影片
更多
2004-09-13
40 浏览
首先由環境講起：第一個給我的感覺是高貴，室內設計獨特。玻璃窗有古董擺設。而且在柔和的燈光和懷舊的音樂底下飲茶食飯，真的幾舒服。而且景觀是旺角鬧市，在高空望下去，感覺很特別。大家如果想靜靜地飲餐茶，我建議在星期一至四去，因為星五六日實在太多人啦！不過如果想一家大細去飲早茶，則建議星期日，只有星期日才開早茶。至於食物方面，可以用一個字黎形容「正」！由點心、小食、小菜至到甜品都很正，一般既點心蝦餃、燒賣、小龍包等等製作都非常認真，比較特別既點心有幾款，例如碧綠帶子腸粉、羅白絲鬆餅瑤柱莧菜餃等等...小食方面，個人覺得值得推介的是外皮脆卜卜，食落去一點都不肥膩的五香燒腩肉，爽口彈牙的蔥花海蜇頭，同埋醉醺醺的太白醉香鴒。至於小菜，色、香、味都是高水準，其中有幾款都很出名的，如朗豪炸子雞，炸子雞本身肥而不膩，皮脆肉嫩，師傅連伴碟都兼顧周到，菜式用了幾十塊香脆藕片來伴碟，真有心思。另外海生蝦炒蛋白，師傅炒得真係好靚，靚得十足一件藝術品，令我唔想食佢，但係因為太肚餓，最後唔食都唔得^^...嘩，太好味啦！嫩滑既蛋白加上一隻隻彈牙既鮮蝦，好味得難以形容，用黎餸白飯認真一絕，值得推介！最後要講既係明閣總廚
至於食物方面，可以用一個字黎形容「正」！由點心、小食、小菜至到甜品都很正，
一般既點心蝦餃、燒賣、小龍包等等製作都非常認真，比較特別既點心有幾款，例如碧綠帶子腸粉、羅白絲鬆餅瑤柱莧菜餃等等...
小食方面，個人覺得值得推介的是外皮脆卜卜，食落去一點都不肥膩的五香燒腩肉，爽口彈牙的蔥花海蜇頭，同埋醉醺醺的太白醉香鴒。
至於小菜，色、香、味都是高水準，其中有幾款都很出名的，如朗豪炸子雞，炸子雞本身肥而不膩，皮脆肉嫩，師傅連伴碟都兼顧周到，菜式用了幾十塊香脆藕片來伴碟，真有心思。另外海生蝦炒蛋白，師傅炒得真係好靚，靚得十足一件藝術品，令我唔想食佢，但係因為太肚餓，最後唔食都唔得^^...嘩，太好味啦！嫩滑既蛋白加上一隻隻彈牙既鮮蝦，好味得難以形容，用黎餸白飯認真一絕，值得推介！最後要講既係明閣總廚得獎菜式─蝦子鮮菌麒麟斑，斑塊和鮮竹一塊一塊隔著排列，加上魚頭、魚鰭和魚尾，賣相很好。食落去，蝦子、鮮竹配斑塊，第一次咁樣食，感覺很新鮮，仲好好味添，至於鮮什菌雖只是菜式的配角，但都好好味，我問左個侍應裡面有什麼菇？我才知道原來有靈芝菇，同鮮白菌等等我未聽過的菇...這道菜真不愧為冠軍作品！又一值得推介之作！
甜品，有好多選擇，有雷沙湯丸、香芒布甸、楊枝金露及多款糖水，據侍應所講原來每一日既甜品都會唔同。今日出完呢樣，聽日唔會再出呢樣！
天喔！連甜品都講求多元化，真係服得五體投地囉！
那天，那個侍應還很好人的免費送甜品給我，哈哈！^^
第三要講的是服務，明閣的侍應服務態度很好，有禮貌及親切的笑容，儀表很好，果然是五星級酒店，而且服務客人十分周到，這是值得讚揚的地方之一，加上侍應的手法亦非常熟練，真的十分專業。所以總括而言，服務水平達到五星！
至於抵食方面，真的因人而矣！我自己就覺得非常抵食，幾個人黎食lunch，平均每人都是消費一百幾十，就可以亨受以上三樣野，真是超值！不過夜晚食dinner就貴d，平均都要三百蚊一位！相比lunch之下真的冇咁抵食！
最後要講既係乾淨，眾所周知明閣開左都唔夠一個月，所有地方、枱櫈、碗碟方面都非常新，所以乾淨方面唔洗我講大家都知道啦！
其實只係得我講係冇用既，大家要親身試過先知道咩叫做五星級酒樓！
(覆返上面果位人兄，你所指的白色的類似慢頭的，其實係蝴蝶餅，用黎夾住菊花蜜餞金華火腿黎食的，我都係第一次食，唔錯！^^)
张贴