御前大江戶日式料理 (已結業)

食厭了旺角的自助餐。朋友話呢間的魚生壽司唔錯。講了几次。今晚山長水遠都去試下。。超多客人。好在訂了檯。不用等。坐窗口位。環境不太迫。魚生壽司真心几好。還有少見的海膽。最靚係一大盆磯燒海鮮。有飽魚。生蠔。帶子。蟶子。毛蟹。很新鮮。但我只鐘意那2隻飽魚。外圍超多飲品。酒果汁汽水。雪糕甜品也很多款。我大胃王都食唔晒咁多。差在我中意的串燒牛舌又乾又硬。好在大腸就超級好食。點左8串。魚生朋友中意點2盆。壽司點30個。有蔥白色魚肉几特別。其他自助餐我未食過。清酒花螺好味。我掛住狂食沒影到相。埋單好像2人530多元。不太記得。下次會再來。食10串大腸。

一個月前約好既生日聚會，除左因爲有好多忙爆既朋友，聽閒御前多人到嘔，要一個月前book定。我地有十大兩細，俾左間房我地，坐落有鬆動，問我環境點？我梗係覺得好啦。魚生同一般放題差唔多，已經唔係特別優勝既地方。細細舊手卷，一啖食曬，唔錯。主角出場，海鮮拼盤自己燒，一人一舊，成為最能突圍而出既磯燒。味道就一般，有好有唔好。鮮甜好味：花甲，蠔麻麻地：大蝦，扇貝難食：蟹，鮑魚如果全部都好食，你話幾好。生日有野送，心思野做到足，最鍾意係微型壽司，超細，雖然食落冇乜味。綠色個舊甜品都very good, 壽星公專利🎊最後奉勸大家揀早段時間，我地食8:30pm，食到後期甜品都冇refill，所以早食有so。仲有要讚既地方係，小朋友夠1米先收費，夠曬大方👍🏻

今天有朋友從外地返來，所以決定晚飯去食放題，可以坐得耐又可以傾到計，觀塘現時有幾日式放題，雖然御前我都未食過，但我所知這間最受歡迎，估計walk in應該未必有位，所以立即打電話訂位。一入門口就見到有沙律，熟食枱，另外飲品櫃有好多款式飲品提供，而甜品種類就有雪榚，雪條，還有布甸和豆腐花。坐低就見到燒烤爐放正枱中間，然後侍應就話我地知用平板電腦落單，確係又方便又環保，同時話轉頭會先來海鮮拼盤。海鮮拼盤一份：有鮑魚、扇貝、大蝦、蠔和整隻蟹。如果你唔識燒，可以叫職員協助，唔駛怕燒燶。在等待燒海鮮的時間，就先來一個魚生拼盤，可以一路食一路燒，還有好多燒物，炸物，估唔到連泰式生蝦刺身都有，一樣好好味。仲有好多食物都未試，但已經實在太飽，應該好快要再來多一次先得，先能夠試埋其他。

無意中見到路邊 banner 有好吸引嘅刺身飯，一直想試大江戶嘅晚市放題，但原來lunch只有丼飯，見到當然要一試。原來海膽有大同細之分。 海膽控嘅我當然要大膽鬼 ，另外仲叫咗御前山盛。 店員拎御前山盛 嚟嘅時候，真係嚇一跳，冇諗過同相一樣豐富 ，有海膽，帶子，吞拿魚腩蓉， 墨魚三文魚仲有三文魚子。 山底下其實有卷物 墊住，一邊食一邊話好誇張咁大份量。另外係大膽鬼，滿滿嘅海膽， 份量多於一板海膽， 以呢個份量嚟計真係非常抵食。 之前試過別家的海膽丼飯 分量比這家少 都不止這個 價錢，這個午飯真是非常滿足

睇過openrice先黎食的， 仲要神早book定驚無位，主要係我想食燒蟹蓋同燒海鮮。蟹蓋好咸， 滿口超咸調味料味， 完全唔係真正蟹膏味， 一d都唔鮮甜， 敗筆！ 我仲要係為了呢樣野而黎， 好後悔其他海鮮其實都ok既， 燒蠔正正常常， 鮑魚燒左好耐先熟， 一初覺得好難拿掐d野要燒幾耐。扇貝同粟米都幾好， 其他就一般啦。燒蝦唔錯刺生麻麻地， 多數都唔夠鮮味， 同樣價錢我覺得可以有更好既選擇。煮蜆幾好wor, 咁煮法好得意點知燒大蜆仲正， 呢款叫左3次燒墨丸都係我既至愛。其他熟食麻麻地， 不吃也罷。 雪櫃都幾多飲品揀。 總括黎講， 我下次會幫趁其他放題。

