御前大江戶日式料理 (已結業)

這店雖然主打是放題，但我一般來吃的卻是它的午餐，因為份量真的是非常的驚人，而且價錢很平民！午餐時段有不同的丼飯選擇，每一個都是重量級，別說女生，連男生都未必吃得完呢！滿瀉角切魚生丼，這個是這麼多個丼之內份量是最少的呢，上面插著一隻大大的甜蝦，肉質爽口而且很鮮甜，品質不錯。下面是不同刺身的角切，有三文魚、吞拿魚、油甘魚等，堆滿了整個飯，基本上每一口飯配一大口刺身也是可以分配得足夠，飯底還有玉子、青瓜，刺身味道算是不錯，雖然不是很頂級的食材，但是也算是沒有筋跟新鮮，午餐吃這個絕對是大滿足！

幾年前曾光顧御前大江戶一次食物質素挺好～～這次為慶祝節日，而再度光顧最大的變化是由畫紙仔落單變成用平板點菜～方便環保之餘..又能檢查有否漏單！而且今次還多了磯燒海鮮的部份愈來愈多的日式放題店有蒸鍋或磯燒海鮮來增添噱頭今次嘗過御前大江戶..就覺得海鮮質素比之前光顧的都優勝許多！！先有一木桶份量的海鮮，按人頭來配給數量這也是質素最好的海鮮，就只此一round啊！有珍寶蠔﹑扇貝﹑大虎蝦﹑鮑魚及毛蟹大虎蝦的肉質爽口彈牙！扇貝肉厚又嫩滑鮮甜～鮑魚新鮮爽脆～～珍寶蠔更是新鮮原隻上，燒前才撬開蠔殼毛蟹是細隻的，沒什麼肉，但蟹膏豐腴甘香！加上磯燒的焦香！正！！店員見我們不太懂何時要加上稀釋清酒更出手相助我們燒鮑魚！服務不錯～～～其後可任點追加其他海鮮我們就點了刀貝﹑黃金貝﹑帆立貝和海蝦等刀貝最為鮮甜，所以追加了不下一次！刺身質素也沒有退步！款款都夠新鮮！赤貝爽口帶甜三文魚﹑油甘魚﹑劍魚都是厚切！油甘魚帶甘香，而劍魚清甜！正！！壽司和軍艦的款式選擇都多醋飯酸度適中，飯質結實不鬆散！海膽手卷的海膽份量與手卷size合比例海膽味算濃～紫菜夠脆不會稔！此店營運數年，質素不退反進絕對值得再encore！！！

本來一班人開開心心約埋一齊食放題，諗住去返之前食過嘅御前·大江戶。上次食完覺得好抵食，8點15分前埋單$228加埋1約$250一個人，今次再encore，點知今次被騙了。一坐低就有個服務員擺低盤海鮮，我地話我地唔食磯燒，淨食放題。點知個服務員話係免費，我地咪照食囉！點知7點半攞張單嚟先發現每人收費$348。之後，搵經理傾就話假期前夕，收費係$308。

在3月29號星期四幫襯觀塘御前大江戶8:15前時段放題 到收錢時忽然宣稱因為今日係假期前 要收星期五價錢而非傳單上所寫的價錢 即時嬲到無胃口 用咗一個鐘頭同佢坳傳單收費明明係228冇理由無端端收貴我哋要收308 經理話「你哋食咗就要俾錢」經理承認可能系服務員出錯 但堅持要收星期五價錢並且囂張地說「咁你報警啦」 整體來說食物質素一般 串燒偏鹹 刺身尚算新鮮 磯燒嬲到心機食 收＄308 +1 絕對唔值 估唔到今時今日仲有啲咁劏客嘅鋪頭其實啲嘢好唔好食質素還在其次最重要係心情 你咁樣夾硬嚟 比龍肉我食都都唔好食呀唔知道OpenRice會唔會因為商業原因唔俾呢段post出呢

