明記潮館 (砵蘭180+商場)

营业中

休息中

星期一放工的心情好需要約個朋友食個飯吹下水，旺角潮州打冷一定係《明記》，交通方便都好重要。鹵水拼盤係必須要點，特別優惠滿$300加$8就有啦，咪講笑，熱辣辣大大碟，樣樣有齊，豬耳、鵝腸、豬大腸、墨魚一啲都唔韌，一咬即開，仲有腩肉紅腸，件件好味。另外叫咗個孖寶，孖寶多款配搭，有海鮮有乳鴿，潮州打冷凍馬友都有得揀。豉汁蒸大白鱔~白鱔入口爽滑，蒸嘅火喉啱啱好，豉汁味道調得唔錯，正！金牌鹵水鵝~一樣夠大碟，鹵水鵝味道香濃，鵝肉嫩滑，鵝皮下脂肪唔多，唔會太肥。

旺角餐廳林立，今晚就揀了食潮州菜的明記潮館。涼瓜炆海斑頭腩煲$208，整個煲熱騰騰的上枱，飄出一陣的香味，涼瓜炆海斑頭腩用豆鼓蒜蓉炆，帶出海斑頭腩的鮮甜惹味，涼瓜腍中帶點爽口，吸收海斑頭腩的汁的鮮味，帶出涼瓜特有的甘香，很惹味！八頭南非鮑魚$136，擺盤都很精緻，差不多以為在食西餐。花菇頗大隻厚肉，吸滿鮑魚汁的味道，口感軟滑。八頭南非鮑魚頗有口感，頗有鮑魚味，性價比高。蠔仔肉碎粥(小)$80，面上放有很多芫茜蔥，蠔仔細細隻，但是很鮮甜，粥𥚃還有魷魚及梅菜等增加口感及鮮甜味，令整個蠔仔粥湯底更清甜。餐廳邁向六週年優惠，凡惠顧任何食品滿$300，可優惠價$8 選購擇一款滷水雜錦拼盤或韮菜豬紅。滷水雜錦拼盤，有豬肉、豬耳、豬大腸、鵝腸、紅腸、墨魚片……等，還有芽菜……滷水雜錦拼盤都很入味，尤其是豬耳及鵝腸很爽脆，可以試多款式，抵食。餐廳坐得舒適，價錢平民，性價比高。

♡ 旺角打冷必去｜明記潮館 ♡-嚟到旺角 想食打冷 / 潮州菜～ 第一時間就諗到 「明記潮館 亅。 有大排檔嘅裝修 同時 帶有人情味。服務員態度有禮、親切，有問必答👍 ✅茶位 $10/位 ✅小食 $20- ♡ 滷水雜錦拼盤 ♡ $180 （優惠價$8）而家凡惠顧滿$30， 就可以用優惠價換購🤩一嚟到已經見到好大盤 兩個人食都未必食得晒🤣入面有豬耳、紅腸、墨魚🦑、鵝腸同豬大腸， 滷水好入味。-♡ 潮州凍大眼雞 ♡ $228潮州菜最出名、最好食嘅食物就係凍大眼雞啦👍‼️打冷必點～ 蘸埋普寧豆醬真係好鮮甜。-♡ 蠔仔粥 （小） ♡ $80 比想像中大兜～ 細份都分到好幾碗 兩個人食啱啱好。蠔仔又大粒 大鮮甜 最重要無沙‼️仲有珍珠白光澤 👍配埋芫荽肉碎 仲有大地魚香味令到蠔仔粥更加香👍-♡ 飲品 ♡ 打冷 又點少得啤酒同汽水呢🤣～ ❥#⇢店鋪資料：明記潮館 (砵蘭180+商場) (旺角)旺角砵蘭街180號砵蘭180+商場3樓## 🔍尋找同區美食📍➾ #礦泥黃X旺角-#hkig #hk #hkfoodie #hkgirl #foodie #hkfood #foodstagram #food

彌敦道砵蘭街豉油街不嬲都有唔少食店 今日去咗明記潮館一試水煮魚片 魚片已經起咗骨 配料有大豆芽 木耳 薯粉吸曬啲湯汁精華 小炒皇 非常足料 有齊魷魚 韭菜 腰果 炸白飯魚仔 蝦乾 有多種口感 有酥脆有肉汁有香口有嫩口 全台都一致大讚呢個小炒皇有驚喜生炒糯米飯 非常足料 裏面有蝦米 臘腸 臘肉 冬菇 芫茜 蛋粒 炒得非常香 糯米飯又有煙煙韌韌嘅口感 另外而家做緊好似六週年優惠 旺角分店可以食滿$300只需$8就可以換購鹵水雜錦拼盤或者韭菜豬紅 我哋揀咗鹵水雜錦拼盤 份量都幾大 有豬腩肉/豬耳/魷魚等等 非常入味 又抵食

