星座冰室 (已搬遷) 新店位置

今天試了:1/ 茄牛撈蛋出前一丁 ($26+$3)2/ 蕃茄牛肉米 ($26)3/ 蕃茄牛肉丁 ($26)4/ 蠔油雞翼 ($28)5/ 凍朱古力 ($11)6/ 凍檸茶 ($11)蕃茄牛肉丁和蕃茄牛肉米, 普通到極點!好在我叫了茄牛撈蛋出前一丁, 相比下比較特別.蠔油雞翼...媽媽做的還好些少...凍朱古力/凍檸茶, 正常過唔正常...

第一次寫食評~~~同朋友LUNCH諗住食D清清地O既野, 就去O左星座, 一人叫一碗招牌蕃茄煎蛋面/通粉, 明明叫太陽蛋, 佢就俾2隻用油浸到全熟, 實的的O既超熟凍蛋, 問個阿叔, 佢就話"係o甘架o刺, 一早整定, 冇得揀架o刺" o下? OK, 算, 照食, 點知食食O下大家發現入面有D 手指公O甘大粒O既透明野, O吾知係乜, 再睇真D, BINGO, 係未攪溶O既粉漿呀, 我地每碗都有十幾粒, 跟住食O吾落O刺, 以前都O吾係O甘O既, 乜而家D蕃茄好貴咩? 要攪到要開大量O既粉溝入去!!!D食物質數真係好差, 我見D人多數都會食剩, 而家O個度最大O既賣點, 就只有係出面O既位可以俾煙民食煙O羅, 真正想食美味O既野O既人----即係我, 就O吾會再去lu.

好耐之前已經想去呢間冰室食, 因為實在太出名了...一行四人, 由於之前要去打波, 所以唔敢食太飽, 食麵就恰到好處我食咗個蕃茄雞蛋撈丁, 個汁好 "杰", 味道適中, 唔會太甜太酸或太咸, 麵身ok 爽, 不過就唔夠熱另外朋友叫咗個蕃茄雞絲麵, 茄牛麵.....女的就覺得ok, 男的就話食到想嘔, 個原因係, 唔鐘意同埋唔習慣食一d 咁 "杰" 的湯底朋友叫咗多士但我就無食, 望落去無乜特別, 簡單而言同普通茶餐廳差唔多朋友杯咖啡就幾good總括而言係ok 的, 但可能會比較適合女孩子去, 因為女仔始終比較喜歡d 甜甜酸酸的食物, 同埋原來男仔係接受唔到咁 "杰" 的湯底

獨自去偷歡係去一間夜總會格離既神秘餐廳，無錯，睇到呢一頁既人都知就係星座冰室喇；對於一位素食者來說，呢度就只有茄蛋麵可以食，而我今次就試左大家推介既茄蛋撈麵同埋至愛熱奶茶！茄蛋撈個湯底結合哂蕃茄同蛋，而且麵用上出前一丁！抵讚抵讚值得推介！不過下次都要去試下勝香園！

當我帶住個朋友行落星座冰室o個條樓梯o個時，個朋友問我係唔係帶緊佢去垃圾房= =......經過好多雜物，終於黎到好懷舊既冰室，成個格局都好似八十年代咁，完全同尖咀既感覺唔match，呢個就係星座既特色~好有feel~~坐低冇幾耐，叫左個茄蛋麵同埋茄牛麵，飲熱檸賓同凍檸茶，點知個阿叔轉個頭就黎問我:係唔係意粉?! ＝　＝　茄蛋麵：d麵好似浸左好耐咁．．．好大條，淋晒囧囧囧！茄真係好多，同埋覺得個炒蛋幾大件，加埋落咁多茄度都好有蛋味～唔錯！茄牛麵：麵一樣係咁大條咁淋咁軟．．．．．．朋友話幾好味，不過都係衰左響個麵手上。總括而言，呢度幾有特色，味道都幾好，但係因為佢d麵差左d，所以搞到成個感覺差晒，希望佢下次可以改善下d麵既質素

