拉麵台風 (已搬遷) 新店位置

難得來到荃灣區, 實在要專程來到拉麵台風, 看看這家長期躋身 OpenRice 十大的食店有甚麼本領。星期六下午約三時來到, 剛好不用排隊, 感恩！點選了魚介豬骨湯拉麵 ($78), 看起來賣相不俗, 亮點卻是於日式拉麵中較為罕見的生菜。這裡的豬骨湯沒有平日常見的奶白色, 有一層頗厚的油層, 看起來頗為油膩。喝一口, 發覺完全沒有預期中的鹹味, 換來的卻是微甜的味道, 質感非常厚身, 可能因此而減少了如賣相般的油膩感。魚粉是另外放到一片大紫菜上, 不像一般店子般一早混到湯內, 顧客可以隨個人喜好而加入不同份量的魚粉到湯內, 品嚐不同層次的味道, 是個體貼的安排。加入了魚粉後的豬骨湯, 味道大為提升, 或許是這裡的豬骨湯本身味道較清淡的關係, 魚介在這裡發揮了極大作用。這裡的溏心蛋也做得很好, 隨每碗拉麵附送半只, 不用額外點選, 看看賣相便知是上佳質素了。

店仔細細...但係個拉面真係唔錯架..店員服務很貼心...當你有特別要求少拉面佢會問你想要咩配料,補返俾你...我每次都要半個拉面架咋..佢都會問我..咁你想要加返d咩?叉燒?旦?紫菜?當我走芽菜果陣..佢又會問我..咁你要唔要加返d蔥呀...或者紫菜?我好中意食辣,覺得佢個辣拉面幾好味...唔錯..個拉比較粗..唔同我地平時食開幼身果d...值得一試架...

一入到店門口就以日語歡迎，沒有話限時食幾耐。入到去是以bar枱形式坐下，可以望住師父有冇偷工減料🙈，佢地講既日語十分準十分正確幾好！當我坐下，他們隨著給我一張點餐紙，價錢是讓你吃一驚！一個lunch  要$78😭😭😭，對於我這個一般士民實在有點貴....等了約15分鐘就整好，湯低應該加了不小鷹粟粉，令佢gip gip地鎖住熱力，拉面系十分好食，但個湯低稍遜，無味且咸，失望失望。總括而言，隨了拉面本身好食之外，其餘的都頗差，比起其他烏冬／拉面店既湯低淡同咸

呢間"台風"拉麵店都開左好一排~~~ 初頭都唔諗住試, 最後見到個朋友食完大讚~~~攪到我心思思黎左食番次~哎呀, 食完真係有小小失望~!**************入正題, 講番碗拉麵啦, 舖頭入面位唔多, 所以想黎試既你, 最好早D去等定位~等位時, 店員會比張拉麵紙你圈番, 想食既拉麵款, 麵既口感? 麵既多少? 香油醬汁多少? 京蔥要唔要? (((全部都得選擇GA)))拿~~~ 之前我第一次去食"豚X"拉麵, 香油醬汁都選左要"多" 結果麻麻, 原來選番"普通"係最prefect~之後去食其他拉麵店, 我都會香油醬汁選番"普通" 去到唔明張紙個拉麵名等於咩黎呢? 唔緊要既, 店外有張menu話晒你聽架~~朋友叫左(左面) 紅色暴雨 ''大辣'' $83-, 我就要左 (右面) 魚介豬骨湯 $78-兩碗除左湯底唔同之外, "紅色暴雨" 同我個碗比係多左辣芽菜~~~主要講番我點既魚介豬骨湯, 湯底方面, 看似好濃, 未加"魚粉"前, 我先嚐一啖豬骨湯~~ 很少很少的豬骨味, 完全無黏咀既骨膠原感覺~ 加左"魚粉"后, 味道沒有提升, 只係覺得個味精複雜左~ 有d拉麵會食到"簡"水味

