御前大江戶日式料理 (已結業)

等友人放工後食8點9嗰輪，早半個鐘排定隊會企得舒服啲，3人被安排坐卡位，一坐底已經好餓，叫左一輪野食後，個海鮮盤就到左，之後開始燒啦。雖然有睇教學，但睇完都唔識點燒，無侍應幫我地燒，但就好有心機幫隔離枱燒，服務唔夠周到，問一問都想發脾氣咁，燒得耐發現原來咩都加清酒就可以。除海鮮外，刺身都好正，特別係燒鰻魚一定要試。其他熟食都唔差，由於大家食得好急，影唔切所以唔記得叫過咩，食到尾燒左個菠蘿都唔錯，最後以牛肉鍋作結，但係個湯超甜，浪費左啲菜。然後甜品拎左雪條，不過太硬又太甜。