明記潮館 (砵蘭180+商場)

营业中

休息中

前身係金星戲院。而家變咗幾層樓食嘢。book咗位一行八人想去食飯。潮州打冷小菜一上到去原來係喺2樓本身冇留意。上到一樓有班姐姐喺樓梯口問幾位有冇定位，當搵緊個招牌係咪呢間嘅時候啲阿姐就話係咪搵明記，我哋話係啦，佢哋即刻態度好差，咁話樓上。唔好企喺度阻住人上落。我心諗你有冇病係你問我。我咪企喺度答你囉。咁樣嘅態度講真，真係想有人食都幾難，人哋今次唔係幫襯你，你咁嘅態度，下次都唔會黎。講返正題先 ，劣評係俾一樓嗰間，唔知乜餐廳，上到明記，當時6點半左右未開始爆場，坐喺度等齊人先叫嘢食都冇人會催落單，但係會有留意你有咩需要，即係唔係唔理你👍🏻👍🏻連賣啤酒嘅姐姐，我哋唔好飲酒，佢都肯幫我哋叫嘢食，同埋影相，侍應哥哥亦都好好禮貌又風趣，食物都算多選擇，水準中規中矩唔算得上話好好食，不過環境都OK。食完走人都仲有好多人喺度排緊。所以建議book好位先至嚟就唔使等咁耐啦👍🏻下次其他朋友聚會都會推薦下呢一間明記👍🏻👍🏻推介嘅嘢食有大良炸牛奶，佢好出色唔甜。啱晒香港人口味，不過炒蜆就爭啲啦，因為好多都唔開口，滷水正正常，食300仲可以用幾蚊換豬紅或者滷水雜錦👍🏻順帶一提明記嘅食物口味偏淡，要重口味嘅可能

朋友好鍾意食潮州菜，今晚又約咗我去旺角明記潮館聚下舊，明記潮館主打潮州打冷、海鮮小菜火鍋，價錢份量都經濟，室內燈光明亮，地方整潔又夠大。入座後先送上清茶和小食。京都焗肉排，肉排採用以先醃後炸的料理手法，鹹鹹甜甜的京都肉排特色在於色澤紅潤鹹鮮微甜. 有別於一般糖醋排骨.它的味道更加鮮美。潮式蠔仔餅，香酥不油膩，表面香脆，內裏煙韌，加上蠔的鮮甜味，令人難以抗拒！乾撈海皇粉絲煲，粉絲炒得香噴噴又夠乾身，海鮮有蝦仁、魷魚、帶子粒、芽菜、蛋、蔥花，非常足料，可以爲平淡無奇的粉絲帶來濃郁的鮮味。口味咸鮮。惠顧任何食品滿$300，可優惠價$8選購韭菜豬紅或滷水雜錦拼盤，我哋揀咗韭菜豬紅，份量十足，唔會因係8蚊而減少份量，韭菜豬紅是潮州打冷不能少的美食，香濃的醬汁滲入豬紅及韭菜，真的食過返尋味。

呢間野吃過幾次，食物質素都keep得幾好，幾好坐，有大排檔風味但比大排擋乾淨好坐，如果同朋友吃飯吹水係幾唔錯嘅選擇，入面好多人相對偏嘈，如果你係想靜靜地食飯就唔係好啱，如果係想吃飯飲啤酒聚會ok👍🏻 潮洲野，海洋

朋友提議去打冷，見到資料顯示😋數目及人均消費，於是book位試吓。一行五人坐低連餐牌都未睇清楚，店員15分鐘內3次推銷食$28/両嘅花竹蝦，不停話先落單留一斤，又攞兩隻凍蟹硬銷，想我哋接收，但我哋一一拒絕後，店員黑住面咁幫我哋落單，仲落漏咗煎蠔烙及方魚肉碎粥兩樣，追加返又入錯枱號😖。食物質素及味道，不值一提😔最後埋單$1179 ，當店員找續回來時，竟然奉上一句：下次食好D喇～～！下次真係要食好D，不過一定唔會係 ‘明記潮館’ 囉～～😏

