明閣 (香港康得思酒店)

提前慶祝母親節，妹妹在康得思酒店的中菜廳明閣預訂了座位吃晚飯。獲安排坐房內圓桌，座位寬闊舒適。沒有點套餐，選擇散叫菜式，可點多些喜歡的食物。茶芥是$33/位，茶水以燭火一直溫著，不會冷掉。餐前小食贈送的琥珀合桃酥脆可口。至尊蜜汁叉燒是明閣的招牌菜，甚至有推出外帶禮盒裝。叉燒燒得微微焦香，肥瘦均勻，肉質軟稔，鮮味濃香又有肉汁。七味金磚豆腐外脆內嫩滑，外層灑上七味粉，口感絕佳又夠惹味。遠年陳皮和牛面頰，醬汁香濃，滲雜陣陣柔和陳皮香氣。牛面頰微韌，如能炆煮得更為軟稔有嚼勁會更好吃。酥炸釀蟹蓋 ($328/位)同樣是明閣的招牌菜，大大隻的蟹蓋，外層炸得香脆。敲開炸漿，內裡是滿滿一絲絲的蟹肉，餡料簡簡單單的只有蟹肉、洋蔥和忌廉，嚐盡蟹肉鮮味！明閣與本地公和荳品廠聯乘推出期間限定「豆韻飄香」嚐味菜單，公和淡豆漿豆腐卜銀杏杞子鮮百合浸時蔬是其中一道菜式。這道素菜以公和無糖淡豆漿作基底，搭配白果、杞子及鮮百合，選料健康。菠菜鮮嫩無渣，吸盡豆漿味道，豆香濃郁，長輩們都喜歡這道菜。南丫蝦乾蝦膏芥蘭煲，煲仔菜熱焫焫夠鑊氣。大廚選用南丫島的本地鮮曬蝦乾及蝦膏，充滿鹹香味道，入口惹味而不過鹹。窩燒蔥香鵝肝A5和牛炒飯，用料十足，每啖飯都吃得到油香十足的和牛，搭配軟滑鵝肝，盡是滋味。頭抽生浸豉油雞(半隻)，豉油雞用生浸方式處理，下單即製，需時45分鐘。若要嚐此道菜，必須早早下單。雞件啖啖肉，雞皮爽脆，肉質嫩滑又入味，不用額外加醬油。進入甜點部份，薑汁桃膠燉鮮奶 ($68/位)，燉鮮奶順滑而不會太過水漾，帶淡淡薑汁香。桃膠浸發得夠透，軟稔得來又帶點咬口。椰汁抹茶馬豆糕是我比較喜歡的甜品，椰汁馬豆糕軟滑，馬豆夠稔身，面層的抹茶微微甘苦又香濃。新疆棗皇糕，蒸得太過濕又軟稔，不是我所喜歡的口感，所以有點失望。擂沙湯圓的內餡是流心芝麻餡，惟湯圓同樣太過軟稔，流心餡又過於水漾。這頓晚飯，小食、主食、蔬菜等均令人滿意，惟甜品確實仍有進步空間。…查看更多

週末過嚟食點心嘆茶，唔係好多地方有龍井，點心一如以往嘅高水準，蝦餃唔係市面一般落咗甜味精嘅味道，今次陳醋鱈魚粒份量少咗一點，但係雞扎嘅份量又多番啲，龍蝦餃嘅孜然味重了一點，掩蓋了蝦嘅鮮甜，相反三隻餃入邊嘅蟹肉味就好豐富。叫咗新出嘅公和豆腐芝麻凍糕，食完之後嘅感覺令我一定要寫呢個食評，我唔係好喜歡芝麻類嘅中式甜品，但呢個凍糕不論味道配搭賣相口感，可以話係中式甜品嘅五星級，作為整餐嘅結尾部份，堪稱完美。…查看更多