跟台風總像有緣無份，多次經過都剛好不是營業時間又或者人龍超滿，時間流逝，總算找到機會光顧，一吃，就懂了，果然是了不起的小店！一進店，氣氛很好，細心講解，想減麵或會很親切地詢問要減多少，小店雖然非常小，座位不多，狹窄，高椅極不舒適，但清潔整齊，店內人員精神奕奕，元氣爆發，對客人的疑問無不耐心解答，氣氛一流，有少許深夜食堂的感覺，再加上店員專注煮麵的樣子，幾乎未吃已經分勝負。魚介豚骨湯拉麵來了，排得尚算講究，肉料麵量都很有份量，加上濃色湯底，加上香味，相當有好感，入口，麵質略粗，彈牙有勁，魚介豚骨湯底味道濃郁， 魚介鮮香和豚骨咸香味道互相輝映，很強烈很容易討好，根據店方提示吃的話，隨著魚介混合比例改變而改變的味道，增加層次感，解決了問題過烈而容易厭倦的問題。肉很多，味道不算濃，但質地很好，配合濃湯很好吃，半熟蛋亦有平均以上水準，整體水平很高，而且這碗78元不收加一的定價亦低於市價，店內氣氛，能大受好評，相當合理。

內裡座位不多，3:00-4:00pm下午茶時段都需要排一會兒隊。店員會很周到的送上有點檸檬味的水和放好椅子給客人在店外坐著等，也會送上選麵的紙給我們圈。店員很細心，因為我圈了走京蔥，她會問走京蔥的那一碗拉麵是哪位的，然後mark在紙上，好讓拉麵師傅把拉麵送到客人面前。裡面的椅子很有趣，高到腳離地的，需要店員幫手推近枱面。氣氛十分好，正宗的日本語此起彼落。紫菜上的是魚介粉，師傅建議先飲一口湯，再撥1/3魚介粉，再飲；然後才按自己口味放適量的魚介粉。湯底果真像這間店的卡片上寫的「濃而不膩」，不過我個人喜好還是喜歡稀一些、水一些的湯底，但這間的湯底亦非常不錯。這次圈了硬身的拉麵，口感非常好，很有咬口。份量亦很多，幸好沒有加大。（記得很多拉麵店的「普通」size也十分細，吃幾口就到底了。）叉燒比較瘦，故肉質亦不是軟稔，但也算juicy。木耳有點辣，不過只是一點。　整體上這間店的拉麵十分不錯，而且店員十分好客，值得一試！

i didn't expect a japanese ramen shop would be found in tsuen wan, a traditional residental area in hk, where local eatery was mostly found here.my friend who lives in tsuen wan suggested me to have a try, we queued for 20min, that my friend said was already quite fast , for it normally has a queue over 20 ppl.we tried the regular ramen with pork slices and egg, the noodle is chewy and the soup is very thick with a bit oil, it is absolutely the same as those i tried in tokyo years ago. The ramen

上次食完之後一直都想再試其他口味，今日一到就發現有新野- 沾麵。鋪頭如常12:00開，而我13:30就到。既然比我遇到每天限定三十碗的新品沾麵，沒有理由唔試呀！沾麵食法同港,式撈麵差不多，先把檸檬汁搾到麵條上，沾湯汁吃，吃完後再加湯。餐牌另一邊有清晰的中文指示，簡單又易明。這細心的表現，可能都是希望各位客人不要弄錯亂吃，枉費師傅心機及客人金錢。我上次食的是骨膠原撈麵，而今次的沾麵比上一次的骨膠原撈麵，麵質是更加彈牙而食材都是差不多，有些菜絲、肉粒、糖心蛋、紫菜及檸檬等等…由於沾麵的食法是冷麵放入濃濃的湯汁及醬油中食用，因此小麥味香的麵條入口會更加彈牙，口感一流。但可能湯汁及醬油都過濃，完全蓋過檸檬的香及酸。服務員的態度好好。服務員會給所有等候的客人一柸水而解淡淡夏日的陽光。等候沾麵的時候，服務員送上一條橡皮筋給我，讓我可選擇是否束起頭髮進食。而走的時候，服務員溫馨提醒客人可以留單，食滿3碗可以送糖心蛋一隻。

