明記潮館 (砵蘭180+商場)

营业中

休息中

同爸爸食潮州菜, 這間特色是不用露天食打冷😆 內裡裝修已懷舊為主，適合喜歡打卡📸「蠔仔粥」 潮州菜點少得蠔仔粥，粒粒蠔也是脹卜卜，而且size是中size，湯底清甜🥰「煎蠔餅」 同蠔仔粥的蠔仔一樣size，這個蠔餅沒有太多粉漿，而且好多蠔仔，所以淡淡蠔肉👍🏻「滷水併盆」這個拼盤超級抵食，$8選購已經有基本滷水食物，墨魚，腩肉，豬耳，紅腸🤭味道也不會太鹹👍🏻「滷水掌翼」 掌翼最好味嘅地方就是中間，滷水汁入晒味，而且不會太過老😌「煲仔煮蜆」份量十足😝備註：🔺滿$300，可以優惠價$8選購併盤😁抵！🔺裝修已懷舊為主，可以打卡📸

食物ok，但不足以抵銷極差的服務態度。食左咁多間羊腩煲都有支竹，但呢間係要另外加錢叫。服務態度差還要收加一。價錢偏貴，一罐可樂都要18蚊，藍妹都要39蚊一支。最後埋單個老女人仲要勁串，問佢收唔收信用卡，佢話收。開左手機支付等佢，佢仲喝我：你唔講係手機？唔知係咪情緒控制能力有問題。不過又咁講，開得係旺角預左服務差嘅，不過就唔建議再收加一。相比之下市面上有更多好嘅選擇。希望想食呢間嘅，慎重考慮。總括而言：建議執左佢啦。

豬紅必食，好滑唔會有臭味，雖然個汁有d油燒鵝都唔錯，佢肉唔會太鞋太老，加少少酸汁會好d，因為佢個汁唔算入味但唔會過咸鮮魷就正常發揮，係唔會太重面粉味，但就唔算好吸引個排骨好食，d肉林既，唔會過甜個醬，送飯好夾蠔仔餅就正常發揮，蠔仔係細小d既，炸粉都好鬆化，要點個咸汁先有味，蠔仔粥都正常發揮，唔會有腥味通菜好味既，但就偏重味同咸，要送飯炒貝就一般，因為佢唔入味，如果有少少辣味會香口d，同偏油一點，都唔算飽滿

菜品選擇多，但今晚點的每個菜都很咸，最好配白粥或白飯，喝冰啤酒挺爽。椒鹽魷魚不好食，感覺很柴不親鮮。其他味道都不錯，就是太咸。服務非常一般，特別是收錢的沒什麼禮貌，就這味道，我是不會再去了。環境不錯，需然在室內有點大排檔風味，干淨，地方大，每坐相隔比較寛。最近有活動，＄8可點指定菜品

餐廳裝修佈置比較懷舊風，有老香港嘅情懷，喺度食飯感覺有啲似大排檔，好有feel👍🏻餐廳有好多個套餐選擇，我同朋友就選擇左💥孖寶 J💥 $368有兩個餸⭐豉汁蒸大白鱔- 大白鱔蒸得啱好好 ，皮滑肉嫩，夠爽口，每舊都好厚肉配⭐金牌滷水鵝- 滷水鵝好重滷水味，而且啖啖肉，鵝肉又唔肥；連配料嘅豆腐都一樣咁好食! 而我最鐘意食⭐蠔仔粥$80- 一大碗，勁多蠔仔肉，3至4都夠食最驚喜係佢地既週年優惠只要優惠任何食品滿$300就可以優惠價$8加購左個⭐韮菜豬紅- 豬紅煮得非常入味，估吾到只係$8就可以食到咁好質素嘅韮菜豬紅，非常有驚喜😋整體今晚嘅所有食物質素幾好，價錢合理，性價比都高，讚👍

從來冇試過有一間潮州菜咁難食豉椒炒蜆蜆肉又鞋又冇味又多沙，明顯唔新鮮。自己煮都會好過佢好多鹵水鵝片鵝肉鞋完全無味，圖中就係食剩既，難食石鍋介蘭鍋 咸，非常咸凍烏頭正常熊仔檸茶即使要少甜亦相當甜埋單$800，人均$400座位擠擁，通道狹窄，被員工推車撞了五六次絕對無下次

星期一放工的心情好需要約個朋友食個飯吹下水，旺角潮州打冷一定係《明記》，交通方便都好重要。鹵水拼盤係必須要點，特別優惠滿$300加$8就有啦，咪講笑，熱辣辣大大碟，樣樣有齊，豬耳、鵝腸、豬大腸、墨魚一啲都唔韌，一咬即開，仲有腩肉紅腸，件件好味。另外叫咗個孖寶，孖寶多款配搭，有海鮮有乳鴿，潮州打冷凍馬友都有得揀。豉汁蒸大白鱔~白鱔入口爽滑，蒸嘅火喉啱啱好，豉汁味道調得唔錯，正！金牌鹵水鵝~一樣夠大碟，鹵水鵝味道香濃，鵝肉嫩滑，鵝皮下脂肪唔多，唔會太肥。

