星座冰室 (已搬遷) 新店位置

對 上 一 次 都 兩 年 了好 久 都 無 來 這 裡 吃 過 東 西 了因 為 對 上 一 次 感 覺 不 是 太 好(見 到 數 隻 小 強, 但 又 不 見 得 很 好 吃)不 過 不 知 道 是 甚 麼 令 我 又 來 到 這 裡幸 好 未 到 lunch hour, 顧 客 不 多, 但 都 坐 了 門 口 出 面 的 table此 次 食 的 是 咸 牛 蕃 茄 撈 蛋 米 線 + 凍 菜 蜜, 完 全 跟 第 一 次 吃 的 是 一 樣但 不 知 為 何 就 是 覺 得 這 次 很 好 吃份 量 沒 有 變, 但 米 線 本 身 不 似 上 次 吃 的 容 易 碎 和 腍蕃 茄 味 沒 有 上 次 濃 而 吃 不 到 撈 蛋 味, 可 能 這 是 比 較 好 吃 的 原 因 吧而 凍 菜 蜜 就 根 本 不 是 凍 的, 菜 蜜 來 時 冰 已 經 差 不 多 全 部 融 掉, 可 惡 也為 何 落 單 的 人 完 全 沒 有 表 情? 好 奇 怪 呢走 時 跟 他 說 聲 "bye & 唔 該" 都 無 理 過 我 們

人哋話呢間野好出名, 好多電視節目都有介紹過. 我諗我一定唔知點解全部miss晒. 如果唔係咁鐘意蕃茄既我無理由對成碗都係蕃茄既野食會毫無印象嫁. 入到去香檳大廈, 係地下嗰層轉左幾個圈都搵唔到. 後來有人醒起要再落一層, 說實在, 我覺得我自己係搵野食既前提之下對環境既要求接受能力都已經比較大, 但係我係行落去地庫既時候我確實係有一種: 咩地方黎嫁, 真係有野食嫁呢到? 既諗法. 不過呢個懷疑都只係維持到落完樓梯, 因為一落到去地庫, 已經聽到d食具同碗碗碟碟碰撞既聲音. 再行前少少就會見到呢間冰室. 雖然唔可以用 "別有洞天" 黎形容冰屋既環境, 不過真係估唔到呢個咁冷清既地庫會有間咁多人幫襯既舖頭囉!因為唔食牛肉既關係, 所以點左蕃茄魚蛋通粉~~~ 雖然我知道蕃茄牛肉係好夾味, 不過....我哋order完之後等左好耐都見唔到哋既野. 明明遲過我哋既人都已經食緊, 對面遲我哋成十分鐘, 杯凍奶茶都已經有得飲, 我哋再三追問有無漏單, 佢哋又話無喎, 結果等到對面都有得食之後終於都輪到我哋~~~一黎到, 見到舖係面頭嗰層番茄"醬"真係好鬼興奮. 急不及待咁放左第一啖入口... 個蕃

今日終於去試左呢度出名o既番茄麵, 臨去之前, 已特登上黎睇食評, 點知, 依然中招!早幾日有關於收費o既食評, 所以我已非常小心, 同朋友一齊叫"番茄煎蛋麵+雞翼", 本身番茄煎蛋麵係HK$23, 雙併加HK$3, 再加大支裝可樂HK$10 x 2 = HK$72. 但佢最終收我地HK$78, 因為"番茄雞翼麵係HK$26! 所以加煎蛋HK$3同可樂就係HK$78.雖然我落單時已非常小心地清楚表明係"番茄煎蛋麵+雞翼", 但係我估唔到佢地仍然側側膊, 我唔係話俾多HK$3 唔得, 但我唔可以接受佢地擺到明唔老實! 所以此餐廳已在我圈中永久blacklisted. 在此提醒各位落雙併單時留意確定價錢!!另一方面, 對於食物質素, 我並不覺得特別超班, 只是, 用的是鮮番茄及番茄份量頗足夠而已!