早兩星期前訂好位 14 個成人去到職員只提供大廳一張8-10人枱真係迫少少都坐唔落當刻問職員會唔會再有大張少少既枱比我地個職員諗都唔諗就話無之後望到有兩三間吉房仲有大枱再問職員先話要比最低消費先可以坐我地即刻話無問題但點解唔一早問我地要唔要轉房？ 係咪覺得食唔起？點解一早訂枱個陣唔講？ Ok fine當你地忙，準備唔切入到房叫餸個職員叫叫下走左去，話我地張枱會唔夠位放餸所以唔好叫住，喂阿哥，你唔夠位放餸唔識叫廚房hold住後上？最後分幾次叫餸又漏單！如果大家會叫海鮮一定要問清楚價錢，職員會建議你叫條乜魚乜蝦，一定要問清楚幾錢！！因為佢地太忙唔會覆你話幾錢幾重之類，我地都有責任無問清楚，食左職員推介既椒鹽立魚幾重幾大條真係唔知，呢味餸埋單$588 。個人覺得唔值，炸得唔脆、魚肉味欠奉、可能蒸仲好食其他餸全部一般大排檔水平無下次

有一段時間沒有吃潮州菜，今日同朋友去到旺角明記潮館，滿足一下口褔。潮州菜必食的滷水掌翼，滷水汁很入味，每件啖啖肉，很美味。另外消費滿$300，就可以加$8品嚐美味的滷水雜錦併盤，併盤有鵝腸，豬耳，豬大腸，腩肉，墨魚片，紅腸及大豆牙菜，每款味道很好。石鍋啫生菜，新鮮的生菜放在熱辣辣的石鍋內，加入肉碎及醬汁，非常冶味。潮式蠔仔餅，鬆脆的炸醬包著一粒粒新鮮的生蠔，再加入很多蔥花一起煎炸，非常鬆脆可口，加少少魚露，好好味。

今次點了煎蠔餅、滷水鵝片、椒鹽鮮魷和蠔仔粥，全部都係水準之內！煎蠔餅外皮酥脆，蠔仔尚算鮮嫩，基本上每次嚟呢度都會嗌呢個餸架啦，不過可能疫情完咗之後客人都開始多番，今次嘅份量就冇疫情期間既時候咁大份啦。滷水鵝片既肉質就一般啦，配上醬汁就好食好多。椒鹽鮮魷 椒鹽嘅味道好出，食落酥脆，上枱嘅時候熱辣辣，用個鼻已經聞到新鮮炸起嘅油炸酥味，送啤酒真係一流。蠔仔粥的粥底大大份，蠔仔都算多， 食極都仲有好多料。除了以上菜式外，我哋仲加咗 $8 點左一個滷水拼盤，呢個就真係同送嘅冇分別啦。總括嚟講，呢間潮州菜既出品都係水準之內， 價錢都算抵食。 最啱一大班人嚟gathering，飲下啤酒食下蠔餅咁就一流啦。😂

旺角明記潮館是一家以廣東及潮州菜為主的餐廳，進入餐廳內部，被裝修古色古香的環境和溫馨舒適的氛圍所吸引。我品嚐了他們的鵝片、石鍋啫啫通菜、蠔仔粥和韮菜豬紅等招牌菜。鵝片肉質鮮嫩、鵝皮薄脆，口感十分美味，讓人回味無窮。石鍋啫啫通菜清香爽口，配以豬肉和蝦米等調味料，入口爽滑，讓人食欲大開。蠔仔粥米粉入口即化，蠔肉新鮮，味道鮮美，是一道非常受歡迎的粥品。韮菜豬紅豬肉味道鮮美，韮菜清香爽口，口感豐富，讓人愛不釋手。餐廳的服務也十分周到，服務員態度親切，讓人感覺非常舒適。整體來說，旺角明記潮館的菜品味道鮮美、口感豐富，讓人食欲大開。如果您喜歡廣東及潮州菜，不妨來到旺角明記潮館品嚐一下，相信您一定會喜歡上這家餐廳。

朋友推介，所以又來試下，而家真係冇咩地方打冷。呢度性價比都算高，食物質素不俗，同份量都好足夠。因為大大碟，最好四人以上來，可以試多d野。揀左四樣野，再加埋$8 送滷水拼，抵！最like鵝片滿$300 就可以加$8有個滷拼/豬紅椒鹽鮮魷粉絲什菜煲蠔餅啲蠔大大粒大大杯熊仔凍檸茶$42大家見到都好開心總括來講，都好滿意，食得開心見星期一佢都好旺場，但可以坐到好夜。

