鹅肝面因为洒了糖做焦糖效果，咸中带甜嘅味道已经好吸引，而未完全融化嘅糖同埋已成焦嘅糖，令到件鹅肝多了一重香脆嘅口感。平时食鹅肝都系配多士，今次配上寿司饭同食，原来都可以好夹，而且饭粒索了鹅油嘅香味，入口就更香。咖哩大头虾: 惊喜位系个咖哩汁做得几出色，咖哩味香浓不在话下，而味道系近似日本咖哩嘅特色--带有鲜甜味，朋友话如果可以叫个白饭捞汁食就Perfect，真可惜呢度没有白饭供应。个人选择推介--海胆手卷、海胆鱼籽拖罗蓉最中饼放题食嘅海胆都有咁鲜嫩嘅橙色已经够吸引，入口仲要无腥苦味，而系微微嘅鲜甜，正！海胆鱼籽拖罗蓉最中饼，睇完名加相都唔系好清楚咩系最中饼（之后上网查下，原来最中饼系日本嘅人气甜点），上枱时，骤眼看都仍然唔知系咩嚟，仲怀疑个似碟仔果块嘢食唔食得。轻轻一咬，原来真系食得嘅，口感似雪糕筒果种威化，但无果种甜味，配埋海胆、拖罗蓉食，感觉更突出了刺身嘅海水鲜味。避风塘炒蟹细细碗有齐蟹壳、蟹钳、蟹脚。蟹钳仲要几大只厚肉。避风塘酱料又系做得好出色，够晒香脆惹味，呢个时候如果有碗公仔面捞嚟食就好啦，可惜又系无🤣鲍鱼想轻易回本，紧系要叫鲍鱼啦。花雕醉鲍鱼，酒味闻起上嚟好香，但入口唔会呛喉；而饱鱼口感爽脆、带嚼劲。花菇红烧鲍鱼，食完鲜鲍鱼，紧系食埋呢个干鲍鱼，芡汁味够浓，鲍鱼、花菇都够入味，而且够腍，轻易嘴嚼。自助区美食藤椒鱼皮坊间都唔常见嘅惹味小食竟然都有！鱼皮够爽、够鲜；藤椒味够香、够辣，劲好食！可惜嘅系鱼皮切得较幼身，食起上嚟有d唔够畅快。炆猪手猪手入味，但又唔会煮得太腍，反而仲有烟韧嚼劲嘅口感。个人总评系，虽然唔系每样都好好食，例如烧牛舌，今次就过左火喉，肉质韧到我都咬唔开。不过整体而言，都系值得推介嘅，抵食、选择多、材料新鲜、烹调入味。
继续阅读
在铜锣湾的极尚大喜屋享受了一次令人惊喜的如自助餐般的日式放题。餐厅的环境舒适，空间宽敞，平日顾客众多，好在有订座🤍🌟食物种类多元化，热食有海鲜、蒸鱼、蒸点心、炸鸡等。🌟乳猪必食，皮脆肉嫩，要留意出餐时间吃最新鲜的☺️🌟汤类有乌鸡虫草花汤、花胶汤羹等，汤头香浓热食方面🌟避风塘濑尿虾和小龙虾鲜美可口，蒸鱼的口感滑嫩，搭配各式蒸点心（虾饺 烧卖 粉果）、乳鸽、羊架等等，食物的质素和味道令人印象深刻。餐厅的新菜式方面，🌟避风塘炒蟹的肉质鲜嫩，搭配独特的调味，值得一试。🌟咖哩大头虾则是另一个亮点，新鲜虾肉弹牙，咖哩酱汁浓郁，非常惹味。🌟寿司和刺身部分也相当不错，如：海胆三文鱼籽挞，味道鲜甜够创新。🌟油甘鱼、左口鱼裙边、三文鱼腩、大虾等也新鲜。🌟特别是焦糖牛奶鹅肝寿司，外脆内滑的口感让人难以忘怀，与传统寿司相比，这道创意料理增添了不少惊喜。🌟甜品方面，餐厅提供的韩国、法国及本地牌子雪糕，口感滑顺，味道香浓，特别适合在饭后享用。🌟豆腐花和布甸的口感细腻，莲子红豆沙甜而不腻，让人感到清新。🌟乳酪也相当受欢迎，搭配新鲜的水果，既健康又美味。🌟饭后水果方面，有哈密瓜、西瓜和桃驳梨等选择多多。🌟榴梿控必食烧榴梿，口感特别，炙烧过后甜味更出众，值得一试。
