御前大江戶日式料理 (已結業)

剛開業時食兩次食都OK的，但琴晚食完全唔掂。1.海鮮盤轉咗做已經預先煮熟嘅毛蟹（好細隻同完全沒有蟹味），再唔係蟹蓋甲羅燒。2.冇咗大隻聖子和鮑魚，得返一隻大蝦和生蠔，仲有一隻扇貝。3.冇咗羊架，得返燒鰻魚但係有骨唔好食。芝士焗蠔嗰啲都冇咗，簡直係可以話係冇啖好食。任食的海鮮方面就沒有改變，保持到質素。 ——————————————————————————————

今次就同朋友去觀塘呢間放題尋食先，未夠鐘入場已經排晒隊，但呢間冇乜地方排隊，排到大堂冇位，但又冇人控制人流不停俾人由地面搭電梯上來，變左上到來冇位出電梯排隊到左時間開始入坐，大家都不停入單，睇食物單張超多選擇，我哋叫左燒蝦、炸蠔、焗蠔、雞軟骨、牛舌、泰式生蝦刺身、牡丹蝦、鮑魚和好多魚生刺身拼盤，而呢度唔係用一包包wasabi，而係用新鮮山葵，自己磨，好食好過，好fresh辣好多魚生刺身拼盤，好新鮮，件件都好厚，啖啖肉好甘甜雞軟骨，彈牙爽脆炸蠔，熱辣辣，外脆內嫩牡丹蝦，大隻鮮甜味美，鮑魚，爽囗彈牙泰式生蝦刺身，酸酸尾尾，蝦肉彈牙燒牛舌，幾有牛味，肉腍嫩滑焗蠔，芝士味剛剛好，蠔肉嫩燒蝦，唔會燒得太乾身，肉好彈蟹粥，好鮮甜好棉壽司，大細適中，唔太差其實還有好多食物，因爭取時間進食，沒有影相，還有好多飲品和甜品選擇呢餐2佰幾蚊，食到噤多好嘢，真超值

今晚轉戰觀塘，因為朋友介紹磯燒海鮮放題。本來放題對我來說沒有太大吸引力，因為每次吃完都會內疚，點解要食咁飽呢？燒海鮮放題我未試過，仲有燒飽魚，就試一試。未到9:00，很多人排隊，坐位不算太大，加上每檯一燒爐，要小心不要燒著自己頭髮。主角到，不禁嘩一聲，龍蝦size 都不少，還有鮑魚，蝦🦐生猛，腿還在動，元貝，生蠔，已經按捺不住馬上開爐！飽魚很鮮，燒的時候還在蠕動，入口不會太韌，肉質鮮甜，好味，可惜一人得一隻，再點要加錢。龍蝦大隻彈牙，差不多燒好，店員會再用火槍燒一燒，確保已經煮熟。帶子、新蠔都非常新鮮，唔會有怪味。兩個人食完一盤海鮮，其實已經飽了大半，我再點了一些刺身，同埋清酒煮蜆。清酒煮蜆好讚，清甜酒香，蜆無沙，亦唔係細細隻的。刺身大約有10款，回本要吃多一點赤貝，又爽又甜。飲品選擇很多，5個大雪櫃，我就揀解茶，無咁肥嘛 甜品有蛋糕或雪糕，任食無限制的，我就寧願食水果幫忙消化一下。

喺香港食日本放題已經係一件平常事，新鮮刺身已經唔算係一個賣點！ 今次要介紹呢間"御前大江戶日式料理"除咗可以任食刺身之外仲可以任食磯燒海鮮！好似去咗日本咁^^海蝦上枱嘅時候仲係紮紮跳非常生猛真係一個驚喜,除咗可以任叫部分海鮮之餘餐廳仲會送一份龍蝦海鮮拼盤~裏面有生蠔/鮑魚/大元貝/ 波士頓龍蝦實在係勁抵食！而落order都方便咗好多 每張枱都會有一部平板電腦去落單.唔洗吓吓舉高隻手話晒我都好鬼怕醜。俾人見到我一晚舉幾廿次手都幾尷尬...燒完嘢食就叫返啲飽肚嘅嘢例如係海膽三文魚子手捲芝士龍蝦伊麵都係必食嘅。係啖啖肉㗎~