其實呢間食咗好多次...但係一直唔想寫食評....因為好怕多人知咗會令我無位食或者會加好多價...但係咁好食又咁抵食，又好想同人share吓。呢間夜晚食放題出名就係人都知，但係其實佢嘅午巿都超級無敵正！今次食咗甲羅之特選御膳。甲羅即係蟹～個set非常豐富，有好多嘢食～～～蟹肉蟹籽炒飯、海膽三文魚籽飯、海膽三文魚籽生蠔、玉子燒、吞拿魚蓉卷、三文魚腩、大赤蝦、帶子...寫都寫到手軟，最重要係每樣都好新鮮，好好味。而且種類咁多，滿足感好大。女仔基本上係食唔哂個餐。但係價錢非常超值，$138仲要免加一跟麵豉湯，抵到離哂譜！其實其他set都好抵好好食，例如鰻魚飯，基本上我每星期都去呢間食一次

見到social media website介紹呢間日本放題餐廳有得加＄8任食生蠔，我同朋友梗係過嚟試吓好唔好味啦一上到8樓就發現全層都係呢一間御前料理屋，大間之餘裝修都好有心思同特色，淨睇相嘅話我都以為自己去咗日本當啲刺身送到黎嗰時我都嚇親，啲鮑魚同帶子生蠔超級大隻侍應好貼心咁幫我地燒呢啲食物，所以我哋就可以出去攞嘢飲同埋甜品，唔使自己嘥時間喺度燒啦呢間日本料理嘅壽司款式又多例如連焦糖芝士三文魚壽司都有當然唔少得任食生蠔啦！呢度嘅生蠔既款式都多，例如有得配上檸檬汁、番茄醬、Kimchi醬、泰國辣醬等等包保我哋唔會食得厭呢度當然唔會只係得雀巢雪糕杯啦朱古力雪糕雪條、甜筒、糯米糍，應有盡有總括而言呢間放題餐廳物超所值

呢間餐廳向來都好出名日式放題，除咗多選擇之外，最特別嘅就係有好多唔同海鮮畀我哋燒烤。好彩我哋預先book咗位，如果唔係一定大排長龍 。一入到去間餐廳就已經聞到陣陣嘅燒烤香味， 間餐廳的服務好好，我哋雖然係兩個人，但係佢畀咗四人枱我哋。我哋今次叫咗好多嘢食，刺身已經有好多唔同款式，鮮蝦都好鮮甜。而壽司我反而覺得最值得讚賞，有好多唔同材料嘅配搭，例如柚子配鮮蝦 ，黑松露配帶子， 鰻魚配玉子等等，全部都好高水準好好味。全晚嘅精華就喺燒烤嗰度 ，放題會贈送每人一隻鮑魚，一隻蠔，一隻聖子， 同埋一隻大扇貝。 仲有兩個人可以有一隻蟹添! 我最欣賞嘅就係鮑魚， 未食已經見到隻鮑魚好大隻 ，同埋啲工作人員有教我哋點樣燒鮑魚最好味，喺燒嘅過程之中我哋仲加咗少少清酒同牛油 ，燒到啱啱熟透食落去啖啖鮮味， 真係大滿足! 除此之外，我哋仲可以任叫蝦 ，蜆，青口等等嘅嘢食黎燒。我哋之後叫嘅嘢食都多到數唔曬，包括有免治雞肉串，牛舌， 鰻魚全串等等 。我哋仲叫咗個三文魚湯同埋海膽撈蛋飯添!海膽撈蛋飯真係好美味，當中仲有啲魷魚喺裏，幾有有口感，而呢個湯底非常之香。飲品同甜品好多選擇， 飲品我仲揀咗最鍾意嘅蜜瓜梳打添!

每年媽咪生日都選擇食放題, 勝在一個價錢可以享受多款美食, 而且保證食得飽, 同媽咪係一年內食放題食到數之不盡, 而令佢最印象深刻就係上年去過觀塘呢間御前大江戶食放題, 一來地點近地鐵站, 而且三百幾蚊仲可以食到海鮮爐端燒+任飲任食日式放題, 絕對合哂心意!放題入座時間比起上年有所不同, 不會只分兩個時段, 入座起計2.5小時, 時間更易安排。當晚為假日8點左右, 餐廳內幾乎座無虛席, 每張檯均有一個爐仔for爐端燒, order以平板電腦落單, 既環保又方便快捷, 另設有自取食物區, 供沙律、少量熟食, 有幾個合併的大雪櫃放了很多飲品, 罐裝、紙包裝, 就連啤酒都可以免費任飲!甜品方面除了一些小甜點, 還有多款雪糕雪條呢~餐廳先按人數獲分一次性的海鮮爐端燒,拼盤, 包括有大大隻虎蝦、鮑魚、大扇貝、日本毛蟹、生蠔, 單看這個拼盤感覺上都值回票價!虎蝦肉質爽口鮮甜, 不是死蝦質素; 鮑魚係燒既過程中初初仲郁下郁下, 很生猛! 當然更是鮮甜無比! 至於日本毛蟹, 燒後完全不知該從何入手, 幸好有店員主動為我地解剖, 毛蟹既肉一梳梳, 夠哂鮮味!正當意為爐端燒就此完結, 發現有些海鮮可以無限