今日試吓restaurant week晚餐。今晚有七道菜，內容豐富。餐廳有米芝連一星，位於五星酒店內，裝修富麗堂煌，感覺舒適安靜。前菜是陳醋冰鎮車厘茄、蜜汁叉燒、松露鳳梨乳豬。車厘茄爆汁，酸酸甜甜的，好吃；蜜汁叉燒厚切，香甜軟糯；乳豬又脆又香，夾上菠蘿，又多點淸新氣息。炸釀鮮蟹蓋：這蟹蓋真可口，脆皮下滿滿是香嫩的蟹肉，鮮美可口又creamy! 啖啖肉，真材實料！正！龍蝦瑤柱魚子醬海皇羹這個海皇羹十分淸甜，每一口都有彈牙龍蝦和海鮮，口感香滑，湯羹厚薄得宜，正！麵豉焗銀鱈魚伴柚皮這個銀鱈魚皮脆肉嫩，加上惹味面豉醬，十分可口，夾上柚皮，味道清新，平𧗽了膩口感覺，好。濃湯鮮竹花膠絲浸時蔬這個浸時蔬的湯汁鮮美，番薯葉軟滑，不錯。原隻鮑魚瑤柱燴飯這個燴飯真係正！不單有高湯汁底，仲有鑊氣，不油膩，加上脆米口感和軟滑鮑魚，真係正！楊枝甘露香芒糯米糍香芒糯米糍香軟，有鮮芒果香，楊枝甘露香滑，甜美細膩，不錯。…查看更多

明閣果然是米芝蓮一星，環境高雅、地方寬敞，入到去就覺得古色古香，比香港其他分店更有feel。趁住 Restaurant Week，梗係要試吓佢哋嘅 Dinner Menu。1. 前菜三重奏特釀梅酒5度陳醋冰鎮車厘茄：酸酸甜甜，冰冰涼涼，開胃一流。至尊蜜汁叉燒：香甜而唔膩，肉質軟腍，啱啱好。松露鳳梨乳豬件：乳豬香脆，松露加鳳梨令味道更有層次，好有創意。2. 酥炸釀鮮蟹蓋（招牌必試）: 大大隻蟹蓋炸到金黃香脆，一敲開就見到滿滿蟹肉絲，餡料簡單：蟹肉、洋蔥、忌廉，蟹味濃郁，入口即化，好正！3.  翠塘龍蝦瑤柱魚子醬海皇羹 : 龍蝦肉彈牙鮮甜，魚子醬帶少少鹹香，羹湯濃郁又鮮美，好有層次。4. 古勞麵豉焗銀鱈魚伴蝦子柚皮 : 銀鱈魚肉厚嫩滑，麵豉香味唔搶魚味，蝦子同柚皮加埋，鹹中帶微酸，好特別又醒胃。5. 濃湯鮮竹花膠絲浸時蔬 :  竹絲花膠滑溜，湯底鮮甜濃郁，蔬菜清脆爽口，平衡得好好。6.  原隻鮑魚瑤柱燴飯 :  鮑魚有咬口，瑤柱味濃，飯粒吸滿湯汁，好滿足。7.  甜品 :  楊枝甘露：甜而唔膩，芒果味香濃，好清新。香芒糯米糍：軟糯帶果香，完美收官。整體嚟講，明閣唔止係食得開心，環境舒服，無論食材新鮮度、味道層次同擺盤，都有米芝蓮水準。…查看更多

想去這米芝連好耐了，終於有空便早一晚網上訂座，同老媽去嘆吓茶食點心。第一次來當然睇吓食評有咩好介紹啦......每枱都有的XO醬，又幾好味喎點心都揀了幾款首先一定要點咸魚水角，這個「黑毛豬咸水角」，佢個皮脆又超好食，試下個幾特別的「養生三色餃」，賣相及味道也不錯「藍天使蝦脆皮紅米腸」，係好食，但比較油膩包就揀左「明閣流沙包」都夠香及流心的，但無驚喜最後加點「花膠鮑魚海參雞扎」，這個真心足料及好味，值得一試最後仲入埋個咩會享有折扣優惠，問左仲可以有兔費泊車服務，下次會同家開車枚嘆茶食叉燒的。…查看更多

这家中餐厅位于旺角的康得思酒店内，也就是以前的朗豪酒店。明阁是一家老牌的米其林餐厅，装修典雅高贵，餐具摆设以青铜器皿为特色。早茶有中式点心，制作精致，材料新鲜、味道出众。侍应服务殷勤周到，又有礼貌。在此餐厅就餐是一种享受。…查看更多

