明閣 (香港康得思酒店)

到了３次Lunch, 點心一般都好吃，不會失望，醉鴿十分嫩又新鮮，十分好吃，價錢合理(大概＄３６for Dim Sum)，服務一流，會時常換碟及添茶，一定會再去吃。

晚為慶祝結婚周年,貪得意黎呢度試下.環境清靜,裝修雅緻,係近年最興中上價中式食肆格局.叫左個套餐,每位288(好似,吾係好記得),另外見海鮮menu上有紐西蘭大聖子,38蚊隻,叫左兩隻.套餐包括:１）Starter :　兩粒叉燒加兩條腐竹，最差呢樣，料叉燒又細又干，仲差過街邊燒味檔，腐皮又吾軟，加個少少辣汁，四不像又吾吸引．２）類似雞絲翅咁起碼好過starter,似番個翅樣，份量都好足．３）唐芹炒班片班片幾厚，亦新鮮無雪味，呢味幾清新４）鮑魚伊面一隻鮑魚仔，都炆得好稔同入味，伊面好多，鮑汁都好多，本人吾細食都食吾晒，個人認為個汁有少少過咸．５）楊枝甘露　　OK,無特別其實今餐我最欣賞係隻聖子，大大隻，清蒸，上面舖了一撮粉絲，吸滿鮮甜汁，亦無蒸得過老，又爽又嫩．食完呢餐，已經心思思想第度再食巨型聖子．　　　　　

話說有次(約05年10月份)我及1位公司同事約左旺角朗豪酒店既banquet sales去睇場地...順便試佢地既中菜午餐(明閣)。在sales既推介下, 我地叫左1個例水(湯)幾種steam既點心...有蟹粉小籠包, 蝦餃, 叉燒酥等, 之後再叫左碟"蛋白炒帶子+海膽" 及"蒜蓉炸子雞" 正式名吾記得...甜品係楊枝甘露及杞子桂花糕。首先係侍應既service - 非常有禮, 照顧周到, 很professional地介紹佢地出名既菜色,及講解用料方面既資料..而且態度仲好友善添(remarks:吾知會吾會係客既關係要好service d? 無從稽考lor)食物方面- 個例水都ok (不過我覺得我亞媽煲既老火湯好味d )小籠包方面, 可能我地一路傾野一路食la..個包不但無汁...乾晒, 而且仲無咩蟹既鮮味...吾係好得!! 其他點心就一般la, 無咩特別。小菜方面, 個"蛋白炒"就吾得la,味道雖然ok, 但太杰身...好"溜" 食多啖都好飽既feel. 最後係隻雞就真係吾錯, d皮好脆, 吾肥, d肉就好滑...味道又啱啱好, 值得再食！甜品方面- 個楊枝甘露既賣相就麻麻lor,

我經常陪同Daddy 出入五星級酒店中菜廳品嚐佳餚美食...昨日則揀選去旺角區的朗豪酒店"明閣",最初認為雖然是五星級，但始終位於旺角地段不夠高雅，恐怕服務及菜餚只屬一般...因Daddy是高級的行政人員，他對食物及環境都有一定要求。想不到，竟令我喜出望外，"明閣"的service亦相當周到，由經理到reception的態度都令我們很滿意。我是早一天電話booking，它甚少接受walk-in客，所以人流不會太複雜，這套做法令待客的質素不會降低。我們點了數款點心，如：燒賣、蟹粉小籠包、香芒沙律卷、賽螃蟹餃，叉燒包，蘿蔔糕，千層糕等...小菜方面，我們order了半隻手撕雞，廬筍炒班球，及鮮蝦荷菜飯。非讚不可的是荷菜飯，飯炒得爽而不油，特式是鮮蝦放在飯面上。Daddy簡直是荷菜飯專家，他每到任何一間五星級酒店中菜廳總會品嚐荷菜飯；此處味道比任何一間優勝。總括而言，"明閣"的點心及小菜味道可口，不覺油膩。當日我們一行五人覺得收費相當合理，而且中銀白金卡簽帳更有85%優惠。~~衷心推薦，值得一試~~

昨天到明閣吃晚飯, 根據開飯喇的食評, 兩個人吃了"麒麟斑", "鮮蝦炒蛋白", "燒煵肉", 及甜品"楊枝甘露" 和"芒果布甸"."麒麟斑" 蒸的部份很滑, 炒的部份味道濃很好送飯, 可惜整條魚都沒有鮮味, 因此, 賣三百多元略嫌貴."炒蛋白" 蝦鮮蛋白滑, 蛋白炒成一條條閣條, 外型好像拿破侖西餅. 一定要吃伴碟的炸蝦頭, 很鮮很脆."燒煵肉" 沒有一般燒味店賣的那麼咸, 皮很脆, 當前菜吃很可口. 兩款甜品裡面的芒果都是甜的, 和家裡自製的, 味道帶點酸的芒果布甸不同. "楊枝甘露" 裡的西柚肉沒有酸澀味, 很好.全程只有一次要自己斟茶, 茶杯半空就有侍應來re-fill, 很impressed. 席間, 隣桌人客問侍應拿報紙, 一樣冇問題幫你辦.昨晚客人不多, 差不多一個侍應照顧兩張枱, 環境清靜. 舉目所見, 食客都是外籍遊客和中年人.我覺得, 去一次試過就可以, 不用去第二次.