等友人放工後食8點9嗰輪，早半個鐘排定隊會企得舒服啲，3人被安排坐卡位，一坐底已經好餓，叫左一輪野食後，個海鮮盤就到左，之後開始燒啦。雖然有睇教學，但睇完都唔識點燒，無侍應幫我地燒，但就好有心機幫隔離枱燒，服務唔夠周到，問一問都想發脾氣咁，燒得耐發現原來咩都加清酒就可以。除海鮮外，刺身都好正，特別係燒鰻魚一定要試。其他熟食都唔差，由於大家食得好急，影唔切所以唔記得叫過咩，食到尾燒左個菠蘿都唔錯，最後以牛肉鍋作結，但係個湯超甜，浪費左啲菜。然後甜品拎左雪條，不過太硬又太甜。

雖然我經常食日式放題，但今次真係我第一次食磯燒放題，因為我覺得冇可能任食海鮮咁著數，而且有追開我嘅食評就知，有一次我去咗一間任食兩小時原價$3XX嘅日式燒烤放題，結果唔夠時間燒，食唔飽，真係一肚火，為咗唔想再一次食到一肚氣或者失望，所以遲遲都唔試兩小時嘅磯燒放題。今次終於踏出第一步啦……$288再加一，盛惠$317一位。先唻一個一次性送嘅海鮮併盤，由廚師淚定送邊五種海鮮，除咗蟹係兩個人一隻之外，其他都係一人一件，每日不同款式，全部都好鮮甜同大隻，仲有專人幫你燒呢一個併盤，超級窩心，感到自己好似食緊高級鐵板燒有專人喺你面前煮，相信點都燒得好過我我己燒，萬一燒燶咗，係冇得再叫。特別係隻蠔，燒完都脹卜卜，見到都覺得興奮。鮑魚燒得剛剛好，好稔，鮮甜虎蝦同翡翠螺都好爽口鮮甜蟹膏好甜濃味，正真係有幾款海鮮係任食，有馬刀貝，蕃薯貝，沙白蜆，八爪魚，海蝦，帆立貝，我最鐘意食馬刀貝，超大隻，又甜，我一個人都食咗五隻刺身合格，新鮮，但款式唔多壽司外型好靚好吸引又係用高質食材其他燒物都熱辣辣，食物個心係有煙出，絕對係即燒即上菜，唔係番叮，最喜出望外係，因為冇人等位，埋咗單都俾我哋坐多接近兩小時傾計，仲可以任

觀塘工業區，lunch時間人山人海，搵食艱難。同事好鍾意嚟呢度食魚生飯，因為份量超級大，而且座位多，唔駛等位，可以舒舒服服食。魚生飯選擇都幾多，如果咁都揀唔啱，都仲有自選組合，梗有一款啱心水。我今次就叫咗個【溫泉蛋火炙丼$88】。跟餐送一客麵豉湯，加$4就有飲品。一上枱果然大份，可以用巨型嚟形容。面頭鋪滿火炙三文魚同火炙蟹柳，仲有三文魚籽。最頂就係溫泉蛋。下面係一堆飯，最底就仲有啲玉子同青瓜。三文魚比較薄，不過蟹柳就大大條，而且唧咗啲沙律醬喺上面，再加上少少火炙出嚟嘅香味，食落好滋味。可能今日狀態差啲，最後我食唔晒碗飯，有啲浪費⋯⋯雖然個飯一流但服務就真係差。餐廳係用夾單形式準備食物，我雖然早早落單但等咗差不多半個鐘先有得食，呢個都算，但追單嗰陣店員只係悔氣咁講「等吓先啦」，語氣仲衰過某澳洲茶餐廳。我唔係要你say sorry，只係有返少少禮貌或笑容都好丫，我係嚟食飯唔係嚟受氣囉。

慶祝朋友生日,既想食魚生,又想食海鮮,就挑選這一間。地點又方便,一出港鐵站行幾分鐘就到。幸好之前已經訂座,因為去到原來真的好爆。有一個自助吧,各式各樣的醬汁,也有甜品,小食,飲料等。仲有雪糕,雪條,款式眾多,反而令我不知食什麼好。之後就叫了刺身,仲切得好厚身,也不會漏俾,當中的帶子味道很鮮甜。而魚生也沒有腥臭味,食下去也會感受到新鮮感。也叫了海鮮來燒烤。而且生日仲有一個生日拼盤,生日氣氛更提升不少,很貼心的服務。生日拼盤也擺設得很美觀。