想講好多好嘢食，特別係最出名嘅招牌叉燒明閤八小碟，而且明閣自家制茶葉都好特別好好飲。本人唔太鐘意食流沙包，但係嚮明閣食過一次後就改觀佐，最重點嘅係甜品影相打卡一流，而且真係好好味。明閣啲服務質素非常好，我係打電話去book位嘅，本身book佐10.30，但係遲佐半個鐘，佢地都有繼續幫我keep住booking。嚮餐廳食飯時有試過啲XO醬，覺得超級好味，就買佐幾罐返屋食。而且近排新出佐好多新款菜式都好特別好好味！！最重要嘅係有Brilliant有折！！！…查看更多

最近明閣與百年老字號「公和荳品廠」攜手合作,推出全新「豆韻飄香」嚐味菜單將大豆主題菜饌配搭時蔬、海鮮及海味,更延伸至甜品.樣樣創意亦展示到大廚手藝與功架!「豆韻飄香」精選菜式包括：▪️琥珀千葉豆腐賣相精緻吸引,片片豆腐厚度一樣,可見師傅刀工一流!加上雞頭米、萵筍、馬蹄、榆耳以及羊肚菌等材料,綴以香脆琥珀合桃.味道清爽並帶心思▪️本地龍蝦麻婆豆腐本地龍蝦切成一大片,鮮爽彈牙.配搭微辣麻婆豆腐惹味香口,令粵式風味盡顯矜貴特色▪️關東刺參馬友豆腐煲以煲仔上枱吱吱聲,梅香馬友鹹魚香氣撲鼻,將豆腐與關東刺參味道更昇華,非常惹味,簡直是配飯佳品!▪️公和淡豆漿豆腐卜銀杏杞子鮮百合浸時蔬時令菜蔬用上銀杏、杞子和來自甘肅蘭州的九年鮮百合,混入公和無糖淡豆漿及富彈性的豆腐卜炮製.當中百合更是珍貴,味道有如馬蹄般清甜▪️燕窩豆腐奶凍以豆香清冽的無糖淡豆漿配忌廉製成的豆腐奶凍,綴以燕窩和金箔,香甜幼滑帶出淡淡豆香味除此以外,單點了額外精巧又出色的菜式亦值得一試! 果然自2009年起榮獲米芝蓮星級食府殊榮後的明閣,到今天仍是賓客如雲,水準卓越~▫️至尊蜜汁叉燒 ‧魚子醬金陵乳豬件▫️ 花膠螺頭蜜瓜爵士湯▫️ 三蔥炒斑球▫️窩燒蔥香鵝肝A5和牛炒飯…查看更多

昨天晚上特登去試吓明閣，出名嘅叉燒蟹蓋套餐，但係估唔到叉燒居然有根，蟹蓋又唔夠熱裹面居然仲有蟹柳條切粒，其他食品就穩打穩扎一般水平，服務員呢上菜就冇介紹係乜嘢嚟嘅，基本上服務水平等同一般餐廳，冇必要特別去試…查看更多

拍青瓜花雕凍鮑魚-鮑魚肉質柔軟得黎好彈牙，花雕味平均，青瓜好清香，唔錯的餐前小食👍🏻七味金磚豆腐-外脆內軟的豆腐，口感一流，外層的咸香很出色，好味❤️燒味三重奏-三重奏有海蜇、乳豬同半肥瘦叉燒，乳豬皮脆到好似薯片咁 好正👍🏻半肥瘦叉燒肉質都幾滑 如果質地可以再幼嫩的話 口感會更豐富～明閣炸子雞-金黃酥脆的外皮 包住肉質鮮嫩多汁的肉質 發揮不錯👍🏻薑蔥上海年糕龍蝦煲-龍蝦好新鮮同埋都幾厚肉 上海年糕充斥住龍蝦的鮮味 加上煙靭嘅口感 竟然佢好有驚喜😂雖然佢有少少貴 但係享受非凡❤️窩燒蔥香鵝肝A5和牛炒飯-味道方面 鵝肝比和牛味道更出眾 但係整個炒飯帶有濃郁的肉香 好惹味 米飯粒粒分明 口感滑順 食埋佢 整餐飯好滿足🫶🏻…查看更多

