星座冰室 (已搬遷) 新店位置

一直都有聽朋友講過尖沙咀有間好好味既番茄麵，今日終於都有機會試啦!我同朋友仔分別叫左番茄豬排麵同番茄雞翼麵，落左單唔洗好耐就d野食就黎左啦。＾＾e到d番茄麵會咁出名，都唔係無原因架，睇得出佢碗番茄麵真係夠曬料，成碗既湯主要都係番茄粒。對於我黎講，都係第一次食到咁多番茄粒既麵炸。不過除左ｅ一樣野之外，其他就真係好普通，麵入面ｄ雞翼同豬排都係好一般，同其他食肆相比之下，唔見得有咩優勝之處，而且ｄ公仔麵都浸到有少少脹左，食到尾尾仲覺得有ｄ鹹添。另外，不得不提就係佢既位置，真係極度偏僻，如果一個女仔黎，都真係唔知敢唔敢一個行入去（係唔肯定確實位置的情況下）。可能同佢環境有關，係食緊野既時候，久唔久就會見到附近有一兩隻蒼蠅飛過　，環境都真係好一般。總括黎講，ｅ度成碗都係番茄粒既麵都真係幾特別，至少我係第一次食到，但其他就真係一般啦，所以食起黎唔會話真係好驚喜。對於有ｄ慕名而來既人黎講，更加可能係失望。