旺角餐廳林立，今晚就揀了食潮州菜的明記潮館。涼瓜炆海斑頭腩煲$208，整個煲熱騰騰的上枱，飄出一陣的香味，涼瓜炆海斑頭腩用豆鼓蒜蓉炆，帶出海斑頭腩的鮮甜惹味，涼瓜腍中帶點爽口，吸收海斑頭腩的汁的鮮味，帶出涼瓜特有的甘香，很惹味！八頭南非鮑魚$136，擺盤都很精緻，差不多以為在食西餐。花菇頗大隻厚肉，吸滿鮑魚汁的味道，口感軟滑。八頭南非鮑魚頗有口感，頗有鮑魚味，性價比高。蠔仔肉碎粥(小)$80，面上放有很多芫茜蔥，蠔仔細細隻，但是很鮮甜，粥𥚃還有魷魚及梅菜等增加口感及鮮甜味，令整個蠔仔粥湯底更清甜。餐廳邁向六週年優惠，凡惠顧任何食品滿$300，可優惠價$8 選購擇一款滷水雜錦拼盤或韮菜豬紅。滷水雜錦拼盤，有豬肉、豬耳、豬大腸、鵝腸、紅腸、墨魚片……等，還有芽菜……滷水雜錦拼盤都很入味，尤其是豬耳及鵝腸很爽脆，可以試多款式，抵食。餐廳坐得舒適，價錢平民，性價比高。

♡ 旺角打冷必去｜明記潮館 ♡-嚟到旺角 想食打冷 / 潮州菜～ 第一時間就諗到 「明記潮館 亅。 有大排檔嘅裝修 同時 帶有人情味。服務員態度有禮、親切，有問必答👍 ✅茶位 $10/位 ✅小食 $20- ♡ 滷水雜錦拼盤 ♡ $180 （優惠價$8）而家凡惠顧滿$30， 就可以用優惠價換購🤩一嚟到已經見到好大盤 兩個人食都未必食得晒🤣入面有豬耳、紅腸、墨魚🦑、鵝腸同豬大腸， 滷水好入味。-♡ 潮州凍大眼雞 ♡ $228潮州菜最出名、最好食嘅食物就係凍大眼雞啦👍‼️打冷必點～ 蘸埋普寧豆醬真係好鮮甜。-♡ 蠔仔粥 （小） ♡ $80 比想像中大兜～ 細份都分到好幾碗 兩個人食啱啱好。蠔仔又大粒 大鮮甜 最重要無沙‼️仲有珍珠白光澤 👍配埋芫荽肉碎 仲有大地魚香味令到蠔仔粥更加香👍-♡ 飲品 ♡ 打冷 又點少得啤酒同汽水呢🤣～ ❥#⇢店鋪資料：明記潮館 (砵蘭180+商場) (旺角)旺角砵蘭街180號砵蘭180+商場3樓## 🔍尋找同區美食📍➾ #礦泥黃X旺角-#hkig #hk #hkfoodie #hkgirl #foodie #hkfood #foodstagram #food

彌敦道砵蘭街豉油街不嬲都有唔少食店 今日去咗明記潮館一試水煮魚片 魚片已經起咗骨 配料有大豆芽 木耳 薯粉吸曬啲湯汁精華 小炒皇 非常足料 有齊魷魚 韭菜 腰果 炸白飯魚仔 蝦乾 有多種口感 有酥脆有肉汁有香口有嫩口 全台都一致大讚呢個小炒皇有驚喜生炒糯米飯 非常足料 裏面有蝦米 臘腸 臘肉 冬菇 芫茜 蛋粒 炒得非常香 糯米飯又有煙煙韌韌嘅口感 另外而家做緊好似六週年優惠 旺角分店可以食滿$300只需$8就可以換購鹵水雜錦拼盤或者韭菜豬紅 我哋揀咗鹵水雜錦拼盤 份量都幾大 有豬腩肉/豬耳/魷魚等等 非常入味 又抵食

即係咁，得罪女友小熊就必定死罪啦!早排同小熊去幫襯果間什麼什麼 GOGO為食坊，結果食到一把火，佢果份鐵板餐完全無哩聲氣，鐵板餐嘅神粹獨有咋咋聲完全欠奉! 攪到小熊黑哂口面變黑熊，發脾氣話去樓上明記潮館好過! "好好好! 下次去! 下次去! 我請我請...." 緊係安撫隻黑熊先啦! 熊出沒注意!結果哩間 gogo 為食坊打入永不幫襯名單上!以為可以敷衍了事啦! 點知小熊又好鬼好記性! 突然問我幾時請佢去明記潮館!"我有話請咩?""有呀! 上次呀....." (下刪一萬字!)"哦哦哦.... 好好好..... 聽晚去聽晚去....."唉.... 個天點解賜小熊咁鬼好記性! 扮傻不成唯有硬食......原來佢掛住杯熊仔檸檬茶! 哩杯檸檬茶小熊超喜歡，又夠大杯又夠味，當然最中意係果隻冰熊仔啦! 隻冰熊仔都係落檸檬茶做原料! 唔係用水雪㗎! 夠哂誠意啦! 俾個超讚!記憶中.... 食滿300蚊，只要加8蚊就有滷水雜錦併盤 or 韮菜豬紅，上次叫過一次滷水併盤，以為8蚊雞係 hea hea 併盤，點知大大份一D都唔 hea! 結果食唔哂! 今次唔敢叫，驚浪費，但見到其他食客圍圍枱都叫!今次點咗熊

