星座冰室 (已搬遷) 新店位置

開完會，其中一個朋友帶我地到這所茶餐廳食，是我的第一次。新鮮的感覺和周圍60年代的裝潢，形成很大對比。有名的蕃茄湯底都不錯，起碼較健康。叫了蕃茄豬排麵，湯麵的麵是用上”出前一丁”；湯麵的湯不多，大概有一半就是蕃茄茸，做得唔錯，只是稍嫌不夠熱及麵未夠熟。伙記很有個性，很有60年代的風格。這都總算是一所不防一試的食肆，頗有味道。下次有機會再到的話，應該要試一下那裏的公司麵，夠分量。

5月29日, 好想食蕃茄麵呀! 中環茄麵代表勝香園就食得多~ 但尖沙咀茄麵代表星座冰室就真係講咗好耐都冇試過. 襯今日同呀比過尖咀睇exhibition, 一於試下先!! 喺香檳大廈好入嘅位置, 又唔係顯眼, 完全唔似茶餐廳, 傍晚時份去到, 冇乜客人, 老闆伙記都在開飯, 我地就去佢地隔離坐低, 一齊職工房用膳!::: 茄蛋牛肉撈通粉 ::: $26呢個通花碗真係非常家庭式!! 茄蛋汁望落好杰, 落咗唔少蛋~ 不過唔知係咪通粉出水, 撈起好似好稀, 同埋d通粉有d爛... 牛肉好味~ 不過有d碎. 整體黎講個茄味有d淡, 同埋帶酸. 屋企風味~ 但唔係話好好味囉.::: 蕃茄雞翼公仔麵 ::: $26另外再發現呢個蕃茄湯底特別嘅地方, 佢杰得黎好似落咗生粉打獻咁, 誇張d講係啫喱狀~ 蕃茄湯底應該係紅色架, 點解呢個係半透明呢? 湯底落埋d丁麵味精, 所以鹹味掩蓋咗蕃茄味, 令到茄味好淡, 麵好咸… 雞翼本身係煎, 不過煎得唔夠又唔夠香, 味道本身亦被麵搶晒, 對住成碗野都幾失望~::: 凍朱古力 ::: $11真係凍朱古力黎的! 感覺上好似冇加奶嗰隻. 飲落其實係足料既朱古力味..

Thxdtsdd 及太太今日來到尖沙咀的星座冰室吃甚出名的蕃茄通粉. 其實之前 Thxdtsdd 都愛來香檳大廈的新記茶餐廳吃芝士撈公仔麵, 不過就未幫襯過星座冰室, 原來星座冰室在 openrice 的人氣係如此強勁! 所以今日是慕名而來的! 我們在 11:00am 來到星座冰室, 其實真的很難找的, 因為星座是在香檳大廈的地庫, 而且要經過一條很暗的樓梯, 如果不是問管理員, Thxdtsdd 也找不到, 也不是走這條有點恐怖的樓梯! 星座的餐牌甚簡單, 食物種類也不算多, 主打的食物當然是蕃茄類麵食.相信星座冰室裝修跟幾十年前沒大分別. Thxdtsdd 吃了一碗蕃茄豬扒麵 ($26), 一上檯時滿滿的蕃茄湯, 令人感覺很開胃! 豬扒都幾大舊, 但有少少唔夠味, 可能廚師唔想豬扒味蓋過蕃茄味卦!? 至於個蕃茄湯底真係做得唔錯, 唔會太甜或太酸, 仲有少少蕃茄碎, 吃落真的很開胃, 麵身都煮得幾好, 整體 ok, Thxdtsdd 收貨了! 太太則吃了蕃茄牛肉通粉 ($23), 湯底當然係一樣啦, 牛肉幾嫩, 不過同樣係欠了一點牛肉味, 但多了一分清新, 通粉就 ok 啦