即係咁，得罪女友小熊就必定死罪啦!早排同小熊去幫襯果間什麼什麼 GOGO為食坊，結果食到一把火，佢果份鐵板餐完全無哩聲氣，鐵板餐嘅神粹獨有咋咋聲完全欠奉! 攪到小熊黑哂口面變黑熊，發脾氣話去樓上明記潮館好過! "好好好! 下次去! 下次去! 我請我請...." 緊係安撫隻黑熊先啦! 熊出沒注意!結果哩間 gogo 為食坊打入永不幫襯名單上!以為可以敷衍了事啦! 點知小熊又好鬼好記性! 突然問我幾時請佢去明記潮館!"我有話請咩?""有呀! 上次呀....." (下刪一萬字!)"哦哦哦.... 好好好..... 聽晚去聽晚去....."唉.... 個天點解賜小熊咁鬼好記性! 扮傻不成唯有硬食......原來佢掛住杯熊仔檸檬茶! 哩杯檸檬茶小熊超喜歡，又夠大杯又夠味，當然最中意係果隻冰熊仔啦! 隻冰熊仔都係落檸檬茶做原料! 唔係用水雪㗎! 夠哂誠意啦! 俾個超讚!記憶中.... 食滿300蚊，只要加8蚊就有滷水雜錦併盤 or 韮菜豬紅，上次叫過一次滷水併盤，以為8蚊雞係 hea hea 併盤，點知大大份一D都唔 hea! 結果食唔哂! 今次唔敢叫，驚浪費，但見到其他食客圍圍枱都叫!今次點咗熊

旺角金鋪最多, 表妹結婚要做賀禮, 今晚去旺角買金手錬, 完成後去食晚飯.    表妹喜歡食潮州菜, 決定去 明記潮館,  由商場電梯上3樓,面積大, 館內分左右兩個食堂. 左邊以大圓檯為主.右邊卡位雅座.另設 [金牌滷水] 檔,  打冷店擺設,  鹵水鵝, 鹵水食物如墨魚, 豬大腸, 鵝腸, 紅腸, 腩肉, 豬耳......好吸引.  有多個海鮮缸, 內有生猛魚, 蝦, 龍蝦, 蟹在游泳, 貝殼海產也不少. 看見潮州凍蟹,  巨形又搶眼, 今晚只得兩個人, 食吾完一隻, 下次約多些朋友食.部長好介紹,  彩頁餐牌食物真多....他說  明記潮館 開業六週年紀念, 正做優惠, 落單滿 $300, 只加 $8, 有 A, B 兩個選擇,  好抵食呀 !!  A, B 也夠潮!!茶水每位$5, 潮州小食兩款  $20-  有酸蘿蔔及炸花生,  酸蘿蔔清甜爽口, 提升胃口, 增加食慾.  花生夠脆口.  組合好好, 收費非常合理.    另有嘉士伯啤酒小姐全場服務, 酒客至愛.我們點了 鹵水鵝, 色澤鮮明, 份量足.好肉有鵝味, 用古法鹵水汁烹煮, 肉質油脂感豐富,  肥瘦適中, 鵝肉好入味

今日同外國回來嘅朋友食飯，所以選擇了一間潮州菜館，餐廳位於旺角，近地鐵站， 十分方便。首先叫了燒汁脆牛腩。呢種煮法好特別，朋友都話第一次試！牛腩外皮炸得香脆，而且不油膩。配上燒汁醬汁，有啲甜有啲酸，同牛腩嘅味道幾配合，好開胃。潮式炒麵線，經典的潮洲菜。炒麵線炒得條條分明，麵線不會炒得過淋，配上海鮮同蔬菜配料，味道更豐富。如果喜歡濃味，可以加一點豆瓣醬，好開胃。椒鹽鮮魷係百食不厭，鮮魷炸得香脆，裡面多汁，鮮魷爽口。椒鹽調味剛剛好，有啲香辣同埋微微嘅鹹味，好快就食晒成條。要特別一提，他們有六周年優惠，食品滿$300 ，就可以用$8 選購滷水雜錦拼盤或韭菜豬紅。我哋揀咗滷水三拼盤，因為入面有滷水鵝片、豬大腸同鵝腸。滷水鵝片好嫩滑，滷得好入味。豬大腸同鵝腸都好彈牙，抵食。明記嘅菜式種類好多，有滷水、海鮮、小炒、粉麵，實搵到啱自己口味的，個人覺得適合一大班人食！