2023年6月26號晚上打電話想訂枱同朋友聚餐，一位女士接聽，然後話唔駛訂枱就直接cut線，態度惡劣！可能貴餐廳生意忙到講多幾句都唔得閒呢啲餐廳咁都有三百幾百個讚好真係好生意呀

朋友話帶我去間潮州菜館，碟碟份量超多。潮州菜館位於砵蘭街為食坊。行到3樓就見到。有海鮮同小菜等選擇。惠顧滿$300，可優惠價$ 8，選購滷水拼盤或韭菜豬紅。前菜咸菜味道開胃，花生香脆。滷水拼盤有鵝腸、豬大腸、紅腸、豬腩肉、豬耳同墨魚，香氣四溢。大豆芽非常爽口，充滿香濃滷水味。招牌煲仔焗花蛤花蛤花甲分量十足，整煲上桌既可以保溫，而且好吸睛。花蛤肉厚大大隻，非常鮮甜。石煱啫啫通菜石鍋熱辣辣啫啫聲，通菜翠綠，鹹香十足 。蠔仔粥蠔仔帶豐富海鮮味，加人胡椒粉，味道更有層次。蠔仔漲卜卜，口感獨特。

本身我哋10個人去食打冷等咗好耐都冇位，之後佢哋話有間房俾我哋但係最低消費要$2500 ，心想10個人每人$250飲埋就應該好簡單食到中段嘅時候，我哋問夠唔夠$2500 ，佢話我哋仲欠$1000 ，結果我哋繼續叫多幾碟小菜到買單嘅時候，佢話飲品加一小食茶界全部唔計$2500在內，最低消費係$2500再加飲品結果買單係3500多元感覺自己受騙，其實如果一早講明係$2500不包酒水的話，俾錢會俾得心甘情願一點以後都唔會幫襯😭

潮州打冷好像一向都是男人專利，今天和女友人們到這裡試試，感覺不錯。原來女友人帶我來目的是為了這杯打卡檸檬茶🤪🤪味道確實不錯，而且可以慢慢坐，和一班朋友來聚聚舊也是一個好地方！

想食打冷但係又想地方乾乾淨淨，這間位於旺角的餐廳就得啦！餐廳佔地一層，有大量座位，亦有VIP房！餐牌上有多款菜式可以選擇！鹵水鵝片，食打冷又點少得食鹵水鵝呢！這裡的鵝片不會好肥，鵝肉入味，點上醋一齊食特別惹味！而鵝肉下面仲有花生和鹵水豆腐，十分美味！潮州凍烏頭，凍烏頭又係打冷必食，烏頭魚肉嫩滑，帶有少少咸味，點上豆醬一齊食，味道更鮮味！明記荔枝骨，荔枝骨醬汁酸酸甜甜，排骨有稍稍炸過，多肉少骨，食落啖啖肉好正，而醬汁亦帶有淡淡的荔枝味，味道較清新！石鍋啫啫通菜，通菜用上石鍋呈上，熱辣辣，味道咸香，微辣，通菜爽身，食到最後一啖都保存到熱到，好惹味！韭菜豬紅，叫滿$300加$8就可以食到韭菜豬紅，雖然是$8，但份量都好足！豬紅味道夠入味，食落好滑身，帶有少少辣！再點上一碗潮州白粥一齊食十分美味呢！

一出旺角就有選擇困難，唔知食乜好一直想試潮洲菜，朋友推介✨明記潮館海鮮州菜✨🌈熊仔凍檸茶熊仔好cute cute，打咭真係無得輸🌈避風塘茶樹菇相當惹味，茶樹菇炸到好酥脆好香口，一咬就食出鮮菇味🌈煎蠔烙炸到金黃酥脆，蠔肉鮮甜美味，入口唔覺好油🌈鹵水鵝片鵝片大大片，啖啖肉，好入味，肥瘦適中🌈鹵水拼盤紅腸，墨魚片，豬耳，豬腸，鵝腸樣樣都好入味🌈潮州凍大眼雞魚身好厚，食落鮮味，肉質結實🌈韮菜豬紅相當入味，豬紅食落唔會腥🌈燒汁脆牛腩牛腩厚薄適中，肉質就稍為乾，好彩食落唔鞋🌈石鍋啫啫芥蘭熱辣辣，芥蘭好嫩，調味好惹味