又同爸爸去揾食, 本來諗住去維記, 但我唔食豬潤架~於是就話近近地出尖咀算啦其實真正地址我冇記到, 連佢公眾假期開唔開都唔知好在 bf 幫手打去電話公司問電話, 仲問埋係美麗華停車場入口對面商場落地窂入到商場, 真係幾舊, 行左幾步見到右手邊有個星座冰室招牌咪行樓梯落去囉, 真係有 d 似玩緊鬼屋 feel ~ ha ~一定要食蕃茄味的麵啦﹗叫左個茄牛麵撈旦, 秘制碎豬扒, 熱奶茶~本來怕食唔落晚飯嘛, 後來都係忍唔住叫個茶餐, 奶油多配腸仔煎旦凍奶茶秘制豬扒見到佢係唔知邊度夾上碟，然後放入去叮……個汁係好味架, 唔太咸但又入味, 可惜豬扒 un d, ok la ~ 我覺得可以唔洗花呢 $28 囉奶茶夠茶味, 入口滑又唔苦, 唔錯不過飲埋杯凍奶茶就覺得凍既好飲 d (更重奶味, 香滑), 但甜左少少。奶油多普普通通, 反觀煎蛋煎到個邊都脆既, 兩個黃郁下郁下, 真係忍唔住要一啖食左佢﹗茄牛麵撈旦果真正斗~~成碗都有蛋花又夾雜住蕃茄香~~牛肉冧又滑~~$23 一碗都抵比~~不過下次未必再撈旦, 好似搶左蕃茄味~~相信就咁蕃茄湯底會更香﹗

朋友同我講過呢度既鮮茄朱扒通好出名, 禁啱經過附近, 所以順度嚟試一試 原來呢個舖位都幾隱閉下, 如果我自己一個實搵唔倒, 一坐低立即叫左一個鮮茄朱扒通, 都係因為呢碗所以先嚟.....講真, 其實個樣都唔太吸引, 亦好少有茶餐廳會咁樣做鮮茄朱扒通, 同埋用匙更不一不係無咩湯, 只有個D好傑既鮮茄汁, 仲以為會好難食, 點知......一食, 好香蕃茄味, 好足料, 好多茄粒, 因為足料, 所以廿十幾蚊都覺得抵食 雖然個樣不太吸引, 但呢種做法以前都無試過幾特別, 唔怪得之咁出名啦(大家不防留意下舖出面D外賣單車, 好爆笑)

唔明呢度點解咁高分 ?有人做馬嗎 ?蕃茄牛通粉 ! 價錢唔平, 一碗都成 $26-28 .仲要冇餐, 凍飲 $11 一D 都唔好食 !地方就更加偏僻 ! 員工態度就更加差差差 !

見到openrice 咁多好評今日決定2人遊到星座冰室寫低個地址都要搵我地都唔相信暗位盡頭就係間冰室同行話好似拍戲黑社會場面行入去舊式茶餐廳既格局 好有氣氛叫左蕃茄撈蛋麵 + 蕃茄煎蛋麵煎蛋麵賣相好D撈蛋麵好味D我地都覺得蕃茄撈蛋麵幾好味唔會趕人走可以慢慢食左下傾下計個氣氛真係特別 如果有朋友黎香港旅行可以同佢地黎懷舊下

食物:一般環境:非常特別, 係唔知點解會有間餐廳, 但係十分鐘意本身自己對舊式茶餐廳有非常濃厚既興趣, 朋友介紹話依間餐廳好特別, 所以去試一試。間鋪真係好忍閉, 唔講都唔知有間野係度。一落到去淨係見到佢一間鋪, 點解唔係成層都係餐廳, 而係有一間鋪位係度, 感覺就好似地下街甘樣愛死。講到食物方面, 我地叫左茄牛撈蛋面, 同蕃茄豬扒撈蛋面。一黎到個賣相唔多討好, 食落感覺就......出前一丁撈鮮茄, 好麻油面既味道, 面佢地係用丁面加湯煮好哂係度, 面係唔太熱, 同埋面好明顯係煮得未夠, 但又吸哂d湯, 面質成pat野甘...其實佢撈左蛋知後, 整體上鮮茄既味道淡左。食物黎講, 食完一次可以做返出黎。不過氣氛真係殺哂

My sister brought me to this shop as she sometimes has lunch here.I ordered the Tomato w/ egg (Fried) w/ fish ball and spaghetti. The tomato is fresh and I finish a whole bowl with the soup also. Fish ball is avearge but the egg is wonderful! Although it's a bit difficult to find and inside the basement, but it's a clean shop inside; much better than I can imagine.This matches with a plate of vegetable make a healthy meal.Lemon tea is good but I ordered the "less sweet" one, good for my taste.I