一直都有聽朋友講過尖沙咀有間好好味既番茄麵，今日終於都有機會試啦!我同朋友仔分別叫左番茄豬排麵同番茄雞翼麵，落左單唔洗好耐就d野食就黎左啦。＾＾e到d番茄麵會咁出名，都唔係無原因架，睇得出佢碗番茄麵真係夠曬料，成碗既湯主要都係番茄粒。對於我黎講，都係第一次食到咁多番茄粒既麵炸。不過除左ｅ一樣野之外，其他就真係好普通，麵入面ｄ雞翼同豬排都係好一般，同其他食肆相比之下，唔見得有咩優勝之處，而且ｄ公仔麵都浸到有少少脹左，食到尾尾仲覺得有ｄ鹹添。另外，不得不提就係佢既位置，真係極度偏僻，如果一個女仔黎，都真係唔知敢唔敢一個行入去（係唔肯定確實位置的情況下）。可能同佢環境有關，係食緊野既時候，久唔久就會見到附近有一兩隻蒼蠅飛過　，環境都真係好一般。總括黎講，ｅ度成碗都係番茄粒既麵都真係幾特別，至少我係第一次食到，但其他就真係一般啦，所以食起黎唔會話真係好驚喜。對於有ｄ慕名而來既人黎講，更加可能係失望。

今日是第二次幫襯, 記得第一次食過蕃茄麵, 覺得幾好食, 咁o岩今日o係附近上堂, 咪落o黎醫下肚先.今次吃了" 蕃茄炒旦公仔麵 + 雞翼 ", 記住, 係" 蕃茄炒旦公仔麵 + 雞翼 ", 次序唔好掉亂, 我落單時都係咁o既次序講.賣單前都冇事發生, 點知一賣單時, 點解會貴左三蚊? 唔係錢碼大小o既問題, 而係原則問題!事綠係...係餐牌上有以下選項 (意粉, 一丁, 通粉樣樣同價):- 蕃茄炒旦麵 $23- 蕃茄雞翼 $26雙併 +$3加旦 +$3還有很多很多選項, 不能詳列...問題是, 我叫的是 " 蕃茄炒旦公仔麵 + 雞翼 ", 即是$23 + $3(雙併), 即是$26;但老闆居然用 " 蕃茄雞翼麵 + 旦 ", 即是$26 + $3(加旦), 即是$29.我向老闆理論, 話佢咁計搵我笨, 點知佢大大聲向全世界講, 叫我唔好亂講野, "話我搵你笨喎, 你硬要咁講, 我最多唔收你o個三蚊"... (咁當然係得個up字, 錢就照收足)如果我唔係趕住上堂, 我一定留低同佢理論...其實我都係以平常心點菜, 絶無心捉佢字蝨, 我想食 "蕃茄", "炒旦", "公仔麵" 同

呢間冰室六點關門, 要食蕃茄公仔麵, 真係要早d.唔知係咪就快關門的關係, d 通粉太過軟, 反而冇咁好味. 但公仔麵就ok, 好爽口, 蕃茄味又濃, 味道又不會太鹹. 有d 似住家勁濃蕃茄湯, 加公仔麵, 加豬扒咁.

香檳大廈地庫的"星座",地理環境特殊,雖然四圍陰森,但吸引不少情侶前來,何解?因為上面時鐘酒店林立,大戰之後,總會下來吃一碗茄蛋麵或通,來補充一下體力.是次來的原因,不是要共同享受一下激戰後的餘溫,而是為晚飯前打底,對上一次來,是兩年多前的事,但彷如隔世.平日的黃昏時間,沒有雙雙對對,只有一班似是下班的同事,或好像我般孤家寡人.一同舉頭望電視上的新聞,在場差不多全部人也吃番茄麵,多年來,星座最出名的是番茄麵,而我也吃了十年八年.今次吃茄牛撈蛋通,賣相一如以往成劈野,番茄味夠酸,牛肉頗齦,通粉是有坑紋的,索味力特強.而且大大粒,胃口不大的朋友,如果學小弟來吃碗打底,隨時連正餐也吃不了.基本上味道同我當年來的差不多,可惜感覺已不如以往,是因為星座越來越多人,心理上再沒有那種"尋幽探秘",還是身旁沒有一個伴,吃碗番茄麵也覺得苦?