在尖沙咀,無什格調的舊冰室,成名食物只有蕃茄,但打入openrice其中一間最多好評的餐聽!!今天親身再來到,上次去錯了上面的新記!!比想像中隱蔽,殘舊和暗,真不相信尖咀還有這種地方,像下午舊屋邨街市大多數舖頭關門,只得一兩間還繼續營業那種,太特別太有特式,蛇竇認了第一,恐怕無铺頭認第二!無人介紹是一定找不到,找到也不敢入,明星來尖咀tea的一個好地方!!最衰openrice,現在出名了!講食物,出名的只有蕃茄茨汁的配搭,是鮮蕃茄肉,入口見到一個個蘿放了很多鮮蕃茄,;我叫了最多人叫的23蚊的--蕃茄牛肉麵,即是蕃茄茨汁牛肉公仔捞麵,蕃茄肉份量不多,味道OK! 牛肉用酒醃過炒,像阿媽炒的那種,蕃茄茨汁鮮甜,小許味精小不了,公仔麵不大淋吧！只論食物好味和花樣,OK啦!只論裝修和服務,一定咸面!只論地點和環境,咸面!論神奇特別,尋找不可能,和見見明星,星座冰室啦!!!舖如其明--Star Cafe!!!

昨天和女友到尖咀行街，她一到尖咀就嚷著肚子餓，於是就去我想吃的星座冰室吃那個招牌「蕃茄蛋公仔麵」。坦白說這個地方真的很隠蔽，不是看網上食評也不知有這個地方。環境都幾陜窄，加上我的座位是在雪櫃前，真的不方便。看看menu就和女友一樣叫「蕃茄牛肉炒蛋公仔麵」，到了１０分鐘吧，２碗糊狀物體混和著紅色的東西送到我們桌上。賣相真的不好，不過算了吧，我來吃味道的。蕃茄味道好似太熟了，而牛肉．．．似未熟似的，生生地，吃入口「趙」了很久都是很「煙紉」，女友說似未熟，我也覺呢　＝＝湯有落味精，喝多幾淡就覺很好渴。人家說很好味，我真的不覺得，只不過是普普通通的公仔麵。

久遺左的蕃茄面，對上次食蕃茄面應該都係1年前..果陣要係附近返學的原因，所以成日都會去食番個不油不膩的健康美食。講番昨晚自己行行下街...一個唔知食乜好..腦海中就諗起蕃茄面，坐低叫番個老朋友-餐肉炒蛋蕃茄面。LEE度例排都要等10-15分鐘先有得食..嘩..一大碗面黎啦..送面阿叔不嬲都係咁COOL..唔理...我唔客氣啦...唔知係咪太耐無食定係心理作用...好似好食過以前咁既.....炒蛋又岩岩熟..蕃茄湯又清甜..正...最後好滿足咁埋單返屋企..........我想我得閒行過都會再食

位於香檳大廈地庫的星座冰室，環境頗為隱蔽，但人流卻甚旺，午市等位並不出奇，但八位客人竟硬要擠滿一張四人檯，即使食盡無數大排檔的我也從未見識過，那種壓迫感實在令人吃驚，究竟這裡的馳名蕃茄湯底有何過人之處呢。在狹小的空間內點菜，已足以令人心煩氣頂，那位手腳忙得不可開交的叔叔更是百呼不應，愈等愈無奈。過了十數分鐘後，叔叔終於將所有食物分發完畢，可以幫我落柯打，逐要了蕃茄牛肉意大利粉及蕃茄撈蛋通粉。由於當日一早已食了公仔麵，故轉食意粉，心想配以蕃茄湯底應該不錯吧，可惜和預期剛好相反，首先意粉是茶餐廳常用的粗身麵條，本身沒甚味道，即使是將蕃茄汁沾上也不入味，味道相當淡口，其次星座的湯底味道雖鮮甜，鮮紅賣相是可以的，但蕃茄肉的份量卻比中環勝香園少得多，整體上未能讓我留下深刻印象。至於馳名的蕃茄撈蛋通粉，味道明顯比我的意粉好，撈蛋是箇中重點，令通粉入口更滑，味道上也中和了蕃茄的微酸，唯一挑剔的是通粉煮得太淋，未能做到彈牙之感，反而有點似小時候吃的糊仔。對蕃茄愛好者來說，一碗通粉只是約廿四元左右，實在是又健康又抵食，但星座的問題是環境差，服務更差，好像我埋單時，哥仔足足收多我廿幾三十蚊，如不是我再問清