事隔兩年，今日再同朋友嚟飲茶。點心價錢當然加了不少，但服務、食物品質冇變:)叉燒依然以肉質取勝，份量足，味道偏淡，蜜汁唔甜，亦唔係燒得好燶，可算係健康呢！叉燒餡雖然多但好淡:(冇豉油真係唔得！燒賣、鹹水角、流沙包都係正常味道，冇乜特別，覺得唔值咁貴第一次食有驚喜，賣相吸引，晶瑩餃皮包住爽口露筍，加埋鮮甜濕潤嘅蝦肉，係今餐最好食的最值錢係嗰幾條陳皮，但全碟點心冇陳皮味，柚皮已經腍到碎晒，排骨不健康，鹹得滯飯後甜品都係一般啦，薑汁味唔濃，勝在唔係好甜。…查看更多

明閣三小碟（至尊蜜汁叉燒、椒麻汁醋香黑木耳、XO醬涼拌青瓜）在明閣的點心中，至尊蜜汁叉燒、椒麻汁醋香黑木耳和XO醬涼拌青瓜組成了一個極具特色的三小碟。至尊蜜汁叉燒肉質鮮嫩，入口即化，散發出誘人的香氣；椒麻汁醋香黑木耳帶有微辣的風味，口感爽脆，帶來令人驚喜的滋味；XO醬涼拌青瓜清爽爽口，配合著香辣的XO醬，味道獨特，讓人回味無窮。北菇菜膽瑤柱燉螺頭這道北菇菜膽瑤柱燉螺頭展現了明閣對食材的用心。螺頭肉質鮮美，搭配北菇、菜膽和瑤柱的獨特風味，湯頭濃郁鮮甜，讓人感受到烹飪的精湛和用心。西蘭花伴金沙蝦球西蘭花佯金沙蝦球是一道清爽可口的菜品，西蘭花爽脆嫩綠，金沙蝦球外脆內嫩，搭配金黃的酥脆外皮，口感豐富多彩，散發出誘人的香氣，絕對是一道令人愛不釋手的美味佳餚。燒汁鮮菌炒黑豚肉片這道燒汁鮮菌炒黑豚肉片融合了鮮嫩的黑豚肉和新鮮的菇類，口感豐富，風味獨特。燒汁的獨特調味讓整道菜色香味俱全，肉質鮮嫩多汁，絕對是令人垂涎的美食之一。芙蓉蟹肉扒時蔬芙蓉蟹肉扒時蔬是一道精心烹製的佳餚，融合了鮮美的蟹肉和新鮮的時蔬，口感綿滑鮮嫩，色澤誘人。每一口都散發出濃郁的海鮮風味，給人帶來愉悅的味覺享受。有機蕃茄雞絲燴飯這道有機蕃茄雞絲燴飯結合了新鮮的有機蕃茄和嫩滑的雞絲，米飯香氣四溢，口感綿密，讓人回味無窮。清爽的蕃茄搭配鮮嫩的雞絲，是一道美味可口的燴飯，絕對值得一試。蛋白杏仁茶結束美餐，來一杯蛋白杏仁茶，清爽又溫暖。杏仁的香氣與蛋白的營養結合，帶來一種獨特的風味體驗，清熱解毒，讓人心情愉悅。這些精心烹製的菜品將給您帶來一場美味的饗宴，每一道菜都展現了明閣的烹飪技藝和對食材的用心。無論是口感還是風味，都值得前來品嘗，讓味蕾得到極致的享受。絕不容錯過！…查看更多