Happy Friday 想食餐好，同同事去左 one pacific 既御前大江戶食刺身飯。要食呢間野，首要條件係你既 lunch time 要有好長時間。首先，因為全橦都係食店，所以要响佢樓下排隊等 lift, 果條人龍足足有五、六十人。佢 lift 都不少，好似有成六部，但都要排成十分鐘先上到去。上到去，人唔算多，七成滿左右，枱夠大夠舒服。一望個餐牌，已經揀好要食滿瀉角切魚生丼，$78 咋！諗都唔使諗，即刻落單。等食期間有個麵豉湯飲下，吹下水不經不覺都二十分鐘了，D野食影都冇。但是見其他枱的烏冬呀、火鍋呀都不斷有得食的，唯獨魚生飯就冇出過。揾個侍應追左幾單，佢都hea hea 地，看似廚房問題，佢都無能為力。如是者，半個鐘了，幾乎全場都追緊滿瀉角切魚生丼，終於見到有幾個滿瀉角切一齊出。上枱之際，果然好有霸氣。碗仔细細又堆滿魚生，影相係好 good 。 但食起上來邊食邊跌都幾麻煩，呢D藝術品都係食一次半次算了。份量好多，魚生種類亦多，好明顯係新鮮切出來，而且唔係用D魚生邊角位，$78 係堅抵食。快快食完埋單，又係一陣㩒 lift 遊戲，等左成十架lift 先走到，真係揾食艱難，唉.

每日返工食lunch都總係食附近既快餐或茶餐廳，食到悶哂今日老闆唔係公司，可以行遠少少搵好野食啦之前食過呢間既放題，質素唔錯的，今日就食下個lunch先原來呢度既午餐選擇有咁多，好多都好想食，又想食魚生飯，又想食鰻魚飯諗左好一陣子，終於有決定了自選爆丼櫻花魚鬆+北寄貝+大赤蝦+三文魚櫻花魚鬆係丼飯既味道，淨係食個飯都好唔錯，好香三文魚好有脂肪，但又唔會好膩，食落好滑仲有，大赤蝦好肥美呀啖啖肉唔好睇個碗咁細呀，啲飯裝得滿滿的

講起食放題, 多數人會擔心「刺身新唔新鮮架？」、「會唔會好貴架？」作為識飲識食嘅你地, 當然識揀啦。宜家一次過介紹俾你「晚市$288」、「刺身放題+DIY燒海鮮」。仲洗乜揀呀！店內非常寬敞。當天排隊人數雖多, 但短短10分鐘已安排入座。店內掛滿江戶手繪燈籠佈置。先來一客虎蝦刺身, 配搭泰式酸辣汁, 非常開胃。必食度⭐⭐⭐⭐今晚主角－巨型刺身拼盤。少有劍魚腩、帶子、油金魚無一欠奉。(不論第一輪、第二輪、第N輪都依然保持新, 非其他同級放題能比較。) 必食度⭐⭐⭐⭐⭐海膽手卷, 味道鮮甜。食到咁上下, 揀返罐野飲先。選擇困難症人士請小心。磯燒青口。青口鮮甜、經過燒煮令內在汁多味濃。必食之選。必食度⭐⭐⭐⭐蒲燒鰻魚串。魚肉肥厚, 滲入鰻魚汁燒至乾身, 非常惹味。必食度⭐⭐⭐⭐⭐另一主角－燒海鮮拼盤。生蠔、鮑魚、扇貝、蟹、蟶子。當然係相機食先！必食度⭐⭐⭐⭐溫馨提示: 座位上附有食譜, 對於廚藝新手而游刃有餘。反其道而行, 大腳板、牛奶樂、甜筒......兒時愛好比大牌子更討人歡心！必食度⭐⭐⭐⭐