知道香檳大廈，但只是地下; 現在才知道在地庫有番茄麵! 內部環境OK光猛, 只是您要行條舊舊既樓梯, 但其實可從加拿分道入 (電器鋪旁 ); OK 既。 這次帶來了兩個朋友那裡 ； 我們order 兩個番茄牛肉撈蛋 面、番茄牛肉通粉 ; 菜和雞翼 ； 2 杯紅豆冰和 1杯 檸檬茶。番茄是相當新鮮; 湯底唔會太甜或太酸, 牛肉幾嫩; 雞翼都OK。紅豆冰多紅豆, 好好咬.。

今晚同女朋友黎尖咀搵野食，搵左好耐黎搵到間野。環境都早有聽聞，但真係估唔到咁隔sip! 真係幾陰森下之後入到去都ok, 都算光猛, 叫左一碗野:蕃茄牛肉丁 ($25) : 無乜特別，蕃茄唔算特別多，大多都係鋪向面，牛肉同麵都ok，比一般茶餐廳好少少。牛肉都有6-7塊, 唔算少。食完有d失望, 以為好正, 但一試無妨可能加撈蛋好食d

一熱就會想吃蕃茄麵, 但抽唔到時間去食勝香園 (而且我好怕熱...) 所以就同天蠍仔陳某黎左星座冰室食。 一人一個蕃茄牛肉蛋麵, 湯底同勝香園的有少少分別, 呢個比較清, 冇咁酸, 有D似屋企自己煮果隻味道, 好多蕃茄, 但始終都係鍾意濃濃既湯底多D。另外仲有蠔油雞中翼, 同炒白菜仔, 雞翼普通, 白菜仔落左魚蛋炒, 幾香幾好味, 奶茶都唔差, 呢餐有D似屋企飯 (不過其實屋企飯係好食D..哈) , 但勝在人唔太多, 有人覺得殘舊, 但我又接受到, 而且一向鍾意D 舊舊地既環境, 所以覺得呢度都唔係太差。

因為睇到免費報紙0既介紹，加上星期六去開尖咀，故同男友lunch一齊去搵下呢間看似好正的蕾茄麵。男友知道香檳大廈0係邊，但兜左兩個圈都唔見間野，之後見到有條樓梯落去「地庫」，先知原來下面仲有一層，仲要幾陰森下，落到去見到間野啦，真係有d嚇親，感覺幾「拿炸」，但見到爆哂棚、又有人排隊，加上特登行過黎搵，搵到無理由唔試下，所以都等左一陣。好采都算快有位，但就要同另外兩個人迫埋一齊食，加上地方窄，男友身型高大，成日比個伙計阿叔叫佢借開(唔係咁有禮貌0個隻)。我叫左個蕾茄撈蛋麵，男友叫左個蕃茄餐肉麵，再加一個蠔油雞翼，一杯凍檸茶，一杯紅豆冰。個汁一如介紹係好「結」，都幾好味既，但d麵就林哂，林bat bat，公仔麵煮成咁樣真係唔係幾掂..男友就話個蕃茄「汁」over左，茄得濟。至於個雞翼嘛，我覺得自己整既豉油雞翼仲好味過佢，唔係話佢唔好食，但就真係好普通。紅豆冰都係因為推介先至叫，d紅豆係好大粒，都ok既。野食唔係話難食，但加埋個環境(又迫又感覺污糟)、同埋個阿叔既服務態度(除左不停叫我男友借開之外，仲有係捧餐時不停ee唉唉唔想做咁款，d餐又不停0係你頭上面遞來遞去...)，我地相信唔會再來。

