影片
更多
2009-09-29
1 浏览
人哋話呢間野好出名, 好多電視節目都有介紹過. 我諗我一定唔知點解全部miss晒. 如果唔係咁鐘意蕃茄既我無理由對成碗都係蕃茄既野食會毫無印象嫁. 入到去香檳大廈, 係地下嗰層轉左幾個圈都搵唔到. 後來有人醒起要再落一層, 說實在, 我覺得我自己係搵野食既前提之下對環境既要求接受能力都已經比較大, 但係我係行落去地庫既時候我確實係有一種: 咩地方黎嫁, 真係有野食嫁呢到? 既諗法. 不過呢個懷疑都只係維持到落完樓梯, 因為一落到去地庫, 已經聽到d食具同碗碗碟碟碰撞既聲音. 再行前少少就會見到呢間冰室. 雖然唔可以用 "別有洞天" 黎形容冰屋既環境, 不過真係估唔到呢個咁冷清既地庫會有間咁多人幫襯既舖頭囉!因為唔食牛肉既關係, 所以點左蕃茄魚蛋通粉~~~ 雖然我知道蕃茄牛肉係好夾味, 不過....我哋order完之後等左好耐都見唔到哋既野. 明明遲過我哋既人都已經食緊, 對面遲我哋成十分鐘, 杯凍奶茶都已經有得飲, 我哋再三追問有無漏單, 佢哋又話無喎, 結果等到對面都有得食之後終於都輪到我哋~~~一黎到, 見到舖係面頭嗰層番茄"醬"真係好鬼興奮. 急不及待咁放左第一啖入口... 個蕃
入到去香檳大廈, 係地下嗰層轉左幾個圈都搵唔到. 後來有人醒起要再落一層, 說實在, 我覺得我自己係搵野食既前提之下對環境既要求接受能力都已經比較大, 但係我係行落去地庫既時候我確實係有一種: 咩地方黎嫁, 真係有野食嫁呢到? 既諗法. 不過呢個懷疑都只係維持到落完樓梯, 因為一落到去地庫, 已經聽到d食具同碗碗碟碟碰撞既聲音. 再行前少少就會見到呢間冰室. 雖然唔可以用 "別有洞天" 黎形容冰屋既環境, 不過真係估唔到呢個咁冷清既地庫會有間咁多人幫襯既舖頭囉!
因為唔食牛肉既關係, 所以點左蕃茄魚蛋通粉~~~ 雖然我知道蕃茄牛肉係好夾味, 不過....
我哋order完之後等左好耐都見唔到哋既野. 明明遲過我哋既人都已經食緊, 對面遲我哋成十分鐘, 杯凍奶茶都已經有得飲, 我哋再三追問有無漏單, 佢哋又話無喎, 結果等到對面都有得食之後終於都輪到我哋~~~
一黎到, 見到舖係面頭嗰層番茄"醬"真係好鬼興奮. 急不及待咁放左第一啖入口... 個蕃茄醬真係無令我失望, 酸酸地, 又杰身~~~ 好茄呀~~~ 不過, 有少少失望既係~~~
第一, 自己白白痴痴走左去揀魚蛋. 魚蛋同蕃茄超級唔夾味. 食粒魚蛋再食蕃茄通, 好奇怪既組合.
第二, 個蕃茄醬上枱時都唔係熱既! 連暖都稱唔上, 個湯就係熱既~~~ 不過因為蕃茄醬既比例多過湯好多, 混埋一齊之後就成碗野都唔夠熱. 呢到扣分~~~
奶茶普普通通, 無咩等別.
見到有好多人食蕃茄蛋麵, 雖然個賣相唔係好得, 不過都幾吸引... 下次會再黎試!! 今次因為碗野唔係熱, 我覺得唔係特別好味, 希望下次黎會比到個笑臉佢!
张贴