朋友聚會, 之前試過唔同嘅米之蓮餐廳, 好多味道都不似預期, 今次明閣比預期好味, 不負一星美譽。首先上檯嘅明閣八小碟同七味金磚豆腐, 味道唔錯, 其中燒腩仔皮脆肉嫩, 而豆腐就做到外脆內軟, 八小碟嘅份量都幾多, 食完已經飽咗一半。一場嚟到, 梗係要試埋個蟹蓋, 蟹肉都多, 但味道就不過不失, 個人覺得試一次就夠。同行朋友對爵士湯同花膠雞絲羹都感興趣, 於是每樣都叫咗個, 爵士湯夠甜, 雞絲羹好濃味, 果然係濃湯🤤 另外仲有個清淡嘅菜膽竹笙清燉松茸, 有比較之下, 我都係鐘意濃味嘅雞絲羹😬之後仲叫咗炸子雞, 羊腩煲, 豆腐煲 同 鵝肝A5和牛炒飯。炸子雞皮夠脆, 肉入味。羊腩煲唔太羶, 肉炆到好淋, 有入口即溶嘅感覺。和牛炒飯炒得夠乾身, 粒粒分明, 香味撲鼻。反而個豆腐煲無特別, 可以不試。最後叫埋甜品, 為愉快啲聚會劃上完美的句號。…查看更多

今個月生日朋友帶我黎試呢個「明悅嚐味宴MING MOON DEGUSTATION MENU」！一直對呢間餐廳好奇（話晒都係香港少有嘅米芝蓮一星中菜廳）！呢個menu仲有sparkling wine / white / red 做pairing，不過我同我朋友都唔想飲酒，要咗杯果汁😂以下落黎逐個Dish介紹吓：1、明閣兩小碟（魚子醬酒香鵝肝凍、蒜泥紅油帶子）唔記得左影相，個魚子醬鵝肝凍其實係花雕jelly，我就覺得夾埋一齊食味道比較一般 // 帶子就唔係特別香或大粒，不過襯咗啲萵筍絲墊底口感都幾特別2、燒味二重奏（至尊蜜汁叉燒、黑松露鳯梨乳豬件）個叉燒好好食！！！食嘅時候仲係好暖，佢冇話做到個皮好脆或者窿邊嘅效果，但件件半肥瘦，唔漏而且好香軟～3、原個椰皇菜膽天白菇竹笙清燉松茸個湯好清甜，竹笙口感啱啱好！椰肉燉到好軟滑夠淋身，仲有少少香味，忍唔住刮晒嚟食（同埋我第一次見到有鋸齒嘅匙羹😂😂😂）4、酥炸釀鮮蟹蓋啖啖蟹肉，炸皮又夠香脆👍5、天池泡菜耀龍皇 黑椒和牛龍蝦鉗食嘅時候覺得自己去上咗黑白大廚，個泡菜汁同龍蝦肉好夾，又唔會搶咗龍蝦肉嘅味道又夠惹味！ 另外用左免治和牛肉包住條龍蝦蕊，咁樣嘅做法都係第一次食，好味6、鮑汁珍菌銀杏燴香苗佢個飯上面鋪嗰啲脆米，令到口感好過癮，本身佢啲白飯粒炒得夠乾身7、精選甜點 （遠年陳皮紅豆酥、薑汁桃膠燉鮮奶、十勝紅豆桂花糕）陳皮紅豆酥夠香，唔會太甜，本身諗住淨係食半粒都忍唔住食晒！桃膠燉鮮奶就反而一般（上菜嗰陣佢仲唔記得將桃膠鋪面），桂花糕都比較一般作為米芝蓮一星餐廳，今次服務有待改善。不過餐廳入面環境都好舒服，食物質素都可以，值得再回頭！…查看更多

同朋友黎慶祝生日收得這個價錢 好有期望想請佢食餐好既老實說 換來只有失望服務ok 但食物質素好一般 (連茶都係一般)蟹膏無乜鮮味可言仲要用來煮好幾個餸同湯 都係同一隻味無乜層次可言係個炸海參夠脆 不過無乜味個湯同餸既賣相唔ok 有d hea一pat 炸野係一堆汁上 (請睇圖)蟹係最正常package 列明薑酒是樽裝相片都是見到樽裝但現場卻取巧話是由樽倒出來的一杯不過味道都係麻麻 所以唔深究 無所謂臘味飯平平 甜品水晶餃直頭唔好食 皮厚無味總結是不知為何是米芝蓮級數無下次 …查看更多