明記潮館都係一間幾出名嘅潮州打冷餐廳，今次慕名而來，果然冇令我哋失望。孖寳A $360 - 潮州凍馬友、客家黃酒雞煲 (半隻)套餐裡面有兩款菜式，馬友肉嫩鮮美，再點少少麵豉醬，清新得來帶少少鹹香，令人回味無窮。客家黃酒雞煲亦都好出色。雞肉煮得非常嫩滑，滾住嚟食，黃酒香味越煲越濃郁，非常滋補。滷水雜錦拼盤 $8任何食品滿$300就可以用優惠價加碟小食，好抵食！拼盤裡面有好多款滷水小吃，豬耳、豬腸、紅腸、腩肉、粉腸等等，每一樣都入味！白飯 $16咁多款菜式，梗係要叫返搵白飯啦！

這間餐廳位於一座大廈2樓，位置近地鐵站所以10分方便。而且不難找到餐廳。餐廳空間十分寬敞。剛好餐廳有小食優惠，加$8就有一客滷水拼盤。有鵝腸 白菜和  豬耳 生腸 多不勝數。點了一盤花蛤，份量十足，醬汁亦十分入味。以一些青椒和辣椒調味，十分刺激味蕾。接下來就是蠔仔粥，份量也是足夠兩個人吃，與其說是粥，更覺得像泡飯。因為飯不算很稀，算不上是粥。可是味道確實不錯。很開胃。最後來的是雜果沙拉醬蝦球，這個配搭真的很搭配，吃起來味道甜甜的。很可惜沒有叫佐菜的飲品呢。如果喜歡吃潮州菜的朋友就記得要叫酒，肯定會為這一頓美食添加色彩。去旺角尋覓美食，這間餐廳確實是不錯的選擇。

今日同朋友去旺角食潮州嘢 餐廳雖然唔係喺大街大巷亦唔係地舖 但係都非常旺場鹵水鵝片 個底配咗鹵水豆腐同花生 鵝片都算Juicy 豆腐花生又入味鹵水雜錦拼盤 裏面有豬耳 鵝腸 豬腩肉 魷魚 大豆芽 紅腸 豬大腸等 而家旺角分店食滿300蚊加8蚊就可以換到 非常抵食水煮牛肉 牛肉有牛味有咬口 湯底夠麻夠辣 如果唔食得辣嘅朋友可能就要叫店員小辣喇炸蠔餅 蠔餅外皮炸到好酥脆 好多蠔肉 食落都鮮味 感覺唔會覺得好多粉團或油膩 算係一個幾好食嘅炸蠔餅Overall 呢度食物質素真係唔錯 難怪地點雖然唔起眼 但係當日平日夜晚都接近全場滿座

同一班男性朋友食飯, 首選一定係食大排檔, 打冷果D,因為抵食夾大件, 性價比夠晒高, 雖然我好鐘意D種氣氛, 但我又好怕熱, 所以朋友帶我去旺角試下明記潮館, 有氣氛之餘最緊要有冷氣入面既格局, 裝修都好大排檔, 但冷氣真心夠, 兩者既優點係晒度,唔怪得識飲識食既朋友都帶我黎啦!椒鹽白飯魚-$128脆口香辣, 鹹香中帶點濃郁的椒鹽味道, 送飯或者送粥都係一流之選!滷水雙拼(墨魚拼大腸)-$160墨魚拼大腸, 兩者口感迥異, 卻相互襯托, 墨魚彈牙鮮嫩, 大腸鮮香爽口, 滷水的香氣滲透其中, 令人食指大動雜拼-優惠價$8原來叫夠$300, 只需加優惠價$8, 就可以叫到一份雜拼或者豬紅, 真係抵到爛!這份雜拼組合豐富多彩，包括墨魚, 大腸, 鵝腸, 紅腸, 腩肉, 豬耳, 估唔到$8就可以都有咁既質素, 堅係益街方方魚肉碎粥-$80鮮美滑潤, 香噴噴, 令人回味, 加入蔥花和薑絲, 更添風味, 每人都分到2-3碗仔, 都肯定夠晒飽總結明記潮館好抵食又好味, 一定會再黎下次食飯+吹水!