同老公係附近釣完蝦。就搵下睇下附近有冇放題食。我地2個都好耐冇食過放題勒！上網搵一搵就搵到尼到..好彩即book都仲有位..我地黎到時都仲有好多人！一黎到尼到就送左個海鮮盤比我地..好大隻毛蟹同埋蠔。仲有帶子同埋鮑魚之後就狂點刺身食..仲點左d串物黎食下..尼到同平時放題吾同既。就係點黎既野自己燒！不過燒海鮮果陣都有人黎幫我地整..好搞笑總計黎講係吾錯嫁👍🏻👍🏻自己燒幾好玩下次有機會會再黎過尼到！

前幾日藉住慶祝QT以及細佬生日加埋爸媽嘅結婚紀念日，QT嘅妹妹同佢男朋友為大家安排了食日式磯燒放題。來到久仰大名嘅「御前大江戶」，聽聞好抵食又好新鮮，所以一家人黎到都超開心。訂左位，尾段時間$288 一位，雖然訂左位但因為實在太多人幫襯😂簡直逼爆個等位處，多人到沙甸魚甘～ 而且門口帶位得一人，安排上有點亂同慢。終於等左15分鐘可以坐低喇😊枱與枱之間唔會過逼，位置都夠闊。好快侍應就送上一盤以人頭計嘅磯燒海鮮盤，依個海鮮盤內有嘅海鮮唔係放題計，內有超大就蝦、鮑魚、大扇貝、日本毛蟹等等～依一盤係贈品只會上一次，想再食食幾野正野就要額外收費，當然佢地都有非額外收費嘅海鮮啦，兩樣都同樣新鮮黎到仲音生猛郁郁！我想講鮑魚好食！燒耐左都唔會un~而且都唔細雙有一半手心大少少！最反而係大虎蝦！大隻到大過QT個頭！毛蟹呢虎賣相好好睇但原來依種蟹冇乜肉食😂 海鮮上QT一家都encore 左好幾轉！回晒本呀～ 其實每人加$8仲可以任食特色風味生蠔，不過QT一家就只叫左一轉就冇再點😂因爲賣相怪怪，但都係新鮮嘅～ 熟食上質素都高CP值，選擇都豐富！當中QT覺得蟹粥同燒牛舌都正正子！飲品甜點都好多野簡呢！不足之處

為了彌補老公🍋在白色情人節上的失望，這晚就由我來接他下班🖥再帶他去食大餐🍣！一早訂好了位置，早了點上去，已經看到了長長的人龍了😱，店員都忙著輪流領我們到位置上💦。2100了🕘，店內還是有滿滿的食客😋。雪櫃內有很多不同款式的飲品🥤，啤酒🍻也有，甜品🍨也有。除了餐單上的，店內還提供了自助的食品🍣。每位都會有的海鮮盆🦐，有鮑魚、蟶子、生蠔等，用作磯燒煮食🔥，加上早準備好了的清酒🍶、海鹽的，鮮甜的海鮮只要經過輕輕一燒，已經鮮味十足👍🏻。刺身🐟方面亦不失色，種類很多，亦很新鮮😍。店內更提供大量不同的食品🍡，有燒的🔥，有熟食🍲，有炸物🍤。總知：每人$300左右💵，已經能享盡刺食🐟、壽司🍣、磯燒🔥等，絕對是物超所值👍🏻！

「午餐吃什麼？」是我和同事每天一大早上的難題，經常討論完一輪亦未有決定，偶然間看到這間日式餐廳的單張，有份量多得嚇人的刺身魚生飯，而且價錢合理，今日決定試試他們的午餐～• 自選爆丼 本想試試大膽鬼/細膽鬼，但都沒有了，又沒有特別想吃的配搭，所以就自選了牛油果飯+大赤蝦+北海道帶子+海膽 ($106)刺身的新鮮度算還可以，牛油果飯亦和普通壽司飯分別不太，吃下去沒有牛油果味，但看到快滿瀉的刺身真的很治癒，所以這餐廳亦變成星期五team lunch的飯堂之一。