星座冰室 (已搬遷) 新店位置

因為睇到免費報紙0既介紹，加上星期六去開尖咀，故同男友lunch一齊去搵下呢間看似好正的蕾茄麵。男友知道香檳大廈0係邊，但兜左兩個圈都唔見間野，之後見到有條樓梯落去「地庫」，先知原來下面仲有一層，仲要幾陰森下，落到去見到間野啦，真係有d嚇親，感覺幾「拿炸」，但見到爆哂棚、又有人排隊，加上特登行過黎搵，搵到無理由唔試下，所以都等左一陣。好采都算快有位，但就要同另外兩個人迫埋一齊食，加上地方窄，男友身型高大，成日比個伙計阿叔叫佢借開(唔係咁有禮貌0個隻)。我叫左個蕾茄撈蛋麵，男友叫左個蕃茄餐肉麵，再加一個蠔油雞翼，一杯凍檸茶，一杯紅豆冰。個汁一如介紹係好「結」，都幾好味既，但d麵就林哂，林bat bat，公仔麵煮成咁樣真係唔係幾掂..男友就話個蕃茄「汁」over左，茄得濟。至於個雞翼嘛，我覺得自己整既豉油雞翼仲好味過佢，唔係話佢唔好食，但就真係好普通。紅豆冰都係因為推介先至叫，d紅豆係好大粒，都ok既。野食唔係話難食，但加埋個環境(又迫又感覺污糟)、同埋個阿叔既服務態度(除左不停叫我男友借開之外，仲有係捧餐時不停ee唉唉唔想做咁款，d餐又不停0係你頭上面遞來遞去...)，我地相信唔會再來。