很強的魚介豚骨湯。濃而不膩有辣勁。麵條夠硬、配料不錯。值得專程前往。Very good quality Tonkotsu and Gyogai (marine products) ramen;Aromatic chili oil;Extremely good service. Highly motivated staff ;Highly recommended! Desert Storm:This famous ramen shop had been on my "to eat" list for ages. One day, after I finished working in Tsuen Wan, I decided to try this out, nothwithstanding the heat (30-31°C!)It was not too far away from Tsuen Wan MTR station and relatively easy to find.  The shop consisted essentially of a long corridor

呢晚收工, 同男友仔 2 個出荃灣, 因為要拎團購, 哈哈~拎完之後, 大家都肚仔餓, 所以就即刻行返轉頭去目的地: 台風!!!呢間初初開果時已經想試, 不過一直都夾唔到時間黎呢頭~今日終於都有機會啦, 呵呵~去到大約 7 點幾, 門口已經有人等緊…唯有乖乖去排隊嚕~店員照顧唔錯, 門口有膠櫈可以坐住等, 不過小心有蚊蚊, 因為花花草草就響隔離!!之後店員見你坐低, 就會送上一杯淡淡既檸檬水, 同埋一人一張 order 紙 + 一張拉麵介紹單張~選擇唔多, 只有 4 款:1 – 魚介豬骨湯拉麵2 – 豬軟骨(骨膠原)撈麵3 – 紅色暴雨拉麵4 – 伊台風今次因為選擇唔多, 所以好快就有咗定案!!男友仔: 魚介豬骨湯拉麵我自己: 紅色暴雨拉麵*同好多拉麵店一樣, 麵質、香油、香蔥、半熟蛋…etc, 都係自己響紙仔圈好***溫馨提示: 每款拉麵都已經有半隻溫泉蛋架啦~**之後, 店員會黎收紙仔, 仲會 mark 低果張紙仔係屬於邊位既, 以防上枱果時掉轉咗, 好細心呢~收咗紙仔之後, 又繼續……………………….等!!!還好, 再等咗一陣就入得去, 原來…………店仔真係細到呢……………………

     最近有住荃灣的朋友介紹台風拉麵店給我, 朋友一星期會去兩晚醫肚, 他還說有不少日本人都會去台風食拉麵, 我這個日本痴, 當然令我很好奇都想去試下.     這幾個星期都下著雨, 諗住一個下著雨的星期三晚上, 我跟友人共三人可以靜靜地品嚐拉麵, 誰知道我們6:45到台風拉麵店, 突然客人真係好似一陣台風一樣, 就全場坐滿. 我還未看清楚菜單內容, 其他客人已經order 好了, 他們一定是熟客仔. 先講講這間店的裝修, 墙壁上有不少手繪和風畫, 顏色鮮明, 圖案特別, 有別於一般裝修. 我覺得很有特色. 最搞笑就係連厠所都畫上一些圖案. 雖然畫功不算得上係上品, 但真係看得出係付出過不少心機.     我相信店內有二個以上店員是日本人, 因我們一步入店, 全店員工就用日語說歡迎你, 那種氣勢係要有幾個日本人才對. 全店都係bar櫈, 這張櫈都幾高, 坐上去都有少少難度, 後來才發現原來係可以調較低一點, 隔離那個女仔, 坐了上去, 好似升咗上天一樣, 超搞笑. 看看菜單, 其實只有5款麵, 魚介豬骨湯拉麵, 豬軟骨撈麵, 紅色暴雨拉麵, 伊台風(番茄芝士粉), 及 沾麵. 價錢

七月中來過，剛好遇着裝修，失望而回。今次再來，果然沒有讓我失望！一進去，店員已經熱情地招待，還貼心地幫我將手袋掛起來。不過椅子很高，對矮小的我來說，實在有技術上的困難-_- 店內只售四款拉麪，填order紙時還要按自己喜好，選拉麪的軟硬度、醫油多少、要不要放京蔥等。最後我選了骨膠原撈麪～～原本擔心沒有湯，拉麪會太乾身。不過混和了膠原球後，麪條濕度剛剛好。麪身較平時吃的粗和硬（因為我選了硬啦～），口感充足。配料中我特別喜歡糖心蛋，咬下去蛋黃會流出來的呀麪條和配料都很多，兩人分不夠，但一人吃又太多，吃不完，所以都幾抵食！不過肉不像麪條能吸收湯，所以有點乾。而且可能我把太多魚粉拌勻，吃到最尾有些鹹＞＜另外水加檸檬加得太多，令水酸過頭，弄得我不想喝呢！