继续阅读
预祝圣诞原本想去酒店食个圣诞大餐，但睇过周围价钱，觉得著实太贵，都系返去食个放题算了。Book了铜锣湾的极尙大喜屋，贪佢够方便，就在铜锣湾地铁C出口上面。我地食8:30那轮，8:15分就排队入内，幸好有订位，否则真系排好耐！坐低食点串烧、刺身！刺身前嚟一碗虫草花胶鸡汤暖胃亦是不错。前菜除了各款热荤、小食外，仲可以试一下烧肉、乳猪、叉烧和烟三文鱼。牛舌、鸡软骨、西京烧、天妇罗，热辣辣！当然烧乳鸽、鳗鱼亦系必食。刺身我最爱是三文鱼和油甘鱼，够晒厚切！赤虾、甜虾、带子、北寄贝等，都鲜甜弹牙。Encore了两转。鲍汁鲍鱼捞饭第一次见！大大只鲍鱼，啖啖肉，我一人食咗两碗！必食的仲有：炸软壳蟹鹅肝多士川烧广岛蚝花雕醉鲍鱼黑椒蜜汁一口牛瑶柱扒豆苗上汤花胶扒避风塘赖尿虾而家谂返起𠮶晚咁饱咁满足，系因为真系食左好多野!!!还有各款创作寿司，都一定要试！记得再留肚甜品，烧榴梿、木瓜炖雪燕、杯装自家甜品都是我的最爱。将最后的胃纳用甜品填满。
继续阅读
早几日突然间好想食放题，咁啱出开铜锣湾买野就拣咗去食我好钟意嘅极尚大喜屋✌🏻星期一至五午市系$248/1位，任食3小时，刺身|寿司|卷物|串烧|一品料理|天妇罗|烧物|煮物 等就用QR code落单，出面自助区就有饮品|甜品|雪糕|前菜|冻海鲜|炸物 全部自取👍🏻刺身方面 三文鱼|油甘鱼|带子|赤虾 都好鲜甜，焦糖牛奶鹅肝寿司都几好食，有d似寿司郎𠮶款👍🏻皇牌乳鸽皇皮脆肉嫩，避风塘炒蟹系用新鲜蟹真系超正，咖哩大头虾应该都系用新鲜大头虾整成，好味到encore咗几次😂鹅肝多士油香十足都系必食，川烧广岛蚝好有风味😋甜品柜有乳酪|糯米糍|蛋糕仔|布甸|豆腐花 等多款选择，雪糕柜有多款haagen dazs|韩国雪条等😋而饮品区饮品有果汁| 汽水|纸包饮品|冷泡茶|咖啡机|清酒机等超多选择👍🏻
继续阅读
大喜屋系放题界嘅性价比之鬼👻每次我刺身瘾发作，都一定要去大喜屋食返够本😋平时去连锁寿司店，我经常要就住食，真系唔够喉㗎！去食放题就啱晒我啦🩷铜锣湾呢间极尚大喜屋除咗刺身够新鲜肥美之外，选择又多，食到我超满足啊😎除此之外，佢成日都会推出新嘅菜式，今期就有避风塘炒蟹🦀同埋咖哩大头虾，避风塘同咖喱汁整得够晒惹味，而最估唔到嘅系原来佢系用咗新鲜蟹同虾！仲有仲有，呢个超特别 — 焦糖牛奶鹅肝寿司，系寿司郎同款嚟，原来焦糖牛奶配鹅肝都可以咁夹，又几好食㖞👅今次我仲发掘到有点心啦，烧腩仔啦，叉烧啦，避风塘濑尿虾啦，真系每次嚟都唔会觉得闷，次次都有新嘢食😙最抵嘅时间嚟食系逢星期一至四，五点至七点呢段时间，$300都唔使，难怪我五点几入嚟食，已经坐咗劲多人啦😌
继续阅读