旺角金鋪最多, 表妹結婚要做賀禮, 今晚去旺角買金手錬, 完成後去食晚飯.    表妹喜歡食潮州菜, 決定去 明記潮館,  由商場電梯上3樓,面積大, 館內分左右兩個食堂. 左邊以大圓檯為主.右邊卡位雅座.另設 [金牌滷水] 檔,  打冷店擺設,  鹵水鵝, 鹵水食物如墨魚, 豬大腸, 鵝腸, 紅腸, 腩肉, 豬耳......好吸引.  有多個海鮮缸, 內有生猛魚, 蝦, 龍蝦, 蟹在游泳, 貝殼海產也不少. 看見潮州凍蟹,  巨形又搶眼, 今晚只得兩個人, 食吾完一隻, 下次約多些朋友食.部長好介紹,  彩頁餐牌食物真多....他說  明記潮館 開業六週年紀念, 正做優惠, 落單滿 $300, 只加 $8, 有 A, B 兩個選擇,  好抵食呀 !!  A, B 也夠潮!!茶水每位$5, 潮州小食兩款  $20-  有酸蘿蔔及炸花生,  酸蘿蔔清甜爽口, 提升胃口, 增加食慾.  花生夠脆口.  組合好好, 收費非常合理.    另有嘉士伯啤酒小姐全場服務, 酒客至愛.我們點了 鹵水鵝, 色澤鮮明, 份量足.好肉有鵝味, 用古法鹵水汁烹煮, 肉質油脂感豐富,  肥瘦適中, 鵝肉好入味

今日同外國回來嘅朋友食飯，所以選擇了一間潮州菜館，餐廳位於旺角，近地鐵站， 十分方便。首先叫了燒汁脆牛腩。呢種煮法好特別，朋友都話第一次試！牛腩外皮炸得香脆，而且不油膩。配上燒汁醬汁，有啲甜有啲酸，同牛腩嘅味道幾配合，好開胃。潮式炒麵線，經典的潮洲菜。炒麵線炒得條條分明，麵線不會炒得過淋，配上海鮮同蔬菜配料，味道更豐富。如果喜歡濃味，可以加一點豆瓣醬，好開胃。椒鹽鮮魷係百食不厭，鮮魷炸得香脆，裡面多汁，鮮魷爽口。椒鹽調味剛剛好，有啲香辣同埋微微嘅鹹味，好快就食晒成條。要特別一提，他們有六周年優惠，食品滿$300 ，就可以用$8 選購滷水雜錦拼盤或韭菜豬紅。我哋揀咗滷水三拼盤，因為入面有滷水鵝片、豬大腸同鵝腸。滷水鵝片好嫩滑，滷得好入味。豬大腸同鵝腸都好彈牙，抵食。明記嘅菜式種類好多，有滷水、海鮮、小炒、粉麵，實搵到啱自己口味的，個人覺得適合一大班人食！

明記潮館都係一間幾出名嘅潮州打冷餐廳，今次慕名而來，果然冇令我哋失望。孖寳A $360 - 潮州凍馬友、客家黃酒雞煲 (半隻)套餐裡面有兩款菜式，馬友肉嫩鮮美，再點少少麵豉醬，清新得來帶少少鹹香，令人回味無窮。客家黃酒雞煲亦都好出色。雞肉煮得非常嫩滑，滾住嚟食，黃酒香味越煲越濃郁，非常滋補。滷水雜錦拼盤 $8任何食品滿$300就可以用優惠價加碟小食，好抵食！拼盤裡面有好多款滷水小吃，豬耳、豬腸、紅腸、腩肉、粉腸等等，每一樣都入味！白飯 $16咁多款菜式，梗係要叫返搵白飯啦！

這間餐廳位於一座大廈2樓，位置近地鐵站所以10分方便。而且不難找到餐廳。餐廳空間十分寬敞。剛好餐廳有小食優惠，加$8就有一客滷水拼盤。有鵝腸 白菜和  豬耳 生腸 多不勝數。點了一盤花蛤，份量十足，醬汁亦十分入味。以一些青椒和辣椒調味，十分刺激味蕾。接下來就是蠔仔粥，份量也是足夠兩個人吃，與其說是粥，更覺得像泡飯。因為飯不算很稀，算不上是粥。可是味道確實不錯。很開胃。最後來的是雜果沙拉醬蝦球，這個配搭真的很搭配，吃起來味道甜甜的。很可惜沒有叫佐菜的飲品呢。如果喜歡吃潮州菜的朋友就記得要叫酒，肯定會為這一頓美食添加色彩。去旺角尋覓美食，這間餐廳確實是不錯的選擇。