最近同男朋友去咗明記潮館食飯，真係食得好開心！我地試咗幾款招牌菜，其中啫啫大鱔雞煲真係好出色！鱔魚肉質鮮嫩，同雞肉一齊煲煮，令人食得好過癮。特別係啫啫鱔肉，口感滑嫩，帶有微微嚼勁，真係好好食！另外一款菜式係韭菜豬紅，個豬紅煮得剛剛好，肉質鮮嫩，韭菜爽脆，兩者配合得非常好。豬紅嘅鮮味同韭菜嘅香氣相互襯托，食落好開胃。最後，我地試咗薑蔥魚雲煲。魚肉鮮嫩，滲透咗薑蔥嘅香味，令整道菜有一個濃郁嘅風味。魚肉入口即化，真係好好食！除咗呢啲菜式，明記潮館嘅服務亦都好好，服務員態度親切，有問必答，令我地感到好溫暖。環境舒適，氣氛輕鬆，真係一個適合與親朋好友聚餐嘅地方。明記潮館嘅菜式豐富多樣，味道正宗，服務一流。如果你鍾意食潮州菜，明記潮館絕對係一個值得一試嘅地方。下次再嚟旺角，我一定會再嚟明記潮館，品嚐更多美食！

先談談蜜糖牛柳粒薯仔。這道菜以嫩滑多汁的牛柳粒和金黃酥脆的薯仔為主要材料。整道菜散發出誘人的香氣，從第一口品嚐起，我立刻被它所征服。牛柳粒經過特殊的處理，保持了它們的鮮嫩口感，每一口都散發出濃郁的牛肉香味。而薯仔則炸至外層酥脆，內部依然保持著軟熟的口感。蜜糖的甜味結合了牛肉和薯仔的風味，創造出一種獨特的口感和味道。接下來是蒸大蝦。這是一道展現明記餐廳精湛廚藝的菜品。大蝦新鮮且鮮嫩，蒸煮後保持了它們的原汁原味。蝦肉鮮美多汁，每一口都彷彿在口中爆發出豐富的海鮮風味。蝦黃更是蒸煮得剛好，帶有濃郁的蝦味，令人回味無窮。除了美味的食物，明記餐廳的服務也值得一讚。服務人員熱情友善，隨時關注客人的需求，確保用餐體驗順利。他們提供快速而周到的服務，讓我感到賓至如歸。

潮州蠔仔粥是一道潮非常受歡迎的美食。它的特點是使用生蠔和米一起煮成濃稠但有口感的粥湯。這道粥湯的口感非常綿密，帶有淡淡的蠔鮮味，令人回味無窮。蠔仔粥的獨特之處在於蠔的鮮嫩和米的黏滑完美結合，形成了一種獨特的口感。蠔餅是受歡迎的小吃，它是用麵粉和蠔肉混合製成的煎餅。蠔餅的外層金黃酥脆，內部鬆軟，口感豐富。裡面的蠔肉鮮嫩多汁，散發著濃郁的海鮮香氣，與煎餅的酥脆形成了絕妙的對比。潮州蠔餅通常配有特製的辣椒醬，這種醬料的微辣口感能夠提升整個菜餚的風味。

有朋自遠方來，想帶他們吃一些特別的食物，位置方便，最後選擇了旺角明記，電話訂位7:00，對方並沒有提及交枱時間，我們一行4人6:30到了。坐下不久，便完全點菜，在7:30左右，朋友見到隔枱有大杯0茶，好有興趣，便又叫了，食到7:45左右，有一位廣東話不純正的女伙記已經清我們枱上的碟，但部份碟上還有一些食物，給我們阻止了。之後就不時在我們枱旁行來行去，都幾明顥想我們快一點走，但眼看並不是滿座，由於飲品還剩很多，也有食物未食完，我們也沒有太理會她的行徑。直至8:30 老公出去厠所順便埋單，那位女伙記應該不知，行到我們枱旁邊，用一些不好的語氣+不好眼神，跟我們說"我哋啲枱用餐時間只係2個鐘架咋"，我的朋友都給她的行為嚇了一跳。跟著我只回佢"巳經有人出咗去埋單"，然後她由惡劣態度立刻變樣笑著說"係呀！出咗去埋喇"。跟著我朋友跟我說，都唔係滿座，又冇人等位。同埋食物又唔係十分好啫。我唯有跟朋友說，香港食肆做唔住，其實真係有原因。我相信我以後都唔會再去呢間明記。