跟女友biebie第一次到這間餐廳吃聞名的蕃茄湯底麵..一直抱著十分期待的心態..因為很多人都介紹這餐廳的蕃茄湯..吃過都讚不絕口點了蕃茄牛肉撈蛋麵蕃茄咸牛肉炒蛋通粉白菜(大)卻令我們失望了..蕃茄湯是很特別..但味道只覺得是普普通通..咸牛肉味道有點怪..牛肉也沒有牛味..白菜淡而無味..可讚的是通粉很彈牙很爽是否因人客多了..水準就隨之而下降了呢..

幫襯左呢個蛇竇都好幾年啦次次黎都係叫番茄通因為通粉索左d湯好正架我每次都會飲晒d湯的好多人會將呢度同勝x園比較我喜歡這裡的味道清新鮮味點至少唔駛等成粒鐘仲要坐街邊嘛~~早排看xx男女介紹原來所有的餸都係行貨來的明晒, 唔怪之得d水準咁飄忽啦唯獨個茄湯最貨真實囉因為冇餐叫所以兩個人飲埋野七八蚊走唔甩個人來說可以接受再者在尖沙咀你上番地面邊有咁既價錢邊有咁好味的野食先??記住黎呢度係為左個茄湯同埋通粉其他各方面將就下就會覺得好好多架啦~~哈哈

蕃茄豬扒麵 $26蠔油雞翼$27蕃茄牛肉通粉 - $23蕃茄撈雞蛋湯底 - 杰身的，似蕃茄滑蛋汁通粉太淋啦！十個差！！未食已經知道，一勺起就見d通粉爛啦！如果大家要試，不可試通粉！原來懷舊都不便宜，加支玻璃樽可樂，盛惠八十多元。

好偏僻,仲要落地下一層,幾恐怖見到好多人排隊就知係哩間星座冰室可能聖誕前席D人食豪D唔黎哩度,所以等一陣就有位叫左個茄牛通+旦o黎到係一碗紅扑扑既野好少湯,D通粉吸收哂,好有茄味牛同旦其實無咩特別,一般成碗食哂幾乎無咩湯剩,無飲過湯,因為通粉吸收哂,即係飲哂D湯

This hole in a wall is located in the dark and dingy basement of a very run down mall in Tsimsy. It can be quite intimidating to try searching for it. But with their signature dish, the famous tomato soup noodle, this place attract many people to brave their way through the scarry stairs that lead to it.We had the Tomato noodle with fried egg and the Tomato noodle with beef (both were $23). Egg always goes well with tomato, and the sliced beef was naturally taste, not marinated with baking soda.

今晚要去尖沙咀美麗華買少少野，未出發前，心血來潮想搵埋 肥豬 同 漲爆 一齊去食飯，咁突然，真係唔知佢地得唔得閒..... 估唔到我又幾好彩喎~~ 佢地又肯走黎同我買野先，跟住再去一同冒險.... 今次我地冒險既目的地就係---「星座冰室」真係又估都估唔到咁好彩，我地居然不用行半點冤枉路便搵到 九龍區既「番茄之城」，真係要感恩丫~ 不過，係行緊條較詭秘通道去 星座 時， 肥豬 話好驚呀 佢仲問我地係唔係打算帶佢去黑店.... 真係俾佢激死~~ 男既係佢既老公，我係佢既好朋友，咁都虧佢講得出呀 WOO~~ 呢度真係好特別呀!! 肥豬 都話呢度個 feel 好懷舊，同平日果d餐廳好唔同......睇佢個樣，佢都好鍾意 星座 丫~~ 睇左、睇右，我地叫左以下既食物﹕漲爆 要既番茄蛋牛麵﹕佢話唔錯喎~ 佢仲話估唔到可以食到 一丁 而又唔駛加錢丫 不過，佢就覺得牛肉既份量好似少左dd，但整體上都幾好味~~ 佢又係整碗清哂丫~肥豬改完又改既番茄餐肉麵﹕起初佢係揀呢款，但我又多口話佢揀左我想揀既，佢呢個「順得人」就即刻二話不說改另一款....但我講多兩句，佢又轉返呢款啦~ kakaka~~ 佢