今日又同一大班friend出嚟食放題， 食放題食到悶悶哋，想試新嘢 ，呢間餐廳有埋磯燒，所以一於試下佢先！ 蟶子 好鮮味 ， 都幾大隻 ，可惜我哋好似有少少燒過龍，所以“un" 咗啲 ，嘥咗 。所以大家要燒嘅話，小心掌握火候同埋時間，千祈唔好煮得過熟。鮑魚都算大隻 ，好正，好爽口 ，唔夠喉帶子 夠大隻，可惜冇乜鮮味 ，啖啖肉 ，但係唔夠鮮味就爭好遠 ，寧願食多隻鮑魚。食 磯燒海鮮 都食到有啲飽飽哋 ，所以食刺身嘅時候就冇咁雀躍 ，刺身質素還可以， 冇乜驚喜 ，但亦都唔差 。總括嚟講值得一試 ，會再encore！

之前經過諗住食點知唔訂位係一定唔會食到，今次就一早訂左位所以終於一試，首先唔好講好唔好食住，淨係用電子I pad點餐已經值得加分，之前去開果D用紙仔劃完野等樓面黎收張野有時都等得幾火下，同埋用電子點餐有樣好處，就係唔洗等埋D朋友想食咩先落order，你點左一樣就已經可以落單跟住先再點其他，上菜速度超快，我一落完單5分鐘唔洗就上左幾碟野黎，刺身我劃每樣十件真係比足十件，唔會比少你，刺身非常新鮮，仲有一碟海鮮送黎比你燒烤，但我覺得燒烤爐太阻位，因枱面不大，同埋燒烤要燒得比較耐，但放題黎講刺身咁身鮮已經值得再黎。推介

首先環境真係唔錯，個裝修係幾靚，坐位都坐得舒服。食物既款式較少，但甜品款式多，而且都幾好食。但唯獨係服務態度有待改善，真心差，未見過好聲好氣同佢講野但甘串既餐廳。

琴日 lunch time 就去左御前大江戶食!!之前有係過呢間餐廳食生日飯，咁岩經過就去試下佢既 lunch。Lunch 可以揀食set / 放題，但由於唔係太肚餓既關係，我地就揀左食set。我地叫左一個帶子三文魚親子爆丼，骰仔牛魔王爆丼。帶子三文魚親子爆丼:因為唔食魚子既我，走左魚子🙊賣相靚之餘，味道都好好!!骰仔牛魔王爆丼: 牛肉超 juicy，價錢合理

聽聞e間野book個位都已經難到爆，一個星期前已經要book定，好浮誇，不過經過今日食完，真係覺得必食😋😋😋早一個星期plan定完全唔過份。咁我就book左8點45果個時段，一book完就已經有WhatsApp比我，比d片我教我燒海鮮，非常貼心😀去到排隊啦就係咁架啦，一條走廊仔已經迫爆哂人，不過其實間間放題都係咁，好合理食果到呢，一黎會比個磽燒set你先，有鮑魚架，又有蠔之後想再點海鮮都冇問題，不過有d野食就要再加錢咁點餐喇，哇，不得不說點餐用pad黎點真係十萬級方便刺身又夠新鮮wa，d海鮮又夠新鮮磽燒果d得閒重有職員會黎幫手燒，真係好好服務唯一差小小小小小小係佢隻蟹，一般般啫，其他野都十萬級好食

放題－漸漸成為香港人生活既一部份。隨住放題餐廳數目越來越多, 質素都變得越來越低且越來越貴。「香港人貪新鮮」是一貫外人對我地既睇法。實情係因為啲餐廳水準下滑和不斷加價, 差不多價錢, 倒不如博一博。飲品種類較多較齊全。罕有地出現雀巢@牛奶公司甜筒、雪榚杯及大腳板雪條。炸雞翼比預期好食, 雞皮非常脆身, 肉質嫩滑多汁。另一推介係甜蝦和帶子刺身, 非常新鮮。海鮮質素, 以放題級數黎講算唔錯, 如果可以提供煮法和煮食時間會更好。兩位食客共分一隻毛蟹, 毛蟹本身已者熟, 稍為加熱即可食用。

友人大推呢間磯燒，等齊人食20:30嗰輪，等到又攰又餓。事前專登睇定啲片教點燒，點知實戰都係搞唔掂。啲侍應枱枱都幫手燒，淨係唔理我地嗰枱，要狂叫佢地黎先幫下燒。燒鮑魚真係好正，仲有啲咩貝咩貝都好鮮甜。反而個重頭戲蟹膏燒到過左龍，唔好食。除左磯燒，其他野食都好好味。牛舌、榴連炸彈、泰式生蝦同火灸左口魚壽司等。野飲方面都好出色，我同友人狂encore支裝解茶，真係幫到解膩。美中不足係冇哂melona蜜瓜味，焗住食士多啤梨味，好甜，食左一半放棄。