這裡的環境很淸雅,四周圍有青銅器裝飾,像置身博物館。餸菜賣相精緻,價錢不會太昂貴。鹽焗雞(半隻)-似鹽水雞,雖然沒有烤焗效果的焦香,但雞味濃郁,又香又滑。海生蝦炒蛋白-蛋白炒得好滑,蝦亦新鮮。伴碟的炸珍珠葉好脆,像吃薯片,跟淸淡的蛋白很夾。蟹肉北茹扒時蔬-味道淸淡可口,又不會淡茂茂。法式蓮子炖蛋-似法式焦糖炖蛋,但沒有焦糖,加了蓮子反而不夾,可能蓮子有點苦。幸虧炖蛋香滑,又不太甜。

的確相當不錯, 點心和小食都好. 燒肉很好吃, 皮脆肉嫩,如果可以多一點就更好了($55只有12小片).粉麵飯分大小兩種份量也是好主意.小份也可以分到大概4碗(飯碗份量),也不算太少了!招呼絕對是5 星級, 服務員態度友善, 而且笑容滿面.

首先由環境講起：第一個給我的感覺是高貴，室內設計獨特。玻璃窗有古董擺設。而且在柔和的燈光和懷舊的音樂底下飲茶食飯，真的幾舒服。而且景觀是旺角鬧市，在高空望下去，感覺很特別。大家如果想靜靜地飲餐茶，我建議在星期一至四去，因為星五六日實在太多人啦！不過如果想一家大細去飲早茶，則建議星期日，只有星期日才開早茶。至於食物方面，可以用一個字黎形容「正」！由點心、小食、小菜至到甜品都很正，一般既點心蝦餃、燒賣、小龍包等等製作都非常認真，比較特別既點心有幾款，例如碧綠帶子腸粉、羅白絲鬆餅瑤柱莧菜餃等等...小食方面，個人覺得值得推介的是外皮脆卜卜，食落去一點都不肥膩的五香燒腩肉，爽口彈牙的蔥花海蜇頭，同埋醉醺醺的太白醉香鴒。至於小菜，色、香、味都是高水準，其中有幾款都很出名的，如朗豪炸子雞，炸子雞本身肥而不膩，皮脆肉嫩，師傅連伴碟都兼顧周到，菜式用了幾十塊香脆藕片來伴碟，真有心思。另外海生蝦炒蛋白，師傅炒得真係好靚，靚得十足一件藝術品，令我唔想食佢，但係因為太肚餓，最後唔食都唔得^^...嘩，太好味啦！嫩滑既蛋白加上一隻隻彈牙既鮮蝦，好味得難以形容，用黎餸白飯認真一絕，值得推介！最後要講既係明閣總廚

點心有水準，環境舒適，服務不錯，在旺角區來說較難得。價錢方面當然亦相對較高，蝦餃$31，小籠包$31，馬拉千層糕$25，迷你蛋撻仔(4個)$28，梅菜肉絲炆米(細)$53，茶介每位$13。此處另一好處是炒粉麵有分大、小兩個size 。

因為工作, 我有幸試食呢處新開左一星期咁大把既餐廳....試左幾味, 每碟試左d, 整體上都幾好味既!呢個入口比眼見好味---金華火腿!!!!咪以為一片片金華火腿瞓晒向度空口食會好咸呀! 佢淋左個帶甜味既汁, 即使就咁食都好好好好味!! 伴碟既係原粒蓮子, 質地粉粉既, 蘸左汁都幾好食~~ 哈哈, 唔好意思! 差d 唔記得講!! 雖然我係咁講空口食, 但查實佢係跟住一籠好似饅頭咁, 白白地色既包比你夾住食既. 海蝦牛奶蛋白, 伴碟有炸脆到好似紫菜咁既"珍珠葉", 我覺得佢幫d 葉改左名...我印象中呢d 葉唔係咁名架喎!! 牛奶蛋白炒到絲絲咁好滑既, 個樣好似燕窩咁款!! 個樣好吸引我去食! 滑滑蛋白絲之下有蝦肉, 食唔真d 質地, 不過就唔係有雪藏味整到好咸果d, 整體味道係清淡既. 呀!! d 海蝦蝦頭炸左企晒向處既, 不過由於時間關係, 我冇試食~仲有食左個好似春卷咁既東西, 唔記叫咩名, 脆脆春卷皮入面有菇絲, 甘筍絲, 西芹絲等等. 入口芹菜味好強, 如果唔食芹菜既人估計會吐出! "脆"方面做得好好, 但上了一個好似"瑞士汁" 咁味既汁就咸左d! 失分!最後上既既菜用瑤柱羹同