接完老婆放工，炎炎夏日，想吃點開胃午餐，便往香檳地庫鑽！坐下點了餐肉茄麵、炒蛋茄麵、凍鴛鴦、凍奶茶、一看賣相，心中巳涼了一截，玻璃獻加茄粒，下面是炒蛋和煮過了火的麵，撈了兩下巳花了不少氣力，吃下味道更是普通得不能接受。鴛鴦及奶茶祗有甜味，可是顧客卻是源源不絕，除了懷舊風味外，這樣的價錢、食物質素、真看不出有何原因我會再踏足此地！

其實都去過好幾次，不過第一次寫食評。係尖沙咀想搵又平又好食的地方真係好少，普通茶餐廳食個飯都要四十蚊，又冇咩特別。有日朋友介紹左呢個地方，一去就鐘意左。其實初初行入去都有d驚(三個女仔行入去)，要經黑蚊蚊的橫行。入到去係好傳統冰室，茶壺、水杯、碗等都歷史悠久，仲有滿頭白髮的侍應，有懷舊的感覺。次次都食呢個 -- 番茄撈蛋/炒蛋麵 好好味,好多番茄同蛋，而且很滑，出前一丁唔太淋,剛剛好,好味!!雖然環境比較舊，而且比較污漕，不過都鐘意繼續食。不過如果有餐就好喇!!

比Central 的 勝xX, 這裡的蕃茄無咁酸; 好似新鮮D; 2 個人叫左叫左茄牛蛋麵 + 茄牛蛋通; 炒蛋都算香滑; 番茄湯底好夠味, ha 我將Ｄ湯飲到一滴都無剩!Drinks : 咸檸7; 味道亦不錯; 值得一試! 凍檸茶; OK la!環境OK，at least 有冷氣; ，會再去的.

This is the place whereby I sometimes have lunch with my colleages - Ｉlike their tomato noodles which is fresh and not too sour nor sweet; just as natural as what's expected.The inside of the shop is OK - family style but of course don't expect a 5-star service.Ｐｒｉｃｅ　ｉｓ　ＯＫ　ａｓ　ｃｏｍｐａｒｅｄ　ｔｏ　ｏｔｈｅｒ　ｆａｓｔ　ｆｏｏｄ　ｓｈｏｐｓ　ｉｎ　ＴＳＴ。

今日同男朋友去開尖沙咀唔知食咩好...突然想起好多人介紹蕃茄麵.....好開心期待今日晚餐好好味, 因為實在太多人介紹哩間,( 包括電視+雜誌等等) .現在我為大家介紹下今我食咗咩垃圾落個肚到...我碗係-蕃茄牛麵 ----面放了蕃茄漿 , 一舊舊嘅透明粒粒, 味道就係唔酸、唔咸、唔好味 , 牛肉死實實 , 難食。我男友嗰碗係- 蕃茄旦麵 ----同樣有一"pat"茄漿 , 味道勁咸、勁味精 , 相比下雞旦好食。仲有叫咗個雞亦 , 味道一般 , 無特別。本人是第一次在此網頁寫食評 , 因為今次食到一肚氣 , 估唔到香港會有咁差嘅餐廳仲有咁多人介紹 , 這餐廳真令人回味 . . . . . . ( 諗起就想嘔 )

想食呢間野已經好耐不過無機會黎終於今晚黎左喇個位都幾難搵如果唔係睇定晒d位置可能要搵好耐~~叫左蕃茄撈蛋餐肉出前一丁個樣就唔係特別靚架喇同下面影個d相差唔多不過原來都幾細碗其實一撈已經見到得面個d係蕃茄蛋漿下面個d係公仔麵既水所以撈好之後會有少少稀食落個味呢~~普通啦我自己又唔覺得真係咁好味同咁大驚喜但係26蚊咁樣一碗麵又真係貴左d個蕃茄蛋漿其實得好少蛋蕃茄碎就多d但係唔會食到好酸呢樣係好既都見到佢好多蕃茄係到揀而出前一丁見到佢有幾箱出前一丁紙箱但係望真d見到d麵原來放係下面個膠箱哈....我食食下碗麵有隻死蟻...哈...不過算啦服務方面無咩好講只係寫野食個時問飲唔飲野話左唔飲都算有咩特別既~~但係d野飲又真係幾貴而且無餐食所以唔算抵食~試一次就算lu~下次應該唔會再黎~