當天打電話預約都要成9點半，如果想約早d 就要提前。提早咗去到，可以等該時段入座後有位置可以提前入座。最後係9點前就可以入座。地方其實都算大，落單係用平板落，甘就唔使下下都叫服務員落單，可以節省時間。上菜速度都算快，可惜兩個人嘅臺太細，一下子點咗嘅野上黎都冇地方放。店鋪除咗係日式自助餐之外，增加咗海鮮燒烤，雖然海鮮選擇不算多，但貝類方面都唔錯，夠大隻。燒起身都算快。兩個人起送一份指定海鮮，日式選擇方面選擇都唔算太多，但基本上都夠，刺身每塊都係厚切，口感夠足。炸物都唔錯，飲料係自己攞，選擇都幾多。仲有幾款啤酒揀，雪糕就係雀巢，冇哈根達斯，有點失望。不過整體性價比都唔錯，如果鐘意海鮮同刺身嘅話就啱曬，可以同時有兩種選擇，聯繫多幾個人一齊去會仲好。

朋友生日，約了食放題。因為星期日，所以約了很早，5點半已經很多人排隊入去。食物質素比想像中的好，而服務也不錯，店員很勤力收已用的碟。一開始上了一盤海鮮，有5人份量的蝦，蠔，鮑魚及帶子，另有2個蟹蓋。蝦燒完鮮橙色，美美的，味道也不錯。燒菠蘿是我的最愛，甜甜的，很多汁。燒鮑魚還是第一次，比較難燒，但是很美味。魚生不是特別多人喜歡，所以只是點了少許，還是喜歡熟食多一點。和朋友邊吃邊聊天，時間過得特別快。又一個愉快的星期天。

餐廳位於觀塘道亞太中心8樓，地點方便，地方寛敞。午餐都係幾十蚊到百幾蚊不等，免收服務費。朋友叫左 滿瀉角切魚生丼$78 – 大大碗珍珠飯，上面鋪左好多唔同種類嘅魚生，真係多到滿瀉。仲要加左好多三文魚籽同埋一隻蝦刺生喺頂，好吸引!影相呃like都好正。我自己就叫左甲羅之特選御膳$138 – 原份木板上枱，擺碟精美，好大份呀! 三文魚刺身係厚切，好好食。三文魚籽加海膽。蝦刺身新鮮大隻，仲有刺身多過壽司飯嘅軍艦壽司。蟹蓋入面有飯、蟹籽同蟹棒，都幾飽肚。成餐坐得幾舒服，服務唔錯。午餐份量幾足，算係抵食，最正係唔駛等位，喺緊張嘅午飯時間係一大好處，下次會再嚟!

亞太中心有3至4間差不多款嘅日本料理，而呢間係我覺得最好味，感覺係食物最新鮮嘅。(1) 超大燒鰻魚定食鰻魚燒得相當不錯，鰻魚size超大份，覺得好好食。(2) 大蝦雜錦刺身飯定食賣相好靚，刺身感覺好新鮮，刺身飯底有蛋粒及青瓜粒，不是整碗都是飯，食落感覺相當好。(3) 蟹子三文魚刺身飯定食三文魚刺身新鮮，而且有好多好多蟹子拌著，我勁like呢個拌蟹子。(4) 一人海鮮迷理火鍋火鍋我自己就麻麻地好，但同事表示不錯，因為湯好鮮甜，她們可以連湯都飲埋。

首先看一看餐牌，Ok Woo,幾多選擇，便入可自選我地叫去兩個丼，有面屎湯送，味道行野重點1:蟹腳加三文魚同象拔丰丼，有d細碗，女性Okok新鮮隻腳都多肉。都鮮味......重點2:登登登，細膽鬼出來，好鮮好ju牙一夾唔散，可惜d飯只是剛剛夠，本身想叫大膽鬼，但醒起上年有次放題海膽唔得，所以叫細膽算，$108，大膽$158環境舒服冇乜人 scan 枱上Qr code 關注有東西送，可揀𧐢，但點知like完話只送晚市，送了牛奶iceream204$ Ok la ,下次叫大膽

今晚約在幾個同學回校攞證書，大家都好開心早前一齊讀的蛋糕課程共十堂終於完成，我哋幾個都pass咗就約埋返去攞順便食餐好，有個同學提議去御前話食過好多次非常唔錯，咁大家就去試，是實上都幾多嘢食，同自己燒，燒的種類都算多同魚生都幾新鮮，隨韓燒外我都係第一次食放題自己燒，但大家都食唔多，好多嘢都無試，價錢都一般連加一$317食二個鐘，隨咗燒嘢有熱盤，飲品，甜品，雪糕任食，一坐底就先黎一個海鮮什綿送的，如果想enco 就另計，有飽魚，大蝦，帶子每人一只，如果想食蝦可以點但就唔係大蝦，喺普通size 都好新鮮，因我哋只有三個人而且都食得少，同學就推介咗蟹粥同牛奶喎，咁呢二個都幾好，而我最喜歡就係壽司，細細粒可以食多幾款，下次一定叫埋家人再試一次