呢間拉麵好唔好食呢?比上不足比下有餘囉．麵都掛湯、料都豐富、叉燒都大塊（不過得肉味，少肥肉，冇甘香，大得嚟都難受），但湯太”杰”，呢樣最唔得，”杰”得嚟唔覺濃郁，加左魚粉仲”杰”，好似九品芝麻官煲糖水，令人覺得好滯冇令人想翻啅既衝動

拉麵台風上星期休業一周，除內部進行工程外，拉麵師傅也研發新口味。今天重開第一天，特意到來嚐這個每天限定三十碗的新品沾麵。餐牌上原有的幾款魚介豚骨湯麵、骨膠原撈麵、紅色暴雨及伊台風同樣保留，另再加上限量供應的沾麵。而另有一份介紹沾麵食法的餐牌，把檸檬汁搾到麵條上，沾湯汁吃，吃完後再加湯，中文指示清晰簡單，目的當然希望食客們不要弄錯亂吃，枉費心機及金錢。由於沾麵送上時沒有浸泡在湯裡，所以我選擇普通硬度的麵條，而湯汁及醬油則選擇最濃。麵條，據聞是南天製麵貨色，入口夠彈，小麥味香，份量亦多，嚼勁質感真的不錯。湯汁沒預期的濃稠，豚骨味不明顯，但其招牌的魚介香氣十分亮麗突出。麵條掛上溫度剛好的沾汁，大啖大啖的吃頗痛快。叉燒是以豬肩位做的一厚一薄肥瘦組合，沒有以火炙燒焦，賣相來得粗獷，入口鬆化，討人喜愛。附上的半隻半熟玉子流心度足，唯咬下去質感欠軟滑，而筍條入口不爽脆，也是要改進的部份。吃過沾麵後加湯是常識，這裡的侍應看到客人快吃完麵會主動提醒加湯，比起九龍灣拉麵新開的大戰場，那班傻呼呼，連加湯是什麼一回事也不知道好得多。熱湯溫度合適，味道亦跟這裡熟悉的魚介豚骨湯麵一樣，是一種很有台風的味道，沒想太

一早約好朋友去荃灣食野，所以就上左openrice左睇右睇，之後比我發展左呢間拉麵台風！眼見佢有30個哈哈笑，又話係日本師父整既拉麵，真的無理由唔去試下！我去到餐廳都是18:45，但朋友遲到攪到19:35先入到去食，係等候期間服務員都好親切時不時問我和其他客人要不要水，而且介紹拉麵和解釋order程序都好清楚！每個客人都有一張order紙，而師父會因應個人要求煮比客人品嚐，感覺每一碗拉麵都是為每位客人度身訂造似的，未食就已經感覺餐廳老闆很窩心。 在我等候期間不斷見到有人等候，令我十分期待呢一餐！餐廳本身很少，坐的位置唔多幾有廿十張長椅子，但樓底都算高感覺都不大壓迫感，而且老闆想得周到，每個位都有一個小環掛上客人的個人財物，方法簡單又方便！洗手間簡潔而且細心，有handcream棉花棒等物品供人客使用。餐廳的菜單只有四種拉麵，而我同朋友都叫左骨膠原拉麵！ 初初覺得骨膠原拉麵沒有湯都差d，不過食左之後覺得無湯反而更加好，因為如果有湯，要食骨膠原咪要飲晒d湯囉，而且我更欣賞佢有檸檬，因為檸檬可以中和拉麵salty 和增加食肉，一碗拉麵真的好大碗，唔係個個都食得晒！骨膠原拉麵的拉麵彈牙又有口