御前大江戶，上年已經聽過佢個名，有親友食過話好食，上openrise係咁易望過吓啲食評讚嘅居多，於是約埋屋企人離依度食團家飯。3/2星期六Book左5:45，5:30已經到達，首先要講講，依度樓下明明有個時租停車場，一問之下（御前）冇提供免費泊車優惠，管理員話有部分食市有提供（聽講要食市主動幫停車場買票），所以唔知係咪成本原因（御前）唔提供免付泊車，依度已經要扣多少分。 一上到去環境幾靚，好有日本風格，因為未夠鐘，所以全家人企哂喺門口等，男侍應幫我地核對資料，幫小孩度高，全程好有禮貌，其中一個小孩剛好90cm邊緣，亦都唔收佢錢，夠鐘即入...地方寬躺，座位與座位之間距離寬闊，坐得相當舒服。一坐低經理好快就送上海鮮，當日嘅海鮮有鮑魚，凡立貝，鮮蝦及唔知乜蟹，講真海鮮無鮮味，加上本人一向唔好燒海鮮，不要要贏吓經理全程幫燒，服務的確唔錯，點野食用平板電腦，唔會有漏單情況，不過最狠問題係食物質素，先講講個自助區，只得要兩款熱食，冷盤亦小而且唔好食，飲品款式亦少，只有普通放題的基本罐裝飲品，沒有清酒，最大問題係竟然冇h同m牌兩大名牌雪糕，只有牛奶公司同一啲平價雪條，其他甜品cake一般，到刺身，

一大班人去慶祝生日想搵地方可以坐耐Ｄ慢慢食而食物又唔太差既所以就預先打去book左呢間,而且仲有生日優惠,人頭每人一隻牡丹蝦而且好搞笑地仲有一個特別生日籃子,內裏既綠茶和果子好好味呀！講番食物,Ｄ炸雞好熱好脆,Ｄ雞翼大大隻！Ｄ蝦,鮑魚,帶子都大大隻又新鮮！侍應仲會教我地點燒,燒到岩岩好就食得,正！唯獨係隻蟹唔太夠新鮮,Ｄ肉有Ｄ削同太細隻,無咩可食另外壽司同手卷都不錯,有不少種類選擇,起碼基本上Ｄ飯不會散開,Ｄ料都OK最後,刺生都很不錯呀,夠大份同算新鮮又不會有雪藏味

一行六人去食嘢時間兩小時朋友介紹話依間放題好好味的確首個海鮮盤燒烤係好正海鮮盤都好新鮮每隻海鮮都大大隻我哋初時食都好興奮頭一個階段值得讚之後就係傳統嘅日式放題好多食物都一般不過不失，蟹粥比較好味飲品款式都好多反而其他小食嘅賣相同甜品嘅賣相就一般般都冇咩去食食物出得比較慢有啲甚至叫侍應call廚房出食物所以大家都有啲炆憎同埋我諗啲侍應都好鬼忙好多都冇咩表情一夠鐘都叫你走真係食得唔係好盡興我下次都唔會過嚟再食

其實較早前，應該係2個月前去左御前食放題，本來都唔抱有咩期望嘅，但最後覺得唔錯吖，唔通呢啲叫做冇期望所以冇失望（笑）觀塘呢個地點好方便，近apm嘅，上到去地方都大，坐得算舒服吖，佢分2個時段嘅，我就食第2時段啦！我地2個人食，先黎呢盤海鮮， 大大隻竹節蝦，鮑魚 帶子、蟹蓋等等， 全部都算幾新鮮呀。呢一盤就一定會畀你嘅，唔洗自己order都一定自動奉上，真係好大隻蝦啊！不過帶子有啲唔新鮮~☆其他海鮮可以自己order，每次唔好叫太多，唔夠先再叫，唔好做大嘥鬼吖嘛，講真，任食黎講佢啲海鮮算係咁啦，唔好要求太多，合格有凸的。我覺得佢啲貝類好新鮮喎，嗱嗱嗱。。我呢晚食新鮮咋，唔代表咩㗎。。。除左燒海鮮外，仲可以order熟食、sushi、sashimi嘅，但sashimi種類少啲，就算我order左少少黎試，最後佢都冇上俾我，唔知咩事~推介芝士年糕 & 一口海膽手卷，其實我去攞飲品時見到milk soda好開心，因為我未飲過，好似超市冇見過喎 xdd頭先果個海鮮盤咪有蟹蓋嘅，燒下搞下就食得啦，蟹膏算多而且冇乜腥，我接受到，鮮味呢家野我就唔敢太肯定。。因為鮮同腥其實有一線之差（笑）其實我唔係影好