之前都嚟過, de 蕃茄好多好蓉, 好明顯係新鮮番茄斬成 用咁多蕃茄係尖沙咀食唔算貴. 係熱天食甜甜地好開胃, 啱哂女仔口味. 叫左一杯凍啡同茄牛煎旦公仔面, 個friend 再追加炸鱼蛋. 篤穿個蛋黃撈埋de麵度簡直一流, 鱼蛋又估吾到幾野味同份量唔少. 弊在Lunch Time 真係好多人要排隊等, 下次要晏de 食tea先慢慢hea 住食

今朝睇到免費報紙介紹,即晚收工同老公走去搜尋!搵左兩搵,轉灣沒角終於搵到間鋪!果然係一所老鋪!看上去唔係好想入去,但見到都坐爆位,應該都名不虛傳呢?!即叫!!之前見到人地叫碗茄麵已經感覺怪怪的?點解咁"杰"?原來佢地做法不是蕃茄湯底而是變成"蕃茄芡"!雖然都算多茄粒...但係食茄冇茄味?大光麵冇"索"水都算ok,但食麵冇麵味?魚蛋係白色的潮州魚蛋!!老公碗馳名"茄牛麵"更加做到蕃茄同牛肉的"味道分離"!牛肉係多,但係老同韌!鍾意食韌的朋友0岩晒!當然都係食牛肉冇牛味啦..!成碗麵報紙就話"清淡帶少少酸"而實質係"淡而無味",好明顯只係就咁將茄芡淋上面而並非一齊烹調!不過後來我地加左佢地提供的"冬菜"調味,都總算食得晒成碗麵!唯一好食係有成6隻!不過就冇乜特別,同自己烹的一樣水準!!仲有就係一路食一路滴晒汙,因為佢地0個兩部冷氣機係裝飾0黎!!所以成餐最正都係枝裝大可樂.....yeah!!"可樂萬歲"~~兩人埋單共$94.-

入到去餐牌都未睇阿叔就係咁問你叫乜 ~兩個人叫左個蕃茄炒旦餐肉通, 西多士 ....同亞叔講落住單先, 跟住佢又問我要唔要叫嘢飲,我話唔要住, 佢都唔幫我去落單, 企向度等, 係都要我叫嘢飲 ...唉, 事旦嘞, 叫嘞 ... 叫左杯凍奶茶嘢食到, 出名蕃茄湯底變左蕃茄獻 ... 失望!!!撈一撈碗通粉, 喂, 亞叔, 成碗通粉一粒午餐肉都冇喎 ~同亞叔講, 佢睇下張單, 就話係漏左會補番俾我,ok, 亞叔, 你補還補, 都唔晒幫我一碟仔午餐肉粒倒落去我食緊o個碗通粉度o架,仲要有 d 倒左落張枱度 ~我自己識倒落去o架 !!!凍奶茶, 好難飲, 冇茶味, 冰又多 ...唯一係個西多士ok

星期二晚上, 齋妹的姊妹shopping團告吹之後找了我來. 本來是去旺角的, 搞下搞下, 變左去尖咀. 她說已食了野而由我發版, 我想食乜就跟我去邊. 上次沒心機找這"懷舊"冰室. 今次不理, 點都要找. 不過, 因為地點問題, 女仔未必咁喜歡行入呢D地方. 因為香檳大廈個商場, 實在太殘舊了. 地庫的環境更差.坐低叫野食, 由於齋妹不想吃而只有我一人獨食. 食, 當然叫佢出名既蕃茄麵啦, 雙併的豬扒加雞扒. 同中環勝香園比, 這裡的蕃茄湯底就真的比不上, 不夠濃. 不過好就係, 可能糖份較高, 唔酸. 麵底是公仔麵. 比較普通, 沒什麼驚喜.地方, 同出面商場一樣, 沒有什麼懷舊之意, 沒有一個不屬於我的年代feel. 因覺得這是一間位於一個日久失修既舊商場裡面既一間日久失傷既舊茶餐廳. 純為懷舊, 都係白宮最正! 女友不喜歡這地方, 快快食完, 同佢去食